Кердипэ 45
45
О Иосиф пхутрэлпэс пэ пхралэнги
1Озаман о Иосиф нащи астардяс пэс ангал иргатя тай пхэнляс:
— Джян алаи мандар!
Тай никхон на сас э Иосифеса, кана ов пхутэрдяспэс пэ пхралэнги. 2Ов аякха лачес руно, кай шунлэ о египтяня, тай шунлэ адалэстар джи ки бар ки фараонески. 3О Иосиф пхэнляс пэ пхралэнги:
— Мэ — о Иосиф! Дживиндо дага мо дад?
Ай о пхрала нащи пхэнлэ ништо — аякха он сас шаштимэна. 4Дэчи о Иосиф пхэнляс пэ пхралэнги:
— Пашон мандэ.
Тай кана он пашылэ, ов пхэнляс:
— Мэ — тумаро пхрал о Иосиф, савэс тумэ бикиндянус ко Египти! 5Ма керэн касывэти тай ма керэн генэ тумэн дошалэн андар одолэстэ, кай бикиндянус ман атхэ. Адава о Дэл бичялдяс ман ангал тумэндэ тэ кутардиндёл тумаро бэшыпэ. 6Ужэ дуй брэш, сар опэр пху бокх, тай генэ пандж брэш нэ на кан барярэн, нэ на кан кидэн. 7Ай о Дэл бичялдяс ман ангал тумэндэ, тэ кутардиел тумарэ бэшыматэс тай тумари порода тэ ачёл опэр пху. 8На тумэ бичялдянус ман атхэ, ами о Дэл. Ов кердяс ман дад э фараонески, сагбус опэр алаи лэски кхерэстэ тай сагбус алаи э Египтеско. 9Сигярэн тэ джян мэ дадэстэ тай пхэнэн лэски: «Аки со пхэнэл то чяво о Иосиф: "О Дэл кердяс ман сагбус алаи э Египтеско. Чяльти элан мандэ. 10Ту кан бэшэс андэ область Гошэн тай кан овэс пашэ мандэ: ли ту, ли тэ пуя, ли тэ туруня, тэ барэ тай тикнэ гайваня, тай алаи, со тутэ си. 11Отхэ мэ кан дикхав пал тутэ, вай кан овэн генэ пандж брэш бокх — я ли ту, ли то кхер, тай алаи, со си тинро, кан овэл андэ бокх"».
12Тумэ дикхен тумарэ якхенца, ли тумэ, ли мо пхрал о Вениамин, кай адава чячес мэ зборизав тумэнца. 13Пхукавэн мэ дадэски одолэстар, сар мэ намлыс андэ Египти, тай алаестар, со тумэ дикхлянус. Тай чяльти анэн атхэ мэ дадэс.
14Ов диняс ангали пэ пхралэс э Вениаминес тай руно. Ли о Вениамин ровэлас, кана дэлас ангали лэс. 15Ов чюмидиняс алаи пэ пхралэн тай роимаса дэлас ангали лэн. Дэчи о пхрала зборизэнас лэса.
О фараони мукел э Яковес тэ накхел андэ Египти
16О нами одолэстар, кай алэ о пхрала э Иосифески, гело джи ки бар ки фараонески. О фараони тай лэски мануша лошасаилэ, 17тай о фараони пхэнляс э Иосифески:
— Пхэн тэ пхралэнги: «Керэн аки со: тхэн опэр тумарэ гайванендэ хапэ тай джян палэ андэ пху Ханаан. 18Анэн мандэ тумарэ дадэс тай хорандадэн. Мэ кан дав тумэн э зиядэ пху андэ Египти, тай тумэ кан бэшэн лаки лаче имишэнца». 19Генэ пхэнав тэ пхэнэс лэнги: «Лэн андар Египти бричкес тумарэ пуенги тай ромненги, анэн тумарэ дадэс тай элан ли тумэ. 20Ма аядиен тумаро мангин, вай алаи о зиядэ андэ Египти кан овэл тумаро».
21О чявэ э Израилески аякха да кердэ. О Иосиф диняс лэн бричкес, сар пхэнляс о фараони, тай хапэ дромэски. 22Кажнески ов башлады нэвэ савутя, ай э Вениаминес диняс тришэл котора руп тай пандж парэс савутя. 23Пэ дадэски ов бичялдяс дэшэ джёрэн, опрал пхэрдэ о зиядэ мангин э Египтеско тай дэшэ джёрян, опрал пхэрдэ гив, манро тай авэр хапэ дромэски. 24Пал адалэстэ ов мукляс пэ пхралэн, тай кана он джянас, пхэнляс лэнги:
— Ма ирищиен тумэ екхаврэса опэр дром!
25Он гелэ ко дром андар Египти, алэ пумарэ дадэстэ ко Яков ки пху Ханаан 26тай пхэнлэ лэски:
— О Иосиф дживиндо! Ов — о сагбус алаи э Египтеско!
Ко Яков тэрдило о ило, тай ов на пакянило лэнги. 27Ай кана он пхукавдэ лэски алаи, со пхэнляс о Иосиф, тай кана ов дикхляс о бричкес, савэ о Иосиф бичялдяс, тэ анэн лэс, э духос э Яковески дживиндило. 28Тай о Израиль пхэнляс:
— Овэл! Мо чяво о Иосиф дживиндо! Кан джяв тай кан дикхав лэс, бискай на мулём!
Currently Selected:
Кердипэ 45: КРБ
Highlight
Share
Copy
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/
Кердипэ 45
45
О Иосиф пхутрэлпэс пэ пхралэнги
1Озаман о Иосиф нащи астардяс пэс ангал иргатя тай пхэнляс:
— Джян алаи мандар!
Тай никхон на сас э Иосифеса, кана ов пхутэрдяспэс пэ пхралэнги. 2Ов аякха лачес руно, кай шунлэ о египтяня, тай шунлэ адалэстар джи ки бар ки фараонески. 3О Иосиф пхэнляс пэ пхралэнги:
— Мэ — о Иосиф! Дживиндо дага мо дад?
Ай о пхрала нащи пхэнлэ ништо — аякха он сас шаштимэна. 4Дэчи о Иосиф пхэнляс пэ пхралэнги:
— Пашон мандэ.
Тай кана он пашылэ, ов пхэнляс:
— Мэ — тумаро пхрал о Иосиф, савэс тумэ бикиндянус ко Египти! 5Ма керэн касывэти тай ма керэн генэ тумэн дошалэн андар одолэстэ, кай бикиндянус ман атхэ. Адава о Дэл бичялдяс ман ангал тумэндэ тэ кутардиндёл тумаро бэшыпэ. 6Ужэ дуй брэш, сар опэр пху бокх, тай генэ пандж брэш нэ на кан барярэн, нэ на кан кидэн. 7Ай о Дэл бичялдяс ман ангал тумэндэ, тэ кутардиел тумарэ бэшыматэс тай тумари порода тэ ачёл опэр пху. 8На тумэ бичялдянус ман атхэ, ами о Дэл. Ов кердяс ман дад э фараонески, сагбус опэр алаи лэски кхерэстэ тай сагбус алаи э Египтеско. 9Сигярэн тэ джян мэ дадэстэ тай пхэнэн лэски: «Аки со пхэнэл то чяво о Иосиф: "О Дэл кердяс ман сагбус алаи э Египтеско. Чяльти элан мандэ. 10Ту кан бэшэс андэ область Гошэн тай кан овэс пашэ мандэ: ли ту, ли тэ пуя, ли тэ туруня, тэ барэ тай тикнэ гайваня, тай алаи, со тутэ си. 11Отхэ мэ кан дикхав пал тутэ, вай кан овэн генэ пандж брэш бокх — я ли ту, ли то кхер, тай алаи, со си тинро, кан овэл андэ бокх"».
12Тумэ дикхен тумарэ якхенца, ли тумэ, ли мо пхрал о Вениамин, кай адава чячес мэ зборизав тумэнца. 13Пхукавэн мэ дадэски одолэстар, сар мэ намлыс андэ Египти, тай алаестар, со тумэ дикхлянус. Тай чяльти анэн атхэ мэ дадэс.
14Ов диняс ангали пэ пхралэс э Вениаминес тай руно. Ли о Вениамин ровэлас, кана дэлас ангали лэс. 15Ов чюмидиняс алаи пэ пхралэн тай роимаса дэлас ангали лэн. Дэчи о пхрала зборизэнас лэса.
О фараони мукел э Яковес тэ накхел андэ Египти
16О нами одолэстар, кай алэ о пхрала э Иосифески, гело джи ки бар ки фараонески. О фараони тай лэски мануша лошасаилэ, 17тай о фараони пхэнляс э Иосифески:
— Пхэн тэ пхралэнги: «Керэн аки со: тхэн опэр тумарэ гайванендэ хапэ тай джян палэ андэ пху Ханаан. 18Анэн мандэ тумарэ дадэс тай хорандадэн. Мэ кан дав тумэн э зиядэ пху андэ Египти, тай тумэ кан бэшэн лаки лаче имишэнца». 19Генэ пхэнав тэ пхэнэс лэнги: «Лэн андар Египти бричкес тумарэ пуенги тай ромненги, анэн тумарэ дадэс тай элан ли тумэ. 20Ма аядиен тумаро мангин, вай алаи о зиядэ андэ Египти кан овэл тумаро».
21О чявэ э Израилески аякха да кердэ. О Иосиф диняс лэн бричкес, сар пхэнляс о фараони, тай хапэ дромэски. 22Кажнески ов башлады нэвэ савутя, ай э Вениаминес диняс тришэл котора руп тай пандж парэс савутя. 23Пэ дадэски ов бичялдяс дэшэ джёрэн, опрал пхэрдэ о зиядэ мангин э Египтеско тай дэшэ джёрян, опрал пхэрдэ гив, манро тай авэр хапэ дромэски. 24Пал адалэстэ ов мукляс пэ пхралэн, тай кана он джянас, пхэнляс лэнги:
— Ма ирищиен тумэ екхаврэса опэр дром!
25Он гелэ ко дром андар Египти, алэ пумарэ дадэстэ ко Яков ки пху Ханаан 26тай пхэнлэ лэски:
— О Иосиф дживиндо! Ов — о сагбус алаи э Египтеско!
Ко Яков тэрдило о ило, тай ов на пакянило лэнги. 27Ай кана он пхукавдэ лэски алаи, со пхэнляс о Иосиф, тай кана ов дикхляс о бричкес, савэ о Иосиф бичялдяс, тэ анэн лэс, э духос э Яковески дживиндило. 28Тай о Израиль пхэнляс:
— Овэл! Мо чяво о Иосиф дживиндо! Кан джяв тай кан дикхав лэс, бискай на мулём!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/