WAROMA 2
2
1 Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta. 2Indi luichi ke mdumbuye fulya Ruwa afudumbuya walya wewuta shindo shido nyi fuidikyanyi na kilya kii lohi. 3Aka wo iyo ui mndu o wandu, mowonya owingo iwo wengi wewuta wado na iyo kumonyi okewuta kudo, alae nyi okusaṟa ke nyi ochikia ipfo kundo Ruwa adumbuo mondu ko? 4Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima? 5Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa. 6 Natae orio mndu ose wueri wo mawuto hake. 7Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia. 8Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa. 9Kiwi na fowa na mawawio shechiwada orio mrima fo mndu ose mowuta sha wuwicho, wokia Myuda shika Mgriki. 10Indi Ruwa nechiinenga wuitoṟi na kiṟumi na ofoṟo shechisokya orio mndu mowuta kilya ki kicha, wokia Myuda shika Mgriki. 11 Kyamba Ruwa ekeambuya fana ya mndu-pfo.
12Kyamba iwo wawetahachie walaweichi wuwawaso wo Mose na wachideka kulawode wuwawaso, na walya wawetahachie waichi wuwawaso nyi wechidumbuyo mondu na mweke fo wuwawaso. 13Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu. 14Kyamba ili wa mkambo iya ilawode wuwawaso wekewuta kui madoenyi hawo isho wuwawaso wuhambie kyasia-ng'u wuwawawaso wawenyi. 15Wo wamanyishye ke iwuta lilya wuwawaso wulya wuliwawasye likeri iṟehye ngoonyi tsawo wai waliṟingishye kui ngo tsa mrimenyi yawo na kui mahio hekeanduyana na yanguṟyana njowingo. 16Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.
Wayuda na iwawaso lyawo
17Aka-wo iyo, kokoya okusenda Myuda ochikuihetsa wuwawaso-hu na ikushela ke ui na Ruwa. 18Komanya kilya Ruwa awawasye kochiletsana sheletsana ui-mpfunde na wuwawaso. 19Kokusirya iyo kumonyi ke uwei msongoru o wapfie meso, na sa ko walya wai meemenyi. 20Kuwewa mtoṟishi motoṟisha walaichi kindo, mlosha o walatimie ili wuwawaso wukupfungye mtaato fo wutichi na wukilohi. 21A kikawa kido kolosha wengi koda ulakulosha iyo kumonyi? Kowa moongwo; ma kulaiwe, na iyo kowuya iwa? 22Kowewa mohamba; kulaṟuhuye, na iyo koṟuhuya? Iyo koleha mfano ya maruwa ha wongo kowewa mokapa naho mbucha? 23Nyi okuichika ke nowode wuwawaso wo Ruwa, kowewa moendye Ruwa wusutsu ochiumbuya wuwawaso wu. 24 Chando Madedo Maele hahambie “Rina lya Ruwa lyekeanga mosalucho ipfo mkambonyi ya wandu kipfa kyanu nyo Wayuda.” 25Kyamba odino lui lucha kokoya owa mowuta shilya shii-shiwawase, indi kokoya okeumbuya wuwawaso odino lopfo lomba cha ili ulai mdine kima ulaledino. 26Kokoya nyi wudo kii na ichu alai mdine kawa moringa shilya shii shiwawase nyi wuwawaso, nechiwa cha ili amdine. 27Na ichu moawutsya uwawaso alai-mdine nyame-hu nyi echikuwonya owingo iyo owa motahachya wuwawaso na ukukerye na mṟeho fulya na odino ma chandu walai wadine. 28Kyamba Myuda chi ichu afanyi Myuda kya nja-pfo manya odino lo Myuda chi ilu luwonyo ludo ipfo nyamenyipfo. 29 Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.
Currently Selected:
WAROMA 2: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
WAROMA 2
2
1 Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta. 2Indi luichi ke mdumbuye fulya Ruwa afudumbuya walya wewuta shindo shido nyi fuidikyanyi na kilya kii lohi. 3Aka wo iyo ui mndu o wandu, mowonya owingo iwo wengi wewuta wado na iyo kumonyi okewuta kudo, alae nyi okusaṟa ke nyi ochikia ipfo kundo Ruwa adumbuo mondu ko? 4Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima? 5Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa. 6 Natae orio mndu ose wueri wo mawuto hake. 7Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia. 8Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa. 9Kiwi na fowa na mawawio shechiwada orio mrima fo mndu ose mowuta sha wuwicho, wokia Myuda shika Mgriki. 10Indi Ruwa nechiinenga wuitoṟi na kiṟumi na ofoṟo shechisokya orio mndu mowuta kilya ki kicha, wokia Myuda shika Mgriki. 11 Kyamba Ruwa ekeambuya fana ya mndu-pfo.
12Kyamba iwo wawetahachie walaweichi wuwawaso wo Mose na wachideka kulawode wuwawaso, na walya wawetahachie waichi wuwawaso nyi wechidumbuyo mondu na mweke fo wuwawaso. 13Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu. 14Kyamba ili wa mkambo iya ilawode wuwawaso wekewuta kui madoenyi hawo isho wuwawaso wuhambie kyasia-ng'u wuwawawaso wawenyi. 15Wo wamanyishye ke iwuta lilya wuwawaso wulya wuliwawasye likeri iṟehye ngoonyi tsawo wai waliṟingishye kui ngo tsa mrimenyi yawo na kui mahio hekeanduyana na yanguṟyana njowingo. 16Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.
Wayuda na iwawaso lyawo
17Aka-wo iyo, kokoya okusenda Myuda ochikuihetsa wuwawaso-hu na ikushela ke ui na Ruwa. 18Komanya kilya Ruwa awawasye kochiletsana sheletsana ui-mpfunde na wuwawaso. 19Kokusirya iyo kumonyi ke uwei msongoru o wapfie meso, na sa ko walya wai meemenyi. 20Kuwewa mtoṟishi motoṟisha walaichi kindo, mlosha o walatimie ili wuwawaso wukupfungye mtaato fo wutichi na wukilohi. 21A kikawa kido kolosha wengi koda ulakulosha iyo kumonyi? Kowa moongwo; ma kulaiwe, na iyo kowuya iwa? 22Kowewa mohamba; kulaṟuhuye, na iyo koṟuhuya? Iyo koleha mfano ya maruwa ha wongo kowewa mokapa naho mbucha? 23Nyi okuichika ke nowode wuwawaso wo Ruwa, kowewa moendye Ruwa wusutsu ochiumbuya wuwawaso wu. 24 Chando Madedo Maele hahambie “Rina lya Ruwa lyekeanga mosalucho ipfo mkambonyi ya wandu kipfa kyanu nyo Wayuda.” 25Kyamba odino lui lucha kokoya owa mowuta shilya shii-shiwawase, indi kokoya okeumbuya wuwawaso odino lopfo lomba cha ili ulai mdine kima ulaledino. 26Kokoya nyi wudo kii na ichu alai mdine kawa moringa shilya shii shiwawase nyi wuwawaso, nechiwa cha ili amdine. 27Na ichu moawutsya uwawaso alai-mdine nyame-hu nyi echikuwonya owingo iyo owa motahachya wuwawaso na ukukerye na mṟeho fulya na odino ma chandu walai wadine. 28Kyamba Myuda chi ichu afanyi Myuda kya nja-pfo manya odino lo Myuda chi ilu luwonyo ludo ipfo nyamenyipfo. 29 Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.