Roma 12
12
Jokokomeza ja Pawulo zela atu omuroromela Yesu
1Nona miyo abalaga, nnafuna dukokomezeni eni ira nera niumbuwele tangaranga da Mulugu, inafwanela muvivelele maningwinyu ira mukale nnga mukuto wa ingumi, otchena, ofwanela vamentoni va Mulugu. Mutamalela Mulugu wa ibaribari ku vivelela wewo.
2Kamulandihiwe mawendelo a atu a mwilamboni ya vati. Mbwenye inafwanela musanduwe muwari motukula joumbuwela jixa ja Mulugu ira muwande xefwa jatene ira mukayena ibaribari, muone ndila inafuna Mulugu. Mwaira eno munoiziwa jengo japama, jofwanela, jokwakwanela jinafuna Mulugu.#12:2 muwande xefwa jatene: Xefwa unawongiwa ku wonga nahanairena yengo ili yatene, inafwanela nixefwe joira jehu muwari mwa mazu a Mulugu ira nione akala ti jengo jofwanela owu hehi johofwanela.
Jolemelela jinavaha Mulugu
3Mwa sayi da Mulugu, zela mabasa udivahile liye ira dihinde, miyo nnafuna duwandeleni ira inafwanela kada mutu agarati, avione na makalelo okwakwanela nnga vili liye, moviyeviha, hiya muwari movitukulela. Kada mutu uli liye avione mokwakwanela na nroromelo Mulugu unvahile liye.#12:3 Zela yokokomeza ira kada mutu avione na makalelo okwakwanela nnga vili liye ku wonga inafwanela mutu awande laba ejo jinawanda liye muwari mwa kopolo Mulugu unvahile liye hiyanihana viona nnga mutu ohokala wa masika. Eto zela yokokomeza yoira kada mutu avione mokwakwanela na nroromelo Mulugu unvahile liye ku wonga inafwanela kada mutu avione ira: <<Indjiva wa nroromelo ninna miyo, kuzenle muwari mwa kopolo daga meka nari, Mulugu gudivahile.>> Ku wonga mutu omuroromela Yesu aviona, kanawanda vitukulela mwasiwa jatene jinna liye nari nroromelo ninna liye, uvahiwe na Mulugu. 4Mwasiwa hiyo atu omuroromela Yesu nili nnga maningo a mutu mmohi. Maningo anokana jano jidjindji. Mbwenye jano jatene kajinna mabasa mamohive. Kada yano ikana mabasa inalaba atu. 5Kalaga nnga hiyo atu omuroromela Yesu. Muwari mwa Kiristu muli hiyo masiki niindjive, maningwihu ba mamohive. Nnaoneya nnga nili jano ja maningo mamohi.
6Kada mutu omuroromela Yesu ukana yolemelela Mulugu invahile liye mwa sayi. Ili yapama kada mutu alabegena yolemelela yenno Mulugu invahile liye. Akala Mulugu uuvahile yolemelela ira uwandege fiyiheda ja Mulugu, ufiyihedege na nroromelo ninna we. 7Akala Mulugu uuvahile yolemelela ira uwandege akamiheda afwawo, waakamihedege afwawo. Akala Mulugu uuvahile yolemelela ira uwandege afundjiha afwawo, waafundjihege afwawo. 8Akala Mulugu uuvahile yolemelela ira uwandege alimbiha afwawo, waalimbihege afwawo. Akala Mulugu uuvahile yolemelela ira uwandege avaha afwawo jengo, waavahege afwawo nnga vagomele kana wawo. Akala Mulugu uuvahile yolemelela yoasogolrelra afwawo, waasogolrelrege na mmirimani mwawo mwatene. Akala Mulugu uuvahile yolemelela ira uwandege awendela afwawo tangaranga, uiregena mohagalala.#12:6-8 Kada mutu omuroromela Yesu ukana yolemelela Mulugu invahile liye: Inafwanela niiziwe ira Pawulo kalrembile ira: <<Miyo nnafuna dilrembevo jolemelela jatene.>> Tchoira nafwanya jolemelela jinafwanyeya Roma 12:6-8 eto nafwanya jolemelela jinafwanyeya 1 Korinto 12:8-10,28-30, nnofwanya ira malista a jolemela jiwa kahi mamohive. Ku wonga jolemelela jihiindjiva. Eto jolemelela jimohi jiwa ti jengo jinakokomeziwa para atu atene omuroromela Yesu kairegena. Ku wonga agali mutu mmohi unokana yolemelela ira awande akamiheda afwaye, atu omuroromela Yesu atene anokokomeziwa ira kakamihedegena.
Mawendelo ofwanela para atu omuroromela Yesu
9Zivelana wenyu kukale zivelana wa ungongomwa. Inafwanela muidege jengo jabure. Muhidedege jengo japama. 10Muzivelanege na makalelo nnga anazivelana atu a muibalini mmohive. Eto kada mutu alimbihede muriheda nfwaye na makalelo apama okwaranya makalelo anarihediwetcha liye. 11Kamuirege japama molramwisa. Inafwanela muiregena japama mwa Munemba, mmulabaga Nabwiya. 12Mukale atu ohagalala muwari moing'anela, mukale atu ovilela muwari mwa makatamiho eto mulobelege tempu datene. 13Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.
14Mwaarelihege ale anauharaharani. Hiya iraga atembelrelra, muirege areliha. 15Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege. 16Muwendege na murendele kada mutu na nfwaye. Kamukale atu oapeta afwinyu, mbwenye muwendege vamohi na atu olramwisiwa. Eto kamukale oviona nnga muli a toto.
17Kammuwelihede ubure mutu wenno unauirelani ubure. Mbwenye musakege irana japama vamentoni va atu atene. 18Akala jowandeya, zela pandi yenyu, muvende wenda na murendele na atu atene. 19Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu.#12:19 muhiye yengwele mmandani mwa uwali wa Mulugu: Muwari moiziwa ira Mulugu unoza atonge, hiyo nnowanda vilela na jabure jinaireliwa hiyo. Tchoira jotega jatene jinatongiwa muwari mwa makalelo menli. Jihikalawo jotega jitongiwe muwari mwa ukwa wa Yesu Kiristu. Jihikalawo jotega jinafuna tongiwa muwari mwa mutu tatileliwa munloni kala no kala. Muwari moiziwa makalelo menli anatonga Mulugu jotega jatene, hiyo nnowanda hiya mmandani mwaye jabure jatene jinaireliwa hiyo. Kalaga nnga mazu a Mulugu kalrembiwe wanle oira:
<<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >> #
Detoronomiyo 32:35
20Nyo mbwenye, inafwanela mutu unauidani akana ndala, munvahe jodja. Akana ntona, munvahe mahindje. Tchoira mwairana eno, muhumpwateliha mutule makalra a munlo vamuru vaye. 21Kamugondjihiwe na ubure, mbwenye nyo mugondjihege ubure moirana japama.
Currently Selected:
Roma 12: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Roma 12
12
Jokokomeza ja Pawulo zela atu omuroromela Yesu
1Nona miyo abalaga, nnafuna dukokomezeni eni ira nera niumbuwele tangaranga da Mulugu, inafwanela muvivelele maningwinyu ira mukale nnga mukuto wa ingumi, otchena, ofwanela vamentoni va Mulugu. Mutamalela Mulugu wa ibaribari ku vivelela wewo.
2Kamulandihiwe mawendelo a atu a mwilamboni ya vati. Mbwenye inafwanela musanduwe muwari motukula joumbuwela jixa ja Mulugu ira muwande xefwa jatene ira mukayena ibaribari, muone ndila inafuna Mulugu. Mwaira eno munoiziwa jengo japama, jofwanela, jokwakwanela jinafuna Mulugu.#12:2 muwande xefwa jatene: Xefwa unawongiwa ku wonga nahanairena yengo ili yatene, inafwanela nixefwe joira jehu muwari mwa mazu a Mulugu ira nione akala ti jengo jofwanela owu hehi johofwanela.
Jolemelela jinavaha Mulugu
3Mwa sayi da Mulugu, zela mabasa udivahile liye ira dihinde, miyo nnafuna duwandeleni ira inafwanela kada mutu agarati, avione na makalelo okwakwanela nnga vili liye, moviyeviha, hiya muwari movitukulela. Kada mutu uli liye avione mokwakwanela na nroromelo Mulugu unvahile liye.#12:3 Zela yokokomeza ira kada mutu avione na makalelo okwakwanela nnga vili liye ku wonga inafwanela mutu awande laba ejo jinawanda liye muwari mwa kopolo Mulugu unvahile liye hiyanihana viona nnga mutu ohokala wa masika. Eto zela yokokomeza yoira kada mutu avione mokwakwanela na nroromelo Mulugu unvahile liye ku wonga inafwanela kada mutu avione ira: <<Indjiva wa nroromelo ninna miyo, kuzenle muwari mwa kopolo daga meka nari, Mulugu gudivahile.>> Ku wonga mutu omuroromela Yesu aviona, kanawanda vitukulela mwasiwa jatene jinna liye nari nroromelo ninna liye, uvahiwe na Mulugu. 4Mwasiwa hiyo atu omuroromela Yesu nili nnga maningo a mutu mmohi. Maningo anokana jano jidjindji. Mbwenye jano jatene kajinna mabasa mamohive. Kada yano ikana mabasa inalaba atu. 5Kalaga nnga hiyo atu omuroromela Yesu. Muwari mwa Kiristu muli hiyo masiki niindjive, maningwihu ba mamohive. Nnaoneya nnga nili jano ja maningo mamohi.
6Kada mutu omuroromela Yesu ukana yolemelela Mulugu invahile liye mwa sayi. Ili yapama kada mutu alabegena yolemelela yenno Mulugu invahile liye. Akala Mulugu uuvahile yolemelela ira uwandege fiyiheda ja Mulugu, ufiyihedege na nroromelo ninna we. 7Akala Mulugu uuvahile yolemelela ira uwandege akamiheda afwawo, waakamihedege afwawo. Akala Mulugu uuvahile yolemelela ira uwandege afundjiha afwawo, waafundjihege afwawo. 8Akala Mulugu uuvahile yolemelela ira uwandege alimbiha afwawo, waalimbihege afwawo. Akala Mulugu uuvahile yolemelela ira uwandege avaha afwawo jengo, waavahege afwawo nnga vagomele kana wawo. Akala Mulugu uuvahile yolemelela yoasogolrelra afwawo, waasogolrelrege na mmirimani mwawo mwatene. Akala Mulugu uuvahile yolemelela ira uwandege awendela afwawo tangaranga, uiregena mohagalala.#12:6-8 Kada mutu omuroromela Yesu ukana yolemelela Mulugu invahile liye: Inafwanela niiziwe ira Pawulo kalrembile ira: <<Miyo nnafuna dilrembevo jolemelela jatene.>> Tchoira nafwanya jolemelela jinafwanyeya Roma 12:6-8 eto nafwanya jolemelela jinafwanyeya 1 Korinto 12:8-10,28-30, nnofwanya ira malista a jolemela jiwa kahi mamohive. Ku wonga jolemelela jihiindjiva. Eto jolemelela jimohi jiwa ti jengo jinakokomeziwa para atu atene omuroromela Yesu kairegena. Ku wonga agali mutu mmohi unokana yolemelela ira awande akamiheda afwaye, atu omuroromela Yesu atene anokokomeziwa ira kakamihedegena.
Mawendelo ofwanela para atu omuroromela Yesu
9Zivelana wenyu kukale zivelana wa ungongomwa. Inafwanela muidege jengo jabure. Muhidedege jengo japama. 10Muzivelanege na makalelo nnga anazivelana atu a muibalini mmohive. Eto kada mutu alimbihede muriheda nfwaye na makalelo apama okwaranya makalelo anarihediwetcha liye. 11Kamuirege japama molramwisa. Inafwanela muiregena japama mwa Munemba, mmulabaga Nabwiya. 12Mukale atu ohagalala muwari moing'anela, mukale atu ovilela muwari mwa makatamiho eto mulobelege tempu datene. 13Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.
14Mwaarelihege ale anauharaharani. Hiya iraga atembelrelra, muirege areliha. 15Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege. 16Muwendege na murendele kada mutu na nfwaye. Kamukale atu oapeta afwinyu, mbwenye muwendege vamohi na atu olramwisiwa. Eto kamukale oviona nnga muli a toto.
17Kammuwelihede ubure mutu wenno unauirelani ubure. Mbwenye musakege irana japama vamentoni va atu atene. 18Akala jowandeya, zela pandi yenyu, muvende wenda na murendele na atu atene. 19Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu.#12:19 muhiye yengwele mmandani mwa uwali wa Mulugu: Muwari moiziwa ira Mulugu unoza atonge, hiyo nnowanda vilela na jabure jinaireliwa hiyo. Tchoira jotega jatene jinatongiwa muwari mwa makalelo menli. Jihikalawo jotega jitongiwe muwari mwa ukwa wa Yesu Kiristu. Jihikalawo jotega jinafuna tongiwa muwari mwa mutu tatileliwa munloni kala no kala. Muwari moiziwa makalelo menli anatonga Mulugu jotega jatene, hiyo nnowanda hiya mmandani mwaye jabure jatene jinaireliwa hiyo. Kalaga nnga mazu a Mulugu kalrembiwe wanle oira:
<<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >> #
Detoronomiyo 32:35
20Nyo mbwenye, inafwanela mutu unauidani akana ndala, munvahe jodja. Akana ntona, munvahe mahindje. Tchoira mwairana eno, muhumpwateliha mutule makalra a munlo vamuru vaye. 21Kamugondjihiwe na ubure, mbwenye nyo mugondjihege ubure moirana japama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral