MARIKO 1
1
Mwongoye fo Yohane Mpatisi
(Mat 3:1-12; Luk 3:1-18; Yoh 1:19-28)
1Mawokionyi ha Ndumi ya Sia ya Yesu Kristo Mana o Ruwa. 2 Chando ki kiṟehie ko mwikimbi Yesaya, “Ambuya njekaa njidume msu oko mosonguo oshangunyi lopfo, nao nakuekye sungusia njia yapfo.” 3 Ṟu lya mndu moedia kundo ko nuka, “Keachikienyi njia ya Mndumii mbedamiṟa na njomongo tsake.” 4Kulewoneka Yohane Mpatisi kechipatisa kundo ko nuka na ionguo wupatiso wodumbuya, kundu Ruwa nawahoṟie njonyamaṟo tsawo. 5Wakamhendia wandu wose wa isangenyi lyose lya Yudaya na Wa Yerusalemu wose wakapatiso nyio alya medenyi fo Yordani, wechitocha njonyamaṟo tsawo.
6 Nao Yohane aweṟee nguwo ya mafafuta ha ngamia na ngometa ya njonyi oo kitsinyi kyake, echilya nzihe na wuki wo mbakonyi. 7Kaonguo kahamba, “Kuicha mndu numa yako sa anjing'anye, sa njilasumuhanye njiarame ipfunguo ngowa tsa shadu shake. 8Inyi njilemupatisa na mṟinga, kya indi o nyi echimupatisa na Mumuyo Mwele.”
Ipatiso na ihesho lya Yesu
(Mat 3:13–4:11; Luk 3:21-22; 4:1-13)
9Kyasia na mfiri iya Yesu kacha awuka kulya Nasareti ya kulya Galilaya kapatiso nyi Yohane medenyi fo Yordani. 10Nalyo liyenyi kechido alya mṟingenyi, kawona ruwehu kochiṟuhuka, nao Mumuyo kechimsokya cha mbeta. 11 Ṟu likacha ruwehu likahamba, “Iyo nyi ui manoko mkunde, sa ngachihyo kyake.”
12Naho kudi Mumuyo kamduo kundo ko nuka. 13Kakaa kulya nuka mkonu makumi haana, kechihesho nyi Satana, akeri-pfo na mando ha nuka, wamalaika wakawa mompfuṟukanya.
Yesu alaha wadehi waana
(Mat 4:12-22; Luk 4:14-15; 5:1-11)
14Kyasia Yohane amhenda ikumbo kipfungonyi, Yesu kacha na Galilaya, kechionguo Mbonyi Njicha ya Ruwa. 15 Kahamba, “Ke kiheri kyamcha, na wumangi wo Ruwa womeafukya kufui. Kedumbuyenyi mbeidikya Mbonyi tso Njicha.”
16Kyasia kechiida mawambao ha nduwa iya ya Galilaya kawona wadehi wawi, Simon na Andrea manomae wechiolotsa mdeho wadehe makunga. 17Yesu kawawia, “Kenjonyi, mche ioshana na inyi na inyi mbemhaluo muwe wadehi wedeha wandu.” 18Wadi wakadaho mdeho iya yawo wakaoshana nao. 19Naho kahendahenda kitutu kawewona Yakobo na Yohane; wana wa Sebedayo, wakeri alya ngalawenyi yawo, wechisungusia mdeho iya yawo. 20Nalyo kudi Yesu kawalaha; wakada ndeeyawo Sebedayo, ai ipfo ngalawenyi handu hamu na waekelei wakawuka-pfo wakaoshana nao.
Mndu awodo nyi mṟufu fo ngafu
(Luk 4:31-37)
21Wakashika mṟinyi fo Kapernaumu; nalyo liyenyi kawoka ilosha mfiri fo Sabato ipfo sinagogenyi. 22 Wandu wose waimwadanyia wakawa mkahai kya mloshye fulya foke; kipfa, chando ailosha, kikawa cha kya mndu awode chila, kilawe cha kya walosha wa wuwawaso.
23Nalyo liyenyi kukacha naho mndu awodo nyi mṟufu o ngafu acha na sinagogenyi yawo kafihiṟa. 24Kahamba, “Uwode-ki naso iyo, Yesu Mnasareti? Nyi ucheye nolurumatse? Lukauichi iyo nyio u, nyi ui Mwele o Ruwa.” 25Yesu kamtoloma, “Tsia-ng'u, nombuke mundu-chu!” 26Mṟufu fulya fo ngafu fukamrakwo-rakwo kafihiṟa na ṟu ling'anyi fukambuka. 27Wandu wose wakaṟihyo wewesana wechihamba, “Ikyo nyi kiki? A ifu mloshye mhya? Mndu-chu nawode pfinya! Na waṟufu wa ngafu awawawasa, nawo wakamwidikya.” 28Nahong'u mbonyi tsa Yesu tsikadung'ana owinyi kulya orukenyi lo Galilaya kose.
Yesu achiṟa wandu wafoi
(Mat 8:14-17; Luk 4:38-41)
29Wamewuka ipfo sinagogenyi wadi wakahenda ipfo mba ko Simoni na Andrea warianyi na Yakobo na Yohane. 30Kyasia mamka o Simoni awelee kitaṟenyi awodo nyi modo, wadi wakambia kyake. 31Yesu katikiria afui kamhoṟotsa kechimbada owoko, modo fukamlekya kawapfuṟukanya.
32Kyasia ili kyukanyi mnengeṟi fochiolokya, wakamendye Yesu wandu wose wakeri iwawyo na sa wawodo nyi waṟufu wawicho. 33Wandu wose wa mṟi fulya wakakuumbia alya mongonyi. 34Yesu kachiṟa wafoi waweluo ndaṟe tsifoi kafuna waṟufu wawicho wafoi, nalawaleke wededa, nyi kipfa wawemwichi ke nyiu.
Yesu aionguo mbonyi Galilaya
(Luk 4:42-44)
35Kyasia ili lya ngama ngamenyi kilahala kilamedo kawuka-pfo kahenda handu ha kiseekenyi katerewia-pfo. 36Simoni hamu na wodoe walya wengi wakamwosha. 37Wekimbona wakambia, “Orio mndu naikupfula.” 38Yesu kawawia, “Ndenyi luhende mṟinyi ingi ya ipfo mṟasenyi kundu njiwe moonguo pfo mbonyi, cha kipfa kindo kienengye ngacha na ikyo.” 39 Nahong'u kacha na Galilaya kechionguo ipfo masinagonyi hawo hose na ifuna waṟufu wawicho.
Yesu achiṟa mndu awodo nyi iwawe
(Mat 8:1-4; Luk 5:12-16)
40Mndu umu awodo nyi iwawe kachea Yesu kamterewa kechimolokya ndenyi kambia, “Kokukundya, nochiidima njiheṟemtsa.” 41Yesu Kamichyo wukiwa kahoṟuo owoko loke kampaya kahamba, “Na njikundi, heṟemka-ng'u!” 42Nalyo liyenyi iwawe lilya lyikambuka kaheṟemtso. 43Yesu kamkekedya adi kamfuna kambawasa, 44 “Ambuya kalawie ma mndu ma kindo, kya indi henda kuloṟe kulya ko mkohanyi nowewika mwano kya iheṟemtso lyapfo chando Mose awawasie shiwe kiṟingishyo kowo ke omechia.” 45Kya indi mndu ulya kawuka-pfo kawoka yonguo kafoi na idung'anyitsa mbonyi tso, orio handu, Yesu alaidime-se iida na mṟinyi na pata, kya indi kakaa hando ha nuka. Ma kudo wandu wakacha na hando ai wakuwukye njora tsose.
Yesu achiṟa mndu atiliwanyi shiwungo
(Mat 9:1-8; Luk 5:17-26)
Currently Selected:
MARIKO 1: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MARIKO 1
1
Mwongoye fo Yohane Mpatisi
(Mat 3:1-12; Luk 3:1-18; Yoh 1:19-28)
1Mawokionyi ha Ndumi ya Sia ya Yesu Kristo Mana o Ruwa. 2 Chando ki kiṟehie ko mwikimbi Yesaya, “Ambuya njekaa njidume msu oko mosonguo oshangunyi lopfo, nao nakuekye sungusia njia yapfo.” 3 Ṟu lya mndu moedia kundo ko nuka, “Keachikienyi njia ya Mndumii mbedamiṟa na njomongo tsake.” 4Kulewoneka Yohane Mpatisi kechipatisa kundo ko nuka na ionguo wupatiso wodumbuya, kundu Ruwa nawahoṟie njonyamaṟo tsawo. 5Wakamhendia wandu wose wa isangenyi lyose lya Yudaya na Wa Yerusalemu wose wakapatiso nyio alya medenyi fo Yordani, wechitocha njonyamaṟo tsawo.
6 Nao Yohane aweṟee nguwo ya mafafuta ha ngamia na ngometa ya njonyi oo kitsinyi kyake, echilya nzihe na wuki wo mbakonyi. 7Kaonguo kahamba, “Kuicha mndu numa yako sa anjing'anye, sa njilasumuhanye njiarame ipfunguo ngowa tsa shadu shake. 8Inyi njilemupatisa na mṟinga, kya indi o nyi echimupatisa na Mumuyo Mwele.”
Ipatiso na ihesho lya Yesu
(Mat 3:13–4:11; Luk 3:21-22; 4:1-13)
9Kyasia na mfiri iya Yesu kacha awuka kulya Nasareti ya kulya Galilaya kapatiso nyi Yohane medenyi fo Yordani. 10Nalyo liyenyi kechido alya mṟingenyi, kawona ruwehu kochiṟuhuka, nao Mumuyo kechimsokya cha mbeta. 11 Ṟu likacha ruwehu likahamba, “Iyo nyi ui manoko mkunde, sa ngachihyo kyake.”
12Naho kudi Mumuyo kamduo kundo ko nuka. 13Kakaa kulya nuka mkonu makumi haana, kechihesho nyi Satana, akeri-pfo na mando ha nuka, wamalaika wakawa mompfuṟukanya.
Yesu alaha wadehi waana
(Mat 4:12-22; Luk 4:14-15; 5:1-11)
14Kyasia Yohane amhenda ikumbo kipfungonyi, Yesu kacha na Galilaya, kechionguo Mbonyi Njicha ya Ruwa. 15 Kahamba, “Ke kiheri kyamcha, na wumangi wo Ruwa womeafukya kufui. Kedumbuyenyi mbeidikya Mbonyi tso Njicha.”
16Kyasia kechiida mawambao ha nduwa iya ya Galilaya kawona wadehi wawi, Simon na Andrea manomae wechiolotsa mdeho wadehe makunga. 17Yesu kawawia, “Kenjonyi, mche ioshana na inyi na inyi mbemhaluo muwe wadehi wedeha wandu.” 18Wadi wakadaho mdeho iya yawo wakaoshana nao. 19Naho kahendahenda kitutu kawewona Yakobo na Yohane; wana wa Sebedayo, wakeri alya ngalawenyi yawo, wechisungusia mdeho iya yawo. 20Nalyo kudi Yesu kawalaha; wakada ndeeyawo Sebedayo, ai ipfo ngalawenyi handu hamu na waekelei wakawuka-pfo wakaoshana nao.
Mndu awodo nyi mṟufu fo ngafu
(Luk 4:31-37)
21Wakashika mṟinyi fo Kapernaumu; nalyo liyenyi kawoka ilosha mfiri fo Sabato ipfo sinagogenyi. 22 Wandu wose waimwadanyia wakawa mkahai kya mloshye fulya foke; kipfa, chando ailosha, kikawa cha kya mndu awode chila, kilawe cha kya walosha wa wuwawaso.
23Nalyo liyenyi kukacha naho mndu awodo nyi mṟufu o ngafu acha na sinagogenyi yawo kafihiṟa. 24Kahamba, “Uwode-ki naso iyo, Yesu Mnasareti? Nyi ucheye nolurumatse? Lukauichi iyo nyio u, nyi ui Mwele o Ruwa.” 25Yesu kamtoloma, “Tsia-ng'u, nombuke mundu-chu!” 26Mṟufu fulya fo ngafu fukamrakwo-rakwo kafihiṟa na ṟu ling'anyi fukambuka. 27Wandu wose wakaṟihyo wewesana wechihamba, “Ikyo nyi kiki? A ifu mloshye mhya? Mndu-chu nawode pfinya! Na waṟufu wa ngafu awawawasa, nawo wakamwidikya.” 28Nahong'u mbonyi tsa Yesu tsikadung'ana owinyi kulya orukenyi lo Galilaya kose.
Yesu achiṟa wandu wafoi
(Mat 8:14-17; Luk 4:38-41)
29Wamewuka ipfo sinagogenyi wadi wakahenda ipfo mba ko Simoni na Andrea warianyi na Yakobo na Yohane. 30Kyasia mamka o Simoni awelee kitaṟenyi awodo nyi modo, wadi wakambia kyake. 31Yesu katikiria afui kamhoṟotsa kechimbada owoko, modo fukamlekya kawapfuṟukanya.
32Kyasia ili kyukanyi mnengeṟi fochiolokya, wakamendye Yesu wandu wose wakeri iwawyo na sa wawodo nyi waṟufu wawicho. 33Wandu wose wa mṟi fulya wakakuumbia alya mongonyi. 34Yesu kachiṟa wafoi waweluo ndaṟe tsifoi kafuna waṟufu wawicho wafoi, nalawaleke wededa, nyi kipfa wawemwichi ke nyiu.
Yesu aionguo mbonyi Galilaya
(Luk 4:42-44)
35Kyasia ili lya ngama ngamenyi kilahala kilamedo kawuka-pfo kahenda handu ha kiseekenyi katerewia-pfo. 36Simoni hamu na wodoe walya wengi wakamwosha. 37Wekimbona wakambia, “Orio mndu naikupfula.” 38Yesu kawawia, “Ndenyi luhende mṟinyi ingi ya ipfo mṟasenyi kundu njiwe moonguo pfo mbonyi, cha kipfa kindo kienengye ngacha na ikyo.” 39 Nahong'u kacha na Galilaya kechionguo ipfo masinagonyi hawo hose na ifuna waṟufu wawicho.
Yesu achiṟa mndu awodo nyi iwawe
(Mat 8:1-4; Luk 5:12-16)
40Mndu umu awodo nyi iwawe kachea Yesu kamterewa kechimolokya ndenyi kambia, “Kokukundya, nochiidima njiheṟemtsa.” 41Yesu Kamichyo wukiwa kahoṟuo owoko loke kampaya kahamba, “Na njikundi, heṟemka-ng'u!” 42Nalyo liyenyi iwawe lilya lyikambuka kaheṟemtso. 43Yesu kamkekedya adi kamfuna kambawasa, 44 “Ambuya kalawie ma mndu ma kindo, kya indi henda kuloṟe kulya ko mkohanyi nowewika mwano kya iheṟemtso lyapfo chando Mose awawasie shiwe kiṟingishyo kowo ke omechia.” 45Kya indi mndu ulya kawuka-pfo kawoka yonguo kafoi na idung'anyitsa mbonyi tso, orio handu, Yesu alaidime-se iida na mṟinyi na pata, kya indi kakaa hando ha nuka. Ma kudo wandu wakacha na hando ai wakuwukye njora tsose.
Yesu achiṟa mndu atiliwanyi shiwungo
(Mat 9:1-8; Luk 5:17-26)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.