Amos 1
1
Tag kɨgang dɔ girrdegt kɨ gugɨn dɔ Israelag
1Tag lo Amos, kɨkɨɗa ku ngékulbatgt kɨ ɓet kɨ Tekoa. I nya'n Amos oo kam ndilt dɔ Israelt kam ndɔgt lo Ojias, ngar kɨ Juda, kɨ kam ndɔgt lo Jeroboam, ngon Joas, ngar kɨ Israel ɓal joo kete nõ yee dɔningt. 2Amos el an:
Ko ɓebo Siõt la Bɨraɓe kot kɨ tɔgɨn tit tubo be,
ko ɓebo Jerusalemt ka Bɨraɓe ad kah ndia teet,
ad log'n ngékulnyag adɨn nyakulg lod san nya tit, mũ kɨmbool gotot,
na tasom mbalbo Karmel tut kurum.
3Bɨraɓe el an:
Kõɓe kɨ Damasɨ tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta rigɨjɨn dɔ deg kɨ dɔning Galaad kɨ pusɨ hand.
4Kɨtɔ 'nten m'a m'lahorr dɔ kujt lo ngar Hajael,
na a õ kuj kõɓeg lo ngar Ben Hadad mugɨj tɔ.
5M'a m'tet hand tabit ɓebo Damasɨ,
m'a m'tɔ koh ngendɨ hollo Bet-Abent,
kɨ ngar kɨ ngekõɓe kɨ Bet-Eden tɔ,
na a hɔn deg kɨ dɔning Siri, awɨn sed ɓert ɓebot kɨ Kirt.
Kel Bɨraɓe.
6Bɨraɓe: El an:
Kõɓe kɨ Gaja tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta ɔi girrdeg madg kɨtaagbe ɓert, land ji degt kɨ Edom.
7Kɨtɔ 'nten m'a m'lahorr dɔ ndogbɔrrt kɨ ɓebo Gajat,
na horr a õ kuj kõɓeg loa mugɨj.
8M'a m'nuj ngendɨ ɓebo Asdodt
kɨ ngar kɨ ngekõɓe ɓebo kɨ Askalon kɔ,
m'a m'tel jim m'ndoorɨn ɓebo Ekrõ,
na ndeg Pilistiag a nujɨn kɔ.
Kel Bɨraɓe Luwah.
9Bɨraɓe: El an:
kõɓe kɨ Tir tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta la girrdeg madg kɨtaagbe ji degt kɨ Edom,
kɨkanj gah dɔ kunkɔt kɨ to mbɨna ngankõt.
10Kɨtɔ 'nten m'a m'lan horr dɔ ndogbɔrrt kɨ ɓebot kɨ Tir,
na horr a õ kuj kõɓeg loa mugɨj.
11Bɨraɓe: El an:
Kõɓe kɨ Edom tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta tuɓan go ngankõd kɨ kiyaɗɔɔg jidt,
na kamd oi dɔ kookumtondo,
kɨta wong tɔld sɔkɨr kɨkanj nya ta,
hɔn wong kɨtɨngabil kamdt kɨndɔgndɔg.
12Kɨtɔ 'nten m'a m'lan horr dɔ ɓet kɨ Teman
na a õ kuj kõɓeg kɨ ɓebo Bosra mugɨj.
13Bɨraɓe: El an:
Amoniag tɔin dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔdt kɔ al,
kɨta tɔsɨn kam dekɨdẽ kokemg kɨ dɔning Galaad mbutɨn
kɨtakad'n ndɔt'n ne kɨ ɗobnin dɔning lod kɨkete.
14Kɨtɔ 'nten m'a m'lan horr dɔ ndogbɔrrt kɨ ɓebot kɨ Raba,
na a õ kuj kõɓeg loa mugɨj,
kam kot kɨ mbiting kɨ ndɔ ɗɔɔt,
kam nélbot kɨ la kɨ tɔgɨn
kɨ nélndii kɨ tuj nya,
15na ngar lod a aw ɓert,
ĩ kɨ mbaiɓeg lon nat,
kel Bɨraɓe.
Currently Selected:
Amos 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Amos 1
1
Tag kɨgang dɔ girrdegt kɨ gugɨn dɔ Israelag
1Tag lo Amos, kɨkɨɗa ku ngékulbatgt kɨ ɓet kɨ Tekoa. I nya'n Amos oo kam ndilt dɔ Israelt kam ndɔgt lo Ojias, ngar kɨ Juda, kɨ kam ndɔgt lo Jeroboam, ngon Joas, ngar kɨ Israel ɓal joo kete nõ yee dɔningt. 2Amos el an:
Ko ɓebo Siõt la Bɨraɓe kot kɨ tɔgɨn tit tubo be,
ko ɓebo Jerusalemt ka Bɨraɓe ad kah ndia teet,
ad log'n ngékulnyag adɨn nyakulg lod san nya tit, mũ kɨmbool gotot,
na tasom mbalbo Karmel tut kurum.
3Bɨraɓe el an:
Kõɓe kɨ Damasɨ tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta rigɨjɨn dɔ deg kɨ dɔning Galaad kɨ pusɨ hand.
4Kɨtɔ 'nten m'a m'lahorr dɔ kujt lo ngar Hajael,
na a õ kuj kõɓeg lo ngar Ben Hadad mugɨj tɔ.
5M'a m'tet hand tabit ɓebo Damasɨ,
m'a m'tɔ koh ngendɨ hollo Bet-Abent,
kɨ ngar kɨ ngekõɓe kɨ Bet-Eden tɔ,
na a hɔn deg kɨ dɔning Siri, awɨn sed ɓert ɓebot kɨ Kirt.
Kel Bɨraɓe.
6Bɨraɓe: El an:
Kõɓe kɨ Gaja tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta ɔi girrdeg madg kɨtaagbe ɓert, land ji degt kɨ Edom.
7Kɨtɔ 'nten m'a m'lahorr dɔ ndogbɔrrt kɨ ɓebo Gajat,
na horr a õ kuj kõɓeg loa mugɨj.
8M'a m'nuj ngendɨ ɓebo Asdodt
kɨ ngar kɨ ngekõɓe ɓebo kɨ Askalon kɔ,
m'a m'tel jim m'ndoorɨn ɓebo Ekrõ,
na ndeg Pilistiag a nujɨn kɔ.
Kel Bɨraɓe Luwah.
9Bɨraɓe: El an:
kõɓe kɨ Tir tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta la girrdeg madg kɨtaagbe ji degt kɨ Edom,
kɨkanj gah dɔ kunkɔt kɨ to mbɨna ngankõt.
10Kɨtɔ 'nten m'a m'lan horr dɔ ndogbɔrrt kɨ ɓebot kɨ Tir,
na horr a õ kuj kõɓeg loa mugɨj.
11Bɨraɓe: El an:
Kõɓe kɨ Edom tɔi dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔat kɔ al,
kɨta tuɓan go ngankõd kɨ kiyaɗɔɔg jidt,
na kamd oi dɔ kookumtondo,
kɨta wong tɔld sɔkɨr kɨkanj nya ta,
hɔn wong kɨtɨngabil kamdt kɨndɔgndɔg.
12Kɨtɔ 'nten m'a m'lan horr dɔ ɓet kɨ Teman
na a õ kuj kõɓeg kɨ ɓebo Bosra mugɨj.
13Bɨraɓe: El an:
Amoniag tɔin dɔ ta nja mɨta
ke nja sɔɔ, kɨta 'nten m'a m'ɔrrɨn takɨgang dɔdt kɔ al,
kɨta tɔsɨn kam dekɨdẽ kokemg kɨ dɔning Galaad mbutɨn
kɨtakad'n ndɔt'n ne kɨ ɗobnin dɔning lod kɨkete.
14Kɨtɔ 'nten m'a m'lan horr dɔ ndogbɔrrt kɨ ɓebot kɨ Raba,
na a õ kuj kõɓeg loa mugɨj,
kam kot kɨ mbiting kɨ ndɔ ɗɔɔt,
kam nélbot kɨ la kɨ tɔgɨn
kɨ nélndii kɨ tuj nya,
15na ngar lod a aw ɓert,
ĩ kɨ mbaiɓeg lon nat,
kel Bɨraɓe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.