Oje 11
11
Ta õ kam Luwah ngãibe kɨta deg lon
1Lon Israel i ngon kɨdu ɓaitɔ ye, m'tara
m'kun ngonɨm kɨdɨngã kad tee kam dɔning Ejipt't kɨtɨga.
2Na lon m'kund kɨ nja natnatbe, ɔrrɨn rod kɔ sãi sem kɨ nja natnatbe tɔ.
Lan kadkarig kɨjakɔ adɨn yo Baal
lan horr mbikam kɨkootmbĩ adɨn yog tɔ.
3Na mĩ la m'ndoo Epraim ndia ye,
m'ɔid jimt, na gerɨn ta kad mĩ ngeyootd al,
4Kɨtakul kõkam kɨ tar la m'ɔrrdɨn gomt,
tit'n de a ɔrrɨn nyakul gont kɨ kɨla ye be,
Mĩ rodt tit de'n ad jug lod to soot,
m'ned kɨber m'ad'd nyasa,
5A telɨn kɨ dɔning Ejipt't,
na Asiri a ɗa ngar dɔdt,
kɨta mbet telɨn kɨromt.
6Kɨyaɗɔɔ a so dɔ ɓebogt lod,
a tet hand tabitg lod,
a tɔld kam kuj ngomd dɔ ɓegt lod,
7Kɨtɔ kɔjtaɗag lod kɨmajal
Deg lom ndig tɔrrɨn rod romt kɔ;
kunɨnd kad ɗen ro Ngetɔitɔit,
na kɨkɨɗa kudt kɨ tɔia kɨ dõ goto.
8Epraim, to rom ngãi kad M'nyai kɔ.
Israel, to rom ngãi kad m'lai ji madngétaigt.
To rom ngãi kad m'teli tit ɓe kɨ Adma.
To rom ngãi kad m'ɗa sei tit'n m'ɗan kɨ ɓe kɨ Seboim.
M'ndɨnga ndo, ta õ kamm ngãibe kɨtɔi.
9M'a m'ɗa sed kɨgo wongt lom kɨtɨngabil al,
m'a m'nuj Epraim gog al ta,
kɨta mĩ Luwah na mĩ de al,
mĩ Ngekunjɗang dãsɨt, m'a m'ɗe rosɨt kɨ wong al.
10Bɨraɓe a ko tit tubo be,
na nganag a awɨn goat, ã,
Bɨraɓe a ko, na nganag a ɓain ko lo kudkàdt,
a ɗen kɨ rondad.
11A ɓain dɔning Ejipt't,
a ɗen kɨ rotĩd tit yelg be, ke tit derrg ko dɔning Asirit,
na m'a m'ad'd telɨn kɨ ɓeg lod gog,
kel Bɨraɓe.
Currently Selected:
Oje 11: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
