MARIKO 3
3
1Yesu kaida-se na sinagogenyi, na kuwekeripfo mndu akachukye owoko. 2Wandu waweiho Wakambikya meso, waambuye koka nyi echimchiṟa mfiri fo sabato, kundu wawonye Yesu owingo. 3Nao Yesu kawia mndu ulya akachukye owoko, “Kure nokucheie na a makidi hawi.” 4Kawawesa, “Ngesa kindo kisumuhanyi iwuta mkonu fo Sabato nyi iwuta kicha ang'u nyi iwuta kiwicho, nyi ikiṟa moo ang'u nyi iwaha?” Nawo wakatsia. 5Kekiwaṟengutsya meso kawaichyo nyashi, akuinadie kya wuumu wo ngoo tsawo. Kawia mndu ulya, “Hoṟuo owoko-lopfo.” Kahoṟwo, owoko loke lukachia-se. 6Kyasia Wafarisayo wamewuka-pfo wakakambia ideda kyama kyake hamu na walya wa ko Herode, kundu wechirumatsa Yesu.
Kituṟu kya wandu mbai ya nduwa
7Kyasia Yesu kakusheṟwo na wa kiloshyonyi kyake wakahenda mawambayonyi ha nduwa, mamingi fung'anyi fo wandu fukaoshana nawo, Wacheye wauka Galilaya na Yudaya. 8Na Yerusalemu na Idumaya na mataya ya meda fo Yordani na oruka lo kulya Tiro na Sidon. Nyi mamingi fung'anyi; wekiicho shilya Yesu alewuta, wakacha na koke. 9 Nao Yesu kawia wa kiloshyonyi kyake, wamteseheṟie kingalawa kipfa kya kituṟu kya wandu kyembeda, kundu walampeṟehetse. 10Kipfa walya alewachiṟa wawefoi; wandu waluo wakatana wamwolokya, kundu wampaye. 11Wandu wawodo waṟufu wa ngafu wekimbona, wakamwolokya ndenyi wakafihiṟa wechihamba, “Iyo nyi ukeri Mana o Ruwa.” 12Indi Yesu kawadedya kya pfinya, kundu walaongoye wandu.
Yesu asambuṟa wasu ikumi na wawi
(Mat 10:1-4; Luk 6:12-16)
13Kyasia Yesu kado ifumvuhu kakulahya sa alekunda amonyi, wakahenda koke. 14Kasambuṟa wandu ikumi na wawi, kawadumbuya rina nyi “Wasu” kundu wakukaye nao na kundu nawadume wahende yongwo mbonyi, 15na ihenda wawode pfinya yefuna waṟufu wawicho. 16Walya ikumi na wawi alewasambuṟa nyiwo, Simon (rina lyingi nyi Petro.) 17Yakobo na Yohane wana wa Sebedayo (Yesu kawadumbuya rina nyi Boanerge, nakyo kyahamba, wana wa ikuṟuṟuma.) 18Andrea na Filipo na Bartolomayo, na Matayo, Toma Yakobo, mana o Alifayo, na Tadayo na Simon Mkananayo. 19Na Yuda iskariote, nyi ulya aleṟingya Yesu.
Yesu na Belsebuli
(Mat 12:22-32; Luk 11:14-23; 12:10)
20Kyasia Yesu kaida na mba Kukasanzia-seho na kituṟu king'anyi kya wandu walawone mwanya folya kyela. 21Walya wa kanyi koke wekiicho wado, wakahenda imwonduo; cha kipfa walehamba nyi awodo nyi oṟuuṟe.
22 Nahong'u walosha wa wuwawaso wawewukye Yerusalemu wakasoka napfo wakahamba, “Nawodo Belsebuli na kui pfinya ya mnene chu o waṟufu wawicho nakeri ifuna waṟufu wawicho.” 23Kyasia Yesu kawalaha kawawia ku mafanano, “Nyi wuda Satana aidima ifuna Satana ngesa? 24Na kokoya wumangi wupaṟakanyi wenyi na wenyi, oruka ludo loidima iwangapfo. 25Na kokoya Wandu wa mba imu wapaṟakanyi wo wenyi kowenyi wechirumara. 26Na kokoya Satana akuamkya amonyi apaṟakanyi, manya aidima iwangapfo, indi nyi echiarisika nakamu.
27“Ma kuwode mndu echiidima iida na ipfo mba ya mwapfinya na iduo-ho nzohoṟa tsake alawoka ipfunga mwapfinya ulyai-pfo, kamma, nyi echitsiduo.
28“Nyi kya lohi ngambia, ‘Wandu wechihoṟio njonyamaṟo na shirumo shawo shose wairuma nasho Ruwa. 29 Kya indi mndu karuma Mumuyo Mwele, echiwona ihooṟyo manya indipfo, kya indi na wunyamaṟi woke wochimbonyia owingo lo mlungana.’” (30Yesu nalehamba ado kipfa welehamba, “Ai na mṟufu o ngafu.”)
Mae na wana wa mae wa Yesu
(Mat 12:46-50; Luk 8:19-21)
31Mae o Yesu wakacha naho na wanawamae wakahoṟoka ipfo nja wakaduma mndu koke wechimlaha. 32Kuwedamye-pfo kituṟu kya wandu wakamṟingichia kiidi wakambia, “Ambuya mayo wakeri ipfo nja na wana wa mayo na washiki wapfo, wechikupfula.” 33Nao Yesu kahaluo kawawia, “Wama oko na wana wa wama wako nyi wu?” 34Kawaṟengutsya meso walya wawedamyeho wawembikye kiidi kahamba, “Aiwa wama oko na wana wa wama wako. 35Msa awuta shilya Ruwa akundi, nyio ai manowama oko na mshiki na wama.”
Mfanano fo mkumbi o mbeu
(Mat 13:1-9; Luk 8:4-8)
Currently Selected:
MARIKO 3: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MARIKO 3
3
1Yesu kaida-se na sinagogenyi, na kuwekeripfo mndu akachukye owoko. 2Wandu waweiho Wakambikya meso, waambuye koka nyi echimchiṟa mfiri fo sabato, kundu wawonye Yesu owingo. 3Nao Yesu kawia mndu ulya akachukye owoko, “Kure nokucheie na a makidi hawi.” 4Kawawesa, “Ngesa kindo kisumuhanyi iwuta mkonu fo Sabato nyi iwuta kicha ang'u nyi iwuta kiwicho, nyi ikiṟa moo ang'u nyi iwaha?” Nawo wakatsia. 5Kekiwaṟengutsya meso kawaichyo nyashi, akuinadie kya wuumu wo ngoo tsawo. Kawia mndu ulya, “Hoṟuo owoko-lopfo.” Kahoṟwo, owoko loke lukachia-se. 6Kyasia Wafarisayo wamewuka-pfo wakakambia ideda kyama kyake hamu na walya wa ko Herode, kundu wechirumatsa Yesu.
Kituṟu kya wandu mbai ya nduwa
7Kyasia Yesu kakusheṟwo na wa kiloshyonyi kyake wakahenda mawambayonyi ha nduwa, mamingi fung'anyi fo wandu fukaoshana nawo, Wacheye wauka Galilaya na Yudaya. 8Na Yerusalemu na Idumaya na mataya ya meda fo Yordani na oruka lo kulya Tiro na Sidon. Nyi mamingi fung'anyi; wekiicho shilya Yesu alewuta, wakacha na koke. 9 Nao Yesu kawia wa kiloshyonyi kyake, wamteseheṟie kingalawa kipfa kya kituṟu kya wandu kyembeda, kundu walampeṟehetse. 10Kipfa walya alewachiṟa wawefoi; wandu waluo wakatana wamwolokya, kundu wampaye. 11Wandu wawodo waṟufu wa ngafu wekimbona, wakamwolokya ndenyi wakafihiṟa wechihamba, “Iyo nyi ukeri Mana o Ruwa.” 12Indi Yesu kawadedya kya pfinya, kundu walaongoye wandu.
Yesu asambuṟa wasu ikumi na wawi
(Mat 10:1-4; Luk 6:12-16)
13Kyasia Yesu kado ifumvuhu kakulahya sa alekunda amonyi, wakahenda koke. 14Kasambuṟa wandu ikumi na wawi, kawadumbuya rina nyi “Wasu” kundu wakukaye nao na kundu nawadume wahende yongwo mbonyi, 15na ihenda wawode pfinya yefuna waṟufu wawicho. 16Walya ikumi na wawi alewasambuṟa nyiwo, Simon (rina lyingi nyi Petro.) 17Yakobo na Yohane wana wa Sebedayo (Yesu kawadumbuya rina nyi Boanerge, nakyo kyahamba, wana wa ikuṟuṟuma.) 18Andrea na Filipo na Bartolomayo, na Matayo, Toma Yakobo, mana o Alifayo, na Tadayo na Simon Mkananayo. 19Na Yuda iskariote, nyi ulya aleṟingya Yesu.
Yesu na Belsebuli
(Mat 12:22-32; Luk 11:14-23; 12:10)
20Kyasia Yesu kaida na mba Kukasanzia-seho na kituṟu king'anyi kya wandu walawone mwanya folya kyela. 21Walya wa kanyi koke wekiicho wado, wakahenda imwonduo; cha kipfa walehamba nyi awodo nyi oṟuuṟe.
22 Nahong'u walosha wa wuwawaso wawewukye Yerusalemu wakasoka napfo wakahamba, “Nawodo Belsebuli na kui pfinya ya mnene chu o waṟufu wawicho nakeri ifuna waṟufu wawicho.” 23Kyasia Yesu kawalaha kawawia ku mafanano, “Nyi wuda Satana aidima ifuna Satana ngesa? 24Na kokoya wumangi wupaṟakanyi wenyi na wenyi, oruka ludo loidima iwangapfo. 25Na kokoya Wandu wa mba imu wapaṟakanyi wo wenyi kowenyi wechirumara. 26Na kokoya Satana akuamkya amonyi apaṟakanyi, manya aidima iwangapfo, indi nyi echiarisika nakamu.
27“Ma kuwode mndu echiidima iida na ipfo mba ya mwapfinya na iduo-ho nzohoṟa tsake alawoka ipfunga mwapfinya ulyai-pfo, kamma, nyi echitsiduo.
28“Nyi kya lohi ngambia, ‘Wandu wechihoṟio njonyamaṟo na shirumo shawo shose wairuma nasho Ruwa. 29 Kya indi mndu karuma Mumuyo Mwele, echiwona ihooṟyo manya indipfo, kya indi na wunyamaṟi woke wochimbonyia owingo lo mlungana.’” (30Yesu nalehamba ado kipfa welehamba, “Ai na mṟufu o ngafu.”)
Mae na wana wa mae wa Yesu
(Mat 12:46-50; Luk 8:19-21)
31Mae o Yesu wakacha naho na wanawamae wakahoṟoka ipfo nja wakaduma mndu koke wechimlaha. 32Kuwedamye-pfo kituṟu kya wandu wakamṟingichia kiidi wakambia, “Ambuya mayo wakeri ipfo nja na wana wa mayo na washiki wapfo, wechikupfula.” 33Nao Yesu kahaluo kawawia, “Wama oko na wana wa wama wako nyi wu?” 34Kawaṟengutsya meso walya wawedamyeho wawembikye kiidi kahamba, “Aiwa wama oko na wana wa wama wako. 35Msa awuta shilya Ruwa akundi, nyio ai manowama oko na mshiki na wama.”
Mfanano fo mkumbi o mbeu
(Mat 13:1-9; Luk 8:4-8)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.