Ejai 1
1
Bɨraɓe kun Ejai
1Nyakookamndilt lo Ejai ngon Amots ĩn oo dɔ Judat kɨ ɓebo Jerusalem. Kaglot lo Ojias kɨ Jotam kɨ Akaj kɨ Ejekias, ngarg kɨ Juda.
2Dɔrã, oo dɔ.
Dɔning, i nel mbii.
Kɨta Bɨraɓe elta an:
M'to ngang mad tɔgɨn,
na taamɨn ɗɔɔ.
3Bɔw mang ger ngeen,
korro tɔ ger sund sanya
lon ro ngeent.
Na Israel gerɨn al,
deg lom gerɨn nya al.
4Aa. Girrdeg kɨ ngéɗamajal
kɨ ngeɗagootal kɨngãi,
koh deg kɨ ngéɗamajal,
ngan ngétujnya,
nyan Bɨraɓe kɔ,
Kidɨn Ngekunjɗang lo Israel,
tɔrrɨn rod, telɨn kɨgog.
5I ndigɨn kad ndasɨn gog ɓaitɔ,
kɨta taaɗɔ losɨ kɨdɔtdɔt a?
Dɔ kɨtaagbe i mõi,
ngarkam kɨtaagbe i kɨ koi siw.
6Mbagɨra danjaat mbã kɨ dɔt,
nya mad kɨ to soot goto.
Dog, kɨ dò nda mbukɨmbukɨ,
kɨ dobaig kɨ tee ɓi,
kɨ tad to tag kɨkanj dɔ,
urrɨn yibt al tɔ.
7Dɔning losɨ i gootɓe,
ɓebog losɨ tɔ horr õ.
Mbahg taan dɔning losɨ nõsɨt,
i ɓe losɨ i tit nya'n
mbahg nujɨn nẽ.
8Ɓebo Siõ ndɨ tit
kujkam ndɔɔ nduut,
tit kujkam i ndɔɔ kosɨt,
tit ɓebo kɨ ngéɗɔɔg gugɨn dɔa.
9Kanj Bɨraɓe Ngekoosɨg'n
nya ndeg deg sĩ adj al a ne,
ni j'a jĩ tit Sodom,
kɨ Gomor be tɔ.
Luwah kun deg kɨ Juda kɨ tɔrrɨn ndid
10In ngarg kɨ Sodom,
oon dɔ ta lo Bɨraɓe.
In deg kɨ Gomor,
i nelɨn mbisɨ kɨdɔ tat lo Luwah loj:
11Kadkari losɨ kɨngãi ye,
m'a m'ɗan ɗi a? Kel Bɨraɓe.
Kamm ndan kɨ kadkari
bal batg losɨ kɨlahorrt kɨɗaibe,
kɨ mbool ngan mangg
kɨ to mbulmbul.
M'a m'ɗa ronel dɔ mosɨ
bɔw manggt al,
ke mosɨ ngan batg,
ke mosɨ bal bĩãg.
12Lon i ɗan nomt ye,
nõ ndɨjesɨ kad
i ɓan natlo lom kɨ njasɨ a?
13Ot ɗen kɨ kadkari
pãbe kɨndang,
mbikam losɨ kɨkootmbĩ
i nya kɨyerr romt.
Kij nah kɨ ndɔ taakò,
kɨ kun deg kɨ lo kawnat:
m'asɨ kad m'ndɨ dɔ ɗagootal
kɨ kawna dɔ ɗa naht al.
14M'mbet kij nahg losɨ,
kɨ ɗa nahg losɨ kɨ gangɨn ndɔd.
In nya kɨ kɔi dɔmt,
m'ɔrr rɔkɨ dɔ todt.
15Lon i lan jisɨ kɨ dõ
i kɔmɨn ne nya a ne,
m'a m'ut takum'm dɔsɨt.
