2 WAKORINTO 12
12
1Kiwaṟi ikuṟumisha, ma lilaende mbucha, na njechihoya ihamba mawonesyo na matambahaluo na Mndumii. 2Njichi mndu o Kristo-hu nyio aledao huye mṟasa ruwehu lya kaṟaṟu maka yamsia wulalu ikumi na iina, nao kokoya awei mbihunyi mandi ho njichinyi ang'u alawei mbihunyi foke njichinyi, Ruwa aichi. 3Mndu cho na njimwichi, kokoya awei mbihunyi mandi ho ang'u alawei mbihunyi foke njichinyi Ruwa aichi. 4Nyio aledao mṟasa kashika paradiso kaicho madedo halechiwa ideda kyaho kwipfo mndu awode momu fohahambapfo. 5Kya mndu cho njechikushelya, indi kyako inyi njimonyi njilechikushela shile nyi kya shilya shehamba wufafa woko. 6Ma kokoya njiwekundi ikushela njimonyi njiwechitondokapfo kipfa njiwehamba kya lohi; indi ngakukarishya kundu njilawone mndu anjikumbwo kyeidya kilya awonyi koko amonyi na iicho enjiadanya.
7Na kimaduma kya wunene wo matambahaluo halya nyi kundu njilakuichike njiame nkyo kitewe njii mkapye omambo lwohi ipfo njiamenyi tsako, nyio msu o Satan nankape nzina ndashike ikuichika njiame. 8Kipfa kyake o ngamefuhya Mndumii kaṟaṟu ke nanjiwuke. 9Nao kanjiwia, “Wutonga woko wukufoi kyamba pfinya yekekuholokya ipfo kundo kuwode wufafa.” Nkyo kimaduma kilya kinnengye sia iidye tsingi tsose nyi ikuṟumisha kya shilya shehamba wufafa woko, kundu pfinya ya Kristo insoke yekaa na inyi. 10Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.
11Ngamewa tondo n nyo momenjiitikya. Kyamba kiwechia njiwehamba necha n nyo. Kyamba kulaweipfo kindo njewekaa nakyo numa ya ma-wasu halya ma kikawa chando inyi ndai kindo. 12Cha kipfa shichano shehamba msu shiletano konu kui wusimiri wose kuwewonekyeho shichano na maṟihio na mawuto ha pfinya. 13Kyamba kuwewode-pfo ki mulemdeo kyakyo numa ya siṟi tsingi shile nyi ili indi inyi njilalemulemeṟa cho? Hoi njihoṟyenyi deko lyo. 14Ambuya ili nyi lya kaṟaṟu inyi njii mteseheṟe icha na konu, manya njechimlemeṟapfo. Kyamba ndaipfula shii shanu indi nyi nyo muwenyi njiimupfula. Kyamba kilawari wana wasanye wafee kisa kya indi kiwari wafee wakisanye wana. 15Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?
16Indi kikuwiie kido, inyi njilemulemeṟanyi; kya indi ili njii mbafu njemṟeha na mtambo wai. 17Alae! Nyi njimusoke kindo kui mndu njimdumye ipfo konu ma kawa u? 18Njileamtsa Tito ngamduma njemsanza hamu na manowama ulya. Alewo kulako Tito alemusoka kindo? Alae chi luhendekye lui-wachili nyi Mumuyo fulya fulya lochisaya njayo tsilya tsilya?
19Nyo mulemkuruo kacha ikusaṟa ke nyi luikapa nene ipfo konu. Nyi oshangunyi lo Ruwa luideda shepfuṟukanya mlungye fonu. 20Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo. 21Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.
Wuikimbi wofurumia na shiiṟikiṟo
Currently Selected:
2 WAKORINTO 12: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
2 WAKORINTO 12
12
1Kiwaṟi ikuṟumisha, ma lilaende mbucha, na njechihoya ihamba mawonesyo na matambahaluo na Mndumii. 2Njichi mndu o Kristo-hu nyio aledao huye mṟasa ruwehu lya kaṟaṟu maka yamsia wulalu ikumi na iina, nao kokoya awei mbihunyi mandi ho njichinyi ang'u alawei mbihunyi foke njichinyi, Ruwa aichi. 3Mndu cho na njimwichi, kokoya awei mbihunyi mandi ho ang'u alawei mbihunyi foke njichinyi Ruwa aichi. 4Nyio aledao mṟasa kashika paradiso kaicho madedo halechiwa ideda kyaho kwipfo mndu awode momu fohahambapfo. 5Kya mndu cho njechikushelya, indi kyako inyi njimonyi njilechikushela shile nyi kya shilya shehamba wufafa woko. 6Ma kokoya njiwekundi ikushela njimonyi njiwechitondokapfo kipfa njiwehamba kya lohi; indi ngakukarishya kundu njilawone mndu anjikumbwo kyeidya kilya awonyi koko amonyi na iicho enjiadanya.
7Na kimaduma kya wunene wo matambahaluo halya nyi kundu njilakuichike njiame nkyo kitewe njii mkapye omambo lwohi ipfo njiamenyi tsako, nyio msu o Satan nankape nzina ndashike ikuichika njiame. 8Kipfa kyake o ngamefuhya Mndumii kaṟaṟu ke nanjiwuke. 9Nao kanjiwia, “Wutonga woko wukufoi kyamba pfinya yekekuholokya ipfo kundo kuwode wufafa.” Nkyo kimaduma kilya kinnengye sia iidye tsingi tsose nyi ikuṟumisha kya shilya shehamba wufafa woko, kundu pfinya ya Kristo insoke yekaa na inyi. 10Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.
11Ngamewa tondo n nyo momenjiitikya. Kyamba kiwechia njiwehamba necha n nyo. Kyamba kulaweipfo kindo njewekaa nakyo numa ya ma-wasu halya ma kikawa chando inyi ndai kindo. 12Cha kipfa shichano shehamba msu shiletano konu kui wusimiri wose kuwewonekyeho shichano na maṟihio na mawuto ha pfinya. 13Kyamba kuwewode-pfo ki mulemdeo kyakyo numa ya siṟi tsingi shile nyi ili indi inyi njilalemulemeṟa cho? Hoi njihoṟyenyi deko lyo. 14Ambuya ili nyi lya kaṟaṟu inyi njii mteseheṟe icha na konu, manya njechimlemeṟapfo. Kyamba ndaipfula shii shanu indi nyi nyo muwenyi njiimupfula. Kyamba kilawari wana wasanye wafee kisa kya indi kiwari wafee wakisanye wana. 15Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?
16Indi kikuwiie kido, inyi njilemulemeṟanyi; kya indi ili njii mbafu njemṟeha na mtambo wai. 17Alae! Nyi njimusoke kindo kui mndu njimdumye ipfo konu ma kawa u? 18Njileamtsa Tito ngamduma njemsanza hamu na manowama ulya. Alewo kulako Tito alemusoka kindo? Alae chi luhendekye lui-wachili nyi Mumuyo fulya fulya lochisaya njayo tsilya tsilya?
19Nyo mulemkuruo kacha ikusaṟa ke nyi luikapa nene ipfo konu. Nyi oshangunyi lo Ruwa luideda shepfuṟukanya mlungye fonu. 20Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo. 21Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.
Wuikimbi wofurumia na shiiṟikiṟo
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.