MARIKO 8
8
1Mfiri iya kuwei-se ho kituṟu king'anyi kya wandu, walawode kindo kyela, Yesu kalaha wa kiloshyonyi kyake Wasanzye oo hando ai kawawia, 2“Ngakusaṟa wukiwa wo wandu-wa, kyamba wamtsinda kunu koko mfiri iṟaṟu, ma walawode kindo kelya. 3Na kokoya ngawasama, wahende kanyi kowo, walasusuo, wechiariskya njienyi; nawo maata-ho wacheye wawuka kuleshe.”
4Wa kiloshyonyi kyake wakamhaluo wakahamba, “A nyku mndu echiidima iwuta mkate yechiwaihutsa wose iya nuka.” 5Yesu kawawesa, “Nyi mkate inga mbode?” Wakahamba, “Nyi mfungade.”
6Kawawasa kituṟu kilya kya wandu wadamie wanda; Nahong'u kaira mkate iya mfungade kaana Ruwa kafunjafunja kaenengya wa kiloshyonyi kyake, kundu wawadaye; nawo wakadaya kituṟu kilya. 7Wawode na shikunga shitutu; Yesu kaidapfuma Ruwa kawawasa shidaayo wandu. 8Wandu wakalya wakaihuda Wakadodwo mtsuhaṟo fo shipeṟengu shikunja mfungade. 9Na wandu walelya waweshikie cha shiku shiina; Yesu kawasama. 10Nalyo lienyi kaida na ngalawenyi handu hamu na wa kiloshyonyi kyake wakahenda wambaṟa ya Dalmanuta.
Wafarisayo wakundi kiṟingishio
(Mat 16:1-4)
11 Wafarisayo wakacha, wakawoka iwesana na Yesu kui imhesha wakakunda nawawutie ṟiho iwe kiṟingishio ke nawode pfinya iwukie ruwehu. 12 Yesu kasokyo nyi fowa mrimenyi foke kahamba, “A nki ili mbaṟi ii ikundi kiṟingishyo? Nyi kya lohi ngambia, mbaṟi ii yechiloṟo kiṟingishio manyale-pfo.” 13Kawada kaida-se na ngalawenyi kaambadya kya kulya mataya ya nduwa.
Mtarang'ao fo Wafarisayo na fo Herode
(Mat 16:5-12)
14Wakiloshionyi wakahadima iduo mkate, nyi mkate fumu tupu wawerie ipfo ngalawenyi. 15 Yesu kawawawasa kechihamba, “Keambuyenyi mkuṟise mtarang'ao fo Wafarisayo na fo Herode.” 16Wa kiloshionyi wakakusaṟa wo wenyi na wenyi. Nyi ahamba ado kipfa lulawode mkate. 17Yesu kamanya kawawia, “Nyi kili muiwesana kya ili mlawode mkate? Nyi mlametawuka imanya ma mlamewada wuṟango? Na ngoo tso tsanu tsiwei ntumhari? 18 Nyi muwode meso, mlawone? Mbewode madu, mlaicho manya mlakumbuo? 19Mukumburie lilya njilefunjyafunjya shiku shitanu mkate itanu? Muledoduo mtsuhaṟo shipeṟengu shechiichuṟa shikunja shinga?” Wakambia, “Nyi ikumi na shiwi.” 20“Na ili njilefunjyafunjya walya shiku shiina mkate iya mfungade, mledoduo mtsuhaṟo fo shipeṟengu sha shikunja shinga?” Wakahamba, “Na mfungade.” 21Nao kawawia, “Na mṟasa wulalu. Mulamemanya?”
Yesu achiṟa kipfupfuṟe o Betisaida
22Yesu na wa kiloshionyi kyake wakacha na Betisaida. Wandu wakamendye mndu a mpfu meso wakamterewa, ke nampaye. 23Yesu kawada ulya mpfu meso kuwoko kambuta kulya mṟinyi kamduo nja ya mṟi fulya kamshia mada ipfo mesonyi hake na imhekya mawoko kambesa, oidima iwona kindo? 24Kipfupfuṟe kechiambuo kahamba, “Njiwonyi wandu wechumya, njiwawonyi wai cha mashidi haichumia.” 25Nahong'u Yesu kawuya imhekya se mawoko mesonyi hake, kawanza iambuo kawuya iwona, pfinya yake yeambuo ikamchea, kawona shose necha. 26Yesu kamduma nahende kanyi koke, kechimbawasa, “Ma kulawuye na kulya mṟinyi.”
Petro aṟingishia ke Yesu nyi Mesia
(Mat 16:13-20; Luk 9:18-21)
27Yesu na wa kiloshionyi kyake wakahenda mṟinyi ya Kaisaria Filipi. Wachihenda Yesu kawesa wa kiloshionyi, “A wandu wekededa wada kyako, ke inyi nyi wu?” 28 Wakambia “Wengi wekehamba iyo nyi Yohane Mpatisi, na wengi, nyi Elia, na wengi, nyi umu o waikimbi.” 29 Nao kawawesa, “A nyo mohamba ke inyi nyi u?” Petro kahaluo kambia, “Iyo nyi ukeri Kristo.” 30Yesu kawakekedya, ma walawie mndu oose mbonyi tsake.
Yesu ahamba kya mawawio, opfu na iṟuka lyake
(Mat 16:21-28; Luk 9:22-27)
31Yesu kawoka ilosha wa kiloshionyi kyake, “Mana o mndu, kimbaṟi naliso wukiwa wung'anyi na imino nyi wasongoru wa wandu na wakohanyi wanene na walosha wa wuwawaso Nechiwoho, na ili lya kaṟaṟu naṟuke.” 32Yesu kawawia ado na pata. Petro kamduo kyaanya kawoka imdedya. 33Nao Yesu aminduka, kechiambuya wa kiloshyonyi kyake kadedya Petro kahamba, “Kewuya na numa yako Satana, nyi kipfa chando uihia chi ha Ruwapfo, nyi ha kiwandu.”
34 Numa Kalaha kituṟu kya wandu handu hamu na wa kiloshyonyi kyake kawawia, “Kokoya mndu akunda oshana na inyi, kimbaṟi nakukane amonyi, nakudike na msalaba foke, naoshane na inyi. 35 Kipfa mndu echikunda letsa moo foke amonyi, nyechifudetsa. Na mndu echidetsa moo foke kipfa kyako inyi na kipfa kya Mbonyi tso Njicha nyi echifuletsa. 36Kipfa kiira kiiho nyi kiki, ili mndu awinya wuyana wuwose, wukawa woke, kadetsya-pfo moo foke? 37Ang'u kindo mndu echiwika kiwe ndalai ya moo foke nyikiki? 38Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”
Currently Selected:
MARIKO 8: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MARIKO 8
8
1Mfiri iya kuwei-se ho kituṟu king'anyi kya wandu, walawode kindo kyela, Yesu kalaha wa kiloshyonyi kyake Wasanzye oo hando ai kawawia, 2“Ngakusaṟa wukiwa wo wandu-wa, kyamba wamtsinda kunu koko mfiri iṟaṟu, ma walawode kindo kelya. 3Na kokoya ngawasama, wahende kanyi kowo, walasusuo, wechiariskya njienyi; nawo maata-ho wacheye wawuka kuleshe.”
4Wa kiloshyonyi kyake wakamhaluo wakahamba, “A nyku mndu echiidima iwuta mkate yechiwaihutsa wose iya nuka.” 5Yesu kawawesa, “Nyi mkate inga mbode?” Wakahamba, “Nyi mfungade.”
6Kawawasa kituṟu kilya kya wandu wadamie wanda; Nahong'u kaira mkate iya mfungade kaana Ruwa kafunjafunja kaenengya wa kiloshyonyi kyake, kundu wawadaye; nawo wakadaya kituṟu kilya. 7Wawode na shikunga shitutu; Yesu kaidapfuma Ruwa kawawasa shidaayo wandu. 8Wandu wakalya wakaihuda Wakadodwo mtsuhaṟo fo shipeṟengu shikunja mfungade. 9Na wandu walelya waweshikie cha shiku shiina; Yesu kawasama. 10Nalyo lienyi kaida na ngalawenyi handu hamu na wa kiloshyonyi kyake wakahenda wambaṟa ya Dalmanuta.
Wafarisayo wakundi kiṟingishio
(Mat 16:1-4)
11 Wafarisayo wakacha, wakawoka iwesana na Yesu kui imhesha wakakunda nawawutie ṟiho iwe kiṟingishio ke nawode pfinya iwukie ruwehu. 12 Yesu kasokyo nyi fowa mrimenyi foke kahamba, “A nki ili mbaṟi ii ikundi kiṟingishyo? Nyi kya lohi ngambia, mbaṟi ii yechiloṟo kiṟingishio manyale-pfo.” 13Kawada kaida-se na ngalawenyi kaambadya kya kulya mataya ya nduwa.
Mtarang'ao fo Wafarisayo na fo Herode
(Mat 16:5-12)
14Wakiloshionyi wakahadima iduo mkate, nyi mkate fumu tupu wawerie ipfo ngalawenyi. 15 Yesu kawawawasa kechihamba, “Keambuyenyi mkuṟise mtarang'ao fo Wafarisayo na fo Herode.” 16Wa kiloshionyi wakakusaṟa wo wenyi na wenyi. Nyi ahamba ado kipfa lulawode mkate. 17Yesu kamanya kawawia, “Nyi kili muiwesana kya ili mlawode mkate? Nyi mlametawuka imanya ma mlamewada wuṟango? Na ngoo tso tsanu tsiwei ntumhari? 18 Nyi muwode meso, mlawone? Mbewode madu, mlaicho manya mlakumbuo? 19Mukumburie lilya njilefunjyafunjya shiku shitanu mkate itanu? Muledoduo mtsuhaṟo shipeṟengu shechiichuṟa shikunja shinga?” Wakambia, “Nyi ikumi na shiwi.” 20“Na ili njilefunjyafunjya walya shiku shiina mkate iya mfungade, mledoduo mtsuhaṟo fo shipeṟengu sha shikunja shinga?” Wakahamba, “Na mfungade.” 21Nao kawawia, “Na mṟasa wulalu. Mulamemanya?”
Yesu achiṟa kipfupfuṟe o Betisaida
22Yesu na wa kiloshionyi kyake wakacha na Betisaida. Wandu wakamendye mndu a mpfu meso wakamterewa, ke nampaye. 23Yesu kawada ulya mpfu meso kuwoko kambuta kulya mṟinyi kamduo nja ya mṟi fulya kamshia mada ipfo mesonyi hake na imhekya mawoko kambesa, oidima iwona kindo? 24Kipfupfuṟe kechiambuo kahamba, “Njiwonyi wandu wechumya, njiwawonyi wai cha mashidi haichumia.” 25Nahong'u Yesu kawuya imhekya se mawoko mesonyi hake, kawanza iambuo kawuya iwona, pfinya yake yeambuo ikamchea, kawona shose necha. 26Yesu kamduma nahende kanyi koke, kechimbawasa, “Ma kulawuye na kulya mṟinyi.”
Petro aṟingishia ke Yesu nyi Mesia
(Mat 16:13-20; Luk 9:18-21)
27Yesu na wa kiloshionyi kyake wakahenda mṟinyi ya Kaisaria Filipi. Wachihenda Yesu kawesa wa kiloshionyi, “A wandu wekededa wada kyako, ke inyi nyi wu?” 28 Wakambia “Wengi wekehamba iyo nyi Yohane Mpatisi, na wengi, nyi Elia, na wengi, nyi umu o waikimbi.” 29 Nao kawawesa, “A nyo mohamba ke inyi nyi u?” Petro kahaluo kambia, “Iyo nyi ukeri Kristo.” 30Yesu kawakekedya, ma walawie mndu oose mbonyi tsake.
Yesu ahamba kya mawawio, opfu na iṟuka lyake
(Mat 16:21-28; Luk 9:22-27)
31Yesu kawoka ilosha wa kiloshionyi kyake, “Mana o mndu, kimbaṟi naliso wukiwa wung'anyi na imino nyi wasongoru wa wandu na wakohanyi wanene na walosha wa wuwawaso Nechiwoho, na ili lya kaṟaṟu naṟuke.” 32Yesu kawawia ado na pata. Petro kamduo kyaanya kawoka imdedya. 33Nao Yesu aminduka, kechiambuya wa kiloshyonyi kyake kadedya Petro kahamba, “Kewuya na numa yako Satana, nyi kipfa chando uihia chi ha Ruwapfo, nyi ha kiwandu.”
34 Numa Kalaha kituṟu kya wandu handu hamu na wa kiloshyonyi kyake kawawia, “Kokoya mndu akunda oshana na inyi, kimbaṟi nakukane amonyi, nakudike na msalaba foke, naoshane na inyi. 35 Kipfa mndu echikunda letsa moo foke amonyi, nyechifudetsa. Na mndu echidetsa moo foke kipfa kyako inyi na kipfa kya Mbonyi tso Njicha nyi echifuletsa. 36Kipfa kiira kiiho nyi kiki, ili mndu awinya wuyana wuwose, wukawa woke, kadetsya-pfo moo foke? 37Ang'u kindo mndu echiwika kiwe ndalai ya moo foke nyikiki? 38Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.