MAWUTO HA WASU 15
15
1 Kukasoka wandu wawuka kulya Yudaya wakacha ilosha wanawawama ke mulamedino odino lu luwawase nyi Mose mochiidima iwonyo okiiopfo. 2Nakyo kikaamtsa Paulo na Barnaba wakaloyana nawo na irekyana nawo kyumu. Lyefurumia wakawawasa ke Paulo na Barnaba wahende ido na kulya Yerusalemu kimu na wengi-ho wa ipfo kiidi kyawo waduo-pfo mbony tsa Ngano ii ko wasu na wameku waipfo. 3Kyasia wammaa ipfungyo kichau nyi siṟi wakado wakakyama ipfo orukenyi lo Foenike na Samaria wechiongwo-pfo mbonyi tsa mahalukyonyi ha wandu wa mbaṟi njihenu wakachihiṟa wanawawama mnu. 4Nawo wekiafukya Yerusalemu wakaambyo necha nyi siṟi na wasu na wameku wakawaongoya shilya Ruwa aleshiwuta ai nawo shose. 5Kya indi maata-ho wa ipfo kambenyi lya Wafarisayo walya weidikye wakakure wakahamba, “Na kikaki nyi kiwaṟi iwadina na iwawawasya wawade shilya shii shiwike nyi Mose.” 6Wasu na wameku wakasanza wakusaṟe kidedo ki. 7 Koikikaa-ho mawesano hafoi Petro kakure kawawia, “Lanye womi wanawawama, nyo nawo muichi ke na mkonu iya ya kuwoka oo kiidi kyanu Ruwa nyi alewawasya dumbu lyako lyechitarama wandu wa mbaṟi njihenu wahende iicho ndumi ya sia ya okiio na iidikya. 8 Nao Ruwa ichu aichi ngoo tsa wandu kawawikya kiṟinghishyo kewainenga Mumuyo Mwele kimu naso. 9Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye. 10Kyasiang'u le nyi kiili muihesha Ruwa na ipfungya wa kiloshyonyi kidi kya nzingonyi, sa wande yadu ma so luleleidima ikiduo. 11Kya indi lukusirye ke nyi wutonga wo Mndumii Yesu wuwen nyi woluinenga lohenda ikiṟo njia imu nawo.” 12Kyasia mamwingi fose fukatsia wakaadanya Barnaba na Paulo wechiwaongoya oloho lo shichano na maṟihio halya Ruwa alehawuta ko wandu wa mbaṟi njihenu ai nawo. 13Na iwo wekitsia Yakobo kahaluo kahamba, “Lanye womi wanawawama, kenjiadanyenyi. 14Simeon ameluongoya chando Ruwa aleasa isenguda wandu wahenu nakuwonye-ho mkambo fuu mdumbuye rina lyake. 15Na madedo ha waikimbi na haidikyanyi na iho chando kii kiṟehye. 16 Isho shikameida njechiwuya-se. Nyio inyi njechiwika-se mba ya Dawidi ihoiye, na masanjiko hayo na njechihasungusia iwuye-se ihoṟoka necha. 17Kundu mtsuhaṟo fo wandu futsuheye wahende iwado macha hepfula Mndumii hamu na mkambo yose ya wandu wai waendye rina lyako lyewakaya. Nyio Mndumii ahambye ado kechikiwuta. 18Nakyo kimanyikye ke kii kido matsi mawokyonyi ha wuyana.”
19“Nkyo kimaduma inyi ngadumbwo njidi; Ma lulawone lochipfulwopfulwo walya walemhalukya Ruwa ipfo mkambonyi ya wandu. 20 Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu. 21Kyamba kiheri sa kileshe madedo ha Mose hawode waimhamba orio mṟinyi ya wandu ili ekesomyo-ho ipfo masinagogenyi orio mkonu fo Sabato.”
