Izaiya 41
41
Mazu a Mulugu oagwiha atu na mulandu ohara vikwamutu josema
1Mulugu unawonga ira: <<Nyo vilambo nnakala tcherela ya bara mukale pee ira mudivuruwane. Atu a malogo matene kavilimbihede oka. Kadisusede ira kawonge. Ndoweni nikaleni vamohi ira nione mutu guvi unna razawu.
2<<Kodi bani umuvenyihile mutu makumelo wa nzuwa wenno unagondjiha mwatene munavira liye? Bani unamukamiheda ira aagondjihe atu a malogo amohiwa? Bani unamukamiheda ira awandege anyingalela amwene ewa na manyalo aye? Supada naye nnoasandutcha atu ira kakale nnga tumbulru. Nifumo naye nnoabalaletcha atu nnga makata kavavaga na nipevo. 3Liye unoahara awendaga mwapama mwene ndila dedo manyalo aye kaharomile atu vira. 4Bani airilena eji afiyeda mariha? Gwenno aromihile malogo matene a atu voroma vene. Gu miyo Yehova, miyo dili oroma eto gu miyene unafuna kala vamohi na atu ogomiheda. Gu miyene.#41:1-4 nione mutu guvi unna razawu: Mazwala anakala nnga Mulugu unaagwihana mulandu atu a malogo ohiyana-hiyana mwasiwa aliwa kiiziwile mabasa Mulugu alaba liye. Tchoira Mulugu gwamukamiheda mwene mmohi eriwa Siru (Izaiya 45:1) ira aagondjihe atu a malogo amohiwa.
5<<Atu anakala tcherela ya bara kohoona jejo jairile miyo eto kohorendjeya. Atu anakala magomo wa ilambo ya vati kohongurumela. Anakwivela vakwikwive eto anaza. 6Kada mutu unomukamiheda nfwaye eto unowonga na mbalaye ira: <Kalimbiha murima.> 7Aliba sakanya vikwamutu josema anolimbihana oka oka. Namasema unomulimbiha namanyungulrutcha oru. Maliba martelu unamulimbiha maliba soldari awongaga zela josoldari ira: <Jihikala pama.> Analimbiha ikwamutu yosema na peregu ira yahatikinyeye.>>
Mulugu ohalimbiha aIzarayeli
8<<Mbwenye weyo Izarayeli, namalaba waga eto weyo Jako wenno dusakunlre miyo, weyo uli mutu wa nlogo na xamwalraga Abarahamu.#41:8 weyo Izarayeli, namalaba waga: Jengo jidjindji jawongiwa zela namalaba wa Mulugu jamugwela Yesu. Liye ali muIzarayeli wenno uwandile laba jatene mokwakwanela vaimwananne aIzarayeli. Tchoira aIzarayeli muwari mokala anamalaba a Mulugu, tchawandile laba ja Mulugu mokwakwanela. (Izaiya 42:19-20) 9Miyo dautukunle kumela magomelo wa ilambo ya vati, dohouitana kumela pandi dolapela diiraga: <Weyo uli namalaba waga. Duhusakulra eto kadutatinle.> 10Weyo kuove mwasiwa miyo dili na weyo. Kukumbanye yengo mwasiwa miyo dili Mulugu wawo. Miyo nnoulimbiha eto nnoukamiheda. Miyo nnouhideda na ndanda naga nodjana na ibaribari.
11<<Kaing'anani, atene anajamo na we anoza kanyaswihiwe eto kakale tchulriya. Anno anauharahara kiza kakala yengo eto anoza katolowe. 12Waasaka anno anakanganetcha na weyo, kuza wafwanya. Anno anawana kondo na weyo anagomela hakalave yengo. 13Tchoira miyo Yehova Mulugu wawo nnahideda ndanda nawo na muwono odjana. Gu miyene eto nnawonga na weyo ira: <Kuove yengo. Miyo gunafuna ukamiheda.>
14<<Kuove weyo Jako uvutile nnga mwanamungu. Nyo atu a vang'ono a Izarayeli kamuove. Mwasiwa miyo nnoukamihedani. Unawonga gu Yehova. Namawombola wenyu gu miyo Mulugu Otchena wa Izarayeli. 15Kaing'anani, nnousandutchani ira mukale nnga yobubudana tirigu ixa yokana meno oirwa. Munoza mububude eto munyenye mwango datene eto munoza mutchile mikuma fiyeda dikale nnga sambale. 16Munoza mwaavete amwidani eto aliwa anoza kavave na nipevo, kamwadeye na nipevo nlukulu. Nyo munoza muhagalale muwari mwa miyo Yehova eto munoza mufwanye undimuwa muwari mwa miyo Mulugu Otchena wa Izarayeli.
17<<Atu osimela na atu osanyeya kasaka mahindje eto kahafwanye, vevo vanafuna atu umma vammelo na ntona, miyo Yehova nnoza divwe lobela wewa. Miyo Mulugu wa Izarayeli kadiza daahiya. 18Nnoza ditwe mihindje vari va mikuma doumma. Eto nnoza dizihe visime da mihindje va ipedipedini. Eto nnoza disandutche kokola ira ikale tanki ya mahindje eto ilambo youmma inokana visime da mahindje owenda. 19Nnoza dimelihe mukokolani mitengo da seduru na mitengo da mukexa na mitengo da murta na mitengo da azeti. Eto vili ilambo youmma, nnoza dizalevo mitengo nnaitaniwa faya, olimero na buxo. 20Nnoirana eno ira atu kaone eto kaiziwe eto kaumbuwele eto kaonelremo ira Yehova guirilena jatene ejo eto Mulugu Otchena wa Izarayeli guwandile sakanya eji.>>
Mazu a Yehova oapeta amilugu
21Yehova unawonga na amilugu ira: <<Kazani muwongemo milandu dinna nyo.>> Yehova mwene wa Jako unawonga ira: <<Kawonganimo umboni unna nyo. 22Muze uno ira muniwandele jinafuna ireya sogolro. Muze muniwandelemo jengo jiireyile malambo a mundulrimu ira niwande jiumbuwela eto ira niiziwe jotapulela jiwa. Owu hehi muniwandele ja sogolro. 23Muniwandele jinafuna za ireya sogolro ira niiziwe ira na ibaribari nyo muli amilugu. Kairanani japama owu kairanani jabure ira munitikinihe owu munirendjetche. 24Kaing'anani nyo kamuli yengo. Eto joira jenyu kajinna mabasa. Wenno unalobela wa nyo gu mutu otakaletchetcha.
25<<Dihimuvenyiha mutu okumela pandi ya norti ira aze eto umala za. Unokumela makumelo wa nzuwa eