Jozuwe 13
13
Vilambo dahanle ira aIzarayeli kagondjihe
1Jozuwe agamanle ulula aganna yaka didjindji, Yehova ohomuwandela ira: <<Weyo umala ulula, uhukana yaka didjindji. Eto dihala vilambo didjindji dene nnafuneya ira digondjihiwe. 2Na vano ve vilambo dihanle ti di: Ilambo yatene ya aFilistewu na ilambo yatene ya aJesuri 3romela mwana muhindje wa Siyori, wenno unafwanyeya makumelo wa nzuwa wa Ijipitu dowaga pandi ya norti mmadilreni mwa Ekoromi, wewo wabalriwa nnga ilambo ya aKana, dowaga wewo unafwanyeya amwene atanu katongaga sidadi tanu da aFilistewu di: Gaza, Ajidode, Ajikelomi, Gate na Ekoromi. Eto ihala ilambo ya akuda Ava, 4dowaga pandi ya suli na ilambo yatene ya akuda Kana na sidadi ya Meyara yenno inakala akuda Sidoni, fiyeda Afeki, mmadilreni na aAmore. 5Ihala eto ilambo ya akuda Jebali vamohi na ilambo yatene ya mwango wa Libano, wenno unafwanyeya ikukuru ya makumelo wa nzuwa, romela Bali-Gadi, wandamelana mwango Herimoni, fiyeda Lebo-Hamate. 6Kohokalawo eto akuda Sidoni kahanle mmwangoni vari va Libano na Mizerefote-Mayimi. Miyo nnoza daatamangihe atu anna vasogolro va Ana Izarayeli. Weyo eto waagawele aIzarayeli, kada nlogo ilambo yewa nnga mwemo mwaurumele miyo. 7Inafwanela uvayele agawela ilambo ihanle malogo amohiwa matanu na mannayi kali kahanagaweliwe, vamohi na metadi ya nlogo na Manasesi yenno ili yahanagaweliwe, kada nlogo nikayena ilambo yewa.>>
Ilambo yakala aIzarayeli makumelo wa nzuwa wa muhindje Jordawu
8Mbwenye nlogo na Rubeni na nlogo na Gadi na metadi ya nlogo na Manasesi aliwa kohomala tambilra vilambo dewa makumelo wa nzuwa wa muhindje Jordawu, nnga mwemo Mozeji muzari wa Yehova mwaavahele liye. 9Malogo anna vilambo diwa diromile Aroweri, mmambalo mwa mwana muhindje Arinoni eto romela sidadi inafwanyeya mutcherelani mwa muhindje wenno, ante ilambo yotandeleya yagali yogwela ya Medeba fiyeda Diboni. 10Aliwa vilambo diwa diromile muwari mwa sidadi datene datonga Seyoni mwene wa aAmore, wenno atongetcha ilambo ya Ejiboni, ante dowa gomela madilre na aAmoni.
11Eto vilambo diwa dohodowave ante ilambo ya Jileyadi na vilambo dedo wakala aJesuri na aMakate na mwango watene wa Herimoni na ilambo yatene ya Bazani fiyeda Salika. 12Ku wonga ilambo yatene ya Bazani yenno yatonga Oge wenno akaletcha Astaroti na Edereyi. Oge wenno ali muwari mwa atu ogomiheda a akuda Refayina atenene. Mozeji gwaagondjihile, liye atamangihamo atu a vilambo diwa dedi. 13Mbwenye akuda Izarayeli tchaatamangihile aJesuri na aMakate. Aliwa na vanove anakala muwari mwa Ana Izarayeli fiyeda siku na peno.
14Mbwenye zela atu a nlogo na Levi, mulombwana Mozeji kaavahile ilambo ira ikale yewa. Mwasiwa aliwa yovahiwa yewa ali mikuto dotumeya nnaveleliwa wa Yehova Mulugu wa aIzarayeli nnga mwemo Yehova mwawongele liye na Mozeji.#Numero 18:20-24; Jozuwe 13:33
Pandi yagaweliwe nlogo na Rubeni
15Eto Mozeji ohavaha atu a nlogo na Rubeni ilambo yewa, nnga mwemo mwaindjivele maziza ewa. 16Ilambo yavahiwe nlogo na Rubeni yaromile sidadi ya Aroweri, mmagomelo mwa mwana muhindje Arinoni, ante sidadi yenno inafwanyeya tcherela ya muhindje wenno fiyeda ilambo yotandeleya yagali yogwela ante Medeba. 17Eto kohovahiwa sidadi ya Ejiboni na sidadi dowandamelana dedo dafwanyeya ilambo yotandeleya yagali yogwela dagali Diboni, Bamoti-Bali, Bete-Bali-Meyomi, 18Jaza, Kedemoti, Mefati, 19Kiriyatayimu, Sibima na sidadi ya Zereti-Sari inafwanyeya mwango wa ndabo. 20Eto kohovahiwa vilambo dimohi diwa di: Bete-Peyori, ikumakuma ya mwango Pijiga na Bete-Jesimote. 21Ku wonga kohovahiwa sidadi datene dafwanyeya ilambo yotandeleya yagali yogwela na vilambo datene da Seyoni mwene wa aMore wenno atonga ilambo ya Ejiboni wenno Mozeji amugondjihile liye. Mozeji eto ohagondjiha asogolrelri a Midiyani ala: Evi, Rekemi, Zuri, Huri na Reba. Asogolrelri anno kakala ilambo yenno eto katongiwa na mwene Siyomi. 22Eto maliba wombeza makanga Balawu, mwana Beyori ohopiwa vamohi na atu amohiwa anno Ana Izarayeli kaapile atu na masupada. 23Mmadilreni mwa ilambo yakala nlogo na Rubeni ali muhindje Jordawu. Di dali sidadi na tatamo dedo davahiwe maziza a nlogo na Rubeni, nnga mwemo mwaindjivele maziza ewa.
Pandi yagaweliwe nlogo na Gadi
24Mozeji ohavaha atu a nlogo na Gadi ilambo yewa, nnga mwemo mwaindjivele maziza ewa. 25Ilambo yewa ali Jazeri eto sidadi datene da ilambo ya Jileyadi na metadi ya ilambo ya Amoni fiyeda Aroweri, yenno inakala makumelo wa nzuwa wa Raba. 26Vilambo diwa dodowave kuma Ejiboni fiyeda Rama-Mizipa na sidadi ya Betonimi eto kuma Mahanayimi ante ilambo ya Debiri. 27Ndabo na Jordawu, mohokala vilambo dimohi diwa di: Bete-Ara, Bete-Nimira, Sukoti, Safomi na ikukuru imohi ya umwene wa Seyoni, mwene wa Ejiboni. Mmadilreni mwa ilambo ya Gadi ali muhindje Jordawu fiyeda fwanya Ntiya na Kinereti dowaga makumelo wa nzuwa kombela ya muhindje Jordawu. 28Di dali sidadi na tatamo dedo davahiwe maziza a nlogo na Gadi, nnga mwemo mwaindjivele maziza ewa.
Pandi yagaweliwe metadi ya nlogo na Manasesi
29Mozeji ohavaha atu a metadi ya nlogo na Manasesi ilambo yewa, nnga mwemo mwaindjivele maziza ewa. 30Vilambo davahiwe atu a nlogo na Manasesi daromile sidadi ya Mahanayimi na umwene watene watonga mwene Oge mwilamboni mwa Bazani. Kohovahiwa eto tatamo datene da ilambo ya Jayire na sidadi 60 dedo dafwanyeya muwari mwa Bazani, 31eto za sidadi da metadi da ilambo ya Jileyadi, na sidadi da Astaroti na Edereyi sidadi da umwene wa Oge muwari mwa ilambo ya Bazani. Vilambo dedo davahiwe metadi ya atu a muibalini mwa Makiri, mwana Manasesi nnga mwemo mwaindjivele maziza ewa.
32Di ti vilambo Mozeji aavahile liye malogo menli na metadi. Tempu yaavaha liye, Mozeji afwanyeya agali ilambo yotandeleya ya Mowabe, makumelo wa nzuwa wa sidadi ya Jeriko na Jordawu. 33Mbwenye zela nlogo na Levi, Mozeji kaavahile ilambo,#13:33 nlogo na Levi, Mozeji kaavahile ilambo: Voira aLevi kohovahiwa mabasa omulabela Mulugu muwari mokala anamakuta na asogolrelri a ja Mulugu, aliwa kivahiwe ilambo ira ikale yewa. Muwari mohovahiwa, aliwa tchapuzeyile mwasiwa kohowandeliwa ira: yovahiwa yewa gu Yehova Mulugu wa aIzarayeli: So aliwa kohovahiwa sidadi ira kawande kalamo eto kohovahiwa mamburo odjihamo jifuwo jiwa. Ku wonga aliwa kafwanyeya omwadeyene muwari mwa ilambo ya malogo a afwiwa. (Jozuwe 21:1-42) mwasiwa yovahiwa yewa gu Yehova Mulugu wa aIzarayeli nnga mwemo mwaawandenle Yehova.
Currently Selected:
Jozuwe 13: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Jozuwe 13
13
Vilambo dahanle ira aIzarayeli kagondjihe
1Jozuwe agamanle ulula aganna yaka didjindji, Yehova ohomuwandela ira: <<Weyo umala ulula, uhukana yaka didjindji. Eto dihala vilambo didjindji dene nnafuneya ira digondjihiwe. 2Na vano ve vilambo dihanle ti di: Ilambo yatene ya aFilistewu na ilambo yatene ya aJesuri 3romela mwana muhindje wa Siyori, wenno unafwanyeya makumelo wa nzuwa wa Ijipitu dowaga pandi ya norti mmadilreni mwa Ekoromi, wewo wabalriwa nnga ilambo ya aKana, dowaga wewo unafwanyeya amwene atanu katongaga sidadi tanu da aFilistewu di: Gaza, Ajidode, Ajikelomi, Gate na Ekoromi. Eto ihala ilambo ya akuda Ava, 4dowaga pandi ya suli na ilambo yatene ya akuda Kana na sidadi ya Meyara yenno inakala akuda Sidoni, fiyeda Afeki, mmadilreni na aAmore. 5Ihala eto ilambo ya akuda Jebali vamohi na ilambo yatene ya mwango wa Libano, wenno unafwanyeya ikukuru ya makumelo wa nzuwa, romela Bali-Gadi, wandamelana mwango Herimoni, fiyeda Lebo-Hamate. 6Kohokalawo eto akuda Sidoni kahanle mmwangoni vari va Libano na Mizerefote-Mayimi. Miyo nnoza daatamangihe atu anna vasogolro va Ana Izarayeli. Weyo eto waagawele aIzarayeli, kada nlogo ilambo yewa nnga mwemo mwaurumele miyo. 7Inafwanela uvayele agawela ilambo ihanle malogo amohiwa matanu na mannayi kali kahanagaweliwe, vamohi na metadi ya nlogo na Manasesi yenno ili yahanagaweliwe, kada nlogo nikayena ilambo yewa.>>
Ilambo yakala aIzarayeli makumelo wa nzuwa wa muhindje Jordawu
8Mbwenye nlogo na Rubeni na nlogo na Gadi na metadi ya nlogo na Manasesi aliwa kohomala tambilra vilambo dewa makumelo wa nzuwa wa muhindje Jordawu, nnga mwemo Mozeji muzari wa Yehova mwaavahele liye. 9Malogo anna vilambo diwa diromile Aroweri, mmambalo mwa mwana muhindje Arinoni eto romela sidadi inafwanyeya mutcherelani mwa muhindje wenno, ante ilambo yotandeleya yagali yogwela ya Medeba fiyeda Diboni. 10Aliwa vilambo diwa diromile muwari mwa sidadi datene datonga Seyoni mwene wa aAmore, wenno atongetcha ilambo ya Ejiboni, ante dowa gomela madilre na aAmoni.
11Eto vilambo diwa dohodowave ante ilambo ya Jileyadi na vilambo dedo wakala aJesuri na aMakate na mwango watene wa Herimoni na ilambo yatene ya Bazani fiyeda Salika. 12Ku wonga ilambo yatene ya Bazani yenno yatonga Oge wenno akaletcha Astaroti na Edereyi. Oge wenno ali muwari mwa atu ogomiheda a akuda Refayina atenene. Mozeji gwaagondjihile, liye atamangihamo atu a vilambo diwa dedi. 13Mbwenye akuda Izarayeli tchaatamangihile aJesuri na aMakate. Aliwa na vanove anakala muwari mwa Ana Izarayeli fiyeda siku na peno.
14Mbwenye zela atu a nlogo na Levi, mulombwana Mozeji kaavahile ilambo ira ikale yewa. Mwasiwa aliwa yovahiwa yewa ali mikuto dotumeya nnaveleliwa wa Yehova Mulugu wa aIzarayeli nnga mwemo Yehova mwawongele liye na Mozeji.#Numero 18:20-24; Jozuwe 13:33
Pandi yagaweliwe nlogo na Rubeni
15Eto Mozeji ohavaha atu a nlogo na Rubeni ilambo yewa, nnga mwemo mwaindjivele maziza ewa. 16Ilambo yavahiwe nlogo na Rubeni yaromile sidadi ya Aroweri, mmagomelo mwa mwana muhindje Arinoni, ante sidadi yenno inafwanyeya tcherela ya muhindje wenno fiyeda ilambo yotandeleya yagali yogwela ante Medeba. 17Eto kohovahiwa sidadi ya Ejiboni na sidadi dowandamelana dedo dafwanyeya ilambo yotandeleya yagali yogwela dagali Diboni, Bamoti-Bali, Bete-Bali-Meyomi, 18Jaza, Kedemoti, Mefati, 19Kiriyatayimu, Sibima na sidadi ya Zereti-Sari inafwanyeya mwango wa ndabo. 20Eto kohovahiwa vilambo dimohi diwa di: Bete-Peyori, ikumakuma ya mwango Pijiga na Bete-Jesimote. 21Ku wonga kohovahiwa sidadi datene dafwanyeya ilambo yotandeleya yagali yogwela na vilambo datene da Seyoni mwene wa aMore wenno atonga ilambo ya Ejiboni wenno Mozeji amugondjihile liye. Mozeji eto ohagondjiha asogolrelri a Midiyani ala: Evi, Rekemi, Zuri, Huri na Reba. Asogolrelri anno kakala ilambo yenno eto katongiwa na mwene Siyomi. 22Eto maliba wombeza makanga Balawu, mwana Beyori ohopiwa vamohi na atu amohiwa anno Ana Izarayeli kaapile atu na masupada. 23Mmadilreni mwa ilambo yakala nlogo na Rubeni ali muhindje Jordawu. Di dali sidadi na tatamo dedo davahiwe maziza a nlogo na Rubeni, nnga mwemo mwaindjivele maziza ewa.
Pandi yagaweliwe nlogo na Gadi
24Mozeji ohavaha atu a nlogo na Gadi ilambo yewa, nnga mwemo mwaindjivele maziza ewa. 25Ilambo yewa ali Jazeri eto sidadi datene da ilambo ya Jileyadi na metadi ya ilambo ya Amoni fiyeda Aroweri, yenno inakala makumelo wa nzuwa wa Raba. 26Vilambo diwa dodowave kuma Ejiboni fiyeda Rama-Mizipa na sidadi ya Betonimi eto kuma Mahanayimi ante ilambo ya Debiri. 27Ndabo na Jordawu, mohokala vilambo dimohi diwa di: Bete-Ara, Bete-Nimira, Sukoti, Safomi na ikukuru imohi ya umwene wa Seyoni, mwene wa Ejiboni. Mmadilreni mwa ilambo ya Gadi ali muhindje Jordawu fiyeda fwanya Ntiya na Kinereti dowaga makumelo wa nzuwa kombela ya muhindje Jordawu. 28Di dali sidadi na tatamo dedo davahiwe maziza a nlogo na Gadi, nnga mwemo mwaindjivele maziza ewa.
Pandi yagaweliwe metadi ya nlogo na Manasesi
29Mozeji ohavaha atu a metadi ya nlogo na Manasesi ilambo yewa, nnga mwemo mwaindjivele maziza ewa. 30Vilambo davahiwe atu a nlogo na Manasesi daromile sidadi ya Mahanayimi na umwene watene watonga mwene Oge mwilamboni mwa Bazani. Kohovahiwa eto tatamo datene da ilambo ya Jayire na sidadi 60 dedo dafwanyeya muwari mwa Bazani, 31eto za sidadi da metadi da ilambo ya Jileyadi, na sidadi da Astaroti na Edereyi sidadi da umwene wa Oge muwari mwa ilambo ya Bazani. Vilambo dedo davahiwe metadi ya atu a muibalini mwa Makiri, mwana Manasesi nnga mwemo mwaindjivele maziza ewa.
32Di ti vilambo Mozeji aavahile liye malogo menli na metadi. Tempu yaavaha liye, Mozeji afwanyeya agali ilambo yotandeleya ya Mowabe, makumelo wa nzuwa wa sidadi ya Jeriko na Jordawu. 33Mbwenye zela nlogo na Levi, Mozeji kaavahile ilambo,#13:33 nlogo na Levi, Mozeji kaavahile ilambo: Voira aLevi kohovahiwa mabasa omulabela Mulugu muwari mokala anamakuta na asogolrelri a ja Mulugu, aliwa kivahiwe ilambo ira ikale yewa. Muwari mohovahiwa, aliwa tchapuzeyile mwasiwa kohowandeliwa ira: yovahiwa yewa gu Yehova Mulugu wa aIzarayeli: So aliwa kohovahiwa sidadi ira kawande kalamo eto kohovahiwa mamburo odjihamo jifuwo jiwa. Ku wonga aliwa kafwanyeya omwadeyene muwari mwa ilambo ya malogo a afwiwa. (Jozuwe 21:1-42) mwasiwa yovahiwa yewa gu Yehova Mulugu wa aIzarayeli nnga mwemo mwaawandenle Yehova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral