Lukaji 4
4
Yesu ohoxixiwa na Satana
Matewuji 4:1-11; Markuji 1:12-13
1Yesu ohokumaga muhindje Jordawu agazaleliwe Munemba Otchena. Evale ohosogolrelriwa na Munemba mmohive wenne ira adowege muisalesaleni. 2Agadowile muisalesaleni mule, ohomala malambo 40 ntana na mahiyu ahadjile yengo, eraga xixiwa na Diyabo. Magomelo uwa ohokana ndala. 3Evale Diyabo ohomuwongana eraga: <<Weyo akala uli Mwana Mulugu, uwonge na nibwe ni ira nisanduwe nikale pawu.>> 4Evale Yesu ohomuwakula, liye ira: <<MMazuni muhulrembiwa ira: <Kahi pawu ve bahi inamukalihawo mutu.>#Detoronomiyo 8:3 >> 5Diyabo eto ohomutukula Yesu, mudowana nimburo notama bure, liye muoniha maumwene matene a ilambo ya vati ora imohive. 6Evale ohomuwandelaga eraga: <<Miyo nnafuna duvahe maumwene matene no rayela unafwanyeyana maumwene ala, mwasiwa miyo dihivahiwa jatene jeji ira jikale jaga eto dihikana utongi owanda nvaha mutu unanfunana miyo. 7Malringana wadikokorela uditamalela, jatene jeji jinokala jawo.>> 8Evale Yesu omuwakulaga ira: <<MMazuni eto muhulrembiwa ira: <Umutamalelege Nabwiya Mulugu wawo eto umulabege liyene bahi.>#Detoronomiyo 6:13 >> 9Diyabo eto ohomutukula Yesu amudowagana Jeruzalemu, liye muhela vazulu va Nyumba ya Yehova, nimburo notama bure. Evale ohomuwandelaga eraga: <<Akala weyo uli Mwana Mulugu, uvivoke vazulu va nyumba vali we vo, umorele vati. 10Mwasiwa ihilrembiwa mMazuni ira:
<Mulugu unoaruma angelro aye ira kauing'anele. 11Aliwa anouhidedela na mandiwa ira manyalo awo kahaporeye na mabwe.> >>#Salmu 91:11-12
12Evale Yesu ohomuwakulaga ira: <<MMazuni eto muhulrembiwa ira: <Kumuxixe Nabwiya Mulugu wawo.> >> 13Evale Diyabo agamuxixile Yesu na makalelo matene ohiyana-hiyana, ohomuhiya para tempu imohiwa.
Yesu oholramwisiwa sidadi ya Nazareti
Matewuji 13:53-58; Markuji 6:1-6
14Yesu ohowelela porovinsiya ya Galileya muwari mwa kopolo da Munemba Otchena. Makalelo anna liye kohovweya mwilamboni yatene ya wewule. 15Eto liye ohoroma fundjiha munyumbani mwiwa mwemo mwafundja atu mazu.#4:15 munyumbani mwiwa mwemo mwafundja atu mazu: Yali nyumba aJudewu mwafundja atu mazu wanle. Tchoira aJudewu kohovahiwa malamulo madjindji a Mulugu na sanganiko didjindji. Evale aliwa kohokana nyumba yagumanetcha atu kafundjagamo jatene ejo. Kada vatatamoni kokana nyumba yewa yofundjamo mazu nnga vinaireya na maigereja malambwala. Ku wonga nyumba dofundjamo Mazu mwilamboni yatene kahi ira yali nyumba imohive nari. So mbwenye Nyumba ya Yehova yali imohive ilambo yatene ya vati. Tempu yali Yesu mwilamboni ya vati, ovolowetcha nyumba dofundjamo Mazu dile. Mwa enne ohoroma tamaleliwa mwa atu atene na mwasa wa jofundjiha jaye.
16Noira eno, Yesu ohovenya, liye dowa Nazareti wewo waulukulenle liye. Nnga molemelela, nagafiyile siku na sabado, ohovolowaga muwari mwa nyumba yofundjamo Mazu. Agavolowile, ohoimelaga ira aileri mazu. 17Evale kohonvahaga livuru na namafiyiheda Izaiya. Liye agatukunle, ohogudubulra, liye fwanya vevo valrembiwe mazu oira:
18 <<Munemba wa Nabwiya uli na miyo. Mwasiwa Nabwiya udihambihile ira daalaleye Muselu Wapama aliba simela eto udirumile ira daalaleye mazu aliba kadeya ira kawomboliwe, aliba haona kaonege, ale anazuzumihiwa kakutchiwe muwari mo zuzuma wewa. 19Eto udirumile ira dilaleye ira: <Yaka ya sayi da Nabwiya tchenna.> >>#Izaiya 58:6, 61:1-2
20Yesu agailerile eno, ohofungaga livuru nne, liye nvaha musogolrelri, liye dowa garati. Vevale agagaratile, atu atene kaligi mwemule kohokalelaga muing'ana do do do. 21Vevale Yesu ohoromaga wonga, liye ira: <<Mazu muvwile nyo ala, kohomala kwakwanela peno eni.>>#4:21 Mazu muvwile nyo ala, kohomala kwakwanela peno eni. Ku wonga Yesu ohawandela atwale ira: <<Namatikeliwa amuwonga Izaiya gu miyo.>>
22Kagavwile mazu matene awonga Yesu, atene kohowonga japama zela wa Yesu. Kohotikina zela mazu a sayi dawonga liye. Vevale eto kohoroma fukanaga, keraga: <<Wenna kahi mwana Joze?>> 23Evale Yesu ohowonga na atwale eraga: <<Miyo dihiiziwa ira nyo munafuna nnga mudiwongelaga miyo imariya yenno inawongiwetcha ira: <Akala uli mediku, wabulelaga uvivulumutche wa mwinnya!> Tapulela ira nyo munafuna mwagadirumile ira: <Matikiniho waira we ilambo ya Kafaranamu, kairana uno ilambo ya waninyu ila.> >>
24Yesu ohowongagave, eraga: <<Na ibaribari nnouwandelani ira kalivo namafiyiheda unarihediwa ilambo ya waniwa. 25Na ibaribari nnouwandelani ira muselu wenna unakala nnga jaireyile wanle.#1 Amwene 17:1, 18:1 Mwilamboni muno tempu yalimo namafiyiheda Eliya vohomala yaka taru na medi mitanu na mmohi muzongwe zulu aharumbwaga. Ilambo yatene ya Izarayeli mohokala ndala. Amakwele a ahiyana kali muIzarayeli muno tempu ya namafiyiheda Eliya tchali a masika. 26Mulugu mbwenye kamurumile Eliya ira adowe wa amakwele a ahiyana a Izarayeli kafwanyeya muno, nari.#1 Amwene 17:9 So mbwenye amurumile Eliya ira adowe wa makwele wa muhiyana mmohi akala sidadi ya Sarepita, ilambo ya Sidoni.#4:26 Mulugu mbwenye kamurumile Eliya ira adowe wa amakwele a ahiyana a Izarayeli: Yesu awongaga zela yofwalrafwaniha yenna ali ira awande awandela ira liye kairana ionihedo ili yatene vailamboni vaye, mbwenye afuna adowe airena vilambo dimohi diwa dafwanyeya olapela wene. Voira Eliya kadowile wa ahiyana a vaniwa, mbwenye adowile wa makwele mmohi afwanyeya ilambo yolapela, na Yesu wenne afuna adowe airena jitonyihedo ilambo yolapela. 27Sawasawa nnga jaireyile mwilamboni muno tempu yalimo namafiyiheda Elizewu. Tempu yaliwo liye kohokalawo aIzarayeli okana maranya. Mbwenye mulombwana Elizewu kanvulumutchile nne mutu mmohi muwari mwa aliwa. So mbwenye mutu anvulumutchile liye ali wa ilambo ya Siriya bahi aitaniwa Namani.>>
28Yesu agamanle wonga mazu anne, atu atene kafwanyeyaga mmba mule kohotakaleliwaga valukulu. 29Mwa enne kohovenya, aliwa muhinda Yesu, mudowana unde wa sidadi. Eto fwanyeya ira sidadiwa kamangile vamwangoni. Atu kamuhindile Yesu ale kamudowagana kohokana yofuna ira: <<Nafiya wewule, namundunyele vodiha valukulu vale.>> 30Mbwenye kaganfiyilena vazulu vale, Yesu kawandeyile. Ohoviraga vari vewa, liye dowaga jaye.
Yesu ohotamangiha munemba wabure
Markuji 1:21-28
31Yesu agakumile evale, ohodowaga Kafaranamu, sidadi imohi inafwanyeya muwari mwa ilambo ya Galileya. Agafiyile wewule ohoromaga afundjiha atu siku na sabado. 32Evale atu aafundjihaga liye ale kotikiniheya na makalelo afundjiha liye mwasiwa liye afundjiha na utongi. 33Munyumbani mwafundjihaga liye mazu mule mohokalaga mulombwana mmohi anna munemba wabure, otakala. Mulombwanole ohokuwaga eraga: 34<<Yesu wa Nazareti, nnga munafuna muniirele nni hiyo? Kodi mwazela ira munitolotche? Miyo duhuiziwani pama. Nyo muli Mutu Otchena wa Mulugu.>> 35Evale Yesu ohomusumulula munemba otakala ule eraga: <<Kamiyala, ukumemo mwa mutuyo!>>#4:35 Kamiyala, ukumemo mwa mutuyo! Munemba wabure ule ohomuiziwa Yesu, liye wongaga ibaribari zela Yesu. Yesu mbwenye kafuna hidedeliwa umboni na munemba wabure. Nona ammiyalihaga. Munemba wabure ule ohonvokelaga vati mutule, liye kumamo. Mutule ohogwela vati, mbwenye kaporeyile. 36Evale atu atene kaligi mmba mule kohotikiniheyaga karomaga wonga kada mutu na nfwaye keraga: <<Mazu anna anatapulela nni? Wenna ukana utongi na kopolo dowanda wonga na minemba dotakala. Eto awonga na minemba dile, nnonvwelela.>> 37Evale joira jaye johoroma vweya tatamo datene dawandamenle wewule.
Yesu ohavulumutcha atu adjindji
Matewuji 8:14-17; Markuji 1:29-34
38Yesu ohovenyagamo muwari mwa nyumba yofundjamo Mazu mule, liye dowa vande va mulombwana Simawu. Eto fwanyeya ira mulombwana Simawu okana mbogohaye afwanyeya agali murenda aganna febiri. Yesu agafiyile vande vale, aliwa kohonvepa ira anvulumutche. 39Evale Yesu ohodowaga vevale vagonatilege murendole, liye wonga mosumulula ira: <<Febiri kakumamo mwa mutula.>> Noira eno, urendole wohomala, muhiyanole liye kala pama, liye venya roma asakanyela jodja. 40Evale nzuwa niviraga, atene kanna afwiwa okana maurenda ohiyana-hiyana koazana arendale, aliwa nvepaga Yesu ira aavulumutche. Nonvepa, Yesu oahela manda atwale, atene aliwa vulumuwaga. 41Minemba didjindji dabure dakumaga mwa atwale dokuwa diiraga: <<Nyo muli Mwana Mulugu.>> Evale Yesu osumulula minemba dabure dile ira dahamuromolege, mwasiwa dohomuiziwa Yesu ira gu Namatikeliwa.
42Unde wagatchile Yesu okumaga mwali atu mule, adowaga nimburo eni wahali atu. Agadowile wewule, atu atene kaligi evale kohoromaga musakasaka. Kaganfwannye kohonvepaga ira: <<Nyo kamudowe, hiyo nnafuna ira mukaleve wewuno.>> 43Evale Yesu ohawakulaga ira: <<Miyo nnafuna daalaleye atu a sidadi dimohi diwa ira na aliwene kaiziwe Muselu Wapama wa Umwene wa Mulugu. Tchoira Mulugu adirumile ira dilabe mabasa olaleya anno.>> 44Nomala enne, ohodowaga alaleyaga muwari mwa nyumba dofundjamo mazu dafwanyeya ilambo yatene ya Judeya.
Currently Selected:
Lukaji 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Lukaji 4
4
Yesu ohoxixiwa na Satana
Matewuji 4:1-11; Markuji 1:12-13
1Yesu ohokumaga muhindje Jordawu agazaleliwe Munemba Otchena. Evale ohosogolrelriwa na Munemba mmohive wenne ira adowege muisalesaleni. 2Agadowile muisalesaleni mule, ohomala malambo 40 ntana na mahiyu ahadjile yengo, eraga xixiwa na Diyabo. Magomelo uwa ohokana ndala. 3Evale Diyabo ohomuwongana eraga: <<Weyo akala uli Mwana Mulugu, uwonge na nibwe ni ira nisanduwe nikale pawu.>> 4Evale Yesu ohomuwakula, liye ira: <<MMazuni muhulrembiwa ira: <Kahi pawu ve bahi inamukalihawo mutu.>#Detoronomiyo 8:3 >> 5Diyabo eto ohomutukula Yesu, mudowana nimburo notama bure, liye muoniha maumwene matene a ilambo ya vati ora imohive. 6Evale ohomuwandelaga eraga: <<Miyo nnafuna duvahe maumwene matene no rayela unafwanyeyana maumwene ala, mwasiwa miyo dihivahiwa jatene jeji ira jikale jaga eto dihikana utongi owanda nvaha mutu unanfunana miyo. 7Malringana wadikokorela uditamalela, jatene jeji jinokala jawo.>> 8Evale Yesu omuwakulaga ira: <<MMazuni eto muhulrembiwa ira: <Umutamalelege Nabwiya Mulugu wawo eto umulabege liyene bahi.>#Detoronomiyo 6:13 >> 9Diyabo eto ohomutukula Yesu amudowagana Jeruzalemu, liye muhela vazulu va Nyumba ya Yehova, nimburo notama bure. Evale ohomuwandelaga eraga: <<Akala weyo uli Mwana Mulugu, uvivoke vazulu va nyumba vali we vo, umorele vati. 10Mwasiwa ihilrembiwa mMazuni ira:
<Mulugu unoaruma angelro aye ira kauing'anele. 11Aliwa anouhidedela na mandiwa ira manyalo awo kahaporeye na mabwe.> >>#Salmu 91:11-12
12Evale Yesu ohomuwakulaga ira: <<MMazuni eto muhulrembiwa ira: <Kumuxixe Nabwiya Mulugu wawo.> >> 13Evale Diyabo agamuxixile Yesu na makalelo matene ohiyana-hiyana, ohomuhiya para tempu imohiwa.
Yesu oholramwisiwa sidadi ya Nazareti
Matewuji 13:53-58; Markuji 6:1-6
14Yesu ohowelela porovinsiya ya Galileya muwari mwa kopolo da Munemba Otchena. Makalelo anna liye kohovweya mwilamboni yatene ya wewule. 15Eto liye ohoroma fundjiha munyumbani mwiwa mwemo mwafundja atu mazu.#4:15 munyumbani mwiwa mwemo mwafundja atu mazu: Yali nyumba aJudewu mwafundja atu mazu wanle. Tchoira aJudewu kohovahiwa malamulo madjindji a Mulugu na sanganiko didjindji. Evale aliwa kohokana nyumba yagumanetcha atu kafundjagamo jatene ejo. Kada vatatamoni kokana nyumba yewa yofundjamo mazu nnga vinaireya na maigereja malambwala. Ku wonga nyumba dofundjamo Mazu mwilamboni yatene kahi ira yali nyumba imohive nari. So mbwenye Nyumba ya Yehova yali imohive ilambo yatene ya vati. Tempu yali Yesu mwilamboni ya vati, ovolowetcha nyumba dofundjamo Mazu dile. Mwa enne ohoroma tamaleliwa mwa atu atene na mwasa wa jofundjiha jaye.
16Noira eno, Yesu ohovenya, liye dowa Nazareti wewo waulukulenle liye. Nnga molemelela, nagafiyile siku na sabado, ohovolowaga muwari mwa nyumba yofundjamo Mazu. Agavolowile, ohoimelaga ira aileri mazu. 17Evale kohonvahaga livuru na namafiyiheda Izaiya. Liye agatukunle, ohogudubulra, liye fwanya vevo valrembiwe mazu oira:
18 <<Munemba wa Nabwiya uli na miyo. Mwasiwa Nabwiya udihambihile ira daalaleye Muselu Wapama aliba simela eto udirumile ira daalaleye mazu aliba kadeya ira kawomboliwe, aliba haona kaonege, ale anazuzumihiwa kakutchiwe muwari mo zuzuma wewa. 19Eto udirumile ira dilaleye ira: <Yaka ya sayi da Nabwiya tchenna.> >>#Izaiya 58:6, 61:1-2
20Yesu agailerile eno, ohofungaga livuru nne, liye nvaha musogolrelri, liye dowa garati. Vevale agagaratile, atu atene kaligi mwemule kohokalelaga muing'ana do do do. 21Vevale Yesu ohoromaga wonga, liye ira: <<Mazu muvwile nyo ala, kohomala kwakwanela peno eni.>>#4:21 Mazu muvwile nyo ala, kohomala kwakwanela peno eni. Ku wonga Yesu ohawandela atwale ira: <<Namatikeliwa amuwonga Izaiya gu miyo.>>
22Kagavwile mazu matene awonga Yesu, atene kohowonga japama zela wa Yesu. Kohotikina zela mazu a sayi dawonga liye. Vevale eto kohoroma fukanaga, keraga: <<Wenna kahi mwana Joze?>> 23Evale Yesu ohowonga na atwale eraga: <<Miyo dihiiziwa ira nyo munafuna nnga mudiwongelaga miyo imariya yenno inawongiwetcha ira: <Akala uli mediku, wabulelaga uvivulumutche wa mwinnya!> Tapulela ira nyo munafuna mwagadirumile ira: <Matikiniho waira we ilambo ya Kafaranamu, kairana uno ilambo ya waninyu ila.> >>
24Yesu ohowongagave, eraga: <<Na ibaribari nnouwandelani ira kalivo namafiyiheda unarihediwa ilambo ya waniwa. 25Na ibaribari nnouwandelani ira muselu wenna unakala nnga jaireyile wanle.#1 Amwene 17:1, 18:1 Mwilamboni muno tempu yalimo namafiyiheda Eliya vohomala yaka taru na medi mitanu na mmohi muzongwe zulu aharumbwaga. Ilambo yatene ya Izarayeli mohokala ndala. Amakwele a ahiyana kali muIzarayeli muno tempu ya namafiyiheda Eliya tchali a masika. 26Mulugu mbwenye kamurumile Eliya ira adowe wa amakwele a ahiyana a Izarayeli kafwanyeya muno, nari.#1 Amwene 17:9 So mbwenye amurumile Eliya ira adowe wa makwele wa muhiyana mmohi akala sidadi ya Sarepita, ilambo ya Sidoni.#4:26 Mulugu mbwenye kamurumile Eliya ira adowe wa amakwele a ahiyana a Izarayeli: Yesu awongaga zela yofwalrafwaniha yenna ali ira awande awandela ira liye kairana ionihedo ili yatene vailamboni vaye, mbwenye afuna adowe airena vilambo dimohi diwa dafwanyeya olapela wene. Voira Eliya kadowile wa ahiyana a vaniwa, mbwenye adowile wa makwele mmohi afwanyeya ilambo yolapela, na Yesu wenne afuna adowe airena jitonyihedo ilambo yolapela. 27Sawasawa nnga jaireyile mwilamboni muno tempu yalimo namafiyiheda Elizewu. Tempu yaliwo liye kohokalawo aIzarayeli okana maranya. Mbwenye mulombwana Elizewu kanvulumutchile nne mutu mmohi muwari mwa aliwa. So mbwenye mutu anvulumutchile liye ali wa ilambo ya Siriya bahi aitaniwa Namani.>>
28Yesu agamanle wonga mazu anne, atu atene kafwanyeyaga mmba mule kohotakaleliwaga valukulu. 29Mwa enne kohovenya, aliwa muhinda Yesu, mudowana unde wa sidadi. Eto fwanyeya ira sidadiwa kamangile vamwangoni. Atu kamuhindile Yesu ale kamudowagana kohokana yofuna ira: <<Nafiya wewule, namundunyele vodiha valukulu vale.>> 30Mbwenye kaganfiyilena vazulu vale, Yesu kawandeyile. Ohoviraga vari vewa, liye dowaga jaye.
Yesu ohotamangiha munemba wabure
Markuji 1:21-28
31Yesu agakumile evale, ohodowaga Kafaranamu, sidadi imohi inafwanyeya muwari mwa ilambo ya Galileya. Agafiyile wewule ohoromaga afundjiha atu siku na sabado. 32Evale atu aafundjihaga liye ale kotikiniheya na makalelo afundjiha liye mwasiwa liye afundjiha na utongi. 33Munyumbani mwafundjihaga liye mazu mule mohokalaga mulombwana mmohi anna munemba wabure, otakala. Mulombwanole ohokuwaga eraga: 34<<Yesu wa Nazareti, nnga munafuna muniirele nni hiyo? Kodi mwazela ira munitolotche? Miyo duhuiziwani pama. Nyo muli Mutu Otchena wa Mulugu.>> 35Evale Yesu ohomusumulula munemba otakala ule eraga: <<Kamiyala, ukumemo mwa mutuyo!>>#4:35 Kamiyala, ukumemo mwa mutuyo! Munemba wabure ule ohomuiziwa Yesu, liye wongaga ibaribari zela Yesu. Yesu mbwenye kafuna hidedeliwa umboni na munemba wabure. Nona ammiyalihaga. Munemba wabure ule ohonvokelaga vati mutule, liye kumamo. Mutule ohogwela vati, mbwenye kaporeyile. 36Evale atu atene kaligi mmba mule kohotikiniheyaga karomaga wonga kada mutu na nfwaye keraga: <<Mazu anna anatapulela nni? Wenna ukana utongi na kopolo dowanda wonga na minemba dotakala. Eto awonga na minemba dile, nnonvwelela.>> 37Evale joira jaye johoroma vweya tatamo datene dawandamenle wewule.
Yesu ohavulumutcha atu adjindji
Matewuji 8:14-17; Markuji 1:29-34
38Yesu ohovenyagamo muwari mwa nyumba yofundjamo Mazu mule, liye dowa vande va mulombwana Simawu. Eto fwanyeya ira mulombwana Simawu okana mbogohaye afwanyeya agali murenda aganna febiri. Yesu agafiyile vande vale, aliwa kohonvepa ira anvulumutche. 39Evale Yesu ohodowaga vevale vagonatilege murendole, liye wonga mosumulula ira: <<Febiri kakumamo mwa mutula.>> Noira eno, urendole wohomala, muhiyanole liye kala pama, liye venya roma asakanyela jodja. 40Evale nzuwa niviraga, atene kanna afwiwa okana maurenda ohiyana-hiyana koazana arendale, aliwa nvepaga Yesu ira aavulumutche. Nonvepa, Yesu oahela manda atwale, atene aliwa vulumuwaga. 41Minemba didjindji dabure dakumaga mwa atwale dokuwa diiraga: <<Nyo muli Mwana Mulugu.>> Evale Yesu osumulula minemba dabure dile ira dahamuromolege, mwasiwa dohomuiziwa Yesu ira gu Namatikeliwa.
42Unde wagatchile Yesu okumaga mwali atu mule, adowaga nimburo eni wahali atu. Agadowile wewule, atu atene kaligi evale kohoromaga musakasaka. Kaganfwannye kohonvepaga ira: <<Nyo kamudowe, hiyo nnafuna ira mukaleve wewuno.>> 43Evale Yesu ohawakulaga ira: <<Miyo nnafuna daalaleye atu a sidadi dimohi diwa ira na aliwene kaiziwe Muselu Wapama wa Umwene wa Mulugu. Tchoira Mulugu adirumile ira dilabe mabasa olaleya anno.>> 44Nomala enne, ohodowaga alaleyaga muwari mwa nyumba dofundjamo mazu dafwanyeya ilambo yatene ya Judeya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral