WAKOLOSE 1
1
1Inyi Paulo njii msu o Kristo Yesu njimbike nyi Ruwa, so na Timoteo, manowama. 2Lomuiṟikiṟa wanawawama mui Kristo-hu wa ipfo Kolosai wandu wa Ruwa waidiki; wutonga wukae nanyo na ofoṟo-lu luwikie ko Ruwa Ndeyadu.
Kiterewo kyeana
3Loana Ruwa Nde o Mndumii odu yesu Kristo kiheri kyose luimterewya koke. 4Ili lomwicho kya mwidikie fonu kiidi kya Kristo Yesu na kya kikunda kilya kyanu ko wandu wa Ruwa wose. 5Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio. 6Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo. 7 Nyi wudo mulelosho osaṟio lu lo Ruwa nyi Epafra mokyando chu odu mkunde ai mṟundi o Kristo momhendelya nyo. 8O nalelumanyisha na kikunda kyanu mulesumbo nyi Mumuyo.
9Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke. 10Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa. 11Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose. 12Mochiana kui sia Wande chu alelutsana lusumhanye ohawi lo kyoṟa Ruwa aleteseheṟia Wandu wake ipfo kidembonyi kya sa. 13Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde. 14 Lui nao lukuwude na ndalai, mfo mhoṟie fo manyamaṟo.
Kristo na iṟunda lyake
15Kristo nyio mfano fo lohi fo Ruwa chu elekewono, ai Mowee o kuwoka mnene o shiumbe shose. 16Kipfa ishi shose shiipfo maruwehu na kunu wuyana, shilya shiwonyio na shilya shilawonyio shilewiko ku mweke foke, manya shifumbi sha wuitoṟi, manya menge tsa wusuṟi manya wuwawa manya wuaapfinya. Ishi shose shilewiko nyio kundu shiwe shake. 17Kristo naweipfo shiwumbe shilamekaa-pfo, shikukerye-ho kui o, orio kimu handu hakyo. 18 Nao ai mdo fo mbihu foke mfo siṟi. O ai moasa, mboki o moo fo mbihu fo. O nyi Mana mbee aṟukiye wapfunyi, kundu nawe mosongoya shose o amonyi. 19Kyamba Ruwa amonyi aledumbuo ke Mana nawode mfeṟa fo kiruwa fose fukukaye nao. 20 Kui samu ya Kristo msalabenyi Ruwa nalekunda isanza wuyana-wu nao. Ruwa kawika-ho oforo, kechisanza shose sha ruwehu na sha wuyana-wu nao.
21Nanyo ili kacha muwei mbaṟinyi njihenu kuleshe na Ruwa na ya kituwa nao kui mhio yanu yekuhamba mawutonyi halya hanu mawicho. 22Indi kui opfu lo Mana oke awei na moo iya wuyana; Wulalu Ruwa amembuta owingo ipfo mbihu-hu fo nyama Ruwa amemusanza nao kundu namhoṟotse oshangunyi loke mui waele, wecha mulawode tewe manya imwanduya. 23Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.
Iṟunda lya Paulo ipfo siṟinyi
24Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi. 25Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa. 26Kyo kyama kikoome kiwei kiowishe wandu wokia kacha, indi kikawewonesio wandu wake wulalu. 27Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo. 28Nyio Kristo luimhamba lochitutuma orio mndu ose na ipfunda orio mndu ose kui wuṟango wose kundu luhoṟotse-ho orio mndu ose oshangunyi lo Ruwa natoṟikye Kristo toṟi. 29Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.
Currently Selected:
WAKOLOSE 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
WAKOLOSE 1
1
1Inyi Paulo njii msu o Kristo Yesu njimbike nyi Ruwa, so na Timoteo, manowama. 2Lomuiṟikiṟa wanawawama mui Kristo-hu wa ipfo Kolosai wandu wa Ruwa waidiki; wutonga wukae nanyo na ofoṟo-lu luwikie ko Ruwa Ndeyadu.
Kiterewo kyeana
3Loana Ruwa Nde o Mndumii odu yesu Kristo kiheri kyose luimterewya koke. 4Ili lomwicho kya mwidikie fonu kiidi kya Kristo Yesu na kya kikunda kilya kyanu ko wandu wa Ruwa wose. 5Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio. 6Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo. 7 Nyi wudo mulelosho osaṟio lu lo Ruwa nyi Epafra mokyando chu odu mkunde ai mṟundi o Kristo momhendelya nyo. 8O nalelumanyisha na kikunda kyanu mulesumbo nyi Mumuyo.
9Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke. 10Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa. 11Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose. 12Mochiana kui sia Wande chu alelutsana lusumhanye ohawi lo kyoṟa Ruwa aleteseheṟia Wandu wake ipfo kidembonyi kya sa. 13Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde. 14 Lui nao lukuwude na ndalai, mfo mhoṟie fo manyamaṟo.
Kristo na iṟunda lyake
15Kristo nyio mfano fo lohi fo Ruwa chu elekewono, ai Mowee o kuwoka mnene o shiumbe shose. 16Kipfa ishi shose shiipfo maruwehu na kunu wuyana, shilya shiwonyio na shilya shilawonyio shilewiko ku mweke foke, manya shifumbi sha wuitoṟi, manya menge tsa wusuṟi manya wuwawa manya wuaapfinya. Ishi shose shilewiko nyio kundu shiwe shake. 17Kristo naweipfo shiwumbe shilamekaa-pfo, shikukerye-ho kui o, orio kimu handu hakyo. 18 Nao ai mdo fo mbihu foke mfo siṟi. O ai moasa, mboki o moo fo mbihu fo. O nyi Mana mbee aṟukiye wapfunyi, kundu nawe mosongoya shose o amonyi. 19Kyamba Ruwa amonyi aledumbuo ke Mana nawode mfeṟa fo kiruwa fose fukukaye nao. 20 Kui samu ya Kristo msalabenyi Ruwa nalekunda isanza wuyana-wu nao. Ruwa kawika-ho oforo, kechisanza shose sha ruwehu na sha wuyana-wu nao.
21Nanyo ili kacha muwei mbaṟinyi njihenu kuleshe na Ruwa na ya kituwa nao kui mhio yanu yekuhamba mawutonyi halya hanu mawicho. 22Indi kui opfu lo Mana oke awei na moo iya wuyana; Wulalu Ruwa amembuta owingo ipfo mbihu-hu fo nyama Ruwa amemusanza nao kundu namhoṟotse oshangunyi loke mui waele, wecha mulawode tewe manya imwanduya. 23Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.
Iṟunda lya Paulo ipfo siṟinyi
24Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi. 25Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa. 26Kyo kyama kikoome kiwei kiowishe wandu wokia kacha, indi kikawewonesio wandu wake wulalu. 27Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo. 28Nyio Kristo luimhamba lochitutuma orio mndu ose na ipfunda orio mndu ose kui wuṟango wose kundu luhoṟotse-ho orio mndu ose oshangunyi lo Ruwa natoṟikye Kristo toṟi. 29Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.