Ejai 10
10
Wong lo Bɨraɓe kɨdɔ Israelgt
1Beto lo ngénda mber kɨgoɗobat al,
kɨ ngéndang maktub
mberkɨndag kɨgoot al,
2kɨta mbetɨn gangta lo de
kɨdangtg goɗobat,
kɨta taan nya lo ngéndog
ku degt lom,
tirɨn nyag
lo ngéngawkoig,
taan nyag lo ngan halg
kɨ lo ngetɔgt.
3A i ɗan ɗi ndɔ gangtat,
lon nélndii a ɓai ko sãi a?
A awɨn ro nõt kad
i ngahn ngeɗasesɨ a?
A i ɓon nyangah losɨ ɗah a?
4Nya mad kɨ a i ɗan goto,
na a i ɗugɨn ber nat
kɨ ĩgɨn hɔnd dangait,
na tuson ku ngékoit
be kaa wong lo Bɨraɓe duba al,
na jia ɗa kɨ dõ ɓaitɔ.
Bɨraɓe a nda ɔj Israelag kɨ ji Asiriag
5Ɓebo lo Ngar kɨ Asiri,
i gɔlkɔp wong lom.
Kag kɨ jiat
i wong lom kɨtɔlsɔkɨr.
6M'a m'laa kad
ɗɔɔ kɨ girrdeg,
kɨ ngéɗa nya
kɨgo lo Luwaht al.
M'a m'ndaa mber
kad ɗɔɔ kɨ deg'n
wong lom i dɔdt,
kad tɨr nyag lod pur,
kad ɓad kɨber mbujmbuj
tit bɔrr kɨdɔ ɗobt be.
7Na nda kamɨnt titbe al,
gah dɔt al tɔ.
Tagaha i nuj nya,
nuj girrdeg
kɨ dang dang ngãibe kɔ.
8Kɨtɔ el an:
Kɨbog lom tube
ĩn ngarg ale?
9Ɓebo Kalno i
tit ɓebo Karkemis ale?
Ke Hamat
i tit ɓebo Arpad,
ke Samari
i tit Damasɨ ale?
10Ĩ la jia taa kõɓe lo yog,
kɨ ɓakumta nyag lod kɨtɔsɨ
tɔin ngé kɨ Jerusalem
kɨ ngé kɨ Samari,
11M'a m'ɗa titbe kɨ Jerusalem
kɨ yog loa al e?
M'a m'ɗa titbe
kɨ Samari
kɨ yog loa ale?
12Na lon Bɨraɓe
a tɔlkon kɨla lon
tube dɔ mbalbot kɨ Siõ
kɨ Jerusalem ye,
a nda ngar kɨ Asiri
kɨta dɔngang loa,
kɨ burokɨga loa,
kɨ taa kɨ ɓa kɨ dõ.
13Kɨtɔ el an:
Kɨtakul tɔg jim la
m'ɗan ye,
kɨtakul terr lom
kɨta mĩ ngegoosɨ,
m'tuj kɨ ɗobning
lo girrdeg kɨ dang dang,
m'tir nyamajg lod pur,
Tit gõɗɔɔ, m'tɔsɨ ngarg ngéndɨ
dɔ pong kõɓegt m'tɨlad
14Jim hɔ nyamajg lo deg
tit hɔ kuj yel.
Tit nde a ɔin kaw kɨ nya kɔ,
m'a m'kaw ngéndɨ
dɔningt kɨtaagbe kɨnat,
na de kɨɗa kɨ a yee bɔgɨn,
ke tee tan kon goto.
15Kɨnga a gaburo
dɔ det'n gan nya a?
Si a tɔi ron kɨ dõ dɔ
det'n a jan nya a?
Tit gɔlkɔp
a yeen ngekunɨn,
tit kag a ɔd ron ji
det'n ɗa una be a?
16Kɨtɔ 'nten Bɨraɓe,
Bɨraɓe Ngetɔg tube
a la nyem ku deg kɨ mongt.
Girr kunjat kɨɗangeɗeng
nya mad ndu õ
tit horr õn be.
17Kunj Israel a tel horr
na Ngekunjɗang loa
a tel horr kɨ a õ nyag,
a õ kong,
kɨ ngarg mugɨj ndɔ kɨɗabe.
18Bɨraɓe a tuj maj
lo kagg loa kɨ kam kút
kɨ ndɔɔ kɨ tee kɨ nya ngãi,
ro kɨ dãro tu.
A i tit ngeroto kɨ roa lo haw.
19Ndeg kagg loa
kɨ kam kút a i tẽbe,
ad ngon kɨdu kaa,
asɨ da kɔrd tube.
Ta lo ndeg Israelag kɨ nãin
20Ndɔt'n non ndeg Israelag kɨ ngékɨɓe lo Jakob kɨ nãin kɨ dɔd dõ ye, a ndɨnan rod kad ngendadt gog al ta, na a ndɨnan rod kad Bɨraɓet, kad ngékunjɗangt kɨ Israel. 21Ndegag kɨ nãin a telɨn kɨ ro Luwaht kɨ Ngetɔg. 22Israel, ke deg loi in tit ngar kɨ bahbokat't, ndegag koon la a telɨn ye. Nujkɔ i kɨnda mbera kete woi, a da deg ɗa denesew lo Luwah. 23Kɨtɔ nujkɔ kɨ nda mbera kete woi, Bɨraɓe, Luwah Ngetɔg tube a tɔl kõna kam dɔningt kɨtaagbe. 24Kɨtɔ 'nten kel Bɨraɓe, Luwah Ngetɔg tube: A, Deg lom ngéndɨ Siõ, ot ɓoolɨn Asiriag lon ndasɨn kɨ gɔlkɔp, na unɨn kag kɨdɔsɨt tit'n Ejiptiag ɗan ne maɗi. 25Kɨtɔ nãi kaglo tẽ ɓaitɔ, wong lom kɨtɔlsɔkɨr dɔit a tɨga, na wong lom a tel kɨdɔdt, a nujd kɔ. 26Bɨraɓe Ngekoosɨg a ɓai kɨ ndeh kad ndadɨn tit'n nda'n Madiãg mbal Orebt be, na a un gɔlkɔp lon kɨdɔ bahbot, tit'n ɗan dɔning Ejipt. 27Ndɔt'n non a unɨn nyato loa kɨkɔi bɔgsɨt kɔ, na jug loa kɨ kɔsɨt a tet kɔ.
Ngéɗɔɔg kɨ Asiri ndɨ ɗen
28Ngar kɨ Asiri tee Ajat,
tɔi Migron, ndah nyag lon Mikmas.
29Ngéɗɔɔg loa gangɨn mbɨna mbalbog,
ton Geba ndɔ.
Deg kɨ Ramat ndadɨn.
Deg kɨ Gibea lo Sawul ãina.
30Kon kɨ ndid kɨbo,
ɓebo Galim. In ngéndɨ Lais,
oon dɔ.
31Ɓebo losɨ in deg kɨ Anatot,
ngé kɨ Madmena ãina.
Ngéndɨ Gebim sun lui.
32Na ndɔt'n non dɨban Nob,
Lan jid ndoorɨn ne mbalbo,
lo ngon kɨdẽ kɨ Siõ, doorlo kɨ Jerusalem.
33Oon Bɨraɓe Luwah,
Luwah Ngetɔg tube a ga
dɔj kagg gang kɨ lo ngetɔgt,
kag kɨngalg a gangd kɔ,
kɨ tɔi kɨ dõ a tetd kɨber.
34A gang lo kɨnder
kɨ kam kut kɨ kɨnga,
na dɔning Libã a so girr ji ngetɔgt.
Currently Selected:
Ejai 10: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 10
10
Wong lo Bɨraɓe kɨdɔ Israelgt
1Beto lo ngénda mber kɨgoɗobat al,
kɨ ngéndang maktub
mberkɨndag kɨgoot al,
2kɨta mbetɨn gangta lo de
kɨdangtg goɗobat,
kɨta taan nya lo ngéndog
ku degt lom,
tirɨn nyag
lo ngéngawkoig,
taan nyag lo ngan halg
kɨ lo ngetɔgt.
3A i ɗan ɗi ndɔ gangtat,
lon nélndii a ɓai ko sãi a?
A awɨn ro nõt kad
i ngahn ngeɗasesɨ a?
A i ɓon nyangah losɨ ɗah a?
4Nya mad kɨ a i ɗan goto,
na a i ɗugɨn ber nat
kɨ ĩgɨn hɔnd dangait,
na tuson ku ngékoit
be kaa wong lo Bɨraɓe duba al,
na jia ɗa kɨ dõ ɓaitɔ.
Bɨraɓe a nda ɔj Israelag kɨ ji Asiriag
5Ɓebo lo Ngar kɨ Asiri,
i gɔlkɔp wong lom.
Kag kɨ jiat
i wong lom kɨtɔlsɔkɨr.
6M'a m'laa kad
ɗɔɔ kɨ girrdeg,
kɨ ngéɗa nya
kɨgo lo Luwaht al.
M'a m'ndaa mber
kad ɗɔɔ kɨ deg'n
wong lom i dɔdt,
kad tɨr nyag lod pur,
kad ɓad kɨber mbujmbuj
tit bɔrr kɨdɔ ɗobt be.
7Na nda kamɨnt titbe al,
gah dɔt al tɔ.
Tagaha i nuj nya,
nuj girrdeg
kɨ dang dang ngãibe kɔ.
8Kɨtɔ el an:
Kɨbog lom tube
ĩn ngarg ale?
9Ɓebo Kalno i
tit ɓebo Karkemis ale?
Ke Hamat
i tit ɓebo Arpad,
ke Samari
i tit Damasɨ ale?
10Ĩ la jia taa kõɓe lo yog,
kɨ ɓakumta nyag lod kɨtɔsɨ
tɔin ngé kɨ Jerusalem
kɨ ngé kɨ Samari,
11M'a m'ɗa titbe kɨ Jerusalem
kɨ yog loa al e?
M'a m'ɗa titbe
kɨ Samari
kɨ yog loa ale?
12Na lon Bɨraɓe
a tɔlkon kɨla lon
tube dɔ mbalbot kɨ Siõ
kɨ Jerusalem ye,
a nda ngar kɨ Asiri
kɨta dɔngang loa,
kɨ burokɨga loa,
kɨ taa kɨ ɓa kɨ dõ.
13Kɨtɔ el an:
Kɨtakul tɔg jim la
m'ɗan ye,
kɨtakul terr lom
kɨta mĩ ngegoosɨ,
m'tuj kɨ ɗobning
lo girrdeg kɨ dang dang,
m'tir nyamajg lod pur,
Tit gõɗɔɔ, m'tɔsɨ ngarg ngéndɨ
dɔ pong kõɓegt m'tɨlad
14Jim hɔ nyamajg lo deg
tit hɔ kuj yel.
Tit nde a ɔin kaw kɨ nya kɔ,
m'a m'kaw ngéndɨ
dɔningt kɨtaagbe kɨnat,
na de kɨɗa kɨ a yee bɔgɨn,
ke tee tan kon goto.
15Kɨnga a gaburo
dɔ det'n gan nya a?
Si a tɔi ron kɨ dõ dɔ
det'n a jan nya a?
Tit gɔlkɔp
a yeen ngekunɨn,
tit kag a ɔd ron ji
det'n ɗa una be a?
16Kɨtɔ 'nten Bɨraɓe,
Bɨraɓe Ngetɔg tube
a la nyem ku deg kɨ mongt.
Girr kunjat kɨɗangeɗeng
nya mad ndu õ
tit horr õn be.
17Kunj Israel a tel horr
na Ngekunjɗang loa
a tel horr kɨ a õ nyag,
a õ kong,
kɨ ngarg mugɨj ndɔ kɨɗabe.
18Bɨraɓe a tuj maj
lo kagg loa kɨ kam kút
kɨ ndɔɔ kɨ tee kɨ nya ngãi,
ro kɨ dãro tu.
A i tit ngeroto kɨ roa lo haw.
19Ndeg kagg loa
kɨ kam kút a i tẽbe,
ad ngon kɨdu kaa,
asɨ da kɔrd tube.
Ta lo ndeg Israelag kɨ nãin
20Ndɔt'n non ndeg Israelag kɨ ngékɨɓe lo Jakob kɨ nãin kɨ dɔd dõ ye, a ndɨnan rod kad ngendadt gog al ta, na a ndɨnan rod kad Bɨraɓet, kad ngékunjɗangt kɨ Israel. 21Ndegag kɨ nãin a telɨn kɨ ro Luwaht kɨ Ngetɔg. 22Israel, ke deg loi in tit ngar kɨ bahbokat't, ndegag koon la a telɨn ye. Nujkɔ i kɨnda mbera kete woi, a da deg ɗa denesew lo Luwah. 23Kɨtɔ nujkɔ kɨ nda mbera kete woi, Bɨraɓe, Luwah Ngetɔg tube a tɔl kõna kam dɔningt kɨtaagbe. 24Kɨtɔ 'nten kel Bɨraɓe, Luwah Ngetɔg tube: A, Deg lom ngéndɨ Siõ, ot ɓoolɨn Asiriag lon ndasɨn kɨ gɔlkɔp, na unɨn kag kɨdɔsɨt tit'n Ejiptiag ɗan ne maɗi. 25Kɨtɔ nãi kaglo tẽ ɓaitɔ, wong lom kɨtɔlsɔkɨr dɔit a tɨga, na wong lom a tel kɨdɔdt, a nujd kɔ. 26Bɨraɓe Ngekoosɨg a ɓai kɨ ndeh kad ndadɨn tit'n nda'n Madiãg mbal Orebt be, na a un gɔlkɔp lon kɨdɔ bahbot, tit'n ɗan dɔning Ejipt. 27Ndɔt'n non a unɨn nyato loa kɨkɔi bɔgsɨt kɔ, na jug loa kɨ kɔsɨt a tet kɔ.
Ngéɗɔɔg kɨ Asiri ndɨ ɗen
28Ngar kɨ Asiri tee Ajat,
tɔi Migron, ndah nyag lon Mikmas.
29Ngéɗɔɔg loa gangɨn mbɨna mbalbog,
ton Geba ndɔ.
Deg kɨ Ramat ndadɨn.
Deg kɨ Gibea lo Sawul ãina.
30Kon kɨ ndid kɨbo,
ɓebo Galim. In ngéndɨ Lais,
oon dɔ.
31Ɓebo losɨ in deg kɨ Anatot,
ngé kɨ Madmena ãina.
Ngéndɨ Gebim sun lui.
32Na ndɔt'n non dɨban Nob,
Lan jid ndoorɨn ne mbalbo,
lo ngon kɨdẽ kɨ Siõ, doorlo kɨ Jerusalem.
33Oon Bɨraɓe Luwah,
Luwah Ngetɔg tube a ga
dɔj kagg gang kɨ lo ngetɔgt,
kag kɨngalg a gangd kɔ,
kɨ tɔi kɨ dõ a tetd kɨber.
34A gang lo kɨnder
kɨ kam kut kɨ kɨnga,
na dɔning Libã a so girr ji ngetɔgt.
Mbai Bible Revision © Bible Society of Chad, 2015.