LUATSUAKHNAK 14
14
Tipui San Tanhnak
1 Bawipa in Moses hnenah, 2“Israel mite tu khel lam let tuhin le Pi Hahiroth hmai, Migdol le Tifingriat karlak ah Baal Zephon lam hoi in zancam tuhin rel tu. Cia hmun Tipui San kamah zancam tuseh. 3Ciafangin Pharoah in, “Israel mite tu vansang in vakvai ai nelrawn ah tang ihang,’ tiin ruat tuh i. 4Cen Pharoah ai thinlung tu ruhruai tuhai Israel mite heh ning hnawh tuh i. Ciafangin Pharoah le a ralkapte neh tuhai ciami in i hming i thangruai tuh i. Ciafang ian in Egypt mite in kaimah heh Bawipa ing tiin i ling tlang tuh i,” tiin ti i. A relhnak bangin Israel mite in bawn tlang i.
5Egypt kumpibawi hnenah Israel mite tlan zo sek thu a rel fangin, amah le a kuthnia tlangsuakte tu thinlung thleng lehsal ai, “Kin bawnciahnak heh ziang i?” “Zaimanin kin sal ihnak in Israel mite suakruai ising?” tiin ti tlang dekdo i. 6Ciafangin Pharoah in a raltawnghnak a siphuhlengte heh thuam pairuai cialep ai a ralkapte khai fehpui i. 7A pha ber rillephnak siphuhlengte za ruk, le a vumah ralbawi pakhat ṭen to in le a dang Egypt mite ai siphuhlengte inkhai hnawh tlang i. 8Bawipa in Pharoah ai thinlung ruhruai manin, ralpha ngai ai#14:8 Ralpha ngai ai tihnak tu Bawipa ai kilkhawlhnak songah tikhai i thai i. a fehtu Israel mite khiah a hnua an hnawh tlang i. 9Egypt mite in amahte siphuh hmuahhmuah thawn Pharoah ai siphuhleng a mawngtute le a ralkapte thawn Israel mite khiah hnawh ai Pi Hahiroth hiangai Baal-zephon hmai Tipui San hiangah man i.
10Pharoah in man taito khiah Israel mite in hmu fangin thinlau tlang ai Bawipa hnenah au in kap tlang i; 11Cen Moses hnenah, “Egypt ramah hlanmual um lo manin heta nelrawn ramkhing ah thi tuhin kin hoi isim? Egypt ram an kin suah ai na thil bawnhnak heh sik tu! 12Egypt ramah kin um lai in hetih ang cang tuh i, tiin na ti cia tho lo i ing maw? ‘Kin hnaihnok mah; Egypt mite hnenah sal cang sawn nga ing,” na ti ang tho ing? Hemi nelrawn ramkhing ah thi tahin sal cang kin hiam sawn i,” tiin ti tlang i. 13Ciafangin Moses in Israel mite hnenah, “Lau mah ih; kho ngai in ding tu ilai, tunnia ah ning o tuhin Bawipa ai bawn tuhhnak sik tu ih. Tunnia ning hmuhnak Egypt mite heh hmu tuh nawn lo ihang i si. 14Ningmah ca Bawipa in ning tawng sah tuh i. Ning bawn tuhhnak zaikhai um lo i. Thinnuamniu in um tu ih,” tiin ti i.
15 Bawipa in Moses hnenah, “Zaimanin i hnenah au tlang hnelhno i si? Israel mite heh hmai lamah nor tuhin rel tu. 16Na faikiang dang tulai, tifingriat vumah na ban pharh tu. Cen ti khiah khan dun tuhai Israel mite tu lai ro vuman vak thil tuh i. 17Egypt mite thinlung tu ruh roh in bawn tuhai ning hnuacang in ning hnawh tuh i. Ciafangin Pharoah le a ralkapte le a siphuhleng le a mawngtute neh tuhai ciami in i hming i thangruai tuh i. 18Ciatihin anite i neh fangin Egypt mite in Bawipa ing ti khiah i ling tuh i,” tiin ti i.
19Israel ralkap burpui hmai lamah feh ngiotu de Pathian ai vancungmi tu thawn teu ai hnua lam sawn in khor i. Amahte hmaicang ai um mairo zual khai hnua lam sawn ah thawn ai 20Egypt ralkapte le Israel mite burpui karlak ah thawn i. Mairo um ai Egypt ralkapte ca khuathim ai Israel mite ca ahcen khuavar i. Ciamanin zankhuavar nong dun thil veve loin um tlang i.
21Moses in tifingriat vumah a ban pharh fangin, Bawipa in nisuah lamai hlivua raw roh zuangruai ai zanvar a zuang hnuaah tipui hnia lamai lai ro dak i. Tipui khiah khan ai, 22Israel mite tu ti pui song lai ro vuman vak i. A sir le sir ah tipui khiah bangkhang bangin tung i.#1Cor 10:1-2; Heb 11:29 23Cen Egypt mite inkhai Pharoah ai siphuh hmuahhmuah le a siphuhlengte le a mawngtute thawn tipui songah hnawh thotho i. 24Zing lam khuavar dawn fangin Bawipa in mai zual le mairo zual vuman Egypt ralkapte heh sik ai thinpit vansang thai in bawn i. 25A siphuhleng ke hmuahhmuah heh tarruai sek ai harsa ngai in thawn thil fangfang i. Ciafangin Egypt ralkapte in, “Bawipa in Israel mite lam bawm ai kin tu kin tawng i, tlan ngasing,” tiin ti tlang i.
26Cialak ah, Bawipa in Moses hnenah, “Tifingriat vumah na ban pharh tulai Egypt mite le a siphuhlengte le a mawngtute vumah tipui let tuhai pil tuh sek i,” tiin ti i. 27Cen Moses in a ban heh tipui vumah pharh ai zing khuavar fangin tipui tu let ai amah kel in cang leh i. Egypt mite tu tlansuak tum in tipui pel khalselai Bawipa in tipui songah lon sio i. 28Tipui tu kop dun leh ai tifingriat song tianin Israel mite a hnawhtu, Pharoah ai ralkap hmuahhmuah le a siphuhleng le a mawngtute khai khuk sio i. Pakhat khai luat lo i. 29Ikhalselai Israel mite tu a sir le sir ah Tipui khiah bangkhang bangin tung ai tifingriat songai lai ro vuman fehsuak i.
30Cia nia ah Egypt mite kut songin Israel mite tu Bawipa in osuak ai Egypt mite ai mithi luang heh Israel mite in tipui hiangah hmu tlang i. 31Zaitluk huham lian thawn Bawipa in Egypt mite tawng i ti Israel mite in fiang ngai in hmu manin Bawipa khiah kih tlang i; ciamanin Bawipa le a sal pa Moses vumah rinsanhnak nai tlang i.
Currently Selected:
LUATSUAKHNAK 14: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
LUATSUAKHNAK 14
14
Tipui San Tanhnak
1 Bawipa in Moses hnenah, 2“Israel mite tu khel lam let tuhin le Pi Hahiroth hmai, Migdol le Tifingriat karlak ah Baal Zephon lam hoi in zancam tuhin rel tu. Cia hmun Tipui San kamah zancam tuseh. 3Ciafangin Pharoah in, “Israel mite tu vansang in vakvai ai nelrawn ah tang ihang,’ tiin ruat tuh i. 4Cen Pharoah ai thinlung tu ruhruai tuhai Israel mite heh ning hnawh tuh i. Ciafangin Pharoah le a ralkapte neh tuhai ciami in i hming i thangruai tuh i. Ciafang ian in Egypt mite in kaimah heh Bawipa ing tiin i ling tlang tuh i,” tiin ti i. A relhnak bangin Israel mite in bawn tlang i.
5Egypt kumpibawi hnenah Israel mite tlan zo sek thu a rel fangin, amah le a kuthnia tlangsuakte tu thinlung thleng lehsal ai, “Kin bawnciahnak heh ziang i?” “Zaimanin kin sal ihnak in Israel mite suakruai ising?” tiin ti tlang dekdo i. 6Ciafangin Pharoah in a raltawnghnak a siphuhlengte heh thuam pairuai cialep ai a ralkapte khai fehpui i. 7A pha ber rillephnak siphuhlengte za ruk, le a vumah ralbawi pakhat ṭen to in le a dang Egypt mite ai siphuhlengte inkhai hnawh tlang i. 8Bawipa in Pharoah ai thinlung ruhruai manin, ralpha ngai ai#14:8 Ralpha ngai ai tihnak tu Bawipa ai kilkhawlhnak songah tikhai i thai i. a fehtu Israel mite khiah a hnua an hnawh tlang i. 9Egypt mite in amahte siphuh hmuahhmuah thawn Pharoah ai siphuhleng a mawngtute le a ralkapte thawn Israel mite khiah hnawh ai Pi Hahiroth hiangai Baal-zephon hmai Tipui San hiangah man i.
10Pharoah in man taito khiah Israel mite in hmu fangin thinlau tlang ai Bawipa hnenah au in kap tlang i; 11Cen Moses hnenah, “Egypt ramah hlanmual um lo manin heta nelrawn ramkhing ah thi tuhin kin hoi isim? Egypt ram an kin suah ai na thil bawnhnak heh sik tu! 12Egypt ramah kin um lai in hetih ang cang tuh i, tiin na ti cia tho lo i ing maw? ‘Kin hnaihnok mah; Egypt mite hnenah sal cang sawn nga ing,” na ti ang tho ing? Hemi nelrawn ramkhing ah thi tahin sal cang kin hiam sawn i,” tiin ti tlang i. 13Ciafangin Moses in Israel mite hnenah, “Lau mah ih; kho ngai in ding tu ilai, tunnia ah ning o tuhin Bawipa ai bawn tuhhnak sik tu ih. Tunnia ning hmuhnak Egypt mite heh hmu tuh nawn lo ihang i si. 14Ningmah ca Bawipa in ning tawng sah tuh i. Ning bawn tuhhnak zaikhai um lo i. Thinnuamniu in um tu ih,” tiin ti i.
15 Bawipa in Moses hnenah, “Zaimanin i hnenah au tlang hnelhno i si? Israel mite heh hmai lamah nor tuhin rel tu. 16Na faikiang dang tulai, tifingriat vumah na ban pharh tu. Cen ti khiah khan dun tuhai Israel mite tu lai ro vuman vak thil tuh i. 17Egypt mite thinlung tu ruh roh in bawn tuhai ning hnuacang in ning hnawh tuh i. Ciafangin Pharoah le a ralkapte le a siphuhleng le a mawngtute neh tuhai ciami in i hming i thangruai tuh i. 18Ciatihin anite i neh fangin Egypt mite in Bawipa ing ti khiah i ling tuh i,” tiin ti i.
19Israel ralkap burpui hmai lamah feh ngiotu de Pathian ai vancungmi tu thawn teu ai hnua lam sawn in khor i. Amahte hmaicang ai um mairo zual khai hnua lam sawn ah thawn ai 20Egypt ralkapte le Israel mite burpui karlak ah thawn i. Mairo um ai Egypt ralkapte ca khuathim ai Israel mite ca ahcen khuavar i. Ciamanin zankhuavar nong dun thil veve loin um tlang i.
21Moses in tifingriat vumah a ban pharh fangin, Bawipa in nisuah lamai hlivua raw roh zuangruai ai zanvar a zuang hnuaah tipui hnia lamai lai ro dak i. Tipui khiah khan ai, 22Israel mite tu ti pui song lai ro vuman vak i. A sir le sir ah tipui khiah bangkhang bangin tung i.#1Cor 10:1-2; Heb 11:29 23Cen Egypt mite inkhai Pharoah ai siphuh hmuahhmuah le a siphuhlengte le a mawngtute thawn tipui songah hnawh thotho i. 24Zing lam khuavar dawn fangin Bawipa in mai zual le mairo zual vuman Egypt ralkapte heh sik ai thinpit vansang thai in bawn i. 25A siphuhleng ke hmuahhmuah heh tarruai sek ai harsa ngai in thawn thil fangfang i. Ciafangin Egypt ralkapte in, “Bawipa in Israel mite lam bawm ai kin tu kin tawng i, tlan ngasing,” tiin ti tlang i.
26Cialak ah, Bawipa in Moses hnenah, “Tifingriat vumah na ban pharh tulai Egypt mite le a siphuhlengte le a mawngtute vumah tipui let tuhai pil tuh sek i,” tiin ti i. 27Cen Moses in a ban heh tipui vumah pharh ai zing khuavar fangin tipui tu let ai amah kel in cang leh i. Egypt mite tu tlansuak tum in tipui pel khalselai Bawipa in tipui songah lon sio i. 28Tipui tu kop dun leh ai tifingriat song tianin Israel mite a hnawhtu, Pharoah ai ralkap hmuahhmuah le a siphuhleng le a mawngtute khai khuk sio i. Pakhat khai luat lo i. 29Ikhalselai Israel mite tu a sir le sir ah Tipui khiah bangkhang bangin tung ai tifingriat songai lai ro vuman fehsuak i.
30Cia nia ah Egypt mite kut songin Israel mite tu Bawipa in osuak ai Egypt mite ai mithi luang heh Israel mite in tipui hiangah hmu tlang i. 31Zaitluk huham lian thawn Bawipa in Egypt mite tawng i ti Israel mite in fiang ngai in hmu manin Bawipa khiah kih tlang i; ciamanin Bawipa le a sal pa Moses vumah rinsanhnak nai tlang i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.