MARIKO 10
10
1Nahong'u Yesu kakure-ho kacha na kulya shihongonyi sha Yudaya na kulya mataya ya meda fo Yordani. Kituṟu kya wandu kikamchease kawalosha, chando aweichiwie.
2Wafarisayo wakacha na koke wakambesa, wechimhesha, “Na kisumhanyi mndu nalekane na mka oke?”
3Yesu kawahalwo kawawia, “Kilya Mose amuwawasye nyi kiki?” 4 Nawo wakahamba, “Mose aleinenga momu mndu msoṟo nalekane na mka oke na imṟehia paruo yemsama.”
5Yesu kawawia, “Mose alemuinenga iwawaso lyo kipfa kya wuumu wo mrima yanu. 6 Kya indi wokia mawokyonyi, Ruwa nalewumba mndu msoṟo na mndu mka. 7 Ko ikyo msoṟo nechilekana na ndee na mae, nalungane na mka oke, 8nawo wawawi wechiwa mbihu fumu. Wechiwa-se wawi-pfo indi nyi mbihu fumu. 9Kyasia-ng'u ikyo Ruwa amekisanza, mndu o wandu nalakiletsane.”
10Wameidase na ipfo mba walya wa kiloshyonyi wakambesa kya kindo kyo. 11 Nao kawawia, “Ichu alekana na mkoke kaalika ungi, nyi aṟuhuya kamdekyo. 12Na mka kalekana na mii oke kahenda yaliko nyi uingi nyi aṟuhuyo.”
Yesu awikia wana ona
(Mat 19:13-15; Luk 18:15-17)
13Kyasia wandu wakaende shiwana na ko Yesu, kundu nashipaye. Walya wa kiloshyonyi wakatukya walya washirie. 14Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo. 15 Nyi kya lohi ngambia. Mndu ada alaambya wumangi wo Ruwa ai cha kimana, echiida naho-pfo.” 16Kawachunguṟya kawahekia mawoko kawawikya ona.
Mndu awei msuṟi
(Mat 19:16-30; Luk 18:18-30)
17Kyasia Yesu ambuka-pfo ashikie njienyi, mndu kakambia na koke kampfirya ndi kambesa, “Ui mlosha mcha, kindo njechiwuta, kundu njioṟe moo fo mlungana nyi kiki?” 18Na Yesu kambia, “Nyikili onjilaha njii mcha? Kuwode mchapfo shila umu, nyi Ruwa amonyi. 19 Mawawaso na uhaichi, Kulaṟuhuye, Kulawahe, Kulaiwe, Kulairie mndu sha wongo, Kulasoke mndu kya pfinya, India ndeo na mayo.” 20Nao kambia, “Mlosha, kyaho hose njihainutsie wokia wututu woko.” 21Yesu kamambuya kamkunda kambia, “Utsuheṟe kindo kimu, kehenda nokumbe isho uwode noenengye wakiwa, naho ochiwada kisa kya shindo shifoi ipfo ruwehu. Komidima, uche oshana na inyi.” 22Nao ameicho ado kakuinadia kakuhendya awodo nyi fowa kipfa awewode masaa hafoi.
23Yesu kaṟengutsya meso kaambuya njora tsose kewia wa kiloshyonyi kyake, “Ambuyenyi, chando kilemye, wasuṟi waide na ipfo wumanginyi wo Ruwa!” 24Walya wa kiloshyonyi wakaṟihyo kya madedo halya hake. Na Yesu kawawia-se, “Wana wako nkikiumu mnu iida na ipfo Wumanginyi wo Ruwa. 25Kyangu-ho nyi ngamia ide na ṟochenyi lya sindano, kota mndu msuṟi naide na ipfo Wumanginyi wo Ruwa.” 26Wakiloshionyi kyake wakaṟihio mnu wakawesana wo wenyi na wenyi, “A mndu echiidima ikiṟo nyi u?” 27Yesu kawahaluya meso kawawia, “Kunu ko wandu nyi kindo kilechiidimika kyaindi ko Ruwa chi wudopfo, kipfa ko Ruwa shose shechiidimika.”
28Petro kambia, “A so nyi wuda? Ludeye shose lukaoshana na iyo.” 29Yesu kahamba, “Na kya lohi ngambia, orio mndu adeye ma mba ma wana wa mae ma washiki, ma mae, ma ndeye, ma mdemi kipfa kyako na kipfa kya Mbonyi tso Njicha. 30Kiheri ki kya wulalu elekaa nawihiṟyo ka ihana ngoseṟa mba na wana wa mae, na washiki, na mae, na mdemi, na wana, handu hamu na matuuro, na mfiri yechicha nawewona moo fo mlungana. 31 Kyaindi wafoi wasonguo nyi wechiwa wafurumi na iwo wafurumi wawewa wasongoru.”
Yesu ahamba lya kaṟaṟu kya ipfa na iṟuka lyake
(Mat 20:17-19; Luk 18:31-34)
32Naho wakeri njienyi wechido na Yerusalemu, nao Yesu nawewasongoye Wa kiloshionyi kyake wawewaowu, wandu wakamituma wechiowuo. Yesu kaduose kyanya walya ikumi na wawi, kawoka iwawia shilya shekaa shimhoye, 33“Adanyienyi, lukeri ido na Yerusalemu, na Manomndu echidambikyo wakohanyi wanene na walosha wa wuwawaso, nawo wambutye owingo lo opfu wawehenda mdambikya ko wandu wa mbaṟi njiehenu. 34Nawo wamtaluo na imselya mnyeri wawemkapa na ngowa tsi ntochye msha, na iwaha, wechimbaha. Na ili mfiri fo kaṟaṟu nyi echiṟuka.”
Kiterewo kya Yakobo na Yohane
(Mat 20:20-28)
35Yakobo na Yohane wana wa Sebedayo wakamsembelya kufui wakambia, “Mlosha, lukundi uluwutye, chando lochikuterewa.” 36Nao Yesu kawawia, “Kindo mokunda njimbutye nyi kiki?” 37Wakambia, “Uluenenge, momu ludamie umu ora lopfo lo kulyo na ungi ora lopfo lo kumoso ipfo wusuṟinyi wopfo.” 38 Nao Yesu kawawia, “Muichi kindo muiterewapfo. Ngesa lohi na moidima inyo kirahu kya matuuro njechikunyoya inyi ang'u ipatiso chandu inyi; njechipatiso?”
39Wakambia, “Na loidima.” Yesu kawawia, “Kirahu ikyo njechinyo inyi, nanyo mochinyo, na mochipatiso chandu inyi njilepatiso. 40Kyaindi idamya ora loko lo kulyo na lo kumoso kyalyo chi iṟunda lyako inyi lyeinenga mndupfo, kyaindi weinengo walya wai wateseheṟye.”
41Naho walya ikumi wekiicho isho wakawoka ipfuluko kya Yakobo na Yohane. 42 Yesu kawalaha kawawia, “Muichi, ke walya watano mangi tsa wandu wa masanga nyi wawaitoṟye kui wuapfinya na iwo wanene wakawaapfinyia. 43 Kyaindi kunu konu kilawe kido. Indi sa akundi iwa mnene kidi kyanu, kimbaṟi nawe mṟundi onu. 44Na msa akundi iwa mosongoru kiidi kyanu, nyi kimbaṟi nawe isinga lya wose. 45Kipfa na Manomndu acheye ipfuṟukanyopfo, kyaindi kundu napfuṟukane nawelekia moo foke fuwe ndalai yetalaa wandu wafoi.”
Yesu achiṟa kipfupfuṟe elaho Bartimayo
(Mat 20:29-34; Luk 18:35-43)
46Wakashika Yeriko. Na ili wewuka kulya Yeriko Yesu na wa kiloshionyi kyake na kituṟu kya wandu king'anyi; kipfupfuṟe Bartimayo mana o Timayo adamye oo mbai ya njia, echyeṟeṟya wandu. 47Kyekiicho nyi Yesu o Nasareti aiida-ho kawoka ikoṟoṟoma na ihamba, “Yesu u Mana o Dawidi, Kenjisaṟia-wo!”
48Wandu wafoi wakamdedya kundu nakutsie; kyaindi o kaengeṟa mnu ikoṟoṟoma, “Mana o Dawidi, kenjisaṟiawo!”
49Yesu katirima-ho kahamba, “Kemlahenyi.” Wakalaha kipfupfuṟe ulya wechimbia, “Kyewuuyo nyi moo! Kure, nyi akulaha.”
50Nao kakumba nguwo tsake tsa huye katsung'tsuwuka kachea Yesu.
51Yesu kambesa, “Kindo ukundi njikwutye nyi iki?” Kipfupfuṟe ulya kambia, “Mlosha ngaterewa njiidime-se iambuo.”
52Nao Yesu kambia, “Kuhendye, idikya lyapfo lyamekukiṟa.” Nalyo liyenyi kaambwo kaitumana na Yesu orio handu.
Yesu aida na Yerusalemu na ngoru
(Mat 21:1-11; Luk 19:28-40; Yoh 12:12-19)
Currently Selected:
MARIKO 10: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MARIKO 10
10
1Nahong'u Yesu kakure-ho kacha na kulya shihongonyi sha Yudaya na kulya mataya ya meda fo Yordani. Kituṟu kya wandu kikamchease kawalosha, chando aweichiwie.
2Wafarisayo wakacha na koke wakambesa, wechimhesha, “Na kisumhanyi mndu nalekane na mka oke?”
3Yesu kawahalwo kawawia, “Kilya Mose amuwawasye nyi kiki?” 4 Nawo wakahamba, “Mose aleinenga momu mndu msoṟo nalekane na mka oke na imṟehia paruo yemsama.”
5Yesu kawawia, “Mose alemuinenga iwawaso lyo kipfa kya wuumu wo mrima yanu. 6 Kya indi wokia mawokyonyi, Ruwa nalewumba mndu msoṟo na mndu mka. 7 Ko ikyo msoṟo nechilekana na ndee na mae, nalungane na mka oke, 8nawo wawawi wechiwa mbihu fumu. Wechiwa-se wawi-pfo indi nyi mbihu fumu. 9Kyasia-ng'u ikyo Ruwa amekisanza, mndu o wandu nalakiletsane.”
10Wameidase na ipfo mba walya wa kiloshyonyi wakambesa kya kindo kyo. 11 Nao kawawia, “Ichu alekana na mkoke kaalika ungi, nyi aṟuhuya kamdekyo. 12Na mka kalekana na mii oke kahenda yaliko nyi uingi nyi aṟuhuyo.”
Yesu awikia wana ona
(Mat 19:13-15; Luk 18:15-17)
13Kyasia wandu wakaende shiwana na ko Yesu, kundu nashipaye. Walya wa kiloshyonyi wakatukya walya washirie. 14Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo. 15 Nyi kya lohi ngambia. Mndu ada alaambya wumangi wo Ruwa ai cha kimana, echiida naho-pfo.” 16Kawachunguṟya kawahekia mawoko kawawikya ona.
Mndu awei msuṟi
(Mat 19:16-30; Luk 18:18-30)
17Kyasia Yesu ambuka-pfo ashikie njienyi, mndu kakambia na koke kampfirya ndi kambesa, “Ui mlosha mcha, kindo njechiwuta, kundu njioṟe moo fo mlungana nyi kiki?” 18Na Yesu kambia, “Nyikili onjilaha njii mcha? Kuwode mchapfo shila umu, nyi Ruwa amonyi. 19 Mawawaso na uhaichi, Kulaṟuhuye, Kulawahe, Kulaiwe, Kulairie mndu sha wongo, Kulasoke mndu kya pfinya, India ndeo na mayo.” 20Nao kambia, “Mlosha, kyaho hose njihainutsie wokia wututu woko.” 21Yesu kamambuya kamkunda kambia, “Utsuheṟe kindo kimu, kehenda nokumbe isho uwode noenengye wakiwa, naho ochiwada kisa kya shindo shifoi ipfo ruwehu. Komidima, uche oshana na inyi.” 22Nao ameicho ado kakuinadia kakuhendya awodo nyi fowa kipfa awewode masaa hafoi.
23Yesu kaṟengutsya meso kaambuya njora tsose kewia wa kiloshyonyi kyake, “Ambuyenyi, chando kilemye, wasuṟi waide na ipfo wumanginyi wo Ruwa!” 24Walya wa kiloshyonyi wakaṟihyo kya madedo halya hake. Na Yesu kawawia-se, “Wana wako nkikiumu mnu iida na ipfo Wumanginyi wo Ruwa. 25Kyangu-ho nyi ngamia ide na ṟochenyi lya sindano, kota mndu msuṟi naide na ipfo Wumanginyi wo Ruwa.” 26Wakiloshionyi kyake wakaṟihio mnu wakawesana wo wenyi na wenyi, “A mndu echiidima ikiṟo nyi u?” 27Yesu kawahaluya meso kawawia, “Kunu ko wandu nyi kindo kilechiidimika kyaindi ko Ruwa chi wudopfo, kipfa ko Ruwa shose shechiidimika.”
28Petro kambia, “A so nyi wuda? Ludeye shose lukaoshana na iyo.” 29Yesu kahamba, “Na kya lohi ngambia, orio mndu adeye ma mba ma wana wa mae ma washiki, ma mae, ma ndeye, ma mdemi kipfa kyako na kipfa kya Mbonyi tso Njicha. 30Kiheri ki kya wulalu elekaa nawihiṟyo ka ihana ngoseṟa mba na wana wa mae, na washiki, na mae, na mdemi, na wana, handu hamu na matuuro, na mfiri yechicha nawewona moo fo mlungana. 31 Kyaindi wafoi wasonguo nyi wechiwa wafurumi na iwo wafurumi wawewa wasongoru.”
Yesu ahamba lya kaṟaṟu kya ipfa na iṟuka lyake
(Mat 20:17-19; Luk 18:31-34)
32Naho wakeri njienyi wechido na Yerusalemu, nao Yesu nawewasongoye Wa kiloshionyi kyake wawewaowu, wandu wakamituma wechiowuo. Yesu kaduose kyanya walya ikumi na wawi, kawoka iwawia shilya shekaa shimhoye, 33“Adanyienyi, lukeri ido na Yerusalemu, na Manomndu echidambikyo wakohanyi wanene na walosha wa wuwawaso, nawo wambutye owingo lo opfu wawehenda mdambikya ko wandu wa mbaṟi njiehenu. 34Nawo wamtaluo na imselya mnyeri wawemkapa na ngowa tsi ntochye msha, na iwaha, wechimbaha. Na ili mfiri fo kaṟaṟu nyi echiṟuka.”
Kiterewo kya Yakobo na Yohane
(Mat 20:20-28)
35Yakobo na Yohane wana wa Sebedayo wakamsembelya kufui wakambia, “Mlosha, lukundi uluwutye, chando lochikuterewa.” 36Nao Yesu kawawia, “Kindo mokunda njimbutye nyi kiki?” 37Wakambia, “Uluenenge, momu ludamie umu ora lopfo lo kulyo na ungi ora lopfo lo kumoso ipfo wusuṟinyi wopfo.” 38 Nao Yesu kawawia, “Muichi kindo muiterewapfo. Ngesa lohi na moidima inyo kirahu kya matuuro njechikunyoya inyi ang'u ipatiso chandu inyi; njechipatiso?”
39Wakambia, “Na loidima.” Yesu kawawia, “Kirahu ikyo njechinyo inyi, nanyo mochinyo, na mochipatiso chandu inyi njilepatiso. 40Kyaindi idamya ora loko lo kulyo na lo kumoso kyalyo chi iṟunda lyako inyi lyeinenga mndupfo, kyaindi weinengo walya wai wateseheṟye.”
41Naho walya ikumi wekiicho isho wakawoka ipfuluko kya Yakobo na Yohane. 42 Yesu kawalaha kawawia, “Muichi, ke walya watano mangi tsa wandu wa masanga nyi wawaitoṟye kui wuapfinya na iwo wanene wakawaapfinyia. 43 Kyaindi kunu konu kilawe kido. Indi sa akundi iwa mnene kidi kyanu, kimbaṟi nawe mṟundi onu. 44Na msa akundi iwa mosongoru kiidi kyanu, nyi kimbaṟi nawe isinga lya wose. 45Kipfa na Manomndu acheye ipfuṟukanyopfo, kyaindi kundu napfuṟukane nawelekia moo foke fuwe ndalai yetalaa wandu wafoi.”
Yesu achiṟa kipfupfuṟe elaho Bartimayo
(Mat 20:29-34; Luk 18:35-43)
46Wakashika Yeriko. Na ili wewuka kulya Yeriko Yesu na wa kiloshionyi kyake na kituṟu kya wandu king'anyi; kipfupfuṟe Bartimayo mana o Timayo adamye oo mbai ya njia, echyeṟeṟya wandu. 47Kyekiicho nyi Yesu o Nasareti aiida-ho kawoka ikoṟoṟoma na ihamba, “Yesu u Mana o Dawidi, Kenjisaṟia-wo!”
48Wandu wafoi wakamdedya kundu nakutsie; kyaindi o kaengeṟa mnu ikoṟoṟoma, “Mana o Dawidi, kenjisaṟiawo!”
49Yesu katirima-ho kahamba, “Kemlahenyi.” Wakalaha kipfupfuṟe ulya wechimbia, “Kyewuuyo nyi moo! Kure, nyi akulaha.”
50Nao kakumba nguwo tsake tsa huye katsung'tsuwuka kachea Yesu.
51Yesu kambesa, “Kindo ukundi njikwutye nyi iki?” Kipfupfuṟe ulya kambia, “Mlosha ngaterewa njiidime-se iambuo.”
52Nao Yesu kambia, “Kuhendye, idikya lyapfo lyamekukiṟa.” Nalyo liyenyi kaambwo kaitumana na Yesu orio handu.
Yesu aida na Yerusalemu na ngoru
(Mat 21:1-11; Luk 19:28-40; Yoh 12:12-19)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.