MAWUTO HA WASU 26
26
1Nahong'u Agripa kawia Paulo. “Na uwode momu fo ikudedya kyapfo.” Naho Paulo kairya owoko loke kakudedya-ho adi. 2“Hoi mangi Agripa, nanga inyi, ili njiwonyo mwaanya fokudedya inu sumhana na iyo kya shindo shilya njii mkumbe nasho nyi Wayuda. 3Cha kipfa iyo uichi mnu necha mbuka tsa Wayuda na mawesano hawo hose chando wawode. Nkyondo ngakuterewa ke ukunde injiadanya na itirisia. 4Kyasia Wayuda wose nyi waichi ohendo lo moo foko wokia wukoho woko chando fuhendekye ipfo mkambonyi foko na ipfo Yerusalemu. 5 Nawo wammanya wokia kacha ke nawo mbekeri Mfarisayo o kamba lilya lyesimiria na kamu wuindi wu wodu kiwe wawechikunda iṟingishya ikyo. 6Ma wulalu da njihoṟoki iya njianduyo kipfa kya mkusirye fokusirya kyasa kilya waku wadu wawewawikye nyi Ruwa. 7Nakyo nyikyo kinengye mkambo fu fodu fo njoshaṟi tsi ikumi na tsiwi tsechipfuṟukanya Ruwa na itambahana mfiri na kio ili wakusirye ke kishike yawutysyo. Na inyi ng'u njikumbo nyi Wayuda kipfa kya mkusirye fo wai, hoi mangi. 8A nki ili lyasaṟo n nyo ke nyi idedo lilechiidikya ke Ruwa echiṟutsa wapfu?”
9 “Nao inyi na njiwekudumbuye koko ke nyi kiwaṟi iwikya mwongoye fo rina lya Yesu o Nasareti tunja na mweke fo shindo shifoi. 10Na itana njiweshitana kulya Yerusalemu ngamhenda ipfunga wafoi wa waele walya na iwakumba shipfungyonyi njekiwawaso nyi wakohanyi wang'anyi, nawo ili wawei yanduyo kehenda iwoho njiwekeende naho kiho kilya (kyeidikya ke wawoho). 11Na ipfo masinagogenyi njiweiwakapa kafoi na iwaitika wasese Yesu njechiaaka mnu iwaterengya ngatana ngashika mṟinyi ya wuhenunyi.”
Paulo ahamba chando ahalukiye
12“Nakyo kikannenga njechihenda Damasiko njiwode paruo ya wakohanyi wang'anyi irie pfinya yawo. 13Oo mangi, ili mfiri kingoto tichi njikeri ipfo njienyi ngawona ngela iwuka ruwehu iidye sa ya mnengeṟi ikanjidung'anyitsia sa riti inyi na walya wawerianyi na inyi. 14Lukaaho wanda lose na inyi ngaicho ṟu lyenjilaha kui mdedye fo Kiebri lyehamba, ‘Saulo wu, Saulo wu! Nyi ki ili uinjiterengya? Nyi kyumu kyafo ikapa ndeecho na masehe.’ 15Na inyi ngahamba, ‘A iyo nyi iyo wu, hoi Mndumii?’ Mndumii kanjiwia, ‘Nyi inyi Yesu, ichu iyo uinjiterengya. 16Kya indi kure nohoṟoke, cha kipfa nyi ngakuwonekya kimaduma nyi le, njikutane nowe mṟundi oko moṟingishya shilya ushiwonye na shilya njechikuloṟa. 17Nyi ngakusambuṟa iyo ipfo mkambonyi fu na mkambonyi iya ingi ngakuduma kowo. 18Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”
Paulo awedia iṟunda lyake
19“Agripa, ikyo kikanenga njilakuhode iidikya kiwonesyo ki kya ruwehu. 20 Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi. 21Kifa kya ikyo Wayuda wakanjiwada ipfo hekalunyi wakahesha injiwaha. 22Kyasia njekikuwonya ngaya iwukye ko Ruwa nkyo kinjiwodye-ho ngashika inu tichi njechiṟingishya watutu na wanene, manya njilahambe idedo lingi shile na halya waikimbi na Mose wawehambye ke hechikaa hainukye. 23 Ke Kristo kiheri amaa iwawiṟo na iwiko msongoru kui iṟutso ko wapfu nawe moongwo mbonyi tsa sa ko mkambo fu na ko iya ya wahenu.”
