Ejai 15
15
Takel Bɨraɓe dɔ Moabiagt
(Jer 48)
1Takel Bɨraɓe dɔ Moabiagt laten:
Kam ndɔt kɨ kɨɗa
Ar Moab tel gootɓe,
nuj kam ndɔt kɨ kɨɗa
Kir Moab nuj.
2Deg kɨ Dibon awɨn kuj yot
kɨdɔ doorlogt kɨta nõ.
Moabiag ndɨ nõn
kɨta ɓe kɨ Nebo, kɨ ɓe kɨ Medeba.
Ngɨsen dɔ dekɨɗen,
kɨ mbaita dekɨɗen tɔ.
3Dɔ ɗobt deg lan kub kamkil rodt,
kɨ log tube deg ndɨ nõn
dɔ kujgt kɨ natlogt lod.
4Ngéndɨ ɓebo Hesbon
kɨ ɓebo Eleale kon,
ad oon dɔ ndɨd mbã kɨ ɓebo Jahat,
Kɨtɔ 'nten ngéɗɔɔg lo Moab kon,
na ndild tee saw.
5M'tõ ɗusɨɗusɨ kammt kɨta Moab;
ngékãi ta ɗɔɔt
ãin mbã kɨ ɓebo Soart,
mbã kɨ lo kɨ Eglat Selisia.
Unɨn ɗob kaw ɓebo Luhit
kɨ ndo kɨ hɔ.
Ndɨ kon nujkɔ
dɔ ɗob kaw ɓebo Horonaim.
6Kɨtɔ man kɨ Nimrim tel lo kamkɔl,
mũ tut, mũ kɨ ɓa kij ndulo,
nya mad kɨmbool goto.
7Kɨtɔ 'nten ɔin nyangahg lod
kɨ nyag lod kɨ ngomɨn,
awɨn ne sãi gid man kag ndẽgt.
8Kɨtɔ ko gug dɔ dɔning Moab,
wi kɨ kud aw mbã kɨ ɓebo Eglaimt,
aw mbã kɨ Beer Elimt.
9Man kɨ Dibon
ɗoosɨ kɨ mosɨ,
na m'a m'la nya kɨ to
dɔ Dibont ɓaitɔ,
ad i tubo kɨ
a so dɔ ndeg Moabiagt
kɨ ãin na, kɨ kɨdɔ ndegagt
kɨ nãin dɔningt'n non.
Currently Selected:
Ejai 15: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
