Roma 4
4
Abarahamu ohorumeliwa na Mulugu muwari mwa nroromelo
1Kodi inafwanela niwonge ira nikolo nehu Abarahamu ira akalihiwe wapama vamentoni va Mulugu ali na mwasa wa mabasa alabile liye? Nari. 2Tchoira Abarahamu ahakale wapama muwari mwa joira jaye, erege wanda vititimiha. Mbwenye voira liye karumeliwele mwa joira jaye, nona kanawanda vititimiha vamentoni va Mulugu. 3Kodi Mazu anawonga avi zela Abarahamu? Anawonga ira: <<Abarahamu ohomuroromela Mulugu. Nona Mulugu ohomuona nnga wapama mwasiwa liye ohomuroromela.>>#Jenesesi 15:6
4Zela mutu wenno unalaba, yotambilra yaye kahi yengo yovahiwa mbwenye tchi yengo yofwanela zela mabasa ulabile liye. 5Mbwenye kala wapama vamentoni va Mulugu kunazela muwari motambilra zela mabasa nnalaba hiyo. Tchoira mutu wenno ahanalaba, mbwenye unamuroromela Mulugu wenno unaakaliha pama atu abure, mwa nroromelo naye neno bahi, Mulugu unomuona mutule ira gwapama.
6Eto zela relihiwa wa mutu wenno Mulugu unamuona liye wapama hiya kala wapama mwa mabasa alabile liye, mulombwana Davi na liyene unawonga ira:
7 <<Orelihiwa gwenno unaleveleliwa joviringaniha jaira liye eto ahanafwanyeyana jotega mwasiwa jotega jaye jihimala kuneliwa. 8Orelihiwa gwenno Nabwiya unatimiha liye jotega jaye.>>
9Kodi zela relihiwa moleveleliwa jotega, anarelihiwa ba atu anne kaineliwe na makalelo awongile Mulugu bahi? Ale kahaineliwe kodi kinarelihiwa? Anorelihiwa, tchoira nihimala wonga ira Abarahamu ira liye akale wapama, amuroromenle Mulugu bahi, evale Mulugu ohomuona nnga mutu wapama. 10Ira Mulugu amuone Abarahamu nnga mutu wapama ali moira avi? Kodi arumeliwe ahanaineliwe owu againeliwe? Kaali againeliwe mwasiwa Mulugu amuonne nnga mutu wapama ahanaineliwe. 11Mulugu amuwandelaga joineliwa, liye afwanyeya agalive wapama vamentoni vaye. Ineliwa ali ionihedo zela upama wanna liye momuroromela Mulugu. Liye ohoroma muroromela Mulugu ahanaineliwe.
12Mulugu anvulusile Abarahamu ahanaineliwe ira liye akale nnga babi wa atene ale kafuna za kalihiwa nnga atu apama momuroromela Mulugu ahali muwari moineliwa. Eto liye gu babi wa atene kaineliwe eto anawenda na makalelo omuroromela Mulugu nnga jairile liye wanle ahanaineliwe.#4:12 liye gu babi wa atene kaineliwe eto anawenda na makalelo omuroromela Mulugu: Ku wonga Abarahamu gu mbwiye wa aJudewu atene anawenda na makalelo omuroromela Mulugu nnga jairile Abarahamu wanle ahanaineliwe.
Tambilra jengo japama unazela muwari mwa nroromelo
13Mulugu omuwandela mulombwana Abarahamu na ahimaye a musogolro nipangano naye ira jatene jene jinafwanyeya mwilamboni ya vati jinafuna jikale jewa. Nipangano nne, Mulugu kanvahile na mwasa oira Abarahamu okwakwaneliheda malamulo mbwenye anvahile moira liye okalihiwa wapama momuroromela Mulugu. 14Tchoira hiyo atu ahakale nifunaga tambilra jengo japama muwari moharihamo malamulo, muroromela Mulugu kwakana mabasa#4:14 ahakale nifunaga tambilra jengo japama muwari moharihamo malamulo…: Nahafunege tambilra jengo japama muwari moharihamo malamulo, muroromela Mulugu kwakana mabasa mwasiwa kada mutu eregeve viroromela liye eka joira jaye. eto nipangano napanganne Mulugu na Abarahamu nakalave eno, kanakana mabasa. 15Tchoira malamulo anamuzelana mutu uwali wa Mulugu.#4:15 Malamulo anamuzelana mutu uwali wa Mulugu. Malamulo anonizelana uwali wa Mulugu moira malamulo kinna pepani. Hiyo eto, muwari mokala atu otega, nnoviringanihetcha malamulo. Goma woviringaniha malamulo, ku onihiwa uwali wa Mulugu. Nona mazu a Mulugu kaniwandelaga ira mutu alimbiheda malamulo ira avulusiwe, mutu wenno kanavulusiwa. Unagomela ona uwali wa Mulugu. Tchoira malamulo kinalaba yengo ira mutu aleveleliwe. So mbwenye mutu unaleveleliwa muwari momuroromela Yesu Kiristu. Mbwenye wewo wahali malamulo, kuli viringaniha.
16Mulugu opangana ira anvahe Abarahamu jatene muwari momuroromela ira ahimaye a musogolro kawande vahiwa jengo mwa sayi da Mulugu.#4:16 ira ahimaye a musogolro kawande vahiwa jengo: Tchoira Mulugu ahakale awonga ira: <<We Abarahamu na ahimawo a musogolro mwakwakwaneliheda malamulo aga, nnouvaha jengo japama>>, Abarahamu na ahimaye tchavahiwa yengo. Mbwenye Mulugu apanganne avaha atu jengo momuroromela. Ahimiwa kahi so aJudewu anawendana malamulo bahi mbwenye tambe ba atu anno kahanawendana malamulo, malringana wenno unna nroromelo nnga na Abarahamu, wenno uli babi wa hiyo atu atene omuroromela Yesu. 17Kalaga nnga ilrembiwe mMazuni ira: <<Miyo dihimala usakanya ira weyo ukale babi wa malogo oindjiva.>> Abarahamu agavwile nipangano nne, omuroromela mohowanganyeda Mulugu wenno unanvenyiha mutu mokwani eto unakalihawo yengo mowonga bahi yenno yali yahanakalewo. 18Agali kaanna yodediha ira ambale mwana, liye ohororomela ira Mulugu unomukaliha baba wa malogo madjindji, nnga mwawandeliwele liye ira: <<Ahimawo anoza kakale oindjiva nnga nyenyedi.>> #Jenesesi 15:5
19Ora yenno Abarahamu okana wandamelana yaka 100 eto ohoiziwa ira: <<Miyo dihimala ulula, nnawenda okwene eto muhiyanaga Sara gu ngomwa.>> Mbwenye muwari mwa jatene ejo, liye amuroromelave Mulugu. 20Agavwile nipangano na Mulugu, kawanganyedile nne kakukumuwile. Liye alimbihave nroromelo naye amutitimihaga Mulugu 21aganna ibaribari ira Mulugu ukana kopolo dokwakwaneliheda jatene jiwongile liye. 22Muwari mwa nroromelo naye, pa evale vazile Mulugu muona Abarahamu nnga wapama.
Mulugu unaaona atu omuroromela Yesu nnga apama vamentoni vaye
23Mbwenye mazu kalrembiwe oira: <<Mulugu ohomuona Abarahamu nnga wapama.>>, kizenle para Abarahamu eka, nari. 24Mazu anno banno kafiyedile mwa hiyo atu omuroromela Mulugu wenno unvenyihile Nabwiya wehu Yesu mokwani. 25Yesu anikwenle ira joviringaniha jehu jileveleliwe eto ohovenyihiwa mokwani ira nikale apama vamentoni vaye.
Currently Selected:
Roma 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Roma 4
4
Abarahamu ohorumeliwa na Mulugu muwari mwa nroromelo
1Kodi inafwanela niwonge ira nikolo nehu Abarahamu ira akalihiwe wapama vamentoni va Mulugu ali na mwasa wa mabasa alabile liye? Nari. 2Tchoira Abarahamu ahakale wapama muwari mwa joira jaye, erege wanda vititimiha. Mbwenye voira liye karumeliwele mwa joira jaye, nona kanawanda vititimiha vamentoni va Mulugu. 3Kodi Mazu anawonga avi zela Abarahamu? Anawonga ira: <<Abarahamu ohomuroromela Mulugu. Nona Mulugu ohomuona nnga wapama mwasiwa liye ohomuroromela.>>#Jenesesi 15:6
4Zela mutu wenno unalaba, yotambilra yaye kahi yengo yovahiwa mbwenye tchi yengo yofwanela zela mabasa ulabile liye. 5Mbwenye kala wapama vamentoni va Mulugu kunazela muwari motambilra zela mabasa nnalaba hiyo. Tchoira mutu wenno ahanalaba, mbwenye unamuroromela Mulugu wenno unaakaliha pama atu abure, mwa nroromelo naye neno bahi, Mulugu unomuona mutule ira gwapama.
6Eto zela relihiwa wa mutu wenno Mulugu unamuona liye wapama hiya kala wapama mwa mabasa alabile liye, mulombwana Davi na liyene unawonga ira:
7 <<Orelihiwa gwenno unaleveleliwa joviringaniha jaira liye eto ahanafwanyeyana jotega mwasiwa jotega jaye jihimala kuneliwa. 8Orelihiwa gwenno Nabwiya unatimiha liye jotega jaye.>>
9Kodi zela relihiwa moleveleliwa jotega, anarelihiwa ba atu anne kaineliwe na makalelo awongile Mulugu bahi? Ale kahaineliwe kodi kinarelihiwa? Anorelihiwa, tchoira nihimala wonga ira Abarahamu ira liye akale wapama, amuroromenle Mulugu bahi, evale Mulugu ohomuona nnga mutu wapama. 10Ira Mulugu amuone Abarahamu nnga mutu wapama ali moira avi? Kodi arumeliwe ahanaineliwe owu againeliwe? Kaali againeliwe mwasiwa Mulugu amuonne nnga mutu wapama ahanaineliwe. 11Mulugu amuwandelaga joineliwa, liye afwanyeya agalive wapama vamentoni vaye. Ineliwa ali ionihedo zela upama wanna liye momuroromela Mulugu. Liye ohoroma muroromela Mulugu ahanaineliwe.
12Mulugu anvulusile Abarahamu ahanaineliwe ira liye akale nnga babi wa atene ale kafuna za kalihiwa nnga atu apama momuroromela Mulugu ahali muwari moineliwa. Eto liye gu babi wa atene kaineliwe eto anawenda na makalelo omuroromela Mulugu nnga jairile liye wanle ahanaineliwe.#4:12 liye gu babi wa atene kaineliwe eto anawenda na makalelo omuroromela Mulugu: Ku wonga Abarahamu gu mbwiye wa aJudewu atene anawenda na makalelo omuroromela Mulugu nnga jairile Abarahamu wanle ahanaineliwe.
Tambilra jengo japama unazela muwari mwa nroromelo
13Mulugu omuwandela mulombwana Abarahamu na ahimaye a musogolro nipangano naye ira jatene jene jinafwanyeya mwilamboni ya vati jinafuna jikale jewa. Nipangano nne, Mulugu kanvahile na mwasa oira Abarahamu okwakwaneliheda malamulo mbwenye anvahile moira liye okalihiwa wapama momuroromela Mulugu. 14Tchoira hiyo atu ahakale nifunaga tambilra jengo japama muwari moharihamo malamulo, muroromela Mulugu kwakana mabasa#4:14 ahakale nifunaga tambilra jengo japama muwari moharihamo malamulo…: Nahafunege tambilra jengo japama muwari moharihamo malamulo, muroromela Mulugu kwakana mabasa mwasiwa kada mutu eregeve viroromela liye eka joira jaye. eto nipangano napanganne Mulugu na Abarahamu nakalave eno, kanakana mabasa. 15Tchoira malamulo anamuzelana mutu uwali wa Mulugu.#4:15 Malamulo anamuzelana mutu uwali wa Mulugu. Malamulo anonizelana uwali wa Mulugu moira malamulo kinna pepani. Hiyo eto, muwari mokala atu otega, nnoviringanihetcha malamulo. Goma woviringaniha malamulo, ku onihiwa uwali wa Mulugu. Nona mazu a Mulugu kaniwandelaga ira mutu alimbiheda malamulo ira avulusiwe, mutu wenno kanavulusiwa. Unagomela ona uwali wa Mulugu. Tchoira malamulo kinalaba yengo ira mutu aleveleliwe. So mbwenye mutu unaleveleliwa muwari momuroromela Yesu Kiristu. Mbwenye wewo wahali malamulo, kuli viringaniha.
16Mulugu opangana ira anvahe Abarahamu jatene muwari momuroromela ira ahimaye a musogolro kawande vahiwa jengo mwa sayi da Mulugu.#4:16 ira ahimaye a musogolro kawande vahiwa jengo: Tchoira Mulugu ahakale awonga ira: <<We Abarahamu na ahimawo a musogolro mwakwakwaneliheda malamulo aga, nnouvaha jengo japama>>, Abarahamu na ahimaye tchavahiwa yengo. Mbwenye Mulugu apanganne avaha atu jengo momuroromela. Ahimiwa kahi so aJudewu anawendana malamulo bahi mbwenye tambe ba atu anno kahanawendana malamulo, malringana wenno unna nroromelo nnga na Abarahamu, wenno uli babi wa hiyo atu atene omuroromela Yesu. 17Kalaga nnga ilrembiwe mMazuni ira: <<Miyo dihimala usakanya ira weyo ukale babi wa malogo oindjiva.>> Abarahamu agavwile nipangano nne, omuroromela mohowanganyeda Mulugu wenno unanvenyiha mutu mokwani eto unakalihawo yengo mowonga bahi yenno yali yahanakalewo. 18Agali kaanna yodediha ira ambale mwana, liye ohororomela ira Mulugu unomukaliha baba wa malogo madjindji, nnga mwawandeliwele liye ira: <<Ahimawo anoza kakale oindjiva nnga nyenyedi.>> #Jenesesi 15:5
19Ora yenno Abarahamu okana wandamelana yaka 100 eto ohoiziwa ira: <<Miyo dihimala ulula, nnawenda okwene eto muhiyanaga Sara gu ngomwa.>> Mbwenye muwari mwa jatene ejo, liye amuroromelave Mulugu. 20Agavwile nipangano na Mulugu, kawanganyedile nne kakukumuwile. Liye alimbihave nroromelo naye amutitimihaga Mulugu 21aganna ibaribari ira Mulugu ukana kopolo dokwakwaneliheda jatene jiwongile liye. 22Muwari mwa nroromelo naye, pa evale vazile Mulugu muona Abarahamu nnga wapama.
Mulugu unaaona atu omuroromela Yesu nnga apama vamentoni vaye
23Mbwenye mazu kalrembiwe oira: <<Mulugu ohomuona Abarahamu nnga wapama.>>, kizenle para Abarahamu eka, nari. 24Mazu anno banno kafiyedile mwa hiyo atu omuroromela Mulugu wenno unvenyihile Nabwiya wehu Yesu mokwani. 25Yesu anikwenle ira joviringaniha jehu jileveleliwe eto ohovenyihiwa mokwani ira nikale apama vamentoni vaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral