Markuji 16
16
Venya wa Yesu mokwani
Matewuji 28:1-8; Lukaji 24:1-12; Juwawu 20:1-10
1Sabado agavirile, Mariya nkuda Madala na Mariya mmaye wa Tiyagu, na muhiyana mmohiwa eriwa Salome, kohovenyaga, dowa gula maperefume ira kadowe kahele maningo a Yesu. 2Siku noroma na sumana na mabebehene, nzuwa niromaga kuma, kohomaruwaga kadowaga nifukweni ule. 3Kadowaga mundila, kofukanaga mmohi na nfwaye keraga: <<Nnga unafuna kumihawo nibwe nifungilena atu masiye ule bani?>> 4Aliwa eto kagafiyile, kafwanyilege nibwe nlukulu nohokala na masika nne nagakumihiwewo. 5Evale kagavolowile munifukweni mule, kagaing'anne ikukuru ya muwononi odjana, kohomuona muzombwe mmohi agaratile emule, awarilege bata yotchena. Evale ahiyanale kohorendjeya. 6Mbwenye muzombole ohawandelaga ira: <<Kamuove. Miyo dihiiziwa ira nyo munanvenda Yesu wa Nazareti, wenno akomeliwe vamuradini. Kaing'anani nimburo vamuhenle atu va, kalivo. Uhuvenya mokwani. 7Welani, mudowe mwaawandele anamamuharaye vamohi na Peduru ira: <Eni Yesu unasogolra, unadowa Galileya. Nyo munomuona wewo nnga mwemo mwauwandenleni liye.> >> 8Ahiyanale kohokumaga masiye ule mobaranya katawaga mwasiwa kohokagana ova ulukulu eto kongurumelaga. Kadowaga mundila tchawongilegeve na mutu mwasiwa kohosimbwa rendjeya.
Yesu ohakumelela atu
9 # 16:9 MaBibiliya amohiwa a wanle kinazana mazu a 16:9-20. [Yesu agavenyile mokwani na mabebehene siku noroma na sumana, ababihile nkumelela Mariya nkuda Madala wenno amukumihilemo liye minemba dabure mitanu na minli. 10Mariya ule agamuonne Yesu, ohodowa wa Yesu afwaye ira aawandelemo. Fwanyeya ira mwa tempu yenne aliwa kafwanyeya kakumbanyaga eto kanlaga na mwasa wa ukwa wa Yesu. 11Mbwenye Mariyole agaawandenle ira: <<Yesu ukalawo. Miyo dihimuona>>, aliwa tcharoromenle jawonga liye.
12Noira eno, Yesu ohakumelela atu ambinli kakuma sidadi ya Jeruzalemu kawendaga mundila. Liye ohakumelela na makalelo amohiwa kahawandile atu muona ira gu Yesu. 13Kagamuonne, aliwa kohowelela wali afwiwa, aliwa awandelamo. Mbwenye afwiwale tcharoromenle.
Yesu oharuma anamamuharaye ira kalaleye
14Nomala eno, anamamuhara Yesu kumi na mmohi kagagumanne kadjaga vameza, Yesu ohakumelela. Evale ohasumulula zela vanda wewa mirima eto na mwasa okala atu ohofuna roromela. Tchoira tchawandile roromela mazu kawandeliwa atu na ale kamuonne Yesu agavennye mokwani.
15Noira eno, Yesu ohawandelaga anamamuharaye eraga: <<Mudowe mwilamboni mwatene ya vati, mwaalaleye atu atene Muselu Wapama. 16Mutu wenno unaroromele jinalaleya nyo eto abatiziwa, unovulusiwa. Mbwenye mutu wenno ahanaroromele unotongiwa.>>
17Eto atu anno anaroromele anovahiwa utongi oirana matikiniho. Matikiniho anavahiwege atu ba ala. Anerege tamangiha minemba dabure na nzina naga eto anerege wonga viwongelo didjindji dahafundjile atu. 18Aliwa kahinda nyowa nari kang'wa jengo jimohi jiwa jene jopa, kinaonege yabure ili yatene eto kaahinda arenda, arendale anerege vulumuwa.
19Nabwiya Yesu agamanle wonga na aliwa, ohotukuliwavo, liye dowihiwa zulu, liye garati ikukuru ya muwononi odjana wa Mulugu. 20Anamamuharaye ale kagahanle, kohodowa laleya mwatene mwene. Muwari molaleya Muselu Wapama, Nabwiya oakamiheda, airagana jionihedo muwari mwa aliwa ira atu kakayena ibaribari zela mazu kalaleya atu].
Kukala mazu Markuji alrembile liye mwa kopolo da Munemba Otchena zela jaira Yesu agali mwilamboni ya vati.
Currently Selected:
Markuji 16: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Markuji 16
16
Venya wa Yesu mokwani
Matewuji 28:1-8; Lukaji 24:1-12; Juwawu 20:1-10
1Sabado agavirile, Mariya nkuda Madala na Mariya mmaye wa Tiyagu, na muhiyana mmohiwa eriwa Salome, kohovenyaga, dowa gula maperefume ira kadowe kahele maningo a Yesu. 2Siku noroma na sumana na mabebehene, nzuwa niromaga kuma, kohomaruwaga kadowaga nifukweni ule. 3Kadowaga mundila, kofukanaga mmohi na nfwaye keraga: <<Nnga unafuna kumihawo nibwe nifungilena atu masiye ule bani?>> 4Aliwa eto kagafiyile, kafwanyilege nibwe nlukulu nohokala na masika nne nagakumihiwewo. 5Evale kagavolowile munifukweni mule, kagaing'anne ikukuru ya muwononi odjana, kohomuona muzombwe mmohi agaratile emule, awarilege bata yotchena. Evale ahiyanale kohorendjeya. 6Mbwenye muzombole ohawandelaga ira: <<Kamuove. Miyo dihiiziwa ira nyo munanvenda Yesu wa Nazareti, wenno akomeliwe vamuradini. Kaing'anani nimburo vamuhenle atu va, kalivo. Uhuvenya mokwani. 7Welani, mudowe mwaawandele anamamuharaye vamohi na Peduru ira: <Eni Yesu unasogolra, unadowa Galileya. Nyo munomuona wewo nnga mwemo mwauwandenleni liye.> >> 8Ahiyanale kohokumaga masiye ule mobaranya katawaga mwasiwa kohokagana ova ulukulu eto kongurumelaga. Kadowaga mundila tchawongilegeve na mutu mwasiwa kohosimbwa rendjeya.
Yesu ohakumelela atu
9 # 16:9 MaBibiliya amohiwa a wanle kinazana mazu a 16:9-20. [Yesu agavenyile mokwani na mabebehene siku noroma na sumana, ababihile nkumelela Mariya nkuda Madala wenno amukumihilemo liye minemba dabure mitanu na minli. 10Mariya ule agamuonne Yesu, ohodowa wa Yesu afwaye ira aawandelemo. Fwanyeya ira mwa tempu yenne aliwa kafwanyeya kakumbanyaga eto kanlaga na mwasa wa ukwa wa Yesu. 11Mbwenye Mariyole agaawandenle ira: <<Yesu ukalawo. Miyo dihimuona>>, aliwa tcharoromenle jawonga liye.
12Noira eno, Yesu ohakumelela atu ambinli kakuma sidadi ya Jeruzalemu kawendaga mundila. Liye ohakumelela na makalelo amohiwa kahawandile atu muona ira gu Yesu. 13Kagamuonne, aliwa kohowelela wali afwiwa, aliwa awandelamo. Mbwenye afwiwale tcharoromenle.
Yesu oharuma anamamuharaye ira kalaleye
14Nomala eno, anamamuhara Yesu kumi na mmohi kagagumanne kadjaga vameza, Yesu ohakumelela. Evale ohasumulula zela vanda wewa mirima eto na mwasa okala atu ohofuna roromela. Tchoira tchawandile roromela mazu kawandeliwa atu na ale kamuonne Yesu agavennye mokwani.
15Noira eno, Yesu ohawandelaga anamamuharaye eraga: <<Mudowe mwilamboni mwatene ya vati, mwaalaleye atu atene Muselu Wapama. 16Mutu wenno unaroromele jinalaleya nyo eto abatiziwa, unovulusiwa. Mbwenye mutu wenno ahanaroromele unotongiwa.>>
17Eto atu anno anaroromele anovahiwa utongi oirana matikiniho. Matikiniho anavahiwege atu ba ala. Anerege tamangiha minemba dabure na nzina naga eto anerege wonga viwongelo didjindji dahafundjile atu. 18Aliwa kahinda nyowa nari kang'wa jengo jimohi jiwa jene jopa, kinaonege yabure ili yatene eto kaahinda arenda, arendale anerege vulumuwa.
19Nabwiya Yesu agamanle wonga na aliwa, ohotukuliwavo, liye dowihiwa zulu, liye garati ikukuru ya muwononi odjana wa Mulugu. 20Anamamuharaye ale kagahanle, kohodowa laleya mwatene mwene. Muwari molaleya Muselu Wapama, Nabwiya oakamiheda, airagana jionihedo muwari mwa aliwa ira atu kakayena ibaribari zela mazu kalaleya atu].
Kukala mazu Markuji alrembile liye mwa kopolo da Munemba Otchena zela jaira Yesu agali mwilamboni ya vati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral