Kɨlag 11
11
Pierr ɔrr girr nya'n ɗa nya kam ɓet kɨ Jope
1Ngombangkɨlag kɨ ngankõg ngétaata lo Krist ngendɨ dɔning Judet oon kad deg kɨ dang dang kaa ne, taan ta lo Luwah ho. 2Lon Pierr tel ɗe Jerusalemt gog ye, Juipg ĩgɨn ndigɨn kad deg jan gaj ye, kɔlɨn sia. 3Elɨna anan: Ĩ Pierr, aw mbã and kuju lo deg kɨ ngéjagaj al, na i sanya nat sed tɔ ɔ?
4Taa ne, Pierr mba girr kɔrrd hoi nyag'n ɗa nya kɨ goa goa ad oon. 5M'ndɨ kam ɓet kɨ Jope, na m'ndɨ m'elta kɨ Luwah la m'oo nya kam ndilt. M'oo nya kɨ tit kub dɔ tabɨl kɨbobe, dɔ kumag i kɨ dɔ tusɔɔ, ndɨ ɗe kɨ ber, ndɨ tuin na ko kɨ dõ dɔrãt, ad ɗe mbã tee romt. 6M'nda kum kɨ dɔ nyat'n non m'nɔla kɔrikɔri taa ne, m'oo dãg kɨ dang dang kɨ dɔningt kɨ njad i sɔɔ, kɨ dãg kɨ mut, kɨ ngékɔrrkɔd'd ber, kɨ yelg kɨ dõ kam nyat'n non. 7M'oo dɔ ndi ta mad elɨm an: Pierr i ɓai dõ. I tɔl, na i sa.
8Na m'tur m'an: Ãã Bɨraɓe, nya mad kɨyerr and kam tamt nja kɨɗa al bat. 9Ndi ta'n non tee ko dõ dɔrãt elɨm ta gog ɓaitɔ, an: Nya'n Luwah tela kɨ kart ye, ot tela kɨyerrt. 10Nya'n non ɗa nya nja mɨta. Kamla tuin tube kɨ dõ dɔrãt gog. 11Taa ne, kaglot'n non, deg kɨ mɨta'n land kɨ dɔmt ye, ngahmɨn kam kuj ndɨjt. Ɓain dɔning Sejaret. 12Ndil Kɨkunjɗang elɨm an: Aw sed kɨkanj ɓad nya mad. Ngankõg kɨbojidet'n dãnɨmɨn, ĩn nat sem ad j'and kam kujt lo Kɔrnei. 13Ta'n Kɔrnei elj laten: M'oo malaika kam kujɨmt elɨm an: I la deg Jopet, ad aw kunɨn Simõ'n a kunɨna Pierr, ɗen sia. 14Ĩla a eli tag'n kɨtakuld Luwah a ajɨn, ĩ ho, ngékɨɓe loi tu ho ye. 15Lon m'mbagirr kelta ye, Ndil Kɨkunjɗang ɗisɨ kɨ dɔdt tube tit'n ɗisɨn dɔjt lo yaɓoodat nõ be. 16Ad kamm gah dɔ tat'n Bɨraɓe el an: Jã taa ne, ɗa deg baptem kam mant, na ĩn ɓet a ɗasɨn baptem kam Ndil kɨkunjɗangt. 17Ĩla Luwah ad girrdeg kɨ dang dang kadkari kɨkɨɗa tit'n adj lon kɨ taan ta lo Bɨraɓe Jeju Krist ye, mi nõ kad m'asɨ kɔg Luwah ɗa kɨla lon a?
18Lon ngétaata lo Krist oon dɔ tag 'nten ye, kamd so kɨ ber ad adɨn kɔsɨgon Luwah anan: Kɔsɨgon kɨ dɔ Luwaht, i rota Luwah tee ta ɗob kad girrdeg kɨ dang dang tɔrrɨn ndid kad ngahn ne kumkajir kɨ jeje.
Ndah girr kawna kɨ kam ɓet kɨ Antiosɨ
19Go koi Etien darondo ɓai dɔ ngétaatat lo Krist, ad ĩn kɨ tɨnda tĩ kɨ lo lo, mbã teen dɔning kɨ Penisit kɨ dɔning Siprɨt kɨ ɓebo Antiosɨ. Na lan mber ta lo Luwah ku juipgt koon. 20Na kɨmadg kudt ĩn deg kɨ Siprɨt, kɨ Siren, ɓai awɨn Antiosɨ, na lan mber hoita kɨmaj lo Bɨraɓe Jeju Grekg. 21Tɔg ji Bɨraɓe i nat sed kɨta 'nten ad koosɨdeg ngãibe telɨn ngétaata lo Krist ho ngétel kɨ ro Bɨraɓet ho. 22Hoita'n non so mbi ngékawnat kɨ ɓebo Jerusalemt ad lan Barnabas kɨ aw Antiosɨt. 23Barnabas aw tee Antiosɨt oo majkurr lo Luwah dɔ degt kɨ ngétaata lo Krist ad ɗa ronel ngãi, kamla ɔjd kad hɔn tɔgd bá, kɨ ndan kamd dɔ Luwaht tɔ.
24Kɨtɔ Barnabas i de kɨmaj, ɗoosɨ kɨ Ndil Kɨkunjɗang kɨ kad koosɨdeg ngãibe telɨn kɨ ro Bɨraɓet. 25Kamla Barnabas tel aw Tarsɨt kɨ'n sah Sool. 26Lon ngaha ye, ɗe sia Antiosɨt. Tujoo ndɨ kawɨn na kɨ ngékawna tube kɨ Antiosɨt, asɨ ɓal kɨɗa, ndɨ ndoon deg ngãibe. I kam ɓet kɨ Antiosɨ la deg kunɨn ngétaata lo Krist Kretiẽg tit dasa ye. 27Ndɔ madt ngékelta kɨ ta Luwaht ɓain Jerusalemt ɗen kam ɓet kɨ Antiosɨ. 28Kɨmad kudt tɔa i Agabus. Ndil ɔsa, ad ndɔ ndil ɔjɨn dɔ ɓo kɨbobe'n ɓet a so kam dɔningt kɨtaagbe. Ɓon non a õ kaglot lo ngar Klod. 29Taa ne, ngéndoog kɨ Antiosɨ unɨn kɔd kad'n lan kɨ nya n'ɗan ne kɨ ngankõ ngendɨ dɔning Judet, kɨ dekɨɗen ad nya kɨgo tɔgɨnt. 30Ngéndoog ɗan nya 'nten, lan kadkarig lod ji Barnabast kɨ Sool kad awɨn ne adɨn kɨbog kɨ dɔning Judet.
Currently Selected:
Kɨlag 11: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Kɨlag 11
11
Pierr ɔrr girr nya'n ɗa nya kam ɓet kɨ Jope
1Ngombangkɨlag kɨ ngankõg ngétaata lo Krist ngendɨ dɔning Judet oon kad deg kɨ dang dang kaa ne, taan ta lo Luwah ho. 2Lon Pierr tel ɗe Jerusalemt gog ye, Juipg ĩgɨn ndigɨn kad deg jan gaj ye, kɔlɨn sia. 3Elɨna anan: Ĩ Pierr, aw mbã and kuju lo deg kɨ ngéjagaj al, na i sanya nat sed tɔ ɔ?
4Taa ne, Pierr mba girr kɔrrd hoi nyag'n ɗa nya kɨ goa goa ad oon. 5M'ndɨ kam ɓet kɨ Jope, na m'ndɨ m'elta kɨ Luwah la m'oo nya kam ndilt. M'oo nya kɨ tit kub dɔ tabɨl kɨbobe, dɔ kumag i kɨ dɔ tusɔɔ, ndɨ ɗe kɨ ber, ndɨ tuin na ko kɨ dõ dɔrãt, ad ɗe mbã tee romt. 6M'nda kum kɨ dɔ nyat'n non m'nɔla kɔrikɔri taa ne, m'oo dãg kɨ dang dang kɨ dɔningt kɨ njad i sɔɔ, kɨ dãg kɨ mut, kɨ ngékɔrrkɔd'd ber, kɨ yelg kɨ dõ kam nyat'n non. 7M'oo dɔ ndi ta mad elɨm an: Pierr i ɓai dõ. I tɔl, na i sa.
8Na m'tur m'an: Ãã Bɨraɓe, nya mad kɨyerr and kam tamt nja kɨɗa al bat. 9Ndi ta'n non tee ko dõ dɔrãt elɨm ta gog ɓaitɔ, an: Nya'n Luwah tela kɨ kart ye, ot tela kɨyerrt. 10Nya'n non ɗa nya nja mɨta. Kamla tuin tube kɨ dõ dɔrãt gog. 11Taa ne, kaglot'n non, deg kɨ mɨta'n land kɨ dɔmt ye, ngahmɨn kam kuj ndɨjt. Ɓain dɔning Sejaret. 12Ndil Kɨkunjɗang elɨm an: Aw sed kɨkanj ɓad nya mad. Ngankõg kɨbojidet'n dãnɨmɨn, ĩn nat sem ad j'and kam kujt lo Kɔrnei. 13Ta'n Kɔrnei elj laten: M'oo malaika kam kujɨmt elɨm an: I la deg Jopet, ad aw kunɨn Simõ'n a kunɨna Pierr, ɗen sia. 14Ĩla a eli tag'n kɨtakuld Luwah a ajɨn, ĩ ho, ngékɨɓe loi tu ho ye. 15Lon m'mbagirr kelta ye, Ndil Kɨkunjɗang ɗisɨ kɨ dɔdt tube tit'n ɗisɨn dɔjt lo yaɓoodat nõ be. 16Ad kamm gah dɔ tat'n Bɨraɓe el an: Jã taa ne, ɗa deg baptem kam mant, na ĩn ɓet a ɗasɨn baptem kam Ndil kɨkunjɗangt. 17Ĩla Luwah ad girrdeg kɨ dang dang kadkari kɨkɨɗa tit'n adj lon kɨ taan ta lo Bɨraɓe Jeju Krist ye, mi nõ kad m'asɨ kɔg Luwah ɗa kɨla lon a?
18Lon ngétaata lo Krist oon dɔ tag 'nten ye, kamd so kɨ ber ad adɨn kɔsɨgon Luwah anan: Kɔsɨgon kɨ dɔ Luwaht, i rota Luwah tee ta ɗob kad girrdeg kɨ dang dang tɔrrɨn ndid kad ngahn ne kumkajir kɨ jeje.
Ndah girr kawna kɨ kam ɓet kɨ Antiosɨ
19Go koi Etien darondo ɓai dɔ ngétaatat lo Krist, ad ĩn kɨ tɨnda tĩ kɨ lo lo, mbã teen dɔning kɨ Penisit kɨ dɔning Siprɨt kɨ ɓebo Antiosɨ. Na lan mber ta lo Luwah ku juipgt koon. 20Na kɨmadg kudt ĩn deg kɨ Siprɨt, kɨ Siren, ɓai awɨn Antiosɨ, na lan mber hoita kɨmaj lo Bɨraɓe Jeju Grekg. 21Tɔg ji Bɨraɓe i nat sed kɨta 'nten ad koosɨdeg ngãibe telɨn ngétaata lo Krist ho ngétel kɨ ro Bɨraɓet ho. 22Hoita'n non so mbi ngékawnat kɨ ɓebo Jerusalemt ad lan Barnabas kɨ aw Antiosɨt. 23Barnabas aw tee Antiosɨt oo majkurr lo Luwah dɔ degt kɨ ngétaata lo Krist ad ɗa ronel ngãi, kamla ɔjd kad hɔn tɔgd bá, kɨ ndan kamd dɔ Luwaht tɔ.
24Kɨtɔ Barnabas i de kɨmaj, ɗoosɨ kɨ Ndil Kɨkunjɗang kɨ kad koosɨdeg ngãibe telɨn kɨ ro Bɨraɓet. 25Kamla Barnabas tel aw Tarsɨt kɨ'n sah Sool. 26Lon ngaha ye, ɗe sia Antiosɨt. Tujoo ndɨ kawɨn na kɨ ngékawna tube kɨ Antiosɨt, asɨ ɓal kɨɗa, ndɨ ndoon deg ngãibe. I kam ɓet kɨ Antiosɨ la deg kunɨn ngétaata lo Krist Kretiẽg tit dasa ye. 27Ndɔ madt ngékelta kɨ ta Luwaht ɓain Jerusalemt ɗen kam ɓet kɨ Antiosɨ. 28Kɨmad kudt tɔa i Agabus. Ndil ɔsa, ad ndɔ ndil ɔjɨn dɔ ɓo kɨbobe'n ɓet a so kam dɔningt kɨtaagbe. Ɓon non a õ kaglot lo ngar Klod. 29Taa ne, ngéndoog kɨ Antiosɨ unɨn kɔd kad'n lan kɨ nya n'ɗan ne kɨ ngankõ ngendɨ dɔning Judet, kɨ dekɨɗen ad nya kɨgo tɔgɨnt. 30Ngéndoog ɗan nya 'nten, lan kadkarig lod ji Barnabast kɨ Sool kad awɨn ne adɨn kɨbog kɨ dɔning Judet.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.