Ke neni i kɔn
kɨ njanatnat kaa,
m'a m'oo dɔ al,
jisɨ ɗoosɨ kɨ mosɨ.
16I ndoogɨn man,
arɨn rosɨ.
Ɔrrɨn kɨlaɗasɨ kɨmajal
takum'mt kɔ.
I nyan ta ɗamajal.
17I ndoon ɗa maj.
I sahn go ɗa denesew.
Ɔgɨn dɔ nyaɗa
kɨ lo ngetɔgt.
I gangɨn ta lo ngon hal
ad i goɗobat.
I gangɨn ta lo ngengawkoi
ad i goɗobat.
18I ɗen, kel Bɨraɓe,
ad kɨ majna ta.
Ke majalg losɨ tit'n
kɨ nya kɨkɨre kaa ne,
a telɨn kɨnda ngũng
tit bul be;
ke majalg losɨ
i kɨkɨre pirɨr kaa,
a telɨn kɨnda
tit bĩ bat kɨ nda be.
19Ĩla i ndigɨn,
na i telɨn rosɨ goot a ne,
a i san kand kɨmaj
kɨ dɔningt'n ɗan:
20Ĩla i mbetɨn,
na i taan ɗɔɔ a ne,
a tɔlsɨn kɨ kiyaɗɔɔ,
kɨta ta Bɨraɓe elta.
Bɨraɓe a gangta dɔ ɓebo Siõt kamla a badɔa
21Titbãi ɓebo kɨro
tel kaya dekɨdẽ a?
In maɗi ɗoosɨ
kɨ nyaɗa kɨgoɗobat.
Maɗi nyaɗa kɨdenesew
i kamat,
na tajigla ngétɔldeg
la ndɨnt.
22Arjã loi tel kĩ nar,
kasɨnduu loi tɔ
burɨna kɨ man.
23Ngarg loi
in ngétaaɗɔɔ,
ĩn madna kɨ ngéɓoogg,
dekɨɗen ndɨg kadkari,
na ãin ngɔd go nyabajit.
Gangɨn ta lo ngon hal
ad i goɗobat al,
takɨgang lo ngengawkoi
tee rodt al tɔ.
24Kɨtɔ 'nten,
Bɨraɓe Ngekoosɨg,
Bɨraɓe Ngetɔg lo Israel, an:
Aa. M'a m'tɔl kon wong lom
dɔ ngéndoorɨmt,
m'a m'nda ngɨra
dɔ madngétaamt.
25M'am la jim kɨdɔit
m'ndoorɨn,
m'a m'teli kɨ kart kɨ kat,
majalg loi a telɨn man,
m'tari dɔ majalg loi tube
na m'a m'ɔrr yɨrog loi
tube kɔ.
26M'a mad ngéngangtag loi
gangɨn ta goɗobat
tit kɨkete,
na ngékɔjtag loi
a ĩn tit kɨmaɗi.
Goot gog a kunɨn
ɓebo kɨdenesew,
ɓebo kɨro.
27A ban dɔ ɓebo Siõ
kɨta nyaɗa kɨgoɗobat;
na ĩgɨn telɨn kɨromt tɔ,
a ban dɔd kɨtakul
nyaɗa kɨdenesew.
28Na ngétaɗɔɔ
kɨ ngéɗamajal a nujɨnd,
na ĩgɨn tɔrrɨn rod kɔ
ro Bɨraɓet ye,
a goton tɔ ho.
29Rosɔl a ɗasɨ dɔ
kag dil yogt losɨ'n
i tarɨna ngãi,
na a i ɗan rosɔl
kɨta ndɔg losɨ.
30Kɨtɔ a in tit kag dil
kɨ mbia ndulo,
ke ndɔɔ kɨ man gotot.
31Dekɨngang a i tit mũ be,
na kɨlaɗaa tit ndõ horr be,
horr a õd tujoo,
de kɨ asɨ tɔl horra goto.
Currently Selected:
Ejai 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 1
1
Bɨraɓe kun Ejai
1Nyakookamndilt lo Ejai ngon Amots ĩn oo dɔ Judat kɨ ɓebo Jerusalem. Kaglot lo Ojias kɨ Jotam kɨ Akaj kɨ Ejekias, ngarg kɨ Juda.
2Dɔrã, oo dɔ.
Dɔning, i nel mbii.
Kɨta Bɨraɓe elta an:
M'to ngang mad tɔgɨn,
na taamɨn ɗɔɔ.
3Bɔw mang ger ngeen,
korro tɔ ger sund sanya
lon ro ngeent.
Na Israel gerɨn al,
deg lom gerɨn nya al.
4Aa. Girrdeg kɨ ngéɗamajal
kɨ ngeɗagootal kɨngãi,
koh deg kɨ ngéɗamajal,
ngan ngétujnya,
nyan Bɨraɓe kɔ,
Kidɨn Ngekunjɗang lo Israel,
tɔrrɨn rod, telɨn kɨgog.
5I ndigɨn kad ndasɨn gog ɓaitɔ,
kɨta taaɗɔ losɨ kɨdɔtdɔt a?
Dɔ kɨtaagbe i mõi,
ngarkam kɨtaagbe i kɨ koi siw.
6Mbagɨra danjaat mbã kɨ dɔt,
nya mad kɨ to soot goto.
Dog, kɨ dò nda mbukɨmbukɨ,
kɨ dobaig kɨ tee ɓi,
kɨ tad to tag kɨkanj dɔ,
urrɨn yibt al tɔ.
7Dɔning losɨ i gootɓe,
ɓebog losɨ tɔ horr õ.
Mbahg taan dɔning losɨ nõsɨt,
i ɓe losɨ i tit nya'n
mbahg nujɨn nẽ.
8Ɓebo Siõ ndɨ tit
kujkam ndɔɔ nduut,
tit kujkam i ndɔɔ kosɨt,
tit ɓebo kɨ ngéɗɔɔg gugɨn dɔa.
9Kanj Bɨraɓe Ngekoosɨg'n
nya ndeg deg sĩ adj al a ne,
ni j'a jĩ tit Sodom,
kɨ Gomor be tɔ.
Luwah kun deg kɨ Juda kɨ tɔrrɨn ndid
10In ngarg kɨ Sodom,
oon dɔ ta lo Bɨraɓe.
In deg kɨ Gomor,
i nelɨn mbisɨ kɨdɔ tat lo Luwah loj:
11Kadkari losɨ kɨngãi ye,
m'a m'ɗan ɗi a? Kel Bɨraɓe.
Kamm ndan kɨ kadkari
bal batg losɨ kɨlahorrt kɨɗaibe,
kɨ mbool ngan mangg
kɨ to mbulmbul.
M'a m'ɗa ronel dɔ mosɨ
bɔw manggt al,
ke mosɨ ngan batg,
ke mosɨ bal bĩãg.
12Lon i ɗan nomt ye,
nõ ndɨjesɨ kad
i ɓan natlo lom kɨ njasɨ a?
13Ot ɗen kɨ kadkari
pãbe kɨndang,
mbikam losɨ kɨkootmbĩ
i nya kɨyerr romt.
Kij nah kɨ ndɔ taakò,
kɨ kun deg kɨ lo kawnat:
m'asɨ kad m'ndɨ dɔ ɗagootal
kɨ kawna dɔ ɗa naht al.
14M'mbet kij nahg losɨ,
kɨ ɗa nahg losɨ kɨ gangɨn ndɔd.
In nya kɨ kɔi dɔmt,
m'ɔrr rɔkɨ dɔ todt.
15Lon i lan jisɨ kɨ dõ
i kɔmɨn ne nya a ne,
m'a m'ut takum'm dɔsɨt.
Ke neni i kɔn
kɨ njanatnat kaa,
m'a m'oo dɔ al,
jisɨ ɗoosɨ kɨ mosɨ.
16I ndoogɨn man,
arɨn rosɨ.
Ɔrrɨn kɨlaɗasɨ kɨmajal
takum'mt kɔ.
I nyan ta ɗamajal.
17I ndoon ɗa maj.
I sahn go ɗa denesew.
Ɔgɨn dɔ nyaɗa
kɨ lo ngetɔgt.
I gangɨn ta lo ngon hal
ad i goɗobat.
I gangɨn ta lo ngengawkoi
ad i goɗobat.
18I ɗen, kel Bɨraɓe,
ad kɨ majna ta.
Ke majalg losɨ tit'n
kɨ nya kɨkɨre kaa ne,
a telɨn kɨnda ngũng
tit bul be;
ke majalg losɨ
i kɨkɨre pirɨr kaa,
a telɨn kɨnda
tit bĩ bat kɨ nda be.
19Ĩla i ndigɨn,
na i telɨn rosɨ goot a ne,
a i san kand kɨmaj
kɨ dɔningt'n ɗan:
20Ĩla i mbetɨn,
na i taan ɗɔɔ a ne,
a tɔlsɨn kɨ kiyaɗɔɔ,
kɨta ta Bɨraɓe elta.
Bɨraɓe a gangta dɔ ɓebo Siõt kamla a badɔa
21Titbãi ɓebo kɨro
tel kaya dekɨdẽ a?
In maɗi ɗoosɨ
kɨ nyaɗa kɨgoɗobat.
Maɗi nyaɗa kɨdenesew
i kamat,
na tajigla ngétɔldeg
la ndɨnt.
22Arjã loi tel kĩ nar,
kasɨnduu loi tɔ
burɨna kɨ man.
23Ngarg loi
in ngétaaɗɔɔ,
ĩn madna kɨ ngéɓoogg,
dekɨɗen ndɨg kadkari,
na ãin ngɔd go nyabajit.
Gangɨn ta lo ngon hal
ad i goɗobat al,
takɨgang lo ngengawkoi
tee rodt al tɔ.
24Kɨtɔ 'nten,
Bɨraɓe Ngekoosɨg,
Bɨraɓe Ngetɔg lo Israel, an:
Aa. M'a m'tɔl kon wong lom
dɔ ngéndoorɨmt,
m'a m'nda ngɨra
dɔ madngétaamt.
25M'am la jim kɨdɔit
m'ndoorɨn,
m'a m'teli kɨ kart kɨ kat,
majalg loi a telɨn man,
m'tari dɔ majalg loi tube
na m'a m'ɔrr yɨrog loi
tube kɔ.
26M'a mad ngéngangtag loi
gangɨn ta goɗobat
tit kɨkete,
na ngékɔjtag loi
a ĩn tit kɨmaɗi.
Goot gog a kunɨn
ɓebo kɨdenesew,
ɓebo kɨro.
27A ban dɔ ɓebo Siõ
kɨta nyaɗa kɨgoɗobat;
na ĩgɨn telɨn kɨromt tɔ,
a ban dɔd kɨtakul
nyaɗa kɨdenesew.
28Na ngétaɗɔɔ
kɨ ngéɗamajal a nujɨnd,
na ĩgɨn tɔrrɨn rod kɔ
ro Bɨraɓet ye,
a goton tɔ ho.
29Rosɔl a ɗasɨ dɔ
kag dil yogt losɨ'n
i tarɨna ngãi,
na a i ɗan rosɔl
kɨta ndɔg losɨ.
30Kɨtɔ a in tit kag dil
kɨ mbia ndulo,
ke ndɔɔ kɨ man gotot.
31Dekɨngang a i tit mũ be,
na kɨlaɗaa tit ndõ horr be,
horr a õd tujoo,
de kɨ asɨ tɔl horra goto.
Mbai Bible Revision © Bible Society of Chad, 2015.