Kɨlag 17
17
Pol kɨ Silas kam ɓet kɨ Tesalonik
1Pol kɨ Silas ndan dɔning Ampipolis kɨ dɔning Apoloni gangɨn, aw teen Tesalonikt kam ɓet, nõbe kuj kelta kɨ Luwah lo Juipg i tit nõ. 2Tit'n a ɗan kɨ lo lo ye, Pol aw kam kuj kawnat lo Juipg kɨ ndɔ taakò lo Juipg, nja mɨta majɨn na ta sed ngãi dɔ tagt kɨ kam maktubt kɨkunjɗang. 3Ndɨ ɔrr girr ta ho, ndɨ dad nya 'nten: Kari na Krist a ngah kõ ngãi, na a ɓai lo koit. Jeju'n m'ndɨ m'lasɨ mbera taa, ĩla i Krist ye.
4Juip madg kudt telɨn rod go tat'n non, ad ndulon go Pol kɨ Silas nat kɨ Grekg ngãibe kɨ ĩn Juip telg kɨ ngéɗanya kɨgo lo Luwaht, kɨ dekɨdẽ madg'n ĩn ngan ngéɓeg. 5Na ni tɔl Juipg sɔkɨr ad ɔin deg kɨ papa kɨ ngahnd dɔ ɗobt, kawɨnd kɨ nat, sɨlan deg kɨ kam ɓet nõ wurwur kad ɓain kɨ ta. Tɔi awɨn ɓe lo Jasõ sahn Pol kɨ Silas, kɨta sahn tee sed nõ koosɨdegt. 6Na lon ngahnd al taa ye, ndɔrɨn Jasõ, kɨ ngétaata lo Jeju madg, awɨn sed nõ ngégangtagt kɨ kam ɓet nõ. Juipg gan tad kot anan: Deg'n ɗan ɗa burɨn dunia ɓukt, na tajigla ɗen nẽbe tɔ.
7Na Jasõ hɔd kɨ ront. Deg tube'n ɗan ɗan ye, nya ɗad i ngankodang, ad ndoor mberkɨnda lo Ngar Sejar, ndɨ elɨn deg anan: Ngar mad i nõ tɔa i Jeju.
8Lon koosɨdeg, kɨ ngégangtag oon dɔ ta 'nten ye, kamd gang ngalang. 9Taan nar ji Jasõt kɨ ndeg ngétaata lo Jeju, kamla tĩ nyand ad awɨn.
Pol kɨ Silas awɨn kam ɓet kɨ Bere
10Tentenbe, lon lo duw ye, ngankõ adɨn Pol kɨ Silas awɨn kam ɓet kɨ Bere. Lon aw teen kam ɓet kɨ Bere ye, tɔin par awɨn kam kuj kawnat lo Juipg. 11Juipg kɨ Bere ĩn deg kɨ hald maj tɔi Juipg kɨ Tesalonikt. Taan ta lo Luwah kanangbe kɨ kamndig. Kamla nderɨn girr ta'n Pol eld kam maktubgt kɨ ndang lo Luwah kɨ n'oon ke i ta kɨ jeje a? 12Kɨtɔ 'nten koosɨdeg ngãibe telɨn ngétaata lo Jeju, kudt dekɨdẽ Grekg kɨ ngénya, kamla ĩn ngan ngéɓeg kɨ dekɨdɨngã madg telɨn ngétaata lo Jeju ho. 13Na lon Juipg kɨ Tesalonikt oon hɔi Pol kad ndɨ la mber ta lo Luwah kam ɓet kɨ Bere ye, ɓai awɨn Beret kad'n sɨlan deg. 14Tajigt, ngankõ ngétaata lo Krist adɨn Pol aw ta bahbo kat't, na Silas kɨ Timote la nãin Beret ye. 15Deg'n danɨn Pol ye, awɨn sia mbã teen kam ɓet kɨ Aten. Kamla tel awɨn Bere gog elɨn Silas kɨ Timote anan: Pol ndɨje kad aw ndɔdɨna kanangbe.
Pol kam ɓet kɨ Aten
16Lon Pol ndɨ kam ɓet kɨ Aten, ndɨ ngoo Timote kɨ Silas ye, oo kad kam ɓet kɨ Aten kɨtaagbe lo i kɨ ɓakot kɨ yokɨnda, ad ta õ kama ngãi.
17Ad aw kam kuj keltat kɨ Luwah. Pol maj ta sed Juipg kɨ deg kɨ ngétel Juipg kɨ nyaɗad i kɨgo lo Luwaht kam sukɨt kɨ ndɔgbe, kɨ deg'n Pol ndɔd'd kam kuj kawnat lo Juipg nõ tɔ. 18Ku degt'n non, kɨmadg ĩn epikuriag, kɨ stoikag ngéndoo deg goosɨ kɨ terr elɨn ta sia. Kɨmadg elɨn anan: Ta ɗi ngekelta sẽ n'ɗan ndig kel a?
Kɨmadg tɔ anan: De'n ɗan j'oo tit ɗa la mber luwah madg kɨ mbahg. Kɨtɔ Pol la mber hoita lo Jeju kɨ ta ɓai ngékoig lo koit.
19Taa ne, ɔrrɨn Pol awɨn sia dɔ door lot kɨ tɔa i Areopaj elɨna anan: J'asɨ kad kɨ ger girr nyando loi kɨ kij'n i ɗa i ndoo nõ a? 20Kɨtɔ i ɗe kɨ hoi nyag kɨ mbah la kɨ rojt ye, kɨ ndig kad i ɔrrj girr nyag'n non ad j'oo maj. 21Kɨtɔ 'nten, deg kɨ Atent tube kɨ mbahg kɨ ndɨn tit, kɨlaɗad kɨɗang goto, na kɨ kaglog tube, ndɨn ta kɔr girr tagt ho, nelɨn mbid kɨta koo dɔ hoitag kɨ kij koon.
22Taa ne, Pol ɓai dõ dan door lo Areopajt an: Ĩn deg kɨ Aten, m'oo kad ĩn deg kɨ ngéhile yog ngãi. 23Kɨtɔ lon m'ɗe kam ɓet losɨ ye, m'ndia m'nɔl nyag'n hã i ndɨ ɔsɨn dɔsɨ ber nõdt, na m'oo dɨngɨr mad'n ndangɨn ta 'nten dɔt anan: Kɨ ro Luwaht'n de gera al. Kɨtɔ 'nten m'ndig lasɨ mber Luwah'n hã i gerɨna al, na i ndɨ ɔsɨn dɔsɨ ber nõat. 24Luwah'n ɗa dɔning kɨ nyag kɨ kamt tube, i Bɨraɓe Ngeɗa dɔrã kɨ dɔning. Luwah a ndɨ kam kuj ndubt kɨ deg ɗan kɨ jid al. 25Ndig kad deg ɗan kɨla kɨ jid adnɨn tit ge nya mad ji degt al. Kɨtɔ ĩla ndɨ ad deg ndɨ kɨ dɔ dõ, kɨ koo kɨ taa, kɨ nyag tube tɔ ho ye. 26Ɓai dɔ det kɨɗa la Luwah ɗa ad girrdeg kɨ dang dang teent kad ndɨn dɔningt kɨtaagbe. Ndah kaglog kɨ dang dang ho ɗa ɗob nin mbɨna dɔninggt'n sumba kad deg ndɨnt. 27Luwah ɗa nya 'nten titbe kad deg sahna ne, ke neni deg a ngahna kɨgo mom lot kaa ne, Luwah i sãi al ro det. 28Kɨtɔ kɨ ndɨ kɨ dɔj dõ, ndɨ kɨ j'ɔd roj ho kɨ ndɨ kumkajir kɨtakula ho. Nya 'nten la kɨmadg ku goosɨgt losɨ elɨn anan: Ãã jĩ tɔ jĩ nganag.
29Kɨtɔ 'nten jĩn ngan Luwah taa, sumba kad kɨger kad Luwah i tit yo kɨ tɔsɨ kɨ ɗa kɨ lɔr, ke arjã, kɨ mbal kɨgo goosɨt lo kɔd, ke kɨgo lo takɔjt lo de al. 30Luwah un kumɨn dɔ kohgt kɨ dai kɨ maɗi'n deg ndɨn ne kɨkanj gera. Na tajigla taa, ndɨ kun deg kad tɔrrɨn ndid. 31Kɨtɔ ɔj ndɔ'n ɓet n'a ngangɨn ta kɨdenesew dɔ degt kɨ duniat ye, kɔt de mad ndaa, ad naja deg tube lon ada ɓai lo koit. 32Lon Grekg oon dɔ ta ɓai ngékoig lokoit ye, ɔlɨn Pol, kɨmadg elɨn anan: Ɓet j'a kɨ j'oo dɔ ta loi gog dɔ tat 'nten ndɔ kɨ ɗangt.
33Pol nyad na tɔi aw. 34Na deg madg awɨn sia nat telɨn ngétaata lo Jeju. Kudt nõ, Deni'n i kɨkɨɗa ku ngékɔjta kɨ Areopajt i tit kɨ dekɨdẽ mad'n tɔa i Damaris, kɨ dekɨdẽ madg tɔ.
Currently Selected:
Kɨlag 17: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 17
17
Pol kɨ Silas kam ɓet kɨ Tesalonik
1Pol kɨ Silas ndan dɔning Ampipolis kɨ dɔning Apoloni gangɨn, aw teen Tesalonikt kam ɓet, nõbe kuj kelta kɨ Luwah lo Juipg i tit nõ. 2Tit'n a ɗan kɨ lo lo ye, Pol aw kam kuj kawnat lo Juipg kɨ ndɔ taakò lo Juipg, nja mɨta majɨn na ta sed ngãi dɔ tagt kɨ kam maktubt kɨkunjɗang. 3Ndɨ ɔrr girr ta ho, ndɨ dad nya 'nten: Kari na Krist a ngah kõ ngãi, na a ɓai lo koit. Jeju'n m'ndɨ m'lasɨ mbera taa, ĩla i Krist ye.
4Juip madg kudt telɨn rod go tat'n non, ad ndulon go Pol kɨ Silas nat kɨ Grekg ngãibe kɨ ĩn Juip telg kɨ ngéɗanya kɨgo lo Luwaht, kɨ dekɨdẽ madg'n ĩn ngan ngéɓeg. 5Na ni tɔl Juipg sɔkɨr ad ɔin deg kɨ papa kɨ ngahnd dɔ ɗobt, kawɨnd kɨ nat, sɨlan deg kɨ kam ɓet nõ wurwur kad ɓain kɨ ta. Tɔi awɨn ɓe lo Jasõ sahn Pol kɨ Silas, kɨta sahn tee sed nõ koosɨdegt. 6Na lon ngahnd al taa ye, ndɔrɨn Jasõ, kɨ ngétaata lo Jeju madg, awɨn sed nõ ngégangtagt kɨ kam ɓet nõ. Juipg gan tad kot anan: Deg'n ɗan ɗa burɨn dunia ɓukt, na tajigla ɗen nẽbe tɔ.
7Na Jasõ hɔd kɨ ront. Deg tube'n ɗan ɗan ye, nya ɗad i ngankodang, ad ndoor mberkɨnda lo Ngar Sejar, ndɨ elɨn deg anan: Ngar mad i nõ tɔa i Jeju.
8Lon koosɨdeg, kɨ ngégangtag oon dɔ ta 'nten ye, kamd gang ngalang. 9Taan nar ji Jasõt kɨ ndeg ngétaata lo Jeju, kamla tĩ nyand ad awɨn.
Pol kɨ Silas awɨn kam ɓet kɨ Bere
10Tentenbe, lon lo duw ye, ngankõ adɨn Pol kɨ Silas awɨn kam ɓet kɨ Bere. Lon aw teen kam ɓet kɨ Bere ye, tɔin par awɨn kam kuj kawnat lo Juipg. 11Juipg kɨ Bere ĩn deg kɨ hald maj tɔi Juipg kɨ Tesalonikt. Taan ta lo Luwah kanangbe kɨ kamndig. Kamla nderɨn girr ta'n Pol eld kam maktubgt kɨ ndang lo Luwah kɨ n'oon ke i ta kɨ jeje a? 12Kɨtɔ 'nten koosɨdeg ngãibe telɨn ngétaata lo Jeju, kudt dekɨdẽ Grekg kɨ ngénya, kamla ĩn ngan ngéɓeg kɨ dekɨdɨngã madg telɨn ngétaata lo Jeju ho. 13Na lon Juipg kɨ Tesalonikt oon hɔi Pol kad ndɨ la mber ta lo Luwah kam ɓet kɨ Bere ye, ɓai awɨn Beret kad'n sɨlan deg. 14Tajigt, ngankõ ngétaata lo Krist adɨn Pol aw ta bahbo kat't, na Silas kɨ Timote la nãin Beret ye. 15Deg'n danɨn Pol ye, awɨn sia mbã teen kam ɓet kɨ Aten. Kamla tel awɨn Bere gog elɨn Silas kɨ Timote anan: Pol ndɨje kad aw ndɔdɨna kanangbe.
Pol kam ɓet kɨ Aten
16Lon Pol ndɨ kam ɓet kɨ Aten, ndɨ ngoo Timote kɨ Silas ye, oo kad kam ɓet kɨ Aten kɨtaagbe lo i kɨ ɓakot kɨ yokɨnda, ad ta õ kama ngãi.
17Ad aw kam kuj keltat kɨ Luwah. Pol maj ta sed Juipg kɨ deg kɨ ngétel Juipg kɨ nyaɗad i kɨgo lo Luwaht kam sukɨt kɨ ndɔgbe, kɨ deg'n Pol ndɔd'd kam kuj kawnat lo Juipg nõ tɔ. 18Ku degt'n non, kɨmadg ĩn epikuriag, kɨ stoikag ngéndoo deg goosɨ kɨ terr elɨn ta sia. Kɨmadg elɨn anan: Ta ɗi ngekelta sẽ n'ɗan ndig kel a?
Kɨmadg tɔ anan: De'n ɗan j'oo tit ɗa la mber luwah madg kɨ mbahg. Kɨtɔ Pol la mber hoita lo Jeju kɨ ta ɓai ngékoig lo koit.
19Taa ne, ɔrrɨn Pol awɨn sia dɔ door lot kɨ tɔa i Areopaj elɨna anan: J'asɨ kad kɨ ger girr nyando loi kɨ kij'n i ɗa i ndoo nõ a? 20Kɨtɔ i ɗe kɨ hoi nyag kɨ mbah la kɨ rojt ye, kɨ ndig kad i ɔrrj girr nyag'n non ad j'oo maj. 21Kɨtɔ 'nten, deg kɨ Atent tube kɨ mbahg kɨ ndɨn tit, kɨlaɗad kɨɗang goto, na kɨ kaglog tube, ndɨn ta kɔr girr tagt ho, nelɨn mbid kɨta koo dɔ hoitag kɨ kij koon.
22Taa ne, Pol ɓai dõ dan door lo Areopajt an: Ĩn deg kɨ Aten, m'oo kad ĩn deg kɨ ngéhile yog ngãi. 23Kɨtɔ lon m'ɗe kam ɓet losɨ ye, m'ndia m'nɔl nyag'n hã i ndɨ ɔsɨn dɔsɨ ber nõdt, na m'oo dɨngɨr mad'n ndangɨn ta 'nten dɔt anan: Kɨ ro Luwaht'n de gera al. Kɨtɔ 'nten m'ndig lasɨ mber Luwah'n hã i gerɨna al, na i ndɨ ɔsɨn dɔsɨ ber nõat. 24Luwah'n ɗa dɔning kɨ nyag kɨ kamt tube, i Bɨraɓe Ngeɗa dɔrã kɨ dɔning. Luwah a ndɨ kam kuj ndubt kɨ deg ɗan kɨ jid al. 25Ndig kad deg ɗan kɨla kɨ jid adnɨn tit ge nya mad ji degt al. Kɨtɔ ĩla ndɨ ad deg ndɨ kɨ dɔ dõ, kɨ koo kɨ taa, kɨ nyag tube tɔ ho ye. 26Ɓai dɔ det kɨɗa la Luwah ɗa ad girrdeg kɨ dang dang teent kad ndɨn dɔningt kɨtaagbe. Ndah kaglog kɨ dang dang ho ɗa ɗob nin mbɨna dɔninggt'n sumba kad deg ndɨnt. 27Luwah ɗa nya 'nten titbe kad deg sahna ne, ke neni deg a ngahna kɨgo mom lot kaa ne, Luwah i sãi al ro det. 28Kɨtɔ kɨ ndɨ kɨ dɔj dõ, ndɨ kɨ j'ɔd roj ho kɨ ndɨ kumkajir kɨtakula ho. Nya 'nten la kɨmadg ku goosɨgt losɨ elɨn anan: Ãã jĩ tɔ jĩ nganag.
29Kɨtɔ 'nten jĩn ngan Luwah taa, sumba kad kɨger kad Luwah i tit yo kɨ tɔsɨ kɨ ɗa kɨ lɔr, ke arjã, kɨ mbal kɨgo goosɨt lo kɔd, ke kɨgo lo takɔjt lo de al. 30Luwah un kumɨn dɔ kohgt kɨ dai kɨ maɗi'n deg ndɨn ne kɨkanj gera. Na tajigla taa, ndɨ kun deg kad tɔrrɨn ndid. 31Kɨtɔ ɔj ndɔ'n ɓet n'a ngangɨn ta kɨdenesew dɔ degt kɨ duniat ye, kɔt de mad ndaa, ad naja deg tube lon ada ɓai lo koit. 32Lon Grekg oon dɔ ta ɓai ngékoig lokoit ye, ɔlɨn Pol, kɨmadg elɨn anan: Ɓet j'a kɨ j'oo dɔ ta loi gog dɔ tat 'nten ndɔ kɨ ɗangt.
33Pol nyad na tɔi aw. 34Na deg madg awɨn sia nat telɨn ngétaata lo Jeju. Kudt nõ, Deni'n i kɨkɨɗa ku ngékɔjta kɨ Areopajt i tit kɨ dekɨdẽ mad'n tɔa i Damaris, kɨ dekɨdẽ madg tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.