SUANGBAWI LAIBU 4
4
Sualhlat Hibawlhnak
1-2Mi pakhat in sualhnak bawn ai Bawipa ai thukham balsual lekhaw, a hnia lamai dante hlun tuh tengteng in Israel mite hnenah rel tuhin Bawipa in Moses hnenah thupe i.
3Thaupawhciahnak Suangbawi Sang sual ai Israel mite hnenah mawhhnak hlengtiar lekhaw, a sualhlathnak ah a hnahpha kawlpawcang koih tu selai Bawipa hnenah hibawlhnak in sel tuseh. 4A kawlpawcang heh Bawipa umhnak ponhlam dawngkham hiangah koih tu selai, a lu vumah a kut suan in Bawipa mithmuh ciata ah ro tuseh. 5Cen ciami suangbawi in a kawlpaw ai thisan hrekkhat lang tuhai Ponhlam songah fehpui tuseh. 6Ciami thisan songah a zungkawk nim tuhai a cianghlim ponzar hmaiah vel sarih tian thisan phiah tuseh. 7Cen Ponhlam songai rimhmui taihnak puleng kite vumah ciami thisan a hrekkhat mat tuhai a tanglaihnak thisan tu Ponhlam song luthnak ai umhnak maitai hibawlhnak hrang hmanghnak puleng hamah bung tuh sek i. 8Hemi kawlpaw ai thau hmuahhmuah, a songril ai pakir le, 9a kalte le a vumai a kophnak thaute, a thinhnun ai kophnak thau khai phorh tusek seh. 10Rualrem hibawlhnak hrang kawlpawcang rohnak a thaute lang sek ai a tai bangin suangbawi in he kawlpawcang ai thaute heh lang tuhai maitai hibawlhnak hmun puleng vumah tai tuseh. 11Ikhalselai a vun, a sa hmuahhmuah, a lu, a kete le a songril hmuahhmuah lang tuhai, 12amahte riahbuk in hnarpua ai vutkuang lonhnak hmun selciang in thingtian vumah tai tuseh.
13 Bawipa ai thupehnakte bal pang in Bawipa hmai ai a sualtu heh Israel mizapui ilekhaw, 14amahte sualhnak a ling sawngpah in amahte sualhlat hibawlhnak hrang kawlpawcang a dawnniu lu khat koih tlang tuseh; Bawipa umhnak Ponhlam ah koih tu selai, 15Israel mite hotute in a lu vumah kut suan tlang tu selai ciata ah ro tuseh. 16Thaupawhciahnak suangbawi in kawlpaw thisan hrekkhat heh Ponhlam songah koih tu selai, 17thisan songah a kut zungkawk a nim hnuaah ponzar hmaiah vel sarih tianin phiah tuseh. 18A thisan hrekkhat tu Ponhlam songai ummi rimhmui taihnak puleng ai a kite vumah mat tuhai a tanglaihnak thi tu Ponhlam luthnak ai ummi maitai puleng hamah bung tusek seh. 19Cen a thau hmuahhmuah lang tu selai puleng vumah tai tuseh. 20Sualhlat hibawlhnak kawlpawcang a bawn bangin hemi kawlpawcang khai Israel mite sualhnak manin suangbawi in hibawlhnak bawn tuhai ngaithiam tuh i. 21Amah suangbawi sualhlathnak kawlpawcang a bawn ang thotho in hemi kawlpawcang heh lang tuhai amahte riahbuk in hnarpua ah fehpui tuhai tai tuh i. Hemi tu mizapui sualhlathnak hrang hibawlhnak i.
22 Bawipa ai thukham heh ram uktu in bal in sual pang lekhaw, 23a sualhnak a ling dun sawngpah in a hnahpha mecang lu khat hibawlhnak hrang koih tuseh. 24Mecang lu vumah a kutsuan tu selai maitai hibawlhnak sa rohnak puleng ai sak lam nakah ro tuseh. Hemi tu sualhlat hibawlhnak i. 25Mecang ai a thisan khiah suangbawi in a zungkawk in tok tu selai puleng ai a kite ah mat tuseh. A tanglaihnak thisan tu puleng keham ah bung tuseh. 26Cen rualrem hibawlhnak ai a rohnak sumhnam thaute a tai bangin mecang thau hmuahhmuah puleng vumah tai tuseh. Ciatihin hotu ai sualhnak manin suangbawi in hibawlhnak sel tu selai hotu heh ngaithiam tuh i.
27Israel mite lakah mi pakhatkhat in tumhrimhnak zaikhai nai loin sual ngah pang ai Bawipa ai thukham bal ngah pang lekhaw: 28a sual ling dun sawng fangin a hnahpha menu lu khat koih tuseh. 29A menu ai lu vumah a kut suan tuhai maitai hibawlhnak sa rohnak, puleng ai a nak sak lamah ro tuseh. 30Ciami thisan songah suangbawi in a zungkawk in tok tu selai puleng ai a kite vumah mat tuseh; a tanglaihnak thi tu puleng hamah bung tusek seh. 31Cen rualrem hibawlhnak sa ai a thaute a langdan bangin a thau lang tu selai Bawipa ai daihhnak rimur i tuhin puleng vumah tai tuseh. Ciatihin ciami pa ai sualhnak manin suangbawi in hibawlhnak sel tuhai ciami pa heh a sualhnak ngaithiam tuh i.#Mip 15:27-28
32Mi pakhat in a sualhlathnak tuhin tuu lu khat koih lekhaw a nuu a hnahpha tuh i. 33A tuu ai lu vumah a kutsuan tu selai maitai hibawlhnak sa rohnak puleng ai a sak lam nakah ro tuseh. 34Ciami sumhnam thisan songah suangbawi in a zungkawk in tok tu selai puleng ai a kite vumah mat tuseh; a valhnak thisan tu puleng hamah bung tuseh.
35Rualrem hibawlhnak sathau a lang bangin suangbawi in a thau lang tuh sek ai maitai hibawl a selhnak rong thawn Bawipa hnenah sel tuhai puleng vumah tai tuseh. Ciatihin ciami pa ai a sualhlathnak hrangah suangbawi in hibawlhnak sel tuhai ciami pa heh ngaithiam tuh i.
Currently Selected:
SUANGBAWI LAIBU 4: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
SUANGBAWI LAIBU 4
4
Sualhlat Hibawlhnak
1-2Mi pakhat in sualhnak bawn ai Bawipa ai thukham balsual lekhaw, a hnia lamai dante hlun tuh tengteng in Israel mite hnenah rel tuhin Bawipa in Moses hnenah thupe i.
3Thaupawhciahnak Suangbawi Sang sual ai Israel mite hnenah mawhhnak hlengtiar lekhaw, a sualhlathnak ah a hnahpha kawlpawcang koih tu selai Bawipa hnenah hibawlhnak in sel tuseh. 4A kawlpawcang heh Bawipa umhnak ponhlam dawngkham hiangah koih tu selai, a lu vumah a kut suan in Bawipa mithmuh ciata ah ro tuseh. 5Cen ciami suangbawi in a kawlpaw ai thisan hrekkhat lang tuhai Ponhlam songah fehpui tuseh. 6Ciami thisan songah a zungkawk nim tuhai a cianghlim ponzar hmaiah vel sarih tian thisan phiah tuseh. 7Cen Ponhlam songai rimhmui taihnak puleng kite vumah ciami thisan a hrekkhat mat tuhai a tanglaihnak thisan tu Ponhlam song luthnak ai umhnak maitai hibawlhnak hrang hmanghnak puleng hamah bung tuh sek i. 8Hemi kawlpaw ai thau hmuahhmuah, a songril ai pakir le, 9a kalte le a vumai a kophnak thaute, a thinhnun ai kophnak thau khai phorh tusek seh. 10Rualrem hibawlhnak hrang kawlpawcang rohnak a thaute lang sek ai a tai bangin suangbawi in he kawlpawcang ai thaute heh lang tuhai maitai hibawlhnak hmun puleng vumah tai tuseh. 11Ikhalselai a vun, a sa hmuahhmuah, a lu, a kete le a songril hmuahhmuah lang tuhai, 12amahte riahbuk in hnarpua ai vutkuang lonhnak hmun selciang in thingtian vumah tai tuseh.
13 Bawipa ai thupehnakte bal pang in Bawipa hmai ai a sualtu heh Israel mizapui ilekhaw, 14amahte sualhnak a ling sawngpah in amahte sualhlat hibawlhnak hrang kawlpawcang a dawnniu lu khat koih tlang tuseh; Bawipa umhnak Ponhlam ah koih tu selai, 15Israel mite hotute in a lu vumah kut suan tlang tu selai ciata ah ro tuseh. 16Thaupawhciahnak suangbawi in kawlpaw thisan hrekkhat heh Ponhlam songah koih tu selai, 17thisan songah a kut zungkawk a nim hnuaah ponzar hmaiah vel sarih tianin phiah tuseh. 18A thisan hrekkhat tu Ponhlam songai ummi rimhmui taihnak puleng ai a kite vumah mat tuhai a tanglaihnak thi tu Ponhlam luthnak ai ummi maitai puleng hamah bung tusek seh. 19Cen a thau hmuahhmuah lang tu selai puleng vumah tai tuseh. 20Sualhlat hibawlhnak kawlpawcang a bawn bangin hemi kawlpawcang khai Israel mite sualhnak manin suangbawi in hibawlhnak bawn tuhai ngaithiam tuh i. 21Amah suangbawi sualhlathnak kawlpawcang a bawn ang thotho in hemi kawlpawcang heh lang tuhai amahte riahbuk in hnarpua ah fehpui tuhai tai tuh i. Hemi tu mizapui sualhlathnak hrang hibawlhnak i.
22 Bawipa ai thukham heh ram uktu in bal in sual pang lekhaw, 23a sualhnak a ling dun sawngpah in a hnahpha mecang lu khat hibawlhnak hrang koih tuseh. 24Mecang lu vumah a kutsuan tu selai maitai hibawlhnak sa rohnak puleng ai sak lam nakah ro tuseh. Hemi tu sualhlat hibawlhnak i. 25Mecang ai a thisan khiah suangbawi in a zungkawk in tok tu selai puleng ai a kite ah mat tuseh. A tanglaihnak thisan tu puleng keham ah bung tuseh. 26Cen rualrem hibawlhnak ai a rohnak sumhnam thaute a tai bangin mecang thau hmuahhmuah puleng vumah tai tuseh. Ciatihin hotu ai sualhnak manin suangbawi in hibawlhnak sel tu selai hotu heh ngaithiam tuh i.
27Israel mite lakah mi pakhatkhat in tumhrimhnak zaikhai nai loin sual ngah pang ai Bawipa ai thukham bal ngah pang lekhaw: 28a sual ling dun sawng fangin a hnahpha menu lu khat koih tuseh. 29A menu ai lu vumah a kut suan tuhai maitai hibawlhnak sa rohnak, puleng ai a nak sak lamah ro tuseh. 30Ciami thisan songah suangbawi in a zungkawk in tok tu selai puleng ai a kite vumah mat tuseh; a tanglaihnak thi tu puleng hamah bung tusek seh. 31Cen rualrem hibawlhnak sa ai a thaute a langdan bangin a thau lang tu selai Bawipa ai daihhnak rimur i tuhin puleng vumah tai tuseh. Ciatihin ciami pa ai sualhnak manin suangbawi in hibawlhnak sel tuhai ciami pa heh a sualhnak ngaithiam tuh i.#Mip 15:27-28
32Mi pakhat in a sualhlathnak tuhin tuu lu khat koih lekhaw a nuu a hnahpha tuh i. 33A tuu ai lu vumah a kutsuan tu selai maitai hibawlhnak sa rohnak puleng ai a sak lam nakah ro tuseh. 34Ciami sumhnam thisan songah suangbawi in a zungkawk in tok tu selai puleng ai a kite vumah mat tuseh; a valhnak thisan tu puleng hamah bung tuseh.
35Rualrem hibawlhnak sathau a lang bangin suangbawi in a thau lang tuh sek ai maitai hibawl a selhnak rong thawn Bawipa hnenah sel tuhai puleng vumah tai tuseh. Ciatihin ciami pa ai a sualhlathnak hrangah suangbawi in hibawlhnak sel tuhai ciami pa heh ngaithiam tuh i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.