Ndumi ko waidiki walai Wayuda
22Kikashika oo wasu na wameku wasongoru waleidikyana kimu na siṟi yose ke wasambuṟe wandu ipfo kiidi kyawo na iwaduma wahende Antiokia kimu na Paulo na Barnaba. Na Sila, nyi wandu wasongoru ipfo kiidi kya wanawawama. 23Wakaṟehya paruo wawaendie na mawoko hawo, nayo ihambye idi, “So wasu na wameku lui wanawawaama lo mwiṟikiṟa nyo wanawawaama wadu mui ipfo Antiokia na Siria na Kilikia muwukye mkambonyi ii mhenu. 24Nyi lomeicho ke nyi wandu wawukie kunu kodu wakacha na konu walawewadume nyiso nyi wamemuwinyisha na madedo hawo na ipfulwo mrima yanu. 25Nkyo kimaduma lomwidikyana na ngoo imu ke lusambuṟe wandu na iwaduma konu handu hamu na wakunde wadu Barnaba na Paulo. 26Nawo nyiwo womi walisye moo yawo wukiwa kimaduma kya rina lya Mndumii odu Yesu Kristo. 27Kyasiang'u nyi lomduma Yuda na Sila wechicha imbia madedo naaho iho ki madumbu hawo. 28Kyamba luledumbwo na mweke fo Mumuyo Mwele ke lulamudike mhanda shile nyi ishi shiwuṟyo-ho. 29Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.” 30Kikasia wekimaa isamo wakasoka wakashika kulya Antiokia wakasanza siṟi yose wakawainenga paruo iya. 31Wakaisoma wakachihio mnu kipfa iwawihiṟye idi moo. 32Na Yuda na Sila nawo wawenyi wawei waikimbi wakaikimba wanawawama kui madedo hafoi wakawakarisha necha. 33Nawo wekikaa-pfo kiheri kya oweṟe sa luarie wakasamo nyi wanawawama kui ofoṟo wawuye na ko walya wawadumye. [ 34Kya indi Sila o kikamchihia ikaa-pfo.] 35Na Paulo na Barnaba wakakaa kulya Antiokia wechionguo ndumi ya sia ya idedo lya Mndumii kimu na wandu wengi sa weengi.
Paulo na Barnaba walekana
36Kokisia-ho mfiri mangu Paulo kawia Barnaba, “Ndeipfo. Luwuye isenguda wanawawama wulalu orio mṟi kundo luwaongoye idedo lya Mndumii lumanye nyi waipfo wada.” 37Kyasia Barnaba kakunda iheda arianyi na Yohane ulya echilaho nyi Mariko nahende kimu nawo. 38 Kya indi Paulo kahamba ke ichu alepaṟakana nawo kulya Pamfilia alatsinda nawo kyandonyi asumuhanyi ihenda nawopfo. 39Kukakaa-ho kiloyano wakatana walekana Barnaba kaduo Mariko kaida ngalawenyi kahenda Kipro. 40Na Paulo kasanga Sila kakure kechiwawasyo nyi wanawawama wutonga wo Mndumii. 41Kahenda isenguda Siria na Kilikia kakapa siṟi owanzo.
Timoteo asangana na Paulo na Sila
Currently Selected:
MAWUTO HA WASU 15: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MAWUTO HA WASU 15
15
1 Kukasoka wandu wawuka kulya Yudaya wakacha ilosha wanawawama ke mulamedino odino lu luwawase nyi Mose mochiidima iwonyo okiiopfo. 2Nakyo kikaamtsa Paulo na Barnaba wakaloyana nawo na irekyana nawo kyumu. Lyefurumia wakawawasa ke Paulo na Barnaba wahende ido na kulya Yerusalemu kimu na wengi-ho wa ipfo kiidi kyawo waduo-pfo mbony tsa Ngano ii ko wasu na wameku waipfo. 3Kyasia wammaa ipfungyo kichau nyi siṟi wakado wakakyama ipfo orukenyi lo Foenike na Samaria wechiongwo-pfo mbonyi tsa mahalukyonyi ha wandu wa mbaṟi njihenu wakachihiṟa wanawawama mnu. 4Nawo wekiafukya Yerusalemu wakaambyo necha nyi siṟi na wasu na wameku wakawaongoya shilya Ruwa aleshiwuta ai nawo shose. 5Kya indi maata-ho wa ipfo kambenyi lya Wafarisayo walya weidikye wakakure wakahamba, “Na kikaki nyi kiwaṟi iwadina na iwawawasya wawade shilya shii shiwike nyi Mose.” 6Wasu na wameku wakasanza wakusaṟe kidedo ki. 7 Koikikaa-ho mawesano hafoi Petro kakure kawawia, “Lanye womi wanawawama, nyo nawo muichi ke na mkonu iya ya kuwoka oo kiidi kyanu Ruwa nyi alewawasya dumbu lyako lyechitarama wandu wa mbaṟi njihenu wahende iicho ndumi ya sia ya okiio na iidikya. 8 Nao Ruwa ichu aichi ngoo tsa wandu kawawikya kiṟinghishyo kewainenga Mumuyo Mwele kimu naso. 9Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye. 10Kyasiang'u le nyi kiili muihesha Ruwa na ipfungya wa kiloshyonyi kidi kya nzingonyi, sa wande yadu ma so luleleidima ikiduo. 11Kya indi lukusirye ke nyi wutonga wo Mndumii Yesu wuwen nyi woluinenga lohenda ikiṟo njia imu nawo.” 12Kyasia mamwingi fose fukatsia wakaadanya Barnaba na Paulo wechiwaongoya oloho lo shichano na maṟihio halya Ruwa alehawuta ko wandu wa mbaṟi njihenu ai nawo. 13Na iwo wekitsia Yakobo kahaluo kahamba, “Lanye womi wanawawama, kenjiadanyenyi. 14Simeon ameluongoya chando Ruwa aleasa isenguda wandu wahenu nakuwonye-ho mkambo fuu mdumbuye rina lyake. 15Na madedo ha waikimbi na haidikyanyi na iho chando kii kiṟehye. 16 Isho shikameida njechiwuya-se. Nyio inyi njechiwika-se mba ya Dawidi ihoiye, na masanjiko hayo na njechihasungusia iwuye-se ihoṟoka necha. 17Kundu mtsuhaṟo fo wandu futsuheye wahende iwado macha hepfula Mndumii hamu na mkambo yose ya wandu wai waendye rina lyako lyewakaya. Nyio Mndumii ahambye ado kechikiwuta. 18Nakyo kimanyikye ke kii kido matsi mawokyonyi ha wuyana.”
19“Nkyo kimaduma inyi ngadumbwo njidi; Ma lulawone lochipfulwopfulwo walya walemhalukya Ruwa ipfo mkambonyi ya wandu. 20 Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu. 21Kyamba kiheri sa kileshe madedo ha Mose hawode waimhamba orio mṟinyi ya wandu ili ekesomyo-ho ipfo masinagogenyi orio mkonu fo Sabato.”
Ndumi ko waidiki walai Wayuda
22Kikashika oo wasu na wameku wasongoru waleidikyana kimu na siṟi yose ke wasambuṟe wandu ipfo kiidi kyawo na iwaduma wahende Antiokia kimu na Paulo na Barnaba. Na Sila, nyi wandu wasongoru ipfo kiidi kya wanawawama. 23Wakaṟehya paruo wawaendie na mawoko hawo, nayo ihambye idi, “So wasu na wameku lui wanawawaama lo mwiṟikiṟa nyo wanawawaama wadu mui ipfo Antiokia na Siria na Kilikia muwukye mkambonyi ii mhenu. 24Nyi lomeicho ke nyi wandu wawukie kunu kodu wakacha na konu walawewadume nyiso nyi wamemuwinyisha na madedo hawo na ipfulwo mrima yanu. 25Nkyo kimaduma lomwidikyana na ngoo imu ke lusambuṟe wandu na iwaduma konu handu hamu na wakunde wadu Barnaba na Paulo. 26Nawo nyiwo womi walisye moo yawo wukiwa kimaduma kya rina lya Mndumii odu Yesu Kristo. 27Kyasiang'u nyi lomduma Yuda na Sila wechicha imbia madedo naaho iho ki madumbu hawo. 28Kyamba luledumbwo na mweke fo Mumuyo Mwele ke lulamudike mhanda shile nyi ishi shiwuṟyo-ho. 29Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.” 30Kikasia wekimaa isamo wakasoka wakashika kulya Antiokia wakasanza siṟi yose wakawainenga paruo iya. 31Wakaisoma wakachihio mnu kipfa iwawihiṟye idi moo. 32Na Yuda na Sila nawo wawenyi wawei waikimbi wakaikimba wanawawama kui madedo hafoi wakawakarisha necha. 33Nawo wekikaa-pfo kiheri kya oweṟe sa luarie wakasamo nyi wanawawama kui ofoṟo wawuye na ko walya wawadumye. [ 34Kya indi Sila o kikamchihia ikaa-pfo.] 35Na Paulo na Barnaba wakakaa kulya Antiokia wechionguo ndumi ya sia ya idedo lya Mndumii kimu na wandu wengi sa weengi.
Paulo na Barnaba walekana
36Kokisia-ho mfiri mangu Paulo kawia Barnaba, “Ndeipfo. Luwuye isenguda wanawawama wulalu orio mṟi kundo luwaongoye idedo lya Mndumii lumanye nyi waipfo wada.” 37Kyasia Barnaba kakunda iheda arianyi na Yohane ulya echilaho nyi Mariko nahende kimu nawo. 38 Kya indi Paulo kahamba ke ichu alepaṟakana nawo kulya Pamfilia alatsinda nawo kyandonyi asumuhanyi ihenda nawopfo. 39Kukakaa-ho kiloyano wakatana walekana Barnaba kaduo Mariko kaida ngalawenyi kahenda Kipro. 40Na Paulo kasanga Sila kakure kechiwawasyo nyi wanawawama wutonga wo Mndumii. 41Kahenda isenguda Siria na Kilikia kakapa siṟi owanzo.
Timoteo asangana na Paulo na Sila
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.