Roma 2
2
Matongelo a ibaribari a Mulugu
1Kohokalawo atu amohiwa anaatonya afwiwa ira nyo muli anamatega ofwanela tongiwa na Mulugu. Eto fwanyeya ira muwari moatonya afwiwa, aliwa anavigwihana mulandu oka. Tchoira na aliwene ba anamatega, anaira jimohive nnga jinaagwihana atu mulandu afwiwa. 2Hiyo nihiiziwa ira Mulugu aatongaga atwale oatonya afwiwa, unosasanya pama. 3Aliwa kaamangaga mulandu afwiwa eto amala kairagana jengo jimohive jejo jinaamanga atu mulandu afwiwa jile, kodi anaumbuwela ira anokana makalelo otawa matongelo a Mulugu?
4Kagarati, kaona upama watene unaairela Mulugu eto kaona liye avilelaga, ahaatongaga mobaranya, anaumbuwela ira nili apamene eto kinawanda umbuwela ira Mulugu unaniirela upama ira nitwaruwe.
5Aliwa muwari mokana mirima dovanda eto mohofuna twaruwa mule, anamukoyiha Mulugu jotega jiwa ira nafiya siku nivitanle liye ira aatonge atu na matongelo a ibaribari, kaze kaonihiwe takaleliwa wohokala wa masika wa Mulugu, 6wenno unafuna aze amutonge kada mutu zela mabasa alabile liye. 7Ale kavilenle irana joira japama muwari mofuna upama wa ibaribari, no titimihiwa na Mulugu, na ingumi yohokana goma uwa, Mulugu unoavaha ingumi yohomala. 8Mbwenye ale anerana jofuna jiwa, ale kahanairana jengo ja ibaribari, ale anahara jotakala, aliwa mbwenye anagomela tambilra uwali no takaleliwa wohokala wa masika wa Mulugu. 9Atene anairana jabure romana aJudewu, gomihedaga atu ohokala aJudewu, aliwa anaing'anela tambilra goyi no tabuwa. 10Mbwenye atu atene oirana japama anoza katambilre upama no titimihiwa na murendele,#2:10 atu atene oirana japama anoza katambilre upama: Mazwala kinawonga zela vulusiwa. Anawonga zela mutu agamanle vulusiwa, mwasiwa vulusiwa unafwanyeya muwari momuroromela Yesu bahi. (Roma 3:20-25) Mbwenye wagali mutu omuroromela Yesu, wagamanle watchela sayi da Mulugu, ukala makalelo Mulugu unalaba liye muwari mwa kada mutu amutchindjaga ira akale mutu muxa oira airegena joira japama jejo japandutchile liye wanle ira atwaye kairegena. (Efezo 2:8-10) Mbwenye mutu agamanle vulusiwa muwari mwa Yesu Kiristu makalelo anafuna liye kana anakala makalelo olingana na Yesu. Muwari mwa eno Mulugu unoza amutambilrihe zela joira jaye jatene jinafuna liye iraga. Mutu agamuroromenle Yesu, agamanle vulusiwa, inafwanela airegena jengo jolingana no vulusiwa waye. (Lukaji 3:8) Ale kahamuroromenle Yesu kavili jowandeya ira anowanda irana yengo yapama yomuziveliha Mulugu. (Roma 8:8) Nona aliwa joira jiwa jinakala jotakala fiyeda siku nnatonga Mulugu. romana aJudewu, gomihedaga atu ohokala aJudewu. 11Mwasiwa Mulugu kanna nsakulro.
Kada mutu unoza atongiwe zela malamulo aiziwile liye mmirimani mwaye
12Tchoira atu atene kategile muwari mohoiziwa malamulo, anotolowa muwari mohoiziwa malamulo. Eto kinatolowela zela malamulo kahaiziwile atu. Eto atene oiziwa malamulo, kamutegela Mulugu anoza katongiwe zela malamulo kaiziwile atu.
13Tchoira ale anafuna kala apama vamentoni va Mulugu kahi ale anavuruwana malamulo, nari. Mbwenye anafuna kala apama vamentoni va Mulugu ba ale anaharihamo malamulo ale.
14Atu ohokala aJudewu kali kahanavwe malamulo, aliwa koiziwa mmirimani mwewa jofuneya ja malamulo. Masiki kahanna malamulo, kawendaga anoiziwa upama na ubure unafwanyeya mmalamuloni. 15Inaoneya ira aliwa kohokana malamulo mmirimani mwewa mwasiwa kairana yapama, mmirimani mwewa anowanda iziwa ira dihisakanya pama. Eto kairana yabure, mmirimani mwewa anowanda iziwa ira kadisakannye pama. 16Jatene ejo jinoza jiireye nnga munalaleya miyo ira nafiya siku nivitanle Mulugu, liye unoza amurume Yesu Kiristu ira amutonge kada mutu zela malamulo aiziwile liye mmirimani mwaye na joumbuwela jokoyeya jaumbuwela liye mmirimani mwaye.
AJudewu amohi kohovinyenga kaumbuwelaga ira: <<Nili apama.>>
17Kohokalawo eto aJudewu amohiwa anavititimiha ira: <<Nili aJudewu. Hiyo nnanyindela malamulo. Mulugu gwehu. 18Hiyo nili atu oiziwa jofuna ja Mulugu. Hiyo nili atu owelruza na makalelo apama. Nili atu oiziwetchetcha malamulo. 19Nili atu oameza aliba haona. Nili moneya zela ule unawenda muisini. 20Nili aliba awelruza atu ohokana toto eto nili anamafundjiha a ahima. Hiyo nnawenda na malamulo eto nihikana ibaribari na zelru dokwaranya zelru datene da ilambo ya vati.>> 21Atu anne anawonga eno, anaafundjiha afwiwa eto aliwa kahawandaga vifundjiha. Analaleya ira kube eto na aliwene anoba. 22Analaleya ira kuraruwe eto na aliwene anoraruwa. Analaleya ira ikwamutu yosema tchi yengo yotakala agali aliwa banavolowa munyumbani munatamalela atu vikwamutu josema jile, kabaga jengo jili emo. 23AJudewu ale anavititimiha zela harihamo wewa malamulo eto ba amohive anampetiha Mulugu moviringaniha malamulo! 24Muselu wa aJudewu ale unalandana na muselu ulrembiwe mMazuni oira:
<<Atu ohokala aJudewu analuluviha nzina na Mulugu na mwasa oona joviringaniha jinera nyo.>>
Ibaribari zela kala muJudewu wa ibaribari
25Tchoira ineliwa#2:25 ineliwa unawongiwa va kahi nnga ineliwa wa tempu ili hiyo ila. Wanle Mulugu ohomuwandela Abarahamu ira: mwana wa mwanapongwe uli watene unabaliwege vande vawo, akwakwanihaga malambo matanu na mararu, inafwanela aineliwe. (Jenesesi 17:10-14) Eto aineliwa ali ahima a alombwana ve, kakwakwaniha malambo matanu na mararu. Ku wonga mwana agali nnyenya na mmandani. Nione Levitiku 12:3. Ku wonga ja lunga jinera azombwe eto ja zoma jinera anamwali tempu ili hiyo ila, kajinna pandi na Mulugu. unakana mabasa zela ule unawanda harihamo malamulo. Mbwenye wagamanle ineliwa, wanonga malamulo, ineliwa wawo kunna mabasa. 26Eto mutu ohoineliwa aharihamo jofuneya ja malamulo, kodi ikala inamuhalela na mwasa oira liye kaineliwe? Nari. Mulugu unamuonege nnga mutu oineliwa. 27Evale muwari mwa atu ambinli, mmohi oineliwa, mmohi ohoineliwa, oineliwa ule aiziwa malamulo eto ahawandege harihamo malamulo, ule ahaineliwe awanda harihamo malamulo, unoza amugwihena mulandu nfwaye oineliwa ule.
28Tchoira muJudewu wa ibaribari kahi wenno unavioniheda iJudewu yaye undeve bahi. Eto ineliwa wa ibaribari kahi yengo yooneya zela ing'ana maningo a mutu. 29Kala muJudewu wa ibaribari eto kala mutu uineliwe na ibaribari kuzenle muwari mwa malamulo. Ineliwa wa muJudewu wa ibaribari unaireya mmirimani mwaye muwari mwa Munemba Otchena. Eto unafuna za mutetela kahi mutu nfwaye mbwenye gu Mulugu.
Currently Selected:
Roma 2: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Roma 2
2
Matongelo a ibaribari a Mulugu
1Kohokalawo atu amohiwa anaatonya afwiwa ira nyo muli anamatega ofwanela tongiwa na Mulugu. Eto fwanyeya ira muwari moatonya afwiwa, aliwa anavigwihana mulandu oka. Tchoira na aliwene ba anamatega, anaira jimohive nnga jinaagwihana atu mulandu afwiwa. 2Hiyo nihiiziwa ira Mulugu aatongaga atwale oatonya afwiwa, unosasanya pama. 3Aliwa kaamangaga mulandu afwiwa eto amala kairagana jengo jimohive jejo jinaamanga atu mulandu afwiwa jile, kodi anaumbuwela ira anokana makalelo otawa matongelo a Mulugu?
4Kagarati, kaona upama watene unaairela Mulugu eto kaona liye avilelaga, ahaatongaga mobaranya, anaumbuwela ira nili apamene eto kinawanda umbuwela ira Mulugu unaniirela upama ira nitwaruwe.
5Aliwa muwari mokana mirima dovanda eto mohofuna twaruwa mule, anamukoyiha Mulugu jotega jiwa ira nafiya siku nivitanle liye ira aatonge atu na matongelo a ibaribari, kaze kaonihiwe takaleliwa wohokala wa masika wa Mulugu, 6wenno unafuna aze amutonge kada mutu zela mabasa alabile liye. 7Ale kavilenle irana joira japama muwari mofuna upama wa ibaribari, no titimihiwa na Mulugu, na ingumi yohokana goma uwa, Mulugu unoavaha ingumi yohomala. 8Mbwenye ale anerana jofuna jiwa, ale kahanairana jengo ja ibaribari, ale anahara jotakala, aliwa mbwenye anagomela tambilra uwali no takaleliwa wohokala wa masika wa Mulugu. 9Atene anairana jabure romana aJudewu, gomihedaga atu ohokala aJudewu, aliwa anaing'anela tambilra goyi no tabuwa. 10Mbwenye atu atene oirana japama anoza katambilre upama no titimihiwa na murendele,#2:10 atu atene oirana japama anoza katambilre upama: Mazwala kinawonga zela vulusiwa. Anawonga zela mutu agamanle vulusiwa, mwasiwa vulusiwa unafwanyeya muwari momuroromela Yesu bahi. (Roma 3:20-25) Mbwenye wagali mutu omuroromela Yesu, wagamanle watchela sayi da Mulugu, ukala makalelo Mulugu unalaba liye muwari mwa kada mutu amutchindjaga ira akale mutu muxa oira airegena joira japama jejo japandutchile liye wanle ira atwaye kairegena. (Efezo 2:8-10) Mbwenye mutu agamanle vulusiwa muwari mwa Yesu Kiristu makalelo anafuna liye kana anakala makalelo olingana na Yesu. Muwari mwa eno Mulugu unoza amutambilrihe zela joira jaye jatene jinafuna liye iraga. Mutu agamuroromenle Yesu, agamanle vulusiwa, inafwanela airegena jengo jolingana no vulusiwa waye. (Lukaji 3:8) Ale kahamuroromenle Yesu kavili jowandeya ira anowanda irana yengo yapama yomuziveliha Mulugu. (Roma 8:8) Nona aliwa joira jiwa jinakala jotakala fiyeda siku nnatonga Mulugu. romana aJudewu, gomihedaga atu ohokala aJudewu. 11Mwasiwa Mulugu kanna nsakulro.
Kada mutu unoza atongiwe zela malamulo aiziwile liye mmirimani mwaye
12Tchoira atu atene kategile muwari mohoiziwa malamulo, anotolowa muwari mohoiziwa malamulo. Eto kinatolowela zela malamulo kahaiziwile atu. Eto atene oiziwa malamulo, kamutegela Mulugu anoza katongiwe zela malamulo kaiziwile atu.
13Tchoira ale anafuna kala apama vamentoni va Mulugu kahi ale anavuruwana malamulo, nari. Mbwenye anafuna kala apama vamentoni va Mulugu ba ale anaharihamo malamulo ale.
14Atu ohokala aJudewu kali kahanavwe malamulo, aliwa koiziwa mmirimani mwewa jofuneya ja malamulo. Masiki kahanna malamulo, kawendaga anoiziwa upama na ubure unafwanyeya mmalamuloni. 15Inaoneya ira aliwa kohokana malamulo mmirimani mwewa mwasiwa kairana yapama, mmirimani mwewa anowanda iziwa ira dihisakanya pama. Eto kairana yabure, mmirimani mwewa anowanda iziwa ira kadisakannye pama. 16Jatene ejo jinoza jiireye nnga munalaleya miyo ira nafiya siku nivitanle Mulugu, liye unoza amurume Yesu Kiristu ira amutonge kada mutu zela malamulo aiziwile liye mmirimani mwaye na joumbuwela jokoyeya jaumbuwela liye mmirimani mwaye.
AJudewu amohi kohovinyenga kaumbuwelaga ira: <<Nili apama.>>
17Kohokalawo eto aJudewu amohiwa anavititimiha ira: <<Nili aJudewu. Hiyo nnanyindela malamulo. Mulugu gwehu. 18Hiyo nili atu oiziwa jofuna ja Mulugu. Hiyo nili atu owelruza na makalelo apama. Nili atu oiziwetchetcha malamulo. 19Nili atu oameza aliba haona. Nili moneya zela ule unawenda muisini. 20Nili aliba awelruza atu ohokana toto eto nili anamafundjiha a ahima. Hiyo nnawenda na malamulo eto nihikana ibaribari na zelru dokwaranya zelru datene da ilambo ya vati.>> 21Atu anne anawonga eno, anaafundjiha afwiwa eto aliwa kahawandaga vifundjiha. Analaleya ira kube eto na aliwene anoba. 22Analaleya ira kuraruwe eto na aliwene anoraruwa. Analaleya ira ikwamutu yosema tchi yengo yotakala agali aliwa banavolowa munyumbani munatamalela atu vikwamutu josema jile, kabaga jengo jili emo. 23AJudewu ale anavititimiha zela harihamo wewa malamulo eto ba amohive anampetiha Mulugu moviringaniha malamulo! 24Muselu wa aJudewu ale unalandana na muselu ulrembiwe mMazuni oira:
<<Atu ohokala aJudewu analuluviha nzina na Mulugu na mwasa oona joviringaniha jinera nyo.>>
Ibaribari zela kala muJudewu wa ibaribari
25Tchoira ineliwa#2:25 ineliwa unawongiwa va kahi nnga ineliwa wa tempu ili hiyo ila. Wanle Mulugu ohomuwandela Abarahamu ira: mwana wa mwanapongwe uli watene unabaliwege vande vawo, akwakwanihaga malambo matanu na mararu, inafwanela aineliwe. (Jenesesi 17:10-14) Eto aineliwa ali ahima a alombwana ve, kakwakwaniha malambo matanu na mararu. Ku wonga mwana agali nnyenya na mmandani. Nione Levitiku 12:3. Ku wonga ja lunga jinera azombwe eto ja zoma jinera anamwali tempu ili hiyo ila, kajinna pandi na Mulugu. unakana mabasa zela ule unawanda harihamo malamulo. Mbwenye wagamanle ineliwa, wanonga malamulo, ineliwa wawo kunna mabasa. 26Eto mutu ohoineliwa aharihamo jofuneya ja malamulo, kodi ikala inamuhalela na mwasa oira liye kaineliwe? Nari. Mulugu unamuonege nnga mutu oineliwa. 27Evale muwari mwa atu ambinli, mmohi oineliwa, mmohi ohoineliwa, oineliwa ule aiziwa malamulo eto ahawandege harihamo malamulo, ule ahaineliwe awanda harihamo malamulo, unoza amugwihena mulandu nfwaye oineliwa ule.
28Tchoira muJudewu wa ibaribari kahi wenno unavioniheda iJudewu yaye undeve bahi. Eto ineliwa wa ibaribari kahi yengo yooneya zela ing'ana maningo a mutu. 29Kala muJudewu wa ibaribari eto kala mutu uineliwe na ibaribari kuzenle muwari mwa malamulo. Ineliwa wa muJudewu wa ibaribari unaireya mmirimani mwaye muwari mwa Munemba Otchena. Eto unafuna za mutetela kahi mutu nfwaye mbwenye gu Mulugu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral