Кердипэ 2
2
1Аякха сас бытэрдимэ о кердипэ э булутенго тай э пхуяко тай алаеско, со си тай со бэшэл отхэ.
2Ко эфтато дес о Дэл бытэрды э бути, сави Ов керэлас, тай ко эфтато дес Ов на керэлас бути. 3О Дэл алгышты о эфтато дес тай кердяс лэс шужо, вай андэ адава дес Ов на керэлас бути.
О Адам тай э Ева
4Аки о пхукаипэ катар булутя тай пху, кана он сас кердэ.
Кана о Дэл о Яхвэ кердяс э пху тай о булутя, 5опэр пху дага на сас нэ кущёки ливадяко, нэ ливадяки чяря, вай о Дэл о Яхвэ на бичялэлас опэр пху брышым, тай на сас мануш, тэ керэл бути опэр пху. 6Екх диряв ваздиндёлас андар пху тай суслярэлас алаи ла. 7Дэчи о Дэл о Яхвэ кердяс манушэс катар пхуяко прахос тай пхудиняс лэски андэ хэрня тынышы бэшымаско, тай о мануш уло дживиндо.
8О Дэл о Яхвэ барярдяс сади ко вастоки, андэ Эдэм, тай тхэдяс отхэ манушэс, савэс Ов кердяс. 9О Дэл о Яхвэ барярдяс катар пху алаи о тэрэкя, касавке си, шукара тэ дикхес тай лаче тэ хас. Машкарэ ко сади барёнас тэрэки бэшымаско тай тэрэки, кай галёс лачипэ тай джюнгалипэ.
10Андар Эдэми чёрдёлас диряв, кай суслярэлас о сади, ай дэчи ой палящиеласпэс штарэ паненги. 11О екхто бучёлас Пишон: ов чёрдёл агорял алаи ки пху Хавила, катэ си пхоля. 12Э пхол андэ одоя пху лачи, тай дага отэ си тэрэкеско смолас, кай шукар кхандэл, тай о бар шохам. 13Дуйто диряв бучёл Гихон, ой чёрдёл агорял алаи ки пху Куш. 14Трито диряв бучёл Тигр#2.14 Авг. евр. «Хиддекель»., ой чёрдёл карин вастоки катар Ашшур. Ай э штарто диряв — адава Евфрат#2.14 Авг. евр. «Фират»..
15О Дэл о Яхвэ тхэдяс манушэс андэ Эдэмски сади, ов тэ дикхел пал лэстэ тай тэ кутардиел. 16О Дэл о Яхвэ диняс тхэдипэ э манушэс:
— Ха имиша алаи катар тэрэкя андэ сади, 17ай ма ха катар тэрэки, кай дэл тэ галёс лачипэ тай джюнгалипэ. Вай одова дес, кана ту кан хас имишы опрал лэстэ, ту чячес кан мэрэс.
18О Дэл о Яхвэ пхэнляс:
— Нанай лачё манушэски тэ овэл екх. Мэ кан керав лэски ярдымарес, сар лэс.
19О Дэл о Яхвэ кердяс катар пху алаи э гайванен э вэшэскерэн тай алаи э чириклен опрунэн. Дэчи Ов андяс лэн ко мануш, тэ дикхел, сар одова лэн кан тхэл. Сар тхэдяс о мануш кажни дживиндо кердипэ, аякха да уло лэско нав. 20Аякха о мануш диняс нава алаи э гайванен, алаи э чириклен опрунэн тай алаи э вэшэскерэ гайванен.
Ай э Адамески на аракхлило тэ уйдиел ярдымари сар ов. 21Дэчи о Дэл о Яхвэ диняс э манушэс зорало суно, тай бискай одова суто, лиляс екх андар лэски прашавандэ тай пханляс адава тхан тэнеса. 22Андар прашаво, саво Ов никалдяс андар мануш, о Дэл о Яхвэ кердяс джювля тай андяс ла лэстэ.
23О мануш пхэнляс:
— Адава кокало катар кокала минрэндар тай о тэни катар тэни минрэстэ. Ой кан бучёл «ромни», вай сас линди катар ром#2.23 Авг. евр. ром — «иш», ромни — «ишша»..
24Оничин кан ачявэл о мануш дадэс тай дэя тай кан колизэл пэ ромняса, тай о дуй кан овэн екх тэни.
25Тай о Адам, тай лэски ромни сас нанге, ай на сас ладжяво.
Currently Selected:
Кердипэ 2: КРБ
Highlight
Share
Copy
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/