Jozuwe 24
24
Jozuwe ohalanya aIzarayeli aawumbutchedaga makalelo matene aairele Yehova
1Evale mulombwana Jozuwe ohaitanihaga malogo matene a aIzarayeli, aliwa dowa gumana sidadi ya Sikemu. Liye eto ohaitaniha andimuwa, asogolrelri, anamatonga vamohi na andimuwa amohiwa a aIzarayeli. Evale atu atene aaitanihile liye kohozaga vamentoni va Mulugu.#24:1 kohozaga vamentoni va Mulugu. Ku wonga aliwa kohoza muwari momuvepa Mulugu ira aing'ane jatene jafuna wongiwa. 2Mwa enne Jozuwe ohoromaga wonga na atu atene eraga: <<Yehova Mulugu wa Izarayeli unawonga ira: <Malambo a mundulrimu makolo enyu vamohi na mbwinyu Tera wenno ali Abarahamu na Nahori babiwa, kakalaga kombela ya ule ya muhindje Eufarati, aliwa kali atu oakokorela amilugu amohiwa. 3Mwa tempu yenno miyo dohomukumihamo babinyu Abarahamu ilambo yali liye, kombela ya muhindje Eufarati, miyo dohomuwendiha ilambo yatene ya Kana. Eto dohonvaha ahima adjindji. Dohonvaha Abarahamu mwana aitaniwa Izaki. 4Eto dohonvaha Izaki ahimaye anno Jako na Ezawu. Dohonvaha mulombwana Ezawu ilambo yatenene yakala mwango wa Seyire ira ikale yaye. Mbwenye Jako vamohi na ahimaye kohodowa kalaga ilambo ya Ijipitu. 5Noira eno, dohomuruma Mozeji vamohi na Arawu ira kadowe Ijipitu. Kagadowile ilambo ya Ijipitu, miyo dohobwanyula ilambo ya Ijipitu na jabure jowopiha ante miyo fiyeda akumihamo makolo enyu mwilamboni mule. 6Mwa eno, miyo dagaakumihile makolo enyu vamohi na nyo ilambo ya Ijipitu, nyo mohofiya Bara Yofila. Mbwenye aIjipitu kohomaruwa na aaterelado ewa vamohi na aliba wendiha kavalo, aliwa aharaga ante Bara Yofila. 7Makolo enyu kagadivepile miyo dagali Yehova ira daakamihede, dohozihawo isi vari va nyo na aIjipitu. Evale dohakunela aIjipitu na mahindje, aliwa mala kwa. Eto nyo muhumala ona jatene jairele miyo ilambo ya Ijipitu. Nomala eno, nyo mohomala yaka didjindji muisalesaleni.
8Mukumaga muisalesaleni, miyo dohoudowanani ilambo ya aAmore anno kakala makumelo wa nzuwa wa muhindje Jordawu. Mbwenye mwagafiyile ilambo ya aAmore, aliwa kohoza wana na nyo eto miyo dohatukula, miyo uvahedani mmandani mwenyu, nyo agondjiha roma kala mwilamboni mwewa. Miyo dohatolotcha aliwa sogolro wenyu ira mukalemo. 9Evale mwene atonga ilambo ya Mowabe, wenno aitaniwa Balaki, mwana Zipori, ofuna wana na aIzarayeli. Ohomuruma mulombwana Balawu, mwana Beyori ira aze, autembelrelreni nyo. 10Balawu agazile, afunaga utembelrelrani, miyo jowonga jaye kadavwile. Evale miyo dosakanya ira liye aureliheni.#24:10 miyo dosakanya ira liye aureliheni: Fwanyeya ira mwene Balaki amusakile Balawu ira aze, aatande aIzarayeli ira katembelrelreye. Mbwenye Mulugu asakanye ira Balawu agazile, amale areliha aIzarayeli hiya atembelrelra. Muselu uwa unafwanyeya Numero 22:1-24:25. Mwa enne miyo dohouvunelani mmandani mwaye.
11Vagavirile yaka didjindji, moholambuwa muhindje Jordawu ante nyo fiya sidadi ya Jeriko. Mwagali Jeriko, annya a ilambo ile kohoza ira kawane na nyo. Muwari mofuna wana na nyo eto kohozaga aAmore, aFerizi, akuda Kana, aEti, aJirigazi, aEvi na aJebuzi ira kawanege na nyo. Mbwenye miyo dohouvahedani atu atene anne mmandani mwenyu. 12Eto miyo dohorumiha manyefu vasogolro venyu, aliwa atamangiha na makalelo nnga daatamangihile miyo amwene ambinli a aAmore ale.#24:12 miyo dohorumiha manyefu vasogolro venyu MaBibiliya amohiwa anawonga ira miyo doavaha rendjeya wohokala wa masika. Muwari moatamangiha mule, miyo kadaatamangihile na masupada enyu nne na maurwa enyu. 13Miyo duhuvahani ilambo yenno yahalabenle nyo eto duhuvahani sidadi dedo dahamangile nyo, nyo kalaga emo, nyo djaga jovaha ja uva na jovaha ja mitengo da azeti, dedo dahazanle nyo.> >>
Jozuwe na aIzarayeli kohosakulra hara ndila ya Yehova
14Jozuwe ohowonga ira: <<Yapama inafwanela mmuove Yehova eto mmuharege na mmirimani mwenyu mwatene na makalelo ororomeleya. Ule unnave amilugu anno kaaroromeletcha ababinyu a malambo a mundulri, kombela ya muhindje Eufarati eto kagali muIjipitu, aatukule amilugu anne, aatatile. Mmuharege Yehova bahi. 15Mbwenye ule uni: <Miyo muhara Yehova, kondi>, asakulre peno amilugu anafuna liye ahara. Mwafuna nnga mwaaharege amilugu anno kaaroromeletcha ababinyu kahanalambuwe para kombela ya muhindje Eufarati, owu hehi, mwafuna nnga mwaaharege amilugu a akuda Amore anno anafwanyeya kagali anamurala a uno, muiregena mofuna mwenyu. Mbwenye zela miyo na vande vaga, hiyo nnamuharege Yehova.>>
16Evale aIzarayeli kohomurumelaga Jozuwe keraga: <<Kavinawandeya ira hiyo nnomuhiya Yehova ira nidowe naaharege amilugu amohiwa. 17Mwasiwa Yehova Mulugu wehu gunikumihilemo hiyo na ababihu mwilamboni mwa Ijipitu, muuzarini mwafwanyeya hiyo. Liye guirilena jionihedo johokala ja masika vamentoni vehu eto gunikoyile ndila datene dene navira hiyo muwari mwa malogo ohiyana-hiyana mwilamboni mwewa mwemo mwavira hiyo. 18Tempu yawenda hiyo, Yehova ohatamangiha atu atene kakala sogolro wehu ira nikalemo. Eto Yehova ohatamangiha aAmore annya kakala ilambo yenna. Mwa eno, na hiyene nnamuharege Yehova, mwasiwa liye unafwanyeya agali Mulugu wehu.>>
19Evale mulombwana Jozuwe ohawakulaga eraga: <<Nyo kamunawanda muhara Yehova.#24:19 Nyo kamunawanda muhara Yehova: Jozuwe awongaga eno ali ira Izarayeli kawande iziwa ira aliwa anakalege atu ofuna ja Yehova vamohi na ofuna hara makalelo ewa, tempu imohive. Atawa ira anaze kawongege vamulomonive bahi ira: <<Hiyo nnafuna nimuhare Yehova.>> eto metchelo anadowa tamangelaga jimohi jiwa jene. Liye awandelaga ira makalelo anno mwahahiye, kamunawanda muhara Yehova, nne liye kanaukurumuwelani. Mwasiwa liye gu Mulugu otchena, gu Mulugu okana sandje. Liye kanaulevelelani joviringaniha jenyu na jotega jenyu. 20Nyo mwamuhiya Yehova, muroma ahara amilugu amohiwa, Yehova unorungunuwa, unouirelani ubure eto unoutolotchani, agali voroma vene auirelani upama.>>
21Atu atene kagavwile mazu a mulombwana Jozuwe, kohomurumelaga keraga: <<Nari, hiyo so nnafuna nimuharege Yehova.>> 22Evale Jozuwe ohowakulaga eraga: <<Nyo mwa annya muli amboni ira muhumusakulra Yehova ira mmuharege.>> Atu atene kohorumelaga keraga: <<He, nili amboni.>>
23Jozuwe ohowongagave akoka eraga: <<Akala ti eno, mwaatukule amilugu a atu a unde munna nyo, mwaatatile, mwamala muhele murima wenyu wa Yehova Mulugu wa Izarayeli.>> 24Atu atene kohomurumelaga Jozuwe keraga: <<Hiyo so nnamuharege Yehova Mulugu wehu eto nnavwelelege inawongege liye.>>
25Siku nenne, Jozuwe ohosakanyaga yopangana na aIzarayeli eto ohavaha malamulo na mangano kagali Sikemu wewule. 26Evale Jozuwe oholrembaga mazu matene anne muLivuruni mwa Malamulo a Mulugu. Noira eno, ohotukulaga nibwe nlukulu, liye imetcha vati va mutengo wa karvaliyo wenno awandamenle na nimburo notchena na Yehova.#24:26 nimburo notchena na Yehova. Afwase nimburo nnawongiwa gu Musasa wa Yehova. 27Jozuwe agamanle imetcha nibwe vati va mutengo vale, ohowongaga na atu atene eraga: <<Kaing'anani nibwe ni. Nibwe ni nnakala umboni zela nyo. Mwasiwa nibwe ni nihivwa mazu matene Yehova uwongile liye na hiyo. Nona nibwe nimohive neni nnakala umboni zela wa nyo tawiha ira munaze mmuhiye Mulugu wenyu.>> 28Evale Jozuwe ohagunya, kada mutu dowaga ilambo yavahiwe liye.
Kwa wa Jozuwe
29Jagamanle ireya jatene eji, Jozuwe mwana Numi, namalaba wa Yehova ohokwa aganna yaka 110. 30Agakwile, kohomukoya ilambo yenno yavahiwe liye ya Timinati-Sera, ilambo yenno yafwanyeya pandi ya mwango didjindji ya Efarayimi, pandi ya norti ya mwango Gaji. 31AIzarayeli kohomuhara Yehova malambo matene aliwo mulombwana Jozuwe vamohi na malambo matene a andimuwa atene anno kaliwove Jozuwe agakwile, anno kaiziwile mabasa matene alabile Yehova muwari mwa aIzarayeli.
Koyiwa wa makuva a Joze
32Zela makuva a Joze anno Ana Izarayeli katukunle atu kakumaga ilambo ya Ijipitu,#24:32 makuva a Joze anno Ana Izarayeli katukunle atu kakumaga ilambo ya Ijipitu: Joze ohokonda koyiwa mwilamboni mwa Ijipitu eto ohokonda koyiwa mwilamboni mwa Kana aIzarayeli atene kahanatamele ilambo ya Kana mwasiwa liye ohokana ibaribari ira aIzarayeli vasogolro anoza kakume Ijipitu, kadowe kakalege ilambo yenno Mulugu alumbenle liye ira aavahe Abarahamu na Izaki na Jako. Nione Jenesesi 50:25; Ezodu 13:19; Eberewu 11:22. kohodowa akoya ilambo ya Sikemu tereno yagunle mulombwana Jako wanle na kobiri dokwakwana 100 da parata na Sikemu abalaye anno kali ahima a Amori. Ilambo yenno yavahiwe ira ikale ya ahima a mulombwana Joze.
Kwa wa namakuta Eliyazare
33Mwa tempu yenne Eliyazari mwana Arawu na liyene ohokwa. Agakwile, kohomukoya pandi ya mwango didjindji muwari mwa Efarayimi, sidadi ya Jibeya, yenno mwanaye Fineyasi yavahiwe liye.
Kukala mazu a livuru na Jozuwe.
Currently Selected:
Jozuwe 24: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 24
24
Jozuwe ohalanya aIzarayeli aawumbutchedaga makalelo matene aairele Yehova
1Evale mulombwana Jozuwe ohaitanihaga malogo matene a aIzarayeli, aliwa dowa gumana sidadi ya Sikemu. Liye eto ohaitaniha andimuwa, asogolrelri, anamatonga vamohi na andimuwa amohiwa a aIzarayeli. Evale atu atene aaitanihile liye kohozaga vamentoni va Mulugu.#24:1 kohozaga vamentoni va Mulugu. Ku wonga aliwa kohoza muwari momuvepa Mulugu ira aing'ane jatene jafuna wongiwa. 2Mwa enne Jozuwe ohoromaga wonga na atu atene eraga: <<Yehova Mulugu wa Izarayeli unawonga ira: <Malambo a mundulrimu makolo enyu vamohi na mbwinyu Tera wenno ali Abarahamu na Nahori babiwa, kakalaga kombela ya ule ya muhindje Eufarati, aliwa kali atu oakokorela amilugu amohiwa. 3Mwa tempu yenno miyo dohomukumihamo babinyu Abarahamu ilambo yali liye, kombela ya muhindje Eufarati, miyo dohomuwendiha ilambo yatene ya Kana. Eto dohonvaha ahima adjindji. Dohonvaha Abarahamu mwana aitaniwa Izaki. 4Eto dohonvaha Izaki ahimaye anno Jako na Ezawu. Dohonvaha mulombwana Ezawu ilambo yatenene yakala mwango wa Seyire ira ikale yaye. Mbwenye Jako vamohi na ahimaye kohodowa kalaga ilambo ya Ijipitu. 5Noira eno, dohomuruma Mozeji vamohi na Arawu ira kadowe Ijipitu. Kagadowile ilambo ya Ijipitu, miyo dohobwanyula ilambo ya Ijipitu na jabure jowopiha ante miyo fiyeda akumihamo makolo enyu mwilamboni mule. 6Mwa eno, miyo dagaakumihile makolo enyu vamohi na nyo ilambo ya Ijipitu, nyo mohofiya Bara Yofila. Mbwenye aIjipitu kohomaruwa na aaterelado ewa vamohi na aliba wendiha kavalo, aliwa aharaga ante Bara Yofila. 7Makolo enyu kagadivepile miyo dagali Yehova ira daakamihede, dohozihawo isi vari va nyo na aIjipitu. Evale dohakunela aIjipitu na mahindje, aliwa mala kwa. Eto nyo muhumala ona jatene jairele miyo ilambo ya Ijipitu. Nomala eno, nyo mohomala yaka didjindji muisalesaleni.
8Mukumaga muisalesaleni, miyo dohoudowanani ilambo ya aAmore anno kakala makumelo wa nzuwa wa muhindje Jordawu. Mbwenye mwagafiyile ilambo ya aAmore, aliwa kohoza wana na nyo eto miyo dohatukula, miyo uvahedani mmandani mwenyu, nyo agondjiha roma kala mwilamboni mwewa. Miyo dohatolotcha aliwa sogolro wenyu ira mukalemo. 9Evale mwene atonga ilambo ya Mowabe, wenno aitaniwa Balaki, mwana Zipori, ofuna wana na aIzarayeli. Ohomuruma mulombwana Balawu, mwana Beyori ira aze, autembelrelreni nyo. 10Balawu agazile, afunaga utembelrelrani, miyo jowonga jaye kadavwile. Evale miyo dosakanya ira liye aureliheni.#24:10 miyo dosakanya ira liye aureliheni: Fwanyeya ira mwene Balaki amusakile Balawu ira aze, aatande aIzarayeli ira katembelrelreye. Mbwenye Mulugu asakanye ira Balawu agazile, amale areliha aIzarayeli hiya atembelrelra. Muselu uwa unafwanyeya Numero 22:1-24:25. Mwa enne miyo dohouvunelani mmandani mwaye.
11Vagavirile yaka didjindji, moholambuwa muhindje Jordawu ante nyo fiya sidadi ya Jeriko. Mwagali Jeriko, annya a ilambo ile kohoza ira kawane na nyo. Muwari mofuna wana na nyo eto kohozaga aAmore, aFerizi, akuda Kana, aEti, aJirigazi, aEvi na aJebuzi ira kawanege na nyo. Mbwenye miyo dohouvahedani atu atene anne mmandani mwenyu. 12Eto miyo dohorumiha manyefu vasogolro venyu, aliwa atamangiha na makalelo nnga daatamangihile miyo amwene ambinli a aAmore ale.#24:12 miyo dohorumiha manyefu vasogolro venyu MaBibiliya amohiwa anawonga ira miyo doavaha rendjeya wohokala wa masika. Muwari moatamangiha mule, miyo kadaatamangihile na masupada enyu nne na maurwa enyu. 13Miyo duhuvahani ilambo yenno yahalabenle nyo eto duhuvahani sidadi dedo dahamangile nyo, nyo kalaga emo, nyo djaga jovaha ja uva na jovaha ja mitengo da azeti, dedo dahazanle nyo.> >>
Jozuwe na aIzarayeli kohosakulra hara ndila ya Yehova
14Jozuwe ohowonga ira: <<Yapama inafwanela mmuove Yehova eto mmuharege na mmirimani mwenyu mwatene na makalelo ororomeleya. Ule unnave amilugu anno kaaroromeletcha ababinyu a malambo a mundulri, kombela ya muhindje Eufarati eto kagali muIjipitu, aatukule amilugu anne, aatatile. Mmuharege Yehova bahi. 15Mbwenye ule uni: <Miyo muhara Yehova, kondi>, asakulre peno amilugu anafuna liye ahara. Mwafuna nnga mwaaharege amilugu anno kaaroromeletcha ababinyu kahanalambuwe para kombela ya muhindje Eufarati, owu hehi, mwafuna nnga mwaaharege amilugu a akuda Amore anno anafwanyeya kagali anamurala a uno, muiregena mofuna mwenyu. Mbwenye zela miyo na vande vaga, hiyo nnamuharege Yehova.>>
16Evale aIzarayeli kohomurumelaga Jozuwe keraga: <<Kavinawandeya ira hiyo nnomuhiya Yehova ira nidowe naaharege amilugu amohiwa. 17Mwasiwa Yehova Mulugu wehu gunikumihilemo hiyo na ababihu mwilamboni mwa Ijipitu, muuzarini mwafwanyeya hiyo. Liye guirilena jionihedo johokala ja masika vamentoni vehu eto gunikoyile ndila datene dene navira hiyo muwari mwa malogo ohiyana-hiyana mwilamboni mwewa mwemo mwavira hiyo. 18Tempu yawenda hiyo, Yehova ohatamangiha atu atene kakala sogolro wehu ira nikalemo. Eto Yehova ohatamangiha aAmore annya kakala ilambo yenna. Mwa eno, na hiyene nnamuharege Yehova, mwasiwa liye unafwanyeya agali Mulugu wehu.>>
19Evale mulombwana Jozuwe ohawakulaga eraga: <<Nyo kamunawanda muhara Yehova.#24:19 Nyo kamunawanda muhara Yehova: Jozuwe awongaga eno ali ira Izarayeli kawande iziwa ira aliwa anakalege atu ofuna ja Yehova vamohi na ofuna hara makalelo ewa, tempu imohive. Atawa ira anaze kawongege vamulomonive bahi ira: <<Hiyo nnafuna nimuhare Yehova.>> eto metchelo anadowa tamangelaga jimohi jiwa jene. Liye awandelaga ira makalelo anno mwahahiye, kamunawanda muhara Yehova, nne liye kanaukurumuwelani. Mwasiwa liye gu Mulugu otchena, gu Mulugu okana sandje. Liye kanaulevelelani joviringaniha jenyu na jotega jenyu. 20Nyo mwamuhiya Yehova, muroma ahara amilugu amohiwa, Yehova unorungunuwa, unouirelani ubure eto unoutolotchani, agali voroma vene auirelani upama.>>
21Atu atene kagavwile mazu a mulombwana Jozuwe, kohomurumelaga keraga: <<Nari, hiyo so nnafuna nimuharege Yehova.>> 22Evale Jozuwe ohowakulaga eraga: <<Nyo mwa annya muli amboni ira muhumusakulra Yehova ira mmuharege.>> Atu atene kohorumelaga keraga: <<He, nili amboni.>>
23Jozuwe ohowongagave akoka eraga: <<Akala ti eno, mwaatukule amilugu a atu a unde munna nyo, mwaatatile, mwamala muhele murima wenyu wa Yehova Mulugu wa Izarayeli.>> 24Atu atene kohomurumelaga Jozuwe keraga: <<Hiyo so nnamuharege Yehova Mulugu wehu eto nnavwelelege inawongege liye.>>
25Siku nenne, Jozuwe ohosakanyaga yopangana na aIzarayeli eto ohavaha malamulo na mangano kagali Sikemu wewule. 26Evale Jozuwe oholrembaga mazu matene anne muLivuruni mwa Malamulo a Mulugu. Noira eno, ohotukulaga nibwe nlukulu, liye imetcha vati va mutengo wa karvaliyo wenno awandamenle na nimburo notchena na Yehova.#24:26 nimburo notchena na Yehova. Afwase nimburo nnawongiwa gu Musasa wa Yehova. 27Jozuwe agamanle imetcha nibwe vati va mutengo vale, ohowongaga na atu atene eraga: <<Kaing'anani nibwe ni. Nibwe ni nnakala umboni zela nyo. Mwasiwa nibwe ni nihivwa mazu matene Yehova uwongile liye na hiyo. Nona nibwe nimohive neni nnakala umboni zela wa nyo tawiha ira munaze mmuhiye Mulugu wenyu.>> 28Evale Jozuwe ohagunya, kada mutu dowaga ilambo yavahiwe liye.
Kwa wa Jozuwe
29Jagamanle ireya jatene eji, Jozuwe mwana Numi, namalaba wa Yehova ohokwa aganna yaka 110. 30Agakwile, kohomukoya ilambo yenno yavahiwe liye ya Timinati-Sera, ilambo yenno yafwanyeya pandi ya mwango didjindji ya Efarayimi, pandi ya norti ya mwango Gaji. 31AIzarayeli kohomuhara Yehova malambo matene aliwo mulombwana Jozuwe vamohi na malambo matene a andimuwa atene anno kaliwove Jozuwe agakwile, anno kaiziwile mabasa matene alabile Yehova muwari mwa aIzarayeli.
Koyiwa wa makuva a Joze
32Zela makuva a Joze anno Ana Izarayeli katukunle atu kakumaga ilambo ya Ijipitu,#24:32 makuva a Joze anno Ana Izarayeli katukunle atu kakumaga ilambo ya Ijipitu: Joze ohokonda koyiwa mwilamboni mwa Ijipitu eto ohokonda koyiwa mwilamboni mwa Kana aIzarayeli atene kahanatamele ilambo ya Kana mwasiwa liye ohokana ibaribari ira aIzarayeli vasogolro anoza kakume Ijipitu, kadowe kakalege ilambo yenno Mulugu alumbenle liye ira aavahe Abarahamu na Izaki na Jako. Nione Jenesesi 50:25; Ezodu 13:19; Eberewu 11:22. kohodowa akoya ilambo ya Sikemu tereno yagunle mulombwana Jako wanle na kobiri dokwakwana 100 da parata na Sikemu abalaye anno kali ahima a Amori. Ilambo yenno yavahiwe ira ikale ya ahima a mulombwana Joze.
Kwa wa namakuta Eliyazare
33Mwa tempu yenne Eliyazari mwana Arawu na liyene ohokwa. Agakwile, kohomukoya pandi ya mwango didjindji muwari mwa Efarayimi, sidadi ya Jibeya, yenno mwanaye Fineyasi yavahiwe liye.
Kukala mazu a livuru na Jozuwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral