MATAYO 8
8
1Kyasia kekisoka kulya fumvuhu wandu wakaduana nao mamingi sa fufoi. 2Naho adi a ulya mndu awodo nyi saka amcha naho kamolokya ndenyi kambia, “Mndumii kokukundya na ochiidima inyiheṟemtsa!” 3Naho Yesu kahoṟwo owoko kampaya, kahamba, “Na ngakunda keheṟemka!” Naalyo li yenyi kaheṟemka saka iya imbode. 4 Yesu kambia, “Ambuya, kulawie ma mndu ma kindo! Kya indi uhende ikuloṟa alya ko mkohanyi nowewika na mwano chando Mose awawasye kiwe kiṟingishyo kyawo.”
Yesu achiṟa Isinga lya mchili Mroma
(Luk 7:1-10)
5Kyasia amiida na kulya Kapernaumu, kukacha napfo mchili mnene o siṟi ya wasikari ihana. 6Kamfuhya wukiwa kehamba, “Hoi Mndumii, msoṟo oko alee kulya kanyi atiliwanyi shiwungo-sho aiwawyo mnu iki kiwicho-wicho.” 7Nao kambia, “Leka njiche njimchiṟe!” 8Mchili ulya kamhaluo kambia, “Alewo Mndumii! Njii o wusumuhanyi notane oida ipfo shia mhamba ya kai lyakofo. Kya indi kuhambie-ho idedo tupu, na msoṟo cho oko nechichia! 9Kipfa na inyi nyi nji mndu nji mwitoṟye nyi wuchili, indi na inyi na njiwode wasikari wai shi-ako. Na inyi njechiwia-ho ichu, ‘Henda!’ Nao kahenda. Ngawia ichu ungi, ‘Kenjo!’ Nao kacha. Ngawia na isinga lyako, ‘Henda wuta wuliwe!’ Nao kawewuta!” 10Yesu amiicho ado kaṟihio, kawia walya ahendesanyi nawo, “Na kya lohi ngambia, ‘Ma kunu ko Waisraeli ndemewone iidikya linanyi lidipfo.’ Kya indi inyi ngambia, 11 ‘Kukae kuche napfo wafoi wawuka kya kulya ora lo ngamenyi na kya kulya ora lo kyukanyi, wache damya kiliyonyi kya choonga na Abrahamu na Isaki na Yakobo ipfo wumanginyi wo Ruwa. 12 Kya indi wana wa wumangi wedao nja wahende kumbo kulya memenyi fo kulya nja. Napfo kukae pfo ilia na iimadya ngamru.’” 13Na Yesu kawia mchili ulya, “Kuhendye na chando oveidikya na wudo ochiwona!” Na msoro ulya oke kachia saa na iya.
Wandu wafoi wachiṟo
(Mar 1:29-34; Luk 4:38-41)
14Kyasia Yesu amcha na ipfo mba ko Petro kawona mamka oke amlaṟe awodo nyi modo. 15Nao kambada owoko, modo fukambuka. Kakure alyando avei mlaṟe, kawafurukanya. 16Kyasia komshika ili kyukanyi wakamendye wafoi wawodo nyi mṟufu mbicho. Nao kafuna mṟufu mbicho na kidedo kya dumbu lyake. Na walya waiwawyo kawewakiṟa wose. 17 Nyi kundu kishike kilya kiwei kidede nyi mwikimbi Yesaya kahamba, “Nyio aleduo wunyonge wodu, kawekudika na mawawyo hadu.”
Wawaṟi iosha Yesu
(Luk 9:57-62)
18Kyasia Yesu amewona wandu wache ikuwumbia nao mamwingi sa fung'anyi kawawasa wakiloshyonyi kyake wahende ambadya kya kulya ora lo kawi lo ipalyipalyi. 19Naho kukacha nafo mlosha o mawawaso umu kambia, “Marya, njeoshana na iyo kundu omekuhendya kose!” 20Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.” 21Kyasia mndu o kiloshyo ungi kacha imbia, “Mndumii, kennenga momu fokuhendya iṟika mnying'a fo wande!” 22Nao kambia, “Nde nooshane na inyi node wapfu wakuṟikye wapfu wawo.”
Yesu awawasa masinanu hatsie
(Mar 4:35-41; Luk 8:22-25)
23Kyasia amiidima idoya alya ngalawehu, wa kiloshyonyi kyake waka-mosha-pfo. 24Naho wadi ailu owira sa lwapfinya lukaida kulya ipalyipalyihu na ngalawa iya ikatana yashikyo nyi masinanu halya. Nao alee mado. 25Nawo wakacha horoka oo handu ai wakahamba, “Keluletse-wo hoi Mndumii, nyarisika lui!” 26Nao kawawia, “Nyi kili mui mudi waowu mui wandu wa idikya lyitutu?” Naho kakure katukya otanu na ipalyipalyi kukahutsa olele wyaa. 27Wandu walya wakaṟihio wakahamba, “Nyi mndu ada ichu, otanu na ipalyipalyi shikatana shamidikya?”
Yesu achiṟa wandu wawi wawodo nyi mṟufu mmbicho
(Mar 5:1-20; Luk 8:26-39)
28Kyasia amambadya kulya mataya kulya orukenyi lo Wagadara kawona wandu wawi wawodo nyi mṟufu mbicho wecha imkumbuhana wawuka mbangenyi kundu wapfu weṟiko wai walang'a mnu, ma mndu nalakarie iida na njia iya. 29Naho wakakalahatsa wakahamba, “Nyi kiki kyadu na iyo Mana o Ruwa? A nyi ucheye naho kiheri kyadu kilamshika kehenda tuuro?” 30Kyasia kukeri-fo poo lya nguwe sa tsifoi tsikeri kuleshe na kundu wakeri tsechilya mara. 31Kyasia mṟufu iya mbicho ikamterewa-terewa ikahamba, “Kolufuna uludume-wo luhende lukwidye ipfo kiidi kya poo lyo lya nguwe!” 32Nao kawawia, “Kuhendyenyi!” Naho kudi mṟufu iya ikawuka-fo, ikahenda ikaida kiidi kya poo lilya lya nguwe. Oweṟe cha ili, aili poo lyapufukaho pufu lyose likasoka na msaṟi fulya likakwolotsa kulya ipalyipalyinyi likapfa kulya mṟingenyi. 33Kyasia walisi walya wakadicha, wakahenda kulya mṟinyi, wakaongwo-pfo mbonyi tsilya tsose, na tsa wandu wawodo nyi mṟufu mbicho. 34Naho kudi awalya wandu wakakure mṟi fulya fose, wakahenda kumbuhana Yesu. Wamembona wakamterewa nawuke kulya mṟasenyi kowo.
Yesu achiṟa mndu awei mhuli
(Mar 2:1-12; Luk 5:17-26)
Currently Selected:
MATAYO 8: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MATAYO 8
8
1Kyasia kekisoka kulya fumvuhu wandu wakaduana nao mamingi sa fufoi. 2Naho adi a ulya mndu awodo nyi saka amcha naho kamolokya ndenyi kambia, “Mndumii kokukundya na ochiidima inyiheṟemtsa!” 3Naho Yesu kahoṟwo owoko kampaya, kahamba, “Na ngakunda keheṟemka!” Naalyo li yenyi kaheṟemka saka iya imbode. 4 Yesu kambia, “Ambuya, kulawie ma mndu ma kindo! Kya indi uhende ikuloṟa alya ko mkohanyi nowewika na mwano chando Mose awawasye kiwe kiṟingishyo kyawo.”
Yesu achiṟa Isinga lya mchili Mroma
(Luk 7:1-10)
5Kyasia amiida na kulya Kapernaumu, kukacha napfo mchili mnene o siṟi ya wasikari ihana. 6Kamfuhya wukiwa kehamba, “Hoi Mndumii, msoṟo oko alee kulya kanyi atiliwanyi shiwungo-sho aiwawyo mnu iki kiwicho-wicho.” 7Nao kambia, “Leka njiche njimchiṟe!” 8Mchili ulya kamhaluo kambia, “Alewo Mndumii! Njii o wusumuhanyi notane oida ipfo shia mhamba ya kai lyakofo. Kya indi kuhambie-ho idedo tupu, na msoṟo cho oko nechichia! 9Kipfa na inyi nyi nji mndu nji mwitoṟye nyi wuchili, indi na inyi na njiwode wasikari wai shi-ako. Na inyi njechiwia-ho ichu, ‘Henda!’ Nao kahenda. Ngawia ichu ungi, ‘Kenjo!’ Nao kacha. Ngawia na isinga lyako, ‘Henda wuta wuliwe!’ Nao kawewuta!” 10Yesu amiicho ado kaṟihio, kawia walya ahendesanyi nawo, “Na kya lohi ngambia, ‘Ma kunu ko Waisraeli ndemewone iidikya linanyi lidipfo.’ Kya indi inyi ngambia, 11 ‘Kukae kuche napfo wafoi wawuka kya kulya ora lo ngamenyi na kya kulya ora lo kyukanyi, wache damya kiliyonyi kya choonga na Abrahamu na Isaki na Yakobo ipfo wumanginyi wo Ruwa. 12 Kya indi wana wa wumangi wedao nja wahende kumbo kulya memenyi fo kulya nja. Napfo kukae pfo ilia na iimadya ngamru.’” 13Na Yesu kawia mchili ulya, “Kuhendye na chando oveidikya na wudo ochiwona!” Na msoro ulya oke kachia saa na iya.
Wandu wafoi wachiṟo
(Mar 1:29-34; Luk 4:38-41)
14Kyasia Yesu amcha na ipfo mba ko Petro kawona mamka oke amlaṟe awodo nyi modo. 15Nao kambada owoko, modo fukambuka. Kakure alyando avei mlaṟe, kawafurukanya. 16Kyasia komshika ili kyukanyi wakamendye wafoi wawodo nyi mṟufu mbicho. Nao kafuna mṟufu mbicho na kidedo kya dumbu lyake. Na walya waiwawyo kawewakiṟa wose. 17 Nyi kundu kishike kilya kiwei kidede nyi mwikimbi Yesaya kahamba, “Nyio aleduo wunyonge wodu, kawekudika na mawawyo hadu.”
Wawaṟi iosha Yesu
(Luk 9:57-62)
18Kyasia Yesu amewona wandu wache ikuwumbia nao mamwingi sa fung'anyi kawawasa wakiloshyonyi kyake wahende ambadya kya kulya ora lo kawi lo ipalyipalyi. 19Naho kukacha nafo mlosha o mawawaso umu kambia, “Marya, njeoshana na iyo kundu omekuhendya kose!” 20Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.” 21Kyasia mndu o kiloshyo ungi kacha imbia, “Mndumii, kennenga momu fokuhendya iṟika mnying'a fo wande!” 22Nao kambia, “Nde nooshane na inyi node wapfu wakuṟikye wapfu wawo.”
Yesu awawasa masinanu hatsie
(Mar 4:35-41; Luk 8:22-25)
23Kyasia amiidima idoya alya ngalawehu, wa kiloshyonyi kyake waka-mosha-pfo. 24Naho wadi ailu owira sa lwapfinya lukaida kulya ipalyipalyihu na ngalawa iya ikatana yashikyo nyi masinanu halya. Nao alee mado. 25Nawo wakacha horoka oo handu ai wakahamba, “Keluletse-wo hoi Mndumii, nyarisika lui!” 26Nao kawawia, “Nyi kili mui mudi waowu mui wandu wa idikya lyitutu?” Naho kakure katukya otanu na ipalyipalyi kukahutsa olele wyaa. 27Wandu walya wakaṟihio wakahamba, “Nyi mndu ada ichu, otanu na ipalyipalyi shikatana shamidikya?”
Yesu achiṟa wandu wawi wawodo nyi mṟufu mmbicho
(Mar 5:1-20; Luk 8:26-39)
28Kyasia amambadya kulya mataya kulya orukenyi lo Wagadara kawona wandu wawi wawodo nyi mṟufu mbicho wecha imkumbuhana wawuka mbangenyi kundu wapfu weṟiko wai walang'a mnu, ma mndu nalakarie iida na njia iya. 29Naho wakakalahatsa wakahamba, “Nyi kiki kyadu na iyo Mana o Ruwa? A nyi ucheye naho kiheri kyadu kilamshika kehenda tuuro?” 30Kyasia kukeri-fo poo lya nguwe sa tsifoi tsikeri kuleshe na kundu wakeri tsechilya mara. 31Kyasia mṟufu iya mbicho ikamterewa-terewa ikahamba, “Kolufuna uludume-wo luhende lukwidye ipfo kiidi kya poo lyo lya nguwe!” 32Nao kawawia, “Kuhendyenyi!” Naho kudi mṟufu iya ikawuka-fo, ikahenda ikaida kiidi kya poo lilya lya nguwe. Oweṟe cha ili, aili poo lyapufukaho pufu lyose likasoka na msaṟi fulya likakwolotsa kulya ipalyipalyinyi likapfa kulya mṟingenyi. 33Kyasia walisi walya wakadicha, wakahenda kulya mṟinyi, wakaongwo-pfo mbonyi tsilya tsose, na tsa wandu wawodo nyi mṟufu mbicho. 34Naho kudi awalya wandu wakakure mṟi fulya fose, wakahenda kumbuhana Yesu. Wamembona wakamterewa nawuke kulya mṟasenyi kowo.
Yesu achiṟa mndu awei mhuli
(Mar 2:1-12; Luk 5:17-26)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.