2 WAKORINTO 1
1
1 Inyi Paulo njii msu o Kristo Yesu kui kyama kya Ruwa, so na Timoteo manowama loiṟikiṟa siṟi ya Ruwa ikeri ipfo Korinto kimu na waele wakeri orukenyi lo Akaya wose. 2Wutonga wukae nanyo na ofoṟo shiwukye ko Ruwa Nde yadu na Mndumii odu Yesu Kristo.
Mwano ko Ruwa
3Kuṟumisho Ruwa ai Nde o Mndumii odu Yesu Kristo, nyio Wande moichyo wandu wukiwa nao Ruwa mowawihiṟya moo. 4O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa. 5Kipfa chando so luifeṟyo mawawio kya Kristo na wudo kiwihiṟa moo kiilufoya kui Kristo. 6Kya indi ma ili luirohyo ludi nyi kundu limwendye kiwihiṟya moo na okiṟo; ma ili luiwihiṟyo moo so nyi kundu limwendye kiwihiṟa moo kikuhambye kui ikuitirisia marohyo hamu na halya halurohye so. 7Na ili lukusihye kyanu ludi nyi lui-wawanze ipfo kundo luichi ke chando mui wakyando wa marohyo halya na wudo mui wakyando wa kiwihiṟa moo kilya.
8 Kyamba le, wanawawama, lulakundi mude mulamanya kya irohyo lilya lileluhoya kulya Asia ke lulelemyo mnu kiidye pfinya tsadu lukashika ihutsa macha ha moo yadu. 9Kya indi so luwenyi luwekuwodye-ho ke nyi lui waanduye wepfa, nakyo kilehenda kido kundu lulakikusirye so luwenyi, indi nyi ko Ruwa ichu, ai moṟutsa wapfu. 10Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa. 11Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.
Kyaṟo kya Paulo kyailachika
12Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo. 13Kyamba lulamuṟehya idedo lihambie kiwungi shile nyi chando mokelisoma na ilimanya. Inyi njikusihye ke mochilimanya necha nakamu. 14Chando mṟasa wulalu mulemlumanya kya kyenga ke nyiso lumkerye nyo kiṟumi, nanyo na wudo mulukerye so ili lya Mkonu fulya pfo Mndumii odu Yesu.
15Na mkusihye fu fukannenga mbekundi ilawa icha na konu kundu muwone mboṟa kafoi kawi. 16 Njiide konu njishike Makedonyia; na kiheri kyewuya wuka Makedonyia njiwuye na konu njishike isamo nyi nyo na itaramo kyaṟo kehenda Yudaya. 17Alewo ili mbekusaṟie njido nyi njilaweichi kindo njiwuta? Ang'u isho njikuteseheṟye nyi njikuteseheṟye kui kiwandu, ke njihamba, “Ee” na Ote handu hamu? 18Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote. 19 Kyamba Mana o Ruwa Kristo Yesu ichu luimhamba konu inyi na Silwano na Timoteo, o alakulongye ee na ote, kya indi nyio ai “Ee” ya Ruwa. 20Kyamba ipfo koke shasa sha Ruwa chando shifoi shi “Ee.” Nyi wudo nao awikye Amenyi iya, Ruwa nawute-ho iichiko nyiso. 21Kyasia ichu aluwanzye Kristo-hu handu hamu nanyo na ilushimbuo nyio Ruwa. 22Nao nyio amelutisiṟa luwe masaa hake kaludeya mriteke fo Mumuyo ngoonyi tsadu, kya shindo shose alelusuṟumia.
23Kya indi Ruwa nyi mongochi oko naichi mrima foko. Njichase na konupfo, kipfa kya iwasaṟia na iwawikya nyo kitanyo. 24Chi kii ke luapfinye mwidikye fonupfo, kya indi so lui wakyando wa msiha fonu; kyamba mukuwode mwidikye-hu chumu.
Currently Selected:
2 WAKORINTO 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
2 WAKORINTO 1
1
1 Inyi Paulo njii msu o Kristo Yesu kui kyama kya Ruwa, so na Timoteo manowama loiṟikiṟa siṟi ya Ruwa ikeri ipfo Korinto kimu na waele wakeri orukenyi lo Akaya wose. 2Wutonga wukae nanyo na ofoṟo shiwukye ko Ruwa Nde yadu na Mndumii odu Yesu Kristo.
Mwano ko Ruwa
3Kuṟumisho Ruwa ai Nde o Mndumii odu Yesu Kristo, nyio Wande moichyo wandu wukiwa nao Ruwa mowawihiṟya moo. 4O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa. 5Kipfa chando so luifeṟyo mawawio kya Kristo na wudo kiwihiṟa moo kiilufoya kui Kristo. 6Kya indi ma ili luirohyo ludi nyi kundu limwendye kiwihiṟya moo na okiṟo; ma ili luiwihiṟyo moo so nyi kundu limwendye kiwihiṟa moo kikuhambye kui ikuitirisia marohyo hamu na halya halurohye so. 7Na ili lukusihye kyanu ludi nyi lui-wawanze ipfo kundo luichi ke chando mui wakyando wa marohyo halya na wudo mui wakyando wa kiwihiṟa moo kilya.
8 Kyamba le, wanawawama, lulakundi mude mulamanya kya irohyo lilya lileluhoya kulya Asia ke lulelemyo mnu kiidye pfinya tsadu lukashika ihutsa macha ha moo yadu. 9Kya indi so luwenyi luwekuwodye-ho ke nyi lui waanduye wepfa, nakyo kilehenda kido kundu lulakikusirye so luwenyi, indi nyi ko Ruwa ichu, ai moṟutsa wapfu. 10Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa. 11Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.
Kyaṟo kya Paulo kyailachika
12Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo. 13Kyamba lulamuṟehya idedo lihambie kiwungi shile nyi chando mokelisoma na ilimanya. Inyi njikusihye ke mochilimanya necha nakamu. 14Chando mṟasa wulalu mulemlumanya kya kyenga ke nyiso lumkerye nyo kiṟumi, nanyo na wudo mulukerye so ili lya Mkonu fulya pfo Mndumii odu Yesu.
15Na mkusihye fu fukannenga mbekundi ilawa icha na konu kundu muwone mboṟa kafoi kawi. 16 Njiide konu njishike Makedonyia; na kiheri kyewuya wuka Makedonyia njiwuye na konu njishike isamo nyi nyo na itaramo kyaṟo kehenda Yudaya. 17Alewo ili mbekusaṟie njido nyi njilaweichi kindo njiwuta? Ang'u isho njikuteseheṟye nyi njikuteseheṟye kui kiwandu, ke njihamba, “Ee” na Ote handu hamu? 18Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote. 19 Kyamba Mana o Ruwa Kristo Yesu ichu luimhamba konu inyi na Silwano na Timoteo, o alakulongye ee na ote, kya indi nyio ai “Ee” ya Ruwa. 20Kyamba ipfo koke shasa sha Ruwa chando shifoi shi “Ee.” Nyi wudo nao awikye Amenyi iya, Ruwa nawute-ho iichiko nyiso. 21Kyasia ichu aluwanzye Kristo-hu handu hamu nanyo na ilushimbuo nyio Ruwa. 22Nao nyio amelutisiṟa luwe masaa hake kaludeya mriteke fo Mumuyo ngoonyi tsadu, kya shindo shose alelusuṟumia.
23Kya indi Ruwa nyi mongochi oko naichi mrima foko. Njichase na konupfo, kipfa kya iwasaṟia na iwawikya nyo kitanyo. 24Chi kii ke luapfinye mwidikye fonupfo, kya indi so lui wakyando wa msiha fonu; kyamba mukuwode mwidikye-hu chumu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.