1WATESALONYIKYE 1
1
1 So Paulo na Silwano na Timoteo loiṟikiṟa siṟi ya ko Watesalonyikye iinjiwike kui Ruwa wande na Mndumii Yesu Kristo wutonga na ofoṟo shikae nanyo.
Ohendo na Mwidikye fo Watesalonyikye
2Luiwikya Ruwa mwaano mfiri yose kimaduma kyanu lochimsenda shiterewonyi shadu. 3Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo. 4Aka-wo wanawawama wakunde nyi Ruwa, chi luichi ke muiwasambuṟe! 5Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu. 6 Mukamekuwakisha naso na Mndumii mombada dedo lilya kituryonyi muwewodo nyi sia ya Mumuyo Mwele. 7Ikyo kilemtana nyo msendo fo ko waidikye wose wa ipfo Makedonyia na wa ipfo Akaya. 8Kyamba ipfo konu dedo lya Mndumii lilembuka-ho likaweichio necha chi alya Makedonyia na Akaya tupupfo, kya indi wuidiki wonu woikuwada na Ruwa wukawemanyika hando hose kilakilukoya-se ideda kya ikyo. 9Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi. 10Na iwedya Mana oke ichu alemṟutsa wapfunyi nache awuka ipfo ruwehu, nyio Yesu moluringa nyashi iya ikeri icha.
Iṟunda lya Paulo ipfo Tesalonyikye
Currently Selected:
1WATESALONYIKYE 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
1WATESALONYIKYE 1
1
1 So Paulo na Silwano na Timoteo loiṟikiṟa siṟi ya ko Watesalonyikye iinjiwike kui Ruwa wande na Mndumii Yesu Kristo wutonga na ofoṟo shikae nanyo.
Ohendo na Mwidikye fo Watesalonyikye
2Luiwikya Ruwa mwaano mfiri yose kimaduma kyanu lochimsenda shiterewonyi shadu. 3Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo. 4Aka-wo wanawawama wakunde nyi Ruwa, chi luichi ke muiwasambuṟe! 5Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu. 6 Mukamekuwakisha naso na Mndumii mombada dedo lilya kituryonyi muwewodo nyi sia ya Mumuyo Mwele. 7Ikyo kilemtana nyo msendo fo ko waidikye wose wa ipfo Makedonyia na wa ipfo Akaya. 8Kyamba ipfo konu dedo lya Mndumii lilembuka-ho likaweichio necha chi alya Makedonyia na Akaya tupupfo, kya indi wuidiki wonu woikuwada na Ruwa wukawemanyika hando hose kilakilukoya-se ideda kya ikyo. 9Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi. 10Na iwedya Mana oke ichu alemṟutsa wapfunyi nache awuka ipfo ruwehu, nyio Yesu moluringa nyashi iya ikeri icha.
Iṟunda lya Paulo ipfo Tesalonyikye
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.