MARIKO 5
5
1Wakaambadya kya kulya mataya ya nduwa orukenyi lo Wageraseno. 2Oweṟe lulya Yesu ambuka ngalawenyi, mndu awodo nyi mṟufu o ngafu kakambiṟa imkumbuhana acha awuka maṟungunyi ha wapfu. 3Nao mndu cho nawekekaa maṟungunyi ha wapfu, ma kuipfo mndu aleidima impfunga manya na mshe-pfo. 4Kipfa kafoi nawempfungie matima na ipfungo na mshe kadawuo mshe iya kawefunja na matima halya, ma mndu alaidime imlamiṟia. 5Mfiri na kio echikaa maṟungunyi na mafumvunyi kyechipoṟohoṟa kechikukapa na maho.
6Amewona Yesu ai kuleshe kakambya kamhoya ndenyi. 7Kafihiṟa na ṟu ling'anyi kahamba, “Nyikiki kyako na iyo, Yesu ui Mana o Ruwa, Mwitoṟi? So hoi Ruwa ulanjiture.” (8Cha kipfa Yesu awemehamba, “Lekana na mndu chu iyo mṟufu o ngafu!”)
9Nao Yesu kambesa, “Rina lyapfo nyi u?” Kambia, “Rina lyako nyi itorito (Legionyi,) kipfa lui wafoi.” 10Kamterewa mnu, Yesu kundu nalawafune wawuke kulya orukenyi.
11Kyasia na alya fumvunyi kukeri iliso ipoo lying'anyi lya nguwe. 12Waṟufu walya wakamterewa wakahamba, “Keludume alya nguwenyi kundu luide na kiidi kyatso.” 13Kawainenga momu. Waṟufu walya wa ngafu wakawuka-ho wakaida na kiidi kya nguwe. Ipoo lyo lya nguwe likapufukya msaṟihu likakwolotsa kulya nduwenyi tsikapufuka, na tsiweshikie cha shiku shiwi tsikapfumbikya kulya mṟingenyi.
14Walya wetsilisa wakadicha wakashitsa mbonyi kulya mṟinyi na mhundenyi ya wandu; wandu wakacha iwona kilya kiwutikye. 15Wakachea Yesu wakawona-ho mndu ulya awewodo nyi mṟufu mbicho, adamye aṟee nguwo amṟamtsu, wakaowuo. 16Walya walewona mbonytso wakawaongoya wengi chando mndu ulya awewodo nyi mṟufu mbicho ambutyo na kya nguwe tsilya. 17Wakawoka imterewa, nawuke kulya orukenyi lowo.
18Nahong'u Yesu kyechiida na ngalawenyi, mndu ulya awewodo nyi mṟufu mbicho kamterewa nahende nao. 19Indi Yesu kamlehia, kya indi alembia, “Henda kanyi kopfo, ko wandu wapfo, nowaongoye chando Mndumii akuwutya shindo shing'anyi kakusaṟya.” 20Nao mndu ulya kakuhendya kawoka yonguo kulya Dekapoli (mṟinyi ikeripfo ikumi,) chando Yesu ambutye shing'anyi wandu, wose wakaṟihio.
Mana o waka o Yairo na mndu mka umu wachiṟo
(Mat 9:18-26; Luk 8:40-56)
21Kyasia Yesu amambadya kya kulya na ngalawa, Kituṟu king'anyi kya wandu kikakuwumbya koke, akeri alya mbarinyi ya nduwa. 22Kukacha mnene umuho o walya weambuya sinagoge, rina lyake nyi Yairo, Ambona Yesu kakuhutsa wanda madendenyi hake. 23Kamterewa mnu kechihamba. “Manowaka oko nyi ineuka ai, Hoi kekuchee umhekye mawoko hapfo, kundu nachie nakae na moo!” 24Kyasia Yesu kakure nao, Wandu wakaoshana nao kituṟu king'anyi wakampeṟehetsa.
25Umu-ho nyi mndu mka awewoda nndaṟe kechiwuka samu maka ikumi na iwi. 26Mka-cho awemlya mnu wukiwa wung'anyi wo wahanga wafoi. Amaiye masaa awewode hose, alawone achia, kya indi kawona, kechiengeṟa iwichwowichwo. 27Awemiicho mbonyi tsa Yesu, kacha numa yake kakupeṟehetsia ipfo kituṟunyi kya wandu kapaya nguwo yake. 28Kipfa nyi alehamba mrimenyi, “Ma kokoya njechipaya nguwo tsake tupu, na njechichia.”
29Oweṟe mra fo samu yake ikauma, kakuicho ipfo mbihu koke, ke amechia ndaṟe iya iwembonde. 30Yesu kamanya mrimenyi foke, ke ambuko nyi pfinya, kaindukya kituṟu kilya kya wandu kahamba, “Nyiu anjipaya ṟao lyako?” 31Wa kiloshyonyi kyake wakambia, “Uwonyi, kituṟu-kyo kya wandu kechikupeṟehetsa, kohamba, nyi u anjipaya?”
32Yesu kaing'uṟung'uṟu iwona nyiu ambutia ado. 33Nahong'u mka ulya ambona ambutyo ado, kacha, ikuloṟa kechiowuo na idedema, kaolokya Yesu ndenyi kambia shose sha sungusihu. 34Nao Yesu kambia, “Manoko o waka, iidikya lyapfo lyamekukiṟa, kuhendie na kipuo nowechia na ndaṟe i iwekuwode.”
35Yesu kyechideda ado wakacha wa kulya ko mnene ulya moambuya sinagoge wakambia, “Manopfo o waka ampfa, Nyikise owinyisha mlosha?” 36Na Yesu nalasaṟe kilya amicho kihambo kido kawia mnene ulya moambuya sinagoge, “Kulaowuo kewekuidekye tupu.” 37Alalekye mndu nahende nao shila Petro na Yakobo na Yohane, monomae o Yakobo.
38Wakashika kanyi ko mnene ulya moambuya sinagoge Yesu kaicho kitohyo na ilia wechilia na ifihiṟa mnu. 39Kaida-na mba kawawia, “Nyiki ili muitohya na ilia? Mana chu chi ampfapfo, nyi alee tupu.” 40Kyaindi wo wakamseka. Nao kafunya wose nja kahenda warianyi na ndee o mana na mae na walya wa kiloshionyi wakaida napfo, alyando mana ulya akeri. 41Kyasia kawada mana ulya owoko kambia, “Talita kumi,” ikyo nyi kihaluo, “Manoko o waka ngakuwia kure.” 42Nalyo liyenyi mana ulya o waka kakure kachumya; (kipfa nyi aweshitsye maka ikumi na iwi.) Wadi wandu wakauma mkahai dang'a. 43Yesu kawawawasa mnu, waladung'antse mbonyitso ko mndu, ma mndu nalakimanye, Kahamba mana-cho o waka nainengo kyela.
Yesu aleho ipfo Nasareti
(Mat 13:53-58; Luk 4:16-30)
Currently Selected:
MARIKO 5: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MARIKO 5
5
1Wakaambadya kya kulya mataya ya nduwa orukenyi lo Wageraseno. 2Oweṟe lulya Yesu ambuka ngalawenyi, mndu awodo nyi mṟufu o ngafu kakambiṟa imkumbuhana acha awuka maṟungunyi ha wapfu. 3Nao mndu cho nawekekaa maṟungunyi ha wapfu, ma kuipfo mndu aleidima impfunga manya na mshe-pfo. 4Kipfa kafoi nawempfungie matima na ipfungo na mshe kadawuo mshe iya kawefunja na matima halya, ma mndu alaidime imlamiṟia. 5Mfiri na kio echikaa maṟungunyi na mafumvunyi kyechipoṟohoṟa kechikukapa na maho.
6Amewona Yesu ai kuleshe kakambya kamhoya ndenyi. 7Kafihiṟa na ṟu ling'anyi kahamba, “Nyikiki kyako na iyo, Yesu ui Mana o Ruwa, Mwitoṟi? So hoi Ruwa ulanjiture.” (8Cha kipfa Yesu awemehamba, “Lekana na mndu chu iyo mṟufu o ngafu!”)
9Nao Yesu kambesa, “Rina lyapfo nyi u?” Kambia, “Rina lyako nyi itorito (Legionyi,) kipfa lui wafoi.” 10Kamterewa mnu, Yesu kundu nalawafune wawuke kulya orukenyi.
11Kyasia na alya fumvunyi kukeri iliso ipoo lying'anyi lya nguwe. 12Waṟufu walya wakamterewa wakahamba, “Keludume alya nguwenyi kundu luide na kiidi kyatso.” 13Kawainenga momu. Waṟufu walya wa ngafu wakawuka-ho wakaida na kiidi kya nguwe. Ipoo lyo lya nguwe likapufukya msaṟihu likakwolotsa kulya nduwenyi tsikapufuka, na tsiweshikie cha shiku shiwi tsikapfumbikya kulya mṟingenyi.
14Walya wetsilisa wakadicha wakashitsa mbonyi kulya mṟinyi na mhundenyi ya wandu; wandu wakacha iwona kilya kiwutikye. 15Wakachea Yesu wakawona-ho mndu ulya awewodo nyi mṟufu mbicho, adamye aṟee nguwo amṟamtsu, wakaowuo. 16Walya walewona mbonytso wakawaongoya wengi chando mndu ulya awewodo nyi mṟufu mbicho ambutyo na kya nguwe tsilya. 17Wakawoka imterewa, nawuke kulya orukenyi lowo.
18Nahong'u Yesu kyechiida na ngalawenyi, mndu ulya awewodo nyi mṟufu mbicho kamterewa nahende nao. 19Indi Yesu kamlehia, kya indi alembia, “Henda kanyi kopfo, ko wandu wapfo, nowaongoye chando Mndumii akuwutya shindo shing'anyi kakusaṟya.” 20Nao mndu ulya kakuhendya kawoka yonguo kulya Dekapoli (mṟinyi ikeripfo ikumi,) chando Yesu ambutye shing'anyi wandu, wose wakaṟihio.
Mana o waka o Yairo na mndu mka umu wachiṟo
(Mat 9:18-26; Luk 8:40-56)
21Kyasia Yesu amambadya kya kulya na ngalawa, Kituṟu king'anyi kya wandu kikakuwumbya koke, akeri alya mbarinyi ya nduwa. 22Kukacha mnene umuho o walya weambuya sinagoge, rina lyake nyi Yairo, Ambona Yesu kakuhutsa wanda madendenyi hake. 23Kamterewa mnu kechihamba. “Manowaka oko nyi ineuka ai, Hoi kekuchee umhekye mawoko hapfo, kundu nachie nakae na moo!” 24Kyasia Yesu kakure nao, Wandu wakaoshana nao kituṟu king'anyi wakampeṟehetsa.
25Umu-ho nyi mndu mka awewoda nndaṟe kechiwuka samu maka ikumi na iwi. 26Mka-cho awemlya mnu wukiwa wung'anyi wo wahanga wafoi. Amaiye masaa awewode hose, alawone achia, kya indi kawona, kechiengeṟa iwichwowichwo. 27Awemiicho mbonyi tsa Yesu, kacha numa yake kakupeṟehetsia ipfo kituṟunyi kya wandu kapaya nguwo yake. 28Kipfa nyi alehamba mrimenyi, “Ma kokoya njechipaya nguwo tsake tupu, na njechichia.”
29Oweṟe mra fo samu yake ikauma, kakuicho ipfo mbihu koke, ke amechia ndaṟe iya iwembonde. 30Yesu kamanya mrimenyi foke, ke ambuko nyi pfinya, kaindukya kituṟu kilya kya wandu kahamba, “Nyiu anjipaya ṟao lyako?” 31Wa kiloshyonyi kyake wakambia, “Uwonyi, kituṟu-kyo kya wandu kechikupeṟehetsa, kohamba, nyi u anjipaya?”
32Yesu kaing'uṟung'uṟu iwona nyiu ambutia ado. 33Nahong'u mka ulya ambona ambutyo ado, kacha, ikuloṟa kechiowuo na idedema, kaolokya Yesu ndenyi kambia shose sha sungusihu. 34Nao Yesu kambia, “Manoko o waka, iidikya lyapfo lyamekukiṟa, kuhendie na kipuo nowechia na ndaṟe i iwekuwode.”
35Yesu kyechideda ado wakacha wa kulya ko mnene ulya moambuya sinagoge wakambia, “Manopfo o waka ampfa, Nyikise owinyisha mlosha?” 36Na Yesu nalasaṟe kilya amicho kihambo kido kawia mnene ulya moambuya sinagoge, “Kulaowuo kewekuidekye tupu.” 37Alalekye mndu nahende nao shila Petro na Yakobo na Yohane, monomae o Yakobo.
38Wakashika kanyi ko mnene ulya moambuya sinagoge Yesu kaicho kitohyo na ilia wechilia na ifihiṟa mnu. 39Kaida-na mba kawawia, “Nyiki ili muitohya na ilia? Mana chu chi ampfapfo, nyi alee tupu.” 40Kyaindi wo wakamseka. Nao kafunya wose nja kahenda warianyi na ndee o mana na mae na walya wa kiloshionyi wakaida napfo, alyando mana ulya akeri. 41Kyasia kawada mana ulya owoko kambia, “Talita kumi,” ikyo nyi kihaluo, “Manoko o waka ngakuwia kure.” 42Nalyo liyenyi mana ulya o waka kakure kachumya; (kipfa nyi aweshitsye maka ikumi na iwi.) Wadi wandu wakauma mkahai dang'a. 43Yesu kawawawasa mnu, waladung'antse mbonyitso ko mndu, ma mndu nalakimanye, Kahamba mana-cho o waka nainengo kyela.
Yesu aleho ipfo Nasareti
(Mat 13:53-58; Luk 4:16-30)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.