WAROMA 16
16
1Ngakunda imumanyisha Foibe mshiki odu, ai mṟundi siṟinyi ya Kenkirea. 2Kundenyi imwambya mui-wasanze na Mndumii chandu kiwaṟi wandu wa Ruwa mumtarame orio hando awuṟie-ho nahende ihoṟokyo; cha kipfa nao nyi awei motarama sa wafoi kawenjitarama na inyi.
3 Njiiṟikiṟyenyi Pirisika na Akila iwa wai wakyando wako wa Kristo-hu Yesu. 4Nyiwo sa wareke moo yawo wawenyi kyeletsa moo foko, ma chi inyi njimwaana mmonyi tupupfo sile nyiso na siṟi tsa mkambo iya mhenu tsose. 5Njiiṟikiṟyenyi na siṟi iya wekyekusanza mbenyi tsawo.
Kewenjiiṟikiṟienyi Epaineto mkunde oko, nyio sa aleasa ihalukya Kristo ipfo Asia. 6Munjiiṟikiṟye Maria icho alekuwinyisha mnu kelupfuṟukanya. 7Muwenjiiṟikiṟya-wo Andironyiko na Yunyia washari wako waweei wapfunge kipfungonyi hamu na inyi, nyiwo wandu wamanyikie wa kiidi kya wasu wakawenjisongoya na iwa wandu wa Kristo.
8Njiiṟikiṟyenyi Ampiliato mkunde oko o Mndumii-hu. 9Njiiṟikiṟyenyi Uribano mokyando oko o Kristo-hu na Stakisi mkunde oko. 10Muwenjiiṟikiṟya Apele icho na mtaanye mndu mkristo, kewenjiiṟikiṟyenyi walya wai kanyi ko Aristobulo. 11Muwenjiiṟikiṟya Herodion mshari oko. Muwenjiiṟikiṟya iwo wa mba ya Narikiso wai wa Mndumii.
12Kenjiiṟikiṟyenyi Trufaina na Trifosa wawei wapfuṟukanyi wa Mndumii. Muwenjiiṟikiṟya Peri mkunde ichu awewinye mnu kya Mndumii. 13 Muwenjiiṟikiṟya Rufo ichu ngohoda ing'anyi mnu a-msambuṟye Mndumii na mae cho ai mae na wama. 14Kewenjiṟikiṟienyi Asinyikrito na Filegonyi na Herime na Patiroba na Herima na wanawamadu wai hamu nawo. 15Muwenjiiṟikiṟya Filologo na Yulia na Neri na mshiki oke na Olimpa na wandu wose wa Ruwa wai handu hamu nawo.
16Muiṟikiṟane nyo muwenyi na wenyi mochihekyana momu kui mhekye mwele. Siṟi tsa Kristo tsose tsamwiṟikiṟa.
Shitutumo shefurumia
17Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo. 18Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda. 19Kyamba nyi mumanyikie kose kya wuhendeli wonu; nkyo kyanjienenga ngachihio kyanu. Njikundi muwe waṟango ko mbonyi njicha; mulawode paṟi ko mbonyi njiwicho. 20Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.
21 Timoteo mokyando oko nyi wamwiṟikiṟa na Lukaio na Yason na Sosipatro nyiwo washari wako.
22Nao inyi Tertio moṟehya paruo ii kui Mndumii na ngamwiṟikiṟa.
23 Gayo ichu akeri oṟicho loko na lo siṟi yose na amwiṟikiṟa. Erasto-chu mheki o mṟi wamwiṟikiṟa na Kwarto monowama. [ 24Wutonga wo Mndumii odu Yesu Kristo wukae nanyo mose. Amenyi.]
Kiterewo kyeichika Ruwa
25Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi. 26Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.
27Nyio Ruwa ai mṟango o amonyi nakae echiwikyo mng'ano kui Yesu Kristo maheri hose halunganyi. Amenyi.
Currently Selected:
WAROMA 16: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
WAROMA 16
16
1Ngakunda imumanyisha Foibe mshiki odu, ai mṟundi siṟinyi ya Kenkirea. 2Kundenyi imwambya mui-wasanze na Mndumii chandu kiwaṟi wandu wa Ruwa mumtarame orio hando awuṟie-ho nahende ihoṟokyo; cha kipfa nao nyi awei motarama sa wafoi kawenjitarama na inyi.
3 Njiiṟikiṟyenyi Pirisika na Akila iwa wai wakyando wako wa Kristo-hu Yesu. 4Nyiwo sa wareke moo yawo wawenyi kyeletsa moo foko, ma chi inyi njimwaana mmonyi tupupfo sile nyiso na siṟi tsa mkambo iya mhenu tsose. 5Njiiṟikiṟyenyi na siṟi iya wekyekusanza mbenyi tsawo.
Kewenjiiṟikiṟienyi Epaineto mkunde oko, nyio sa aleasa ihalukya Kristo ipfo Asia. 6Munjiiṟikiṟye Maria icho alekuwinyisha mnu kelupfuṟukanya. 7Muwenjiiṟikiṟya-wo Andironyiko na Yunyia washari wako waweei wapfunge kipfungonyi hamu na inyi, nyiwo wandu wamanyikie wa kiidi kya wasu wakawenjisongoya na iwa wandu wa Kristo.
8Njiiṟikiṟyenyi Ampiliato mkunde oko o Mndumii-hu. 9Njiiṟikiṟyenyi Uribano mokyando oko o Kristo-hu na Stakisi mkunde oko. 10Muwenjiiṟikiṟya Apele icho na mtaanye mndu mkristo, kewenjiiṟikiṟyenyi walya wai kanyi ko Aristobulo. 11Muwenjiiṟikiṟya Herodion mshari oko. Muwenjiiṟikiṟya iwo wa mba ya Narikiso wai wa Mndumii.
12Kenjiiṟikiṟyenyi Trufaina na Trifosa wawei wapfuṟukanyi wa Mndumii. Muwenjiiṟikiṟya Peri mkunde ichu awewinye mnu kya Mndumii. 13 Muwenjiiṟikiṟya Rufo ichu ngohoda ing'anyi mnu a-msambuṟye Mndumii na mae cho ai mae na wama. 14Kewenjiṟikiṟienyi Asinyikrito na Filegonyi na Herime na Patiroba na Herima na wanawamadu wai hamu nawo. 15Muwenjiiṟikiṟya Filologo na Yulia na Neri na mshiki oke na Olimpa na wandu wose wa Ruwa wai handu hamu nawo.
16Muiṟikiṟane nyo muwenyi na wenyi mochihekyana momu kui mhekye mwele. Siṟi tsa Kristo tsose tsamwiṟikiṟa.
Shitutumo shefurumia
17Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo. 18Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda. 19Kyamba nyi mumanyikie kose kya wuhendeli wonu; nkyo kyanjienenga ngachihio kyanu. Njikundi muwe waṟango ko mbonyi njicha; mulawode paṟi ko mbonyi njiwicho. 20Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.
21 Timoteo mokyando oko nyi wamwiṟikiṟa na Lukaio na Yason na Sosipatro nyiwo washari wako.
22Nao inyi Tertio moṟehya paruo ii kui Mndumii na ngamwiṟikiṟa.
23 Gayo ichu akeri oṟicho loko na lo siṟi yose na amwiṟikiṟa. Erasto-chu mheki o mṟi wamwiṟikiṟa na Kwarto monowama. [ 24Wutonga wo Mndumii odu Yesu Kristo wukae nanyo mose. Amenyi.]
Kiterewo kyeichika Ruwa
25Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi. 26Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.
27Nyio Ruwa ai mṟango o amonyi nakae echiwikyo mng'ano kui Yesu Kristo maheri hose halunganyi. Amenyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.