Amos 5
5
Luwah kun Israelag kad telɨn kɨront
1Ĩn deg kɨ Israel i nelɨn mbisɨ oon ne dɔ ta 'nten
kɨ pa nõ hɔndo'n m'ndɨ m'ɔsɨ kɨtɔsɨ nõ.
2Israel i tit ngomand kɨ koi
so, na asɨ ɓai dõ, nyana kɨnõbe dɔningt loa,
de mad kad una kɨ dõ goto.
3Kɨtɔ titbe Bɨraɓe Luwah elɨn an:
Ɓebo mad a la kɨ dekɨdɨngãg dub ta ɗɔɔt
na a telɨn kɨ ɓe ɓu koon;
dekɨdɨngãg ɓu a teen kam ɓebot mad, a awɨn ɗɔɔ,
ngon ɓe mad a la kɨ dekɨdɨngã ɓu ta ɗɔɔ
na a telɨn kɨ ɓe lo Israel kɨlah koon.
4Kɨtɔ Bɨraɓe el ngékɨɓe lo Israel titbe:
I sahmɨn a ne, a i ndɨn kɨ dɔsɨ dõ.
5Ot sahmɨn kam kuj ndub Luwah kɨ Betel.
Ot kawɨn kam kuj ndub Luwaht kɨ Gilgal.
Ot tɔin dɔ ɗob kawɨn kam kuj ndub Luwaht kɨ Beer Seba.
Kɨtɔ rota, deg kɨ Gilgal kɨtaagbe a awɨn ɓer,
deg kɨ Betel tɔ a telɨn nya kɨtuj.
6I sahn Bɨraɓe a ne, a i ndɨn kɨ dɔsɨ dõ
Na ɓeta ndu bip tit horr be dan ngaka Jojept
ad horr'n non õ nya kɨ Betelt mugɨj
na de kɨ ngetɔla goto
7Ĩn ngétuj takɨgang kɨgoɗobat
kad tel nya kɨkad kam deg at bang,
ĩn ngéɓa dɔ nyaɗa kɨdenesew kɨ njasɨ.
8Bɨraɓe ĩla i ngeɗa ɓut kɨmẽdeg
kɨ tɔd i Ngamand kɨ Bisɨ tuɓa tal,
I ngembel til kɨ diw kirir.
I ngembel lokɨkàda kad tel lo kɨ diw til.
I ngekun man kɨ bahbokat't,
kad mbel kɨ dɔningt;
tɔa i Bɨraɓe.
9A ad nujkɔ tee pat dɔ degt kɨ tɔgd i ngãi,
a ad nujkɔ ɗe dɔ kuj ngom dɔ ɓet tɔ.
10Ndɨ ɔsɨn ta de ngendangd lo gangtat,
na unɨn kumd kɔ dɔ det kɨ ngekel rota.
11Kɨtɔ 'nten, tit kan hã i ndɨ i ɓan ne
dɔ de kɨdangt mbujmbuj kɨber,
na i ndɨ taan nyako lo kadkarit kɨ lo ngetɔgt,
i ndɨ ɗan kujg kɨ mbalg kɨ tɔsɨ ye,
a i ndɨn kamdt al.
I hɔn ndɔɔ nduug kɨmaj ngãi,
na a i ãin kasɨnduu al.
12Kɨtɔ m'ger tɔidɔtag losɨ ĩn ngãi,
majalg losɨ bɨlan kɨdɔtdɔt tɔ,
i ndɨ dan kum deg kɨdenesew ndo,
i ndɨ i taan kadkari kut dɔ ta,
i ndɨ i tujɨn ta lo ngendo lo gangtat.
13Kɨtɔ 'nten la de'n i ngegoosɨ a ne, a ndɨn tan mbo
kaglot'n non kɨta i kaglo kɨmajal.
14I sahn go maj, na majal al.
Kɨtakad i ndɨn kɨ dɔsɨ dõ.
Titbe tɔ Bɨraɓe Luwah Ngekoosɨg a i nat sesɨ,
tit'n i ndɨ elɨn ne nõ.
15I mbetɨn majal, na i ndigɨn maj.
Adɨn nyaɗa kɨdenesew õɓe lo gangtat.
Maj a ne, Bɨraɓe Luwah Ngekoosɨg a oo kumtondo
lo ndeg ngaka Jojep kɨ nãi.
16Kɨtɔ 'nten, Bɨraɓe Luwah
Ngekoosɨg, Bɨraɓe an: Deg a nõn kam natlogt tube,
a elɨn anan: Beto. Beto dɔ ɗobgt tube.
A kunɨn ngéndɔɔg kad ɗe hɔn ndo,
a kunɨn ngégoosɨ pa nõ kad ɗe nõn.
17Deg a nõn kam ndɔɔ nduugt tube,
kɨta m'a m'tɔi dãsɨt,
kel Bɨraɓe.
Ndɔ lo Bɨraɓe
18Beto losɨ ĩn kɨ i ngégeen ndɔ lo Bɨraɓe.
Kɨtɔɗi i geen ne ndɔ lo Bɨraɓe a?
A i ndɔ til, na i ndɔ kunj al.
19A i tit de'n ãi tubo na so ta dã urst,
ke and kuju, na nda jin kad bɔrrt
kad ndɨnan ron a ne, li dõa.
20Ndɔ lo Bɨraɓe, a i kunj a?
A i til kɨ diw kirir kanj lokar
21M'mbet ɗa nahg losɨ, m'kid'd,
na m'ngaa ronel dɔ kawnagt losɨ al.
22Ke neni i admɨn kadkarig kɨlahorrt kɨɗaibe
kɨ kadkari nduj nyakog kaa, m'oo majd al.
M'ɗa ronel dɔ kadkarigt kɨkad kamsɔllom
kɨ dãg losɨ kɨ boon mbulmbul al tɔ.
23I ɗan sãi m'ndig ko dɔ ndi pa losɨ al.
M'a m'oo dɔ ndi kɨndehg losɨ al tɔ.
24Kɨ adɨn nyaɗa kɨgoɗobat ãi tit man bah be,
nyaɗa kɨdenesew to tit bah kɨ nũ kanj nya ta.
25Ĩn ngékɨɓe lo Israel, ɓal dɔsɔɔ
kam dɨlalot ye, i lan kadkarig kɨjakɔ kɨ kadkarig kɨ dang dang admɨn e?
26Tajigla i ton kujkub lo ngar losɨ Sikut
kɨ kɨmẽ yo losɨ Kɨyun, I ɗan ɓakumta nyag kɨtɔsɨ.
27Mĩ tɔ m'a m'aw sesɨ ɓert gid ɓebo Damasɨt nu,
kel Bɨraɓe kɨ tɔa i Luwah Ngekoosɨg.
Currently Selected:
Amos 5: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Amos 5
5
Luwah kun Israelag kad telɨn kɨront
1Ĩn deg kɨ Israel i nelɨn mbisɨ oon ne dɔ ta 'nten
kɨ pa nõ hɔndo'n m'ndɨ m'ɔsɨ kɨtɔsɨ nõ.
2Israel i tit ngomand kɨ koi
so, na asɨ ɓai dõ, nyana kɨnõbe dɔningt loa,
de mad kad una kɨ dõ goto.
3Kɨtɔ titbe Bɨraɓe Luwah elɨn an:
Ɓebo mad a la kɨ dekɨdɨngãg dub ta ɗɔɔt
na a telɨn kɨ ɓe ɓu koon;
dekɨdɨngãg ɓu a teen kam ɓebot mad, a awɨn ɗɔɔ,
ngon ɓe mad a la kɨ dekɨdɨngã ɓu ta ɗɔɔ
na a telɨn kɨ ɓe lo Israel kɨlah koon.
4Kɨtɔ Bɨraɓe el ngékɨɓe lo Israel titbe:
I sahmɨn a ne, a i ndɨn kɨ dɔsɨ dõ.
5Ot sahmɨn kam kuj ndub Luwah kɨ Betel.
Ot kawɨn kam kuj ndub Luwaht kɨ Gilgal.
Ot tɔin dɔ ɗob kawɨn kam kuj ndub Luwaht kɨ Beer Seba.
Kɨtɔ rota, deg kɨ Gilgal kɨtaagbe a awɨn ɓer,
deg kɨ Betel tɔ a telɨn nya kɨtuj.
6I sahn Bɨraɓe a ne, a i ndɨn kɨ dɔsɨ dõ
Na ɓeta ndu bip tit horr be dan ngaka Jojept
ad horr'n non õ nya kɨ Betelt mugɨj
na de kɨ ngetɔla goto
7Ĩn ngétuj takɨgang kɨgoɗobat
kad tel nya kɨkad kam deg at bang,
ĩn ngéɓa dɔ nyaɗa kɨdenesew kɨ njasɨ.
8Bɨraɓe ĩla i ngeɗa ɓut kɨmẽdeg
kɨ tɔd i Ngamand kɨ Bisɨ tuɓa tal,
I ngembel til kɨ diw kirir.
I ngembel lokɨkàda kad tel lo kɨ diw til.
I ngekun man kɨ bahbokat't,
kad mbel kɨ dɔningt;
tɔa i Bɨraɓe.
9A ad nujkɔ tee pat dɔ degt kɨ tɔgd i ngãi,
a ad nujkɔ ɗe dɔ kuj ngom dɔ ɓet tɔ.
10Ndɨ ɔsɨn ta de ngendangd lo gangtat,
na unɨn kumd kɔ dɔ det kɨ ngekel rota.
11Kɨtɔ 'nten, tit kan hã i ndɨ i ɓan ne
dɔ de kɨdangt mbujmbuj kɨber,
na i ndɨ taan nyako lo kadkarit kɨ lo ngetɔgt,
i ndɨ ɗan kujg kɨ mbalg kɨ tɔsɨ ye,
a i ndɨn kamdt al.
I hɔn ndɔɔ nduug kɨmaj ngãi,
na a i ãin kasɨnduu al.
12Kɨtɔ m'ger tɔidɔtag losɨ ĩn ngãi,
majalg losɨ bɨlan kɨdɔtdɔt tɔ,
i ndɨ dan kum deg kɨdenesew ndo,
i ndɨ i taan kadkari kut dɔ ta,
i ndɨ i tujɨn ta lo ngendo lo gangtat.
13Kɨtɔ 'nten la de'n i ngegoosɨ a ne, a ndɨn tan mbo
kaglot'n non kɨta i kaglo kɨmajal.
14I sahn go maj, na majal al.
Kɨtakad i ndɨn kɨ dɔsɨ dõ.
Titbe tɔ Bɨraɓe Luwah Ngekoosɨg a i nat sesɨ,
tit'n i ndɨ elɨn ne nõ.
15I mbetɨn majal, na i ndigɨn maj.
Adɨn nyaɗa kɨdenesew õɓe lo gangtat.
Maj a ne, Bɨraɓe Luwah Ngekoosɨg a oo kumtondo
lo ndeg ngaka Jojep kɨ nãi.
16Kɨtɔ 'nten, Bɨraɓe Luwah
Ngekoosɨg, Bɨraɓe an: Deg a nõn kam natlogt tube,
a elɨn anan: Beto. Beto dɔ ɗobgt tube.
A kunɨn ngéndɔɔg kad ɗe hɔn ndo,
a kunɨn ngégoosɨ pa nõ kad ɗe nõn.
17Deg a nõn kam ndɔɔ nduugt tube,
kɨta m'a m'tɔi dãsɨt,
kel Bɨraɓe.
Ndɔ lo Bɨraɓe
18Beto losɨ ĩn kɨ i ngégeen ndɔ lo Bɨraɓe.
Kɨtɔɗi i geen ne ndɔ lo Bɨraɓe a?
A i ndɔ til, na i ndɔ kunj al.
19A i tit de'n ãi tubo na so ta dã urst,
ke and kuju, na nda jin kad bɔrrt
kad ndɨnan ron a ne, li dõa.
20Ndɔ lo Bɨraɓe, a i kunj a?
A i til kɨ diw kirir kanj lokar
21M'mbet ɗa nahg losɨ, m'kid'd,
na m'ngaa ronel dɔ kawnagt losɨ al.
22Ke neni i admɨn kadkarig kɨlahorrt kɨɗaibe
kɨ kadkari nduj nyakog kaa, m'oo majd al.
M'ɗa ronel dɔ kadkarigt kɨkad kamsɔllom
kɨ dãg losɨ kɨ boon mbulmbul al tɔ.
23I ɗan sãi m'ndig ko dɔ ndi pa losɨ al.
M'a m'oo dɔ ndi kɨndehg losɨ al tɔ.
24Kɨ adɨn nyaɗa kɨgoɗobat ãi tit man bah be,
nyaɗa kɨdenesew to tit bah kɨ nũ kanj nya ta.
25Ĩn ngékɨɓe lo Israel, ɓal dɔsɔɔ
kam dɨlalot ye, i lan kadkarig kɨjakɔ kɨ kadkarig kɨ dang dang admɨn e?
26Tajigla i ton kujkub lo ngar losɨ Sikut
kɨ kɨmẽ yo losɨ Kɨyun, I ɗan ɓakumta nyag kɨtɔsɨ.
27Mĩ tɔ m'a m'aw sesɨ ɓert gid ɓebo Damasɨt nu,
kel Bɨraɓe kɨ tɔa i Luwah Ngekoosɨg.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.