MATAYO 22
22
Mfanano fo Walyi
(Luk 14:15-24)
1Na Yesu kahaluo kawawia se lingi mbonyi tsa mfanano kahamba, 2“Wumangi wo ruwehu nyi wufananyi na mndu mangi alealikya mana oke wali. 3Kaduma masinga halya hake hahende ilaha wai walahe na kulya walinyi. Nawo walakunde icha. 4Kawuya kaduma masinga hengi kahamba, ‘Kehenda wienyi iwo wai walahe, ambuyenyi ngammaa isungusia shelya shako. Pung'a tsako tsamba ishinja na shuma sho shiike. Shose shamba. Kekucheenyi-ng'u na walinyi.’ 5Nawo wakammina. Wakahenda kundo kowo, umu owo kahenda demehu lyake, na ulya ungi kiṟundyonyi kyake. 6Walya wadeo-ho wakawada masinga halya wakawalisa wukiwa, wakawawaha. 7Kyasia mangi karihinyika nyashi. Kaduma siṟi tsake tsa shidenyi. Kaarisya wawahi walya wanda. Na mṟi fulya fowo kakoṟa na modo. 8Nalyo kawia masinga halya hake, ‘Wali na wuwemewa, kyaindi nyi ili wandu wa walaheho walasumuhanyi-ho. 9Kehendenyi kulya njienyi kundu tsitsahanyi, na chando mochiwona wandu muwewalaha na kunu walinyi wose.’ 10Na masinga halya hakahenda kulya njiehu hakaende napfo wandu wawona wose. Na ichu mbicho na ichu mcha. Mba iya yelia wali ikaichuo wahenu. 11Kyasia mangi kekiida napfo nache yambuya wahenu walya, kawona-pfo mndu alaṟee nguo ya walinyi. 12Nao kambia, ‘Mbuya yako, nyi wuda oida na kunu ulaṟee ma nguwo ya walinyi?’ Nao katsia ndiṟi. 13 Naho mangi kawia walya wepfuṟu-kanyiaho, ‘Kempfungenyi madende-ho na mawokoho. Mumkumbe ipfo meemenyi fushingie ipfo nja. Napfo nyi kochika-pfo ifihiṟa na imadya ngamru. 14Nyi kipfa wandu walahe nyi wafoi, kyaindi iwo wawasambuṟe wakatutiya.’”
Itaa okamba lo Kaisari
(Mar 12:13-17; Luk 20:20-26)
15Nalyo Wafarisayo wakahenda ideda kyama chando wemdeha na kidedo. 16Wakamdumya wa kiloshyonyi kyawo warianyi na wa Herode wakahamba, “Maarya, na luweichi nyi ukeri mohamba sha lohi, na njia ya Ruwa kowelosha ya lohi, ma okesaṟa mndupfo, nyi kipfa ulekeambuya fana ya mndu ke nyi ida na ida. 17Keluwieng'u-wo, nyi ohie-ho kuda. Iwikya Kaisari okamba na kindo kiwesumuhanyi ngesa ang'u ote?” 18Kyasia Yesu aichi wuwicho wulya wowo kahamba, “Nki ili mocha inseenga mui makulembetseṟe! 19Kenjiloṟenyi kindo ki kewika okamba!” Wakamendye dinari. 20Na Yesu kawawesa, “A sanamu i ikeri-ho nyi yawu na kiṟehyo-ki?” 21Wakahamba, “Na sha Kaisari.” Nalyo kawawia, “Kewikyenyi-ng'u Kaisari iki kii kya Kaisari. Mbewikya na Ruwa iki kii kya Ruwa.” 22Wekiicho wado wakaṟihio. Wakamdaho wakahenda.
Iṟuka lya wapfu
(Mar 12:18-27; Luk 20:27-40)
23 Kyasia mfiri na fulya Wasadukayo wakamchea. Nyi wandu wekehamba ke nyi kulaipfo iṟuka lya wandu wapfu. Wakambesa kya keleluo. 24 Wakahamba, “A lewo maarya, Mose nyi ahambye mndu kapfa alawode wana nyi manomae echialika mka oke nawedosya na mana o mae oshari. 25Kyasia kunu kodu kuwekeri-pfo wanawamka mfungade. Na ulya msongoru kaalika mka kawuya kapfa. Nao ili alawode oshari kadea manomae mka ulya oke. 26Na ulya o kawi na wudo na o kaṟaṟu. Wakatana wasia wose mfungade. 27Nawo wose mndu mofurumya-ho ipfa nyi mka ulya. 28Aka shika-ng'u-wo ili kochishika iya maṟukyonyi ha wapfu nyi echiwa nyi mka o wu o ipfo kidi kya walya mfugadde. Chi wawemrie wose?” 29Yesu kahaluo kawawia, “Nyi modeko kipfa ili mulaichi ma ishi shii shiṟehye ma pfinya ya Ruwa. 30Nyi kipfa ili kochishika iya maṟukyonyi ha wandu wapfu ma kochikaa-se wealika na wealikopfo. Nyi wechiwa cha wamalaika wa ruwehu. 31Kyaindi kya ipfo maṟukyonyi ha wandu wapfu nyi mulasomye iki muwawie nyi Ruwa kehamba, 32 ‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.” 33Kyasia na mamwingi fulya fo wandu wamwicho wado wakawuko nyi madima kipfa kya mbonyi tsilya tsake alosha ado.
Iwawaso ling'anyie hengi
(Mar 12:28-34; Luk 10:25-28)
34Kyasia Wafarisayo wameicho nyi ahaluo Wasadukayo ndiṟi, nawo wakasanza handu hamu. 35Nawo ulya umu-ho akeri mndu aichi mawawaso kacha imbesa kemseenga kahamba, 36“Maarya na iwawaso inene ipfo kiidi kya mbonyi tsii njiwawase nyi lya iki ngesa?” 37 Nao kambia, “Nyi ochikunda Mndumii opfo Ruwa, umkunde na ngoo yapfo handu hamu yose, na mrima fopfo fose na mahio hapfo hose. 38Nlyo iwawaso lisongoe hose. 39 Na lya kawi lifananyi nalyo nyi likeri li-ile, kunda odoo chando ukukundi moo fopfo kumonyi. 40 Mawawaso-ho hawi ipfo kiidi kyaho nyi harie-ho mbonyi tsii njiwawase tsose na waikimbi.”
Kristo Mana o Dawidi
(Mar 12:35-37; Luk 20:41-44)
41Kyasia ili Wafarisayo wasanzie kundu kumu, Yesu kawawesa mbonyi. 42Kahamba, “A iki kya Kristo nyi muhie-ho muda? Nyi akeri mana o wu?” Wakahamba, “Nyi o Dawidi.” 43Kawawia, “A ili Dawidi amlahye nyi Mndumii kededa kui Mumuyo kehamba, 44 Mndumii alewia Mndumii oko, ‘Kedamya kunu ora loko lo kulyo na inyi njitane ngawika wakituwa wapfo ipfo shia madende hapfo.’ 45Kyasia-ng'u komkoya Dawidi amlahye nyi Mndumii namanye-se iwa mana oke ada?” 46Naho ma kulakikae-pfo mndu moidima imhaluo ma kindo ma mokarya imbesa kindo kuwokia mfiri fulya.
Currently Selected:
MATAYO 22: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MATAYO 22
22
Mfanano fo Walyi
(Luk 14:15-24)
1Na Yesu kahaluo kawawia se lingi mbonyi tsa mfanano kahamba, 2“Wumangi wo ruwehu nyi wufananyi na mndu mangi alealikya mana oke wali. 3Kaduma masinga halya hake hahende ilaha wai walahe na kulya walinyi. Nawo walakunde icha. 4Kawuya kaduma masinga hengi kahamba, ‘Kehenda wienyi iwo wai walahe, ambuyenyi ngammaa isungusia shelya shako. Pung'a tsako tsamba ishinja na shuma sho shiike. Shose shamba. Kekucheenyi-ng'u na walinyi.’ 5Nawo wakammina. Wakahenda kundo kowo, umu owo kahenda demehu lyake, na ulya ungi kiṟundyonyi kyake. 6Walya wadeo-ho wakawada masinga halya wakawalisa wukiwa, wakawawaha. 7Kyasia mangi karihinyika nyashi. Kaduma siṟi tsake tsa shidenyi. Kaarisya wawahi walya wanda. Na mṟi fulya fowo kakoṟa na modo. 8Nalyo kawia masinga halya hake, ‘Wali na wuwemewa, kyaindi nyi ili wandu wa walaheho walasumuhanyi-ho. 9Kehendenyi kulya njienyi kundu tsitsahanyi, na chando mochiwona wandu muwewalaha na kunu walinyi wose.’ 10Na masinga halya hakahenda kulya njiehu hakaende napfo wandu wawona wose. Na ichu mbicho na ichu mcha. Mba iya yelia wali ikaichuo wahenu. 11Kyasia mangi kekiida napfo nache yambuya wahenu walya, kawona-pfo mndu alaṟee nguo ya walinyi. 12Nao kambia, ‘Mbuya yako, nyi wuda oida na kunu ulaṟee ma nguwo ya walinyi?’ Nao katsia ndiṟi. 13 Naho mangi kawia walya wepfuṟu-kanyiaho, ‘Kempfungenyi madende-ho na mawokoho. Mumkumbe ipfo meemenyi fushingie ipfo nja. Napfo nyi kochika-pfo ifihiṟa na imadya ngamru. 14Nyi kipfa wandu walahe nyi wafoi, kyaindi iwo wawasambuṟe wakatutiya.’”
Itaa okamba lo Kaisari
(Mar 12:13-17; Luk 20:20-26)
15Nalyo Wafarisayo wakahenda ideda kyama chando wemdeha na kidedo. 16Wakamdumya wa kiloshyonyi kyawo warianyi na wa Herode wakahamba, “Maarya, na luweichi nyi ukeri mohamba sha lohi, na njia ya Ruwa kowelosha ya lohi, ma okesaṟa mndupfo, nyi kipfa ulekeambuya fana ya mndu ke nyi ida na ida. 17Keluwieng'u-wo, nyi ohie-ho kuda. Iwikya Kaisari okamba na kindo kiwesumuhanyi ngesa ang'u ote?” 18Kyasia Yesu aichi wuwicho wulya wowo kahamba, “Nki ili mocha inseenga mui makulembetseṟe! 19Kenjiloṟenyi kindo ki kewika okamba!” Wakamendye dinari. 20Na Yesu kawawesa, “A sanamu i ikeri-ho nyi yawu na kiṟehyo-ki?” 21Wakahamba, “Na sha Kaisari.” Nalyo kawawia, “Kewikyenyi-ng'u Kaisari iki kii kya Kaisari. Mbewikya na Ruwa iki kii kya Ruwa.” 22Wekiicho wado wakaṟihio. Wakamdaho wakahenda.
Iṟuka lya wapfu
(Mar 12:18-27; Luk 20:27-40)
23 Kyasia mfiri na fulya Wasadukayo wakamchea. Nyi wandu wekehamba ke nyi kulaipfo iṟuka lya wandu wapfu. Wakambesa kya keleluo. 24 Wakahamba, “A lewo maarya, Mose nyi ahambye mndu kapfa alawode wana nyi manomae echialika mka oke nawedosya na mana o mae oshari. 25Kyasia kunu kodu kuwekeri-pfo wanawamka mfungade. Na ulya msongoru kaalika mka kawuya kapfa. Nao ili alawode oshari kadea manomae mka ulya oke. 26Na ulya o kawi na wudo na o kaṟaṟu. Wakatana wasia wose mfungade. 27Nawo wose mndu mofurumya-ho ipfa nyi mka ulya. 28Aka shika-ng'u-wo ili kochishika iya maṟukyonyi ha wapfu nyi echiwa nyi mka o wu o ipfo kidi kya walya mfugadde. Chi wawemrie wose?” 29Yesu kahaluo kawawia, “Nyi modeko kipfa ili mulaichi ma ishi shii shiṟehye ma pfinya ya Ruwa. 30Nyi kipfa ili kochishika iya maṟukyonyi ha wandu wapfu ma kochikaa-se wealika na wealikopfo. Nyi wechiwa cha wamalaika wa ruwehu. 31Kyaindi kya ipfo maṟukyonyi ha wandu wapfu nyi mulasomye iki muwawie nyi Ruwa kehamba, 32 ‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.” 33Kyasia na mamwingi fulya fo wandu wamwicho wado wakawuko nyi madima kipfa kya mbonyi tsilya tsake alosha ado.
Iwawaso ling'anyie hengi
(Mar 12:28-34; Luk 10:25-28)
34Kyasia Wafarisayo wameicho nyi ahaluo Wasadukayo ndiṟi, nawo wakasanza handu hamu. 35Nawo ulya umu-ho akeri mndu aichi mawawaso kacha imbesa kemseenga kahamba, 36“Maarya na iwawaso inene ipfo kiidi kya mbonyi tsii njiwawase nyi lya iki ngesa?” 37 Nao kambia, “Nyi ochikunda Mndumii opfo Ruwa, umkunde na ngoo yapfo handu hamu yose, na mrima fopfo fose na mahio hapfo hose. 38Nlyo iwawaso lisongoe hose. 39 Na lya kawi lifananyi nalyo nyi likeri li-ile, kunda odoo chando ukukundi moo fopfo kumonyi. 40 Mawawaso-ho hawi ipfo kiidi kyaho nyi harie-ho mbonyi tsii njiwawase tsose na waikimbi.”
Kristo Mana o Dawidi
(Mar 12:35-37; Luk 20:41-44)
41Kyasia ili Wafarisayo wasanzie kundu kumu, Yesu kawawesa mbonyi. 42Kahamba, “A iki kya Kristo nyi muhie-ho muda? Nyi akeri mana o wu?” Wakahamba, “Nyi o Dawidi.” 43Kawawia, “A ili Dawidi amlahye nyi Mndumii kededa kui Mumuyo kehamba, 44 Mndumii alewia Mndumii oko, ‘Kedamya kunu ora loko lo kulyo na inyi njitane ngawika wakituwa wapfo ipfo shia madende hapfo.’ 45Kyasia-ng'u komkoya Dawidi amlahye nyi Mndumii namanye-se iwa mana oke ada?” 46Naho ma kulakikae-pfo mndu moidima imhaluo ma kindo ma mokarya imbesa kindo kuwokia mfiri fulya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.