YouVersion Logo
Search Icon

MIPUM SIARHNAK 10

10
Ngun Thirhlungte
1 Bawipa in Moses hnenah, 2“Pum in denghnak ngun thirhlungte pahnih in bawn tulai Israel mite pumkhawm kohnak ah le riahbuk thawn tuh thuthanhnak in hmang tu. 3Thirhlungte a pahnih in a raipui a tum fangin mizapui veksen in i umhnak Ponhlam dawngkham ah pumkhawm tlang tuseh. 4Ikhalselai thirhlung pakhat ian tum lekhaw amahte hin ṭen ai hotute ian na hnenah kawi tlang tuseh. 5Cen cawm roh le comniu in thirhlung tum lekhaw nisuah lamai camtu hinte thawn tuseh. 6Cen ciabang thotho in a vel hnihhnak cawm roh le comniu in tum lekhaw hlang lamai camtu hinte thawn tlang tuseh. Ciamanin riahbuk thawn tuhhnak tu cawm roh le comniu in thirhlung tum tu selai, 7mizapui taikhawm tuhhnak ahcen a rai ngai tum tuseh. 8Thirhlung heh Aaron ai fapa suangbawite ian in tum tlang tuseh. “A hnia lamai dante tu a zomzet in ning tesinfate tianin hlun tuhhnak i. 9Ning ram songah ning nehrawhtu ralte ning tawng fangin he thirhlungte heh raltawng thirhlung tumdan in tum tu ih. Bawipa ning Pathian kaimah in ning bawm tuhai ral kut in ning o tuh ing. 10Cen anghnak can, hla thar can ah Hla Thar Puaite le ningmah ai a dang biahnak puaite hrang ituseh, maitai hibawlhnak le rualrem hibawlhnak ning sel fangin khai, he thirhlungte tum tu ih. Ciatihin ning bawm tuh ing. Kai tu Bawipa ning Pathian ing,” tiin ti i.
Israel mite Riahbuk Thawn I
11Israel mite Egypt ram an a suak hnua kum hnihhnak a hla hnihhnak hla ni kul nia ah Bawipa umhnak Ponhlam vuman mairo thawn ai, 12Israel mite tu Sinai Nelrawn in suak tlang i. Cen Paran nelrawn hleng fangin mairo com i.
13Moses hnenah Bawipa ai thupeciahnak bangin Israel mite tu thawn tlang i. 14Riahbuk a thawn cang fangin, Judah thantar hnia ai a ummi zongzong a hmasaber ah feh tlang i; Judah hinte hotu heh Amminadab ai fapa Nashon i. 15Issakhar hinte hotu heh Zuar ai fapa Nathanael i. 16Zebulun hinte hotu heh Helon ai fapa Eliab i.
17Cen ponhlam bal tlang ai Gershon le Merari hinte in phur ai midang camra in feh tlang i.
18Cia hnuaah Reuben thantar hnia ai a umtute feh tlang i. Reuben hinte hotu heh Shedeur ai fapa Elizur i. 19Simeon hinte hotu heh Zurishaddai ai fapa Shelumiel i. 20Gad hinte hotu heh Deuel ai fapa Eliasaph i.
21Cen Kohath hinte, a cianghlim thilrite a phurtute feh ve ai riahbuk a khuarhnak hleng fangin ponhlam sa tlang i.
22Ciaben fangin Epharaim thantar hnia ai a umtute feh tlang i. Epharaim hinte hotu heh Ammihud ai fapa Eliashama i. 23Manasseh hinte hotu heh Pedazur ai fapa Gamaliel i ai, 24Benjamin hinte hotu heh Gedeoni ai fapa Abidan i.
25Hnuakhumber ah Dan thantar hnia ai umtute tu hnua lamah ralkiltu ah a bur a bur in feh tlang i. Dan hinte hotu heh Ammishaddai ai fapa Ahiezer i. 26Asher hinte hotu heh Okhran ai fapa Pagiel i. 27Naphtali hinte hotu heh Enan ai fapa Ahira i. 28Israel mite riahbuk a thawn fangin a bur a bur ai thuangtuah ah a fehdan tu ciatihin i.
29Moses in Midian mi a pu Reuel ai fapa, a nupui ai hmingpa Hobab hnenah, “Bawipa in a kin pe tuhin a thukhamhnak ramah feh tuh ihang sing. Bawipa in Israel mite tu mi nainung in bawn tuhin thu kin kham zo i; ciamanin kin hnenah feh tu ve lai kin lianhnak na hlawm tuh ve i ing,” tiin ti i.
30Hobab in, “Kawi tuh lo ing; i ram le i miphun hnenah let tuh sawn ing,” tiin sawn i.#Luat 18:27
31Ciafangin Moses in, “I fehsan hram malaw. Hampalak ramkhing kin hleng fangin riahbuk pha nai tuh sawn isi. Ciamanin in kin konghoithaitu tuh isi. 32Kin hnenah kawi lesikhaw Bawipa in a kin pehnak hmuifu hmuahhmuah nangmah thawn hlawm dun tuh ising,” tiin ti i.
Mizapui Feh Tlang I
33Israel mizapui tu, mual thianghlim Sinai Mual in feh ai ni thum ban lamhla ah feh tlang i. Bawipa ai Thutiam Kuang heh amahte hmai in feh ai com tuh hmun si i. 34Amahte riahbuk pakhat in pakhat ah a thawn fangin Bawipa ai mairo heh sunnivui amahte vumah um ngio i.
35Cen Thutiam Kuang heh riahbuk in a thawn cang fangin Moses in, “Aw Bawipa, tho tulai na ralte khiah piakruai tusek law; na huatute khiah na hmai in tlan tusek selaw,” tiin ti de i.#Saam 68:1 36Cen Thutiam Kuang a com cang fangin, “Aw Bawipa, Israel mite a thawng le a za hnenah let tu law,” tiin ti de i.

Currently Selected:

MIPUM SIARHNAK 10: RZB

Highlight

Share

Copy

None

Want to have your highlights saved across all your devices? Sign up or sign in