1 SAMUEL 6
6
Thutiam Kuang Kuat Leh I
1 Bawipa ai Thutiam Kuang tu Filistin ramah hla sarih song a um hnuaah, 2Filistin mi hotute in amahte suangbawi le mipolte sawm tlang ai, “Bawipa ai Thutiam Kuang heh akontih in bawn tuh i ing? A umhnak awng ah kuat le ingkhaw ziang thawn kuat tuh i ing? tiin zawt tlang i.
3“Israel mite Pathian ai Thutiam Kuang heh kuat leh le i sikhaw ning mawh ngaithiamhnak tuhin Pathian hnenah lehsawng pe tu ilai ciami thawn kuat tu ih. Lehsawng tel loin kuat mah ih. Lehsawng thawn kuat leh le i sikhaw ning cak tuhai Pathian in zaimanin kin cawh i ti khiah ling tlang tuh i si,” tiin ti tlang i.
4“Ziang lehsawng ber pe tuh i ing,” tiin zawt tlang i. Ciafangin anite in, “Sui ai bawnhnak uihlut zuk panga le buthi zuk panga, Filistin miuk pakhat caah zuk pakhat ṭen in pe tu ih. Zaimantifangin cawhhnak tu ning veksen le Filistin miukte panga in tuar tlang i si. 5Ning khua le ning ram a siatsuahtu uihlut ma zuk le buthi zukte bawn tu ilai Israel mite ai Pathian hnenah ning sualhnak phuang tlang tuh i si. Ciatihin bawn le i sikhaw ningmah, ning khuavang le ning ramai cawh ning tuarhnak in ning luatruai thai pang i. 6Zaimanin Pharoah le Egypt mi bangin milungruh cang ning nuam hnelhno i? Egypt ram an Israel mite a suakruai hlanlo Egypt mite tu Pathian in a nuamnuam in bawn dekdo ti hai mah ih. 7Ciamanin kawlpawleng thar pakhat le leng a duk awng lai lo kawlpawpui lu hnih in si tu ih. Ciami kawlpaw heh leng ah barh tu ilai a fate tu a kawlpaw inn ah khum tu ih. 8Bawipa ai Thutiam Kuang lang tu ilai kawlpawleng ah dah tu ih. Cen ning mawh ngaithiamhnak tuhin Pathian hnenai ning pehnak sui zukte heh thingkuang dang in ciami Thutiam Kuang hiangah dah tu ih.
Cen kawlpawleng tu amah niu in khal loin feh tuseh. 9Cen a fehhnak ciah sik tu ih. Beth Shemesh khua lamah feh lekhaw kin vumai siatsuahhnak a hlengruaitu heh Israel mite ai Pathian i, ti lar tuh i. Ikhalselai Beth Shemesh khua lamah feh hlah lekhaw urhnak petu heh Israel mite ai Pathian ilo i; kin bawngsia menma manin i, ti ling tuh i si,” tiin ti tlang i.
10Suangbawi le mipolte relhnak bangin bawn tlang sio i. Kawlpawpuite lu hnih koih ai kawlpawleng ah barh ai kawlpaw faniute tu kawlpaw inn ah khum i. 11Pathian ai Thutiam Kuang heh lang ai, sui ai bawnhnak uihlut ma zuk le buthi zukte dahhnak thingkuang thawn kawlpawleng songah dah tlang i. 12Ciafangin kawlpawte tu feh ai akon lamah khai pial loin Beth Shemesh khua lamah hlursuah in feh zianzo i. A rung kongin feh i. Filistin mi miukte panga in Beth Shemesh khua ramri tianin hlun tlang i.
13Beth Shemesh khua mite tu phairawn ah sangvut at tlang thliahthlo i. Khuahlir tlang ai Thutiam Kuang hmu fangin ang tlang ngai i. 14Beth Shemesh khuami Joshua ai lo songah kawlpawleng khiah hleng ai lungto lianpui hiangah com i. Cia khua mite in zanthing ai bawnhnak leng heh bal ai kawlpawte lu hnih khai ro ai Bawipa hnenah maitai hibawlhnak ah sel tlang i. 15Levi mite in Bawipa ai Thutiam Kuang le sui ai bawnhnak zukte dahhnak kuang heh dang ai lungto lianpui vumah dah tlang i. Cia nia ah Beth Shemesh khua mite in maitai hibawlhnak le hibawlhnak dangdang khai Bawipa hnenah sel tlang i. 16Filistin miukte panga in Beth Shemesh khua mite ai thil bawnhnak heh sik sio hnuaah ciami nia thotho ah Ekron khua ah tlung tlang i.
17Filistin mite in amahte ai khuapuite panga Ashdod, Gaza, Ashkelon, Gath le Ekron hrangah, khua khat pakhat ṭen in, sui ai bawnhnak uihlut zuk panga heh Bawipa hnenah amahte mawh ngaithiamhnak tuhin pe tlang i. 18Ciahlaiah Filistin miukte panga ai ukhnak kulhhnak khuapui ituseh, kulh lohnak khuatenau ituseh, miuk pakhat ukhnak khuate in sui ai bawnhnak buthi zuk pakhat ṭen pe fawn i. Bawipa ai Thutiam Kuang dahhnak, Beth Shemesh khuami Joshua lo songai umhnak lungto lianpui tu ciata ah thil canghnak thulingpuitu ah tun tianin um lai i.
19Beth Shemesh khua mite in Thutiam Kuang song a kian manin Bawipa in mi hrekkhat tu rek berh i. Minung sawmsarih thi tlang i. Ciatihin mi tampui Bawipa in a thiruai manin cia khua mite tu lungsia tlang ngai i.
Kiriath Jearim Khua Ah Thutiam Kuang
20Ciamanin Beth Shemesh khua mite in, “Hemi Bawipa, a thianghlimmi Pathian hmaiah aisu ding ngam tuh i? Kin hnenah um tuh nawn loin a konteng ber ah kuat tuh ising? tiin ti tlang i. 21Cen Kiriath Jearim khuapui ah mi hlat ai, “Filistin mite in Bawipa ai Thutiam Kuang heh khirh leh i. Lang tu hram ih,” tiin thucah i.
Currently Selected:
1 SAMUEL 6: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
1 SAMUEL 6
6
Thutiam Kuang Kuat Leh I
1 Bawipa ai Thutiam Kuang tu Filistin ramah hla sarih song a um hnuaah, 2Filistin mi hotute in amahte suangbawi le mipolte sawm tlang ai, “Bawipa ai Thutiam Kuang heh akontih in bawn tuh i ing? A umhnak awng ah kuat le ingkhaw ziang thawn kuat tuh i ing? tiin zawt tlang i.
3“Israel mite Pathian ai Thutiam Kuang heh kuat leh le i sikhaw ning mawh ngaithiamhnak tuhin Pathian hnenah lehsawng pe tu ilai ciami thawn kuat tu ih. Lehsawng tel loin kuat mah ih. Lehsawng thawn kuat leh le i sikhaw ning cak tuhai Pathian in zaimanin kin cawh i ti khiah ling tlang tuh i si,” tiin ti tlang i.
4“Ziang lehsawng ber pe tuh i ing,” tiin zawt tlang i. Ciafangin anite in, “Sui ai bawnhnak uihlut zuk panga le buthi zuk panga, Filistin miuk pakhat caah zuk pakhat ṭen in pe tu ih. Zaimantifangin cawhhnak tu ning veksen le Filistin miukte panga in tuar tlang i si. 5Ning khua le ning ram a siatsuahtu uihlut ma zuk le buthi zukte bawn tu ilai Israel mite ai Pathian hnenah ning sualhnak phuang tlang tuh i si. Ciatihin bawn le i sikhaw ningmah, ning khuavang le ning ramai cawh ning tuarhnak in ning luatruai thai pang i. 6Zaimanin Pharoah le Egypt mi bangin milungruh cang ning nuam hnelhno i? Egypt ram an Israel mite a suakruai hlanlo Egypt mite tu Pathian in a nuamnuam in bawn dekdo ti hai mah ih. 7Ciamanin kawlpawleng thar pakhat le leng a duk awng lai lo kawlpawpui lu hnih in si tu ih. Ciami kawlpaw heh leng ah barh tu ilai a fate tu a kawlpaw inn ah khum tu ih. 8Bawipa ai Thutiam Kuang lang tu ilai kawlpawleng ah dah tu ih. Cen ning mawh ngaithiamhnak tuhin Pathian hnenai ning pehnak sui zukte heh thingkuang dang in ciami Thutiam Kuang hiangah dah tu ih.
Cen kawlpawleng tu amah niu in khal loin feh tuseh. 9Cen a fehhnak ciah sik tu ih. Beth Shemesh khua lamah feh lekhaw kin vumai siatsuahhnak a hlengruaitu heh Israel mite ai Pathian i, ti lar tuh i. Ikhalselai Beth Shemesh khua lamah feh hlah lekhaw urhnak petu heh Israel mite ai Pathian ilo i; kin bawngsia menma manin i, ti ling tuh i si,” tiin ti tlang i.
10Suangbawi le mipolte relhnak bangin bawn tlang sio i. Kawlpawpuite lu hnih koih ai kawlpawleng ah barh ai kawlpaw faniute tu kawlpaw inn ah khum i. 11Pathian ai Thutiam Kuang heh lang ai, sui ai bawnhnak uihlut ma zuk le buthi zukte dahhnak thingkuang thawn kawlpawleng songah dah tlang i. 12Ciafangin kawlpawte tu feh ai akon lamah khai pial loin Beth Shemesh khua lamah hlursuah in feh zianzo i. A rung kongin feh i. Filistin mi miukte panga in Beth Shemesh khua ramri tianin hlun tlang i.
13Beth Shemesh khua mite tu phairawn ah sangvut at tlang thliahthlo i. Khuahlir tlang ai Thutiam Kuang hmu fangin ang tlang ngai i. 14Beth Shemesh khuami Joshua ai lo songah kawlpawleng khiah hleng ai lungto lianpui hiangah com i. Cia khua mite in zanthing ai bawnhnak leng heh bal ai kawlpawte lu hnih khai ro ai Bawipa hnenah maitai hibawlhnak ah sel tlang i. 15Levi mite in Bawipa ai Thutiam Kuang le sui ai bawnhnak zukte dahhnak kuang heh dang ai lungto lianpui vumah dah tlang i. Cia nia ah Beth Shemesh khua mite in maitai hibawlhnak le hibawlhnak dangdang khai Bawipa hnenah sel tlang i. 16Filistin miukte panga in Beth Shemesh khua mite ai thil bawnhnak heh sik sio hnuaah ciami nia thotho ah Ekron khua ah tlung tlang i.
17Filistin mite in amahte ai khuapuite panga Ashdod, Gaza, Ashkelon, Gath le Ekron hrangah, khua khat pakhat ṭen in, sui ai bawnhnak uihlut zuk panga heh Bawipa hnenah amahte mawh ngaithiamhnak tuhin pe tlang i. 18Ciahlaiah Filistin miukte panga ai ukhnak kulhhnak khuapui ituseh, kulh lohnak khuatenau ituseh, miuk pakhat ukhnak khuate in sui ai bawnhnak buthi zuk pakhat ṭen pe fawn i. Bawipa ai Thutiam Kuang dahhnak, Beth Shemesh khuami Joshua lo songai umhnak lungto lianpui tu ciata ah thil canghnak thulingpuitu ah tun tianin um lai i.
19Beth Shemesh khua mite in Thutiam Kuang song a kian manin Bawipa in mi hrekkhat tu rek berh i. Minung sawmsarih thi tlang i. Ciatihin mi tampui Bawipa in a thiruai manin cia khua mite tu lungsia tlang ngai i.
Kiriath Jearim Khua Ah Thutiam Kuang
20Ciamanin Beth Shemesh khua mite in, “Hemi Bawipa, a thianghlimmi Pathian hmaiah aisu ding ngam tuh i? Kin hnenah um tuh nawn loin a konteng ber ah kuat tuh ising? tiin ti tlang i. 21Cen Kiriath Jearim khuapui ah mi hlat ai, “Filistin mite in Bawipa ai Thutiam Kuang heh khirh leh i. Lang tu hram ih,” tiin thucah i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.