24Akeri-ho kechikudedya adi Festo kadeda na ṟu ling'anyi kahamba, “Paulo nyi uwodo nyi wusuko! Isomasoma lyapfo lya kafoi n lyo lilepfulwo mdo fopfo.” 25Kya indi Paulo kahamba, “Oo Festo oko ung'anyi kudi! Njiwodo nyi wusukopfo, indi njideda madedo ha lohi haa mapfamye faa. 26Cha kipfa nao mangi na aichi mbonyi tsa shindo shi, na inyi ngaidima ikudedya nao njii mkesi kyamba njichi na kamu ke kulaipfo idedo ma limu lya iho alaiichi, cha kipfa kindo ki kilawutikye kundo ko mbai. 27Iyo mangi Agripa, uidikye waikimbi? Inyi na njichi ke nyi uwaidikye.” 28Agripa kawia Paulo, “Omshika kufui unjiisime njiwe mkristo.” 29Paulo kamhaluo, “Njiterewa Ruwa ke ma kishike kufui ma kidoe msaṟi naenenge iwo wose wanjiadanya inu chi iyo tupupfo wawe cha inyi wuta-pfo shipfungo shi.” 30Nahong'u mangi na mchili ulya na Berenyike na walya wawedamye kimu nawo wakakure. 31Wakateshuka, na kya aleshe kitutu wechiwiana wakahamba, “Mndu cho nawode kindo atanye kembonya iwoho manya ipfungopfo.” 32Agripa kawia Festo, “Mndu cho awechipfunguo nokoye alawemekulahye ko Kaisari.”
Paulo ahenda Roma
Currently Selected:
MAWUTO HA WASU 26: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MAWUTO HA WASU 26
26
1Nahong'u Agripa kawia Paulo. “Na uwode momu fo ikudedya kyapfo.” Naho Paulo kairya owoko loke kakudedya-ho adi. 2“Hoi mangi Agripa, nanga inyi, ili njiwonyo mwaanya fokudedya inu sumhana na iyo kya shindo shilya njii mkumbe nasho nyi Wayuda. 3Cha kipfa iyo uichi mnu necha mbuka tsa Wayuda na mawesano hawo hose chando wawode. Nkyondo ngakuterewa ke ukunde injiadanya na itirisia. 4Kyasia Wayuda wose nyi waichi ohendo lo moo foko wokia wukoho woko chando fuhendekye ipfo mkambonyi foko na ipfo Yerusalemu. 5 Nawo wammanya wokia kacha ke nawo mbekeri Mfarisayo o kamba lilya lyesimiria na kamu wuindi wu wodu kiwe wawechikunda iṟingishya ikyo. 6Ma wulalu da njihoṟoki iya njianduyo kipfa kya mkusirye fokusirya kyasa kilya waku wadu wawewawikye nyi Ruwa. 7Nakyo nyikyo kinengye mkambo fu fodu fo njoshaṟi tsi ikumi na tsiwi tsechipfuṟukanya Ruwa na itambahana mfiri na kio ili wakusirye ke kishike yawutysyo. Na inyi ng'u njikumbo nyi Wayuda kipfa kya mkusirye fo wai, hoi mangi. 8A nki ili lyasaṟo n nyo ke nyi idedo lilechiidikya ke Ruwa echiṟutsa wapfu?”
9 “Nao inyi na njiwekudumbuye koko ke nyi kiwaṟi iwikya mwongoye fo rina lya Yesu o Nasareti tunja na mweke fo shindo shifoi. 10Na itana njiweshitana kulya Yerusalemu ngamhenda ipfunga wafoi wa waele walya na iwakumba shipfungyonyi njekiwawaso nyi wakohanyi wang'anyi, nawo ili wawei yanduyo kehenda iwoho njiwekeende naho kiho kilya (kyeidikya ke wawoho). 11Na ipfo masinagogenyi njiweiwakapa kafoi na iwaitika wasese Yesu njechiaaka mnu iwaterengya ngatana ngashika mṟinyi ya wuhenunyi.”
Paulo ahamba chando ahalukiye
12“Nakyo kikannenga njechihenda Damasiko njiwode paruo ya wakohanyi wang'anyi irie pfinya yawo. 13Oo mangi, ili mfiri kingoto tichi njikeri ipfo njienyi ngawona ngela iwuka ruwehu iidye sa ya mnengeṟi ikanjidung'anyitsia sa riti inyi na walya wawerianyi na inyi. 14Lukaaho wanda lose na inyi ngaicho ṟu lyenjilaha kui mdedye fo Kiebri lyehamba, ‘Saulo wu, Saulo wu! Nyi ki ili uinjiterengya? Nyi kyumu kyafo ikapa ndeecho na masehe.’ 15Na inyi ngahamba, ‘A iyo nyi iyo wu, hoi Mndumii?’ Mndumii kanjiwia, ‘Nyi inyi Yesu, ichu iyo uinjiterengya. 16Kya indi kure nohoṟoke, cha kipfa nyi ngakuwonekya kimaduma nyi le, njikutane nowe mṟundi oko moṟingishya shilya ushiwonye na shilya njechikuloṟa. 17Nyi ngakusambuṟa iyo ipfo mkambonyi fu na mkambonyi iya ingi ngakuduma kowo. 18Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”
Paulo awedia iṟunda lyake
19“Agripa, ikyo kikanenga njilakuhode iidikya kiwonesyo ki kya ruwehu. 20 Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi. 21Kifa kya ikyo Wayuda wakanjiwada ipfo hekalunyi wakahesha injiwaha. 22Kyasia njekikuwonya ngaya iwukye ko Ruwa nkyo kinjiwodye-ho ngashika inu tichi njechiṟingishya watutu na wanene, manya njilahambe idedo lingi shile na halya waikimbi na Mose wawehambye ke hechikaa hainukye. 23 Ke Kristo kiheri amaa iwawiṟo na iwiko msongoru kui iṟutso ko wapfu nawe moongwo mbonyi tsa sa ko mkambo fu na ko iya ya wahenu.”
24Akeri-ho kechikudedya adi Festo kadeda na ṟu ling'anyi kahamba, “Paulo nyi uwodo nyi wusuko! Isomasoma lyapfo lya kafoi n lyo lilepfulwo mdo fopfo.” 25Kya indi Paulo kahamba, “Oo Festo oko ung'anyi kudi! Njiwodo nyi wusukopfo, indi njideda madedo ha lohi haa mapfamye faa. 26Cha kipfa nao mangi na aichi mbonyi tsa shindo shi, na inyi ngaidima ikudedya nao njii mkesi kyamba njichi na kamu ke kulaipfo idedo ma limu lya iho alaiichi, cha kipfa kindo ki kilawutikye kundo ko mbai. 27Iyo mangi Agripa, uidikye waikimbi? Inyi na njichi ke nyi uwaidikye.” 28Agripa kawia Paulo, “Omshika kufui unjiisime njiwe mkristo.” 29Paulo kamhaluo, “Njiterewa Ruwa ke ma kishike kufui ma kidoe msaṟi naenenge iwo wose wanjiadanya inu chi iyo tupupfo wawe cha inyi wuta-pfo shipfungo shi.” 30Nahong'u mangi na mchili ulya na Berenyike na walya wawedamye kimu nawo wakakure. 31Wakateshuka, na kya aleshe kitutu wechiwiana wakahamba, “Mndu cho nawode kindo atanye kembonya iwoho manya ipfungopfo.” 32Agripa kawia Festo, “Mndu cho awechipfunguo nokoye alawemekulahye ko Kaisari.”
Paulo ahenda Roma
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.