Habakuk 1
1
Habakuk ko kɨ dɔ Luwaht kɨtɔ majal lo deg
1Ta'n Bɨraɓe tee dɔ ad Habakuk
ngekelta kɨta Luwaht.
2Ah Bɨraɓe, mbã ndɔ bãi m'a m'ko kɨdɔit
na oo dɔ al a? M'ko kɨdɔit m'an:
Nya ɗa kɨ lo ngetɔgt, na ajɨm al?
3Kɨtɔɗi i ɔjɨm nyaɗa kɨgoot al
na i nyam ad m'oo nya kɨdene al a?
Kɨtɔɗi tuj kɨ nyaɗa kɨlo ngetɔgt ton nomt a?
Gakɨna kɨ kɔlna ɓain,
4kɨta 'nten deg ɗan kɨla kɨ mberkɨnda al
na takɨgang kɨgoɗobat goto.
Deg kɨmajal lan na gugɨn dɔ deg kɨdenesew,
ɔgɨn dɔ ɗa nya kɨmaj
kɨta 'nten takɨgang kɨ goɗobat al.
Bɨraɓe turta ad Habakuk
5I nɔlɨn ku girrdegt oon, a yasɨn biw kɨrota,
kɨta m'ndɨ m'ɗa kɨla mad kaglot losɨ
a i adɨn kamsɨ al bat, ĩla ɔrrɨn hoia
6Oon m'a mad deg kɨ Kaldet ɗen,
ĩn girrdeg kɨkatbang kɨ ngeɗa nya kanangbe
ĩgɨn hã a ndan tat dɔning gangɨn
kad taan londɨ lo deg
londɨg kɨ ĩn lod al.
7Ĩn deg kɨkootɓool kɨ ngékad ro deg ndad,
awɨn kɨ takɨgang kɨ kɔsɨgon lod kɨkɔsɨdɔd.
8Sɨndag lod ãin ngɔd tɔin kag ɓaitɔ,
ĩn kɨ ro kɨ ɔi pelpel tɔin bisɨkolog kɨ teen lokɨsɔle.
Ngekalsɨndag lod kɨ ngegaburo ɗen ko sãi,
ɓain tit kɨ kurro kɨ ngékaw Kanag,
ud dɔ nyasant be.
9Ĩn girrdeg kɨ ɗen kɨta ɗa nya kɨlo ngetɔgt,
takumd sumba lo kɨnõdt kɨ kamndig
na kawɨn ɓerg kɨnat tit kɨ nang kɨ ta baht be.
10Kɨ log tube girrdeg'n non telɨn mbaiɓeg nyakid,
gon ngarg oon kujngomlo kɨngang
kɨɗen tit nyat kɨ kari.
Kad ndogbɔrr ad madngétaig
alɨn dɔt taan ne lo.
11Kamla madngétag tɔin kɨkete Kanag
tit kɨ nél be
na takɨngang i dɔdt
kɨta tɔgd la i Luwah lod ye.
Habakuk hɔndo nõ Luwaht
12Kete nõ mbagɨr nyagt ye
Oo Bɨraɓe lom ĩ Ngekunjɗang lom ale?
Ĩn kam ndɔgt kɨkete nõ kohgt ale?
J'a kɨ j'oi al. Ah Bɨraɓe, ĩ mbal lom
i ndah girrdeg'n ɗan kɨta ta kɨ gang loi.
Ah Luwah lom, i ndahd kɨta ndakɔj loi.
13Na kumi i kɨjanjoi tɔi dɔ kad oon majal al,
i asɨ nɔl nyaɗa kɨgoot al al.
Kɨtɔɗi i ndig kad deg ɗa nya kɨlo ndokumt
na i ndɨ tai mbo lon de kɨmajal
la de kɨdenesew yalɨm a?
14A i ɗa kɨ deg tit'n i ɗan kɨ kanjg kɨ bahbot,
tit nyag kɨ ngekɔrrkɔdber ke ngekõɓe dɔdt goto be e?
15Hɔd tube kɨ kui, ɔid kam bandt lon,
hɔd kam bandbɨrat lon,
kɨta 'nten ɗan ronel kɨ kamnda.
16Kɨtɔ 'nten adɨn kadkari kɨjakɔ band lon
na lahor nya kɨkootmbĩ ad bandbɨra lon
kɨta kɨtakul nyag'n non la ngahn nyamajg lon
kɨ nyasan kɨnel ngãi.
17Kɨtɔ 'nten a mbel nya kɨ kam bandt lon kɔ
na a tɔl girrdeg kɨndɔgndɔg kanj kookumtondo a?
Currently Selected:
Habakuk 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Habakuk 1
1
Habakuk ko kɨ dɔ Luwaht kɨtɔ majal lo deg
1Ta'n Bɨraɓe tee dɔ ad Habakuk
ngekelta kɨta Luwaht.
2Ah Bɨraɓe, mbã ndɔ bãi m'a m'ko kɨdɔit
na oo dɔ al a? M'ko kɨdɔit m'an:
Nya ɗa kɨ lo ngetɔgt, na ajɨm al?
3Kɨtɔɗi i ɔjɨm nyaɗa kɨgoot al
na i nyam ad m'oo nya kɨdene al a?
Kɨtɔɗi tuj kɨ nyaɗa kɨlo ngetɔgt ton nomt a?
Gakɨna kɨ kɔlna ɓain,
4kɨta 'nten deg ɗan kɨla kɨ mberkɨnda al
na takɨgang kɨgoɗobat goto.
Deg kɨmajal lan na gugɨn dɔ deg kɨdenesew,
ɔgɨn dɔ ɗa nya kɨmaj
kɨta 'nten takɨgang kɨ goɗobat al.
Bɨraɓe turta ad Habakuk
5I nɔlɨn ku girrdegt oon, a yasɨn biw kɨrota,
kɨta m'ndɨ m'ɗa kɨla mad kaglot losɨ
a i adɨn kamsɨ al bat, ĩla ɔrrɨn hoia
6Oon m'a mad deg kɨ Kaldet ɗen,
ĩn girrdeg kɨkatbang kɨ ngeɗa nya kanangbe
ĩgɨn hã a ndan tat dɔning gangɨn
kad taan londɨ lo deg
londɨg kɨ ĩn lod al.
7Ĩn deg kɨkootɓool kɨ ngékad ro deg ndad,
awɨn kɨ takɨgang kɨ kɔsɨgon lod kɨkɔsɨdɔd.
8Sɨndag lod ãin ngɔd tɔin kag ɓaitɔ,
ĩn kɨ ro kɨ ɔi pelpel tɔin bisɨkolog kɨ teen lokɨsɔle.
Ngekalsɨndag lod kɨ ngegaburo ɗen ko sãi,
ɓain tit kɨ kurro kɨ ngékaw Kanag,
ud dɔ nyasant be.
9Ĩn girrdeg kɨ ɗen kɨta ɗa nya kɨlo ngetɔgt,
takumd sumba lo kɨnõdt kɨ kamndig
na kawɨn ɓerg kɨnat tit kɨ nang kɨ ta baht be.
10Kɨ log tube girrdeg'n non telɨn mbaiɓeg nyakid,
gon ngarg oon kujngomlo kɨngang
kɨɗen tit nyat kɨ kari.
Kad ndogbɔrr ad madngétaig
alɨn dɔt taan ne lo.
11Kamla madngétag tɔin kɨkete Kanag
tit kɨ nél be
na takɨngang i dɔdt
kɨta tɔgd la i Luwah lod ye.
Habakuk hɔndo nõ Luwaht
12Kete nõ mbagɨr nyagt ye
Oo Bɨraɓe lom ĩ Ngekunjɗang lom ale?
Ĩn kam ndɔgt kɨkete nõ kohgt ale?
J'a kɨ j'oi al. Ah Bɨraɓe, ĩ mbal lom
i ndah girrdeg'n ɗan kɨta ta kɨ gang loi.
Ah Luwah lom, i ndahd kɨta ndakɔj loi.
13Na kumi i kɨjanjoi tɔi dɔ kad oon majal al,
i asɨ nɔl nyaɗa kɨgoot al al.
Kɨtɔɗi i ndig kad deg ɗa nya kɨlo ndokumt
na i ndɨ tai mbo lon de kɨmajal
la de kɨdenesew yalɨm a?
14A i ɗa kɨ deg tit'n i ɗan kɨ kanjg kɨ bahbot,
tit nyag kɨ ngekɔrrkɔdber ke ngekõɓe dɔdt goto be e?
15Hɔd tube kɨ kui, ɔid kam bandt lon,
hɔd kam bandbɨrat lon,
kɨta 'nten ɗan ronel kɨ kamnda.
16Kɨtɔ 'nten adɨn kadkari kɨjakɔ band lon
na lahor nya kɨkootmbĩ ad bandbɨra lon
kɨta kɨtakul nyag'n non la ngahn nyamajg lon
kɨ nyasan kɨnel ngãi.
17Kɨtɔ 'nten a mbel nya kɨ kam bandt lon kɔ
na a tɔl girrdeg kɨndɔgndɔg kanj kookumtondo a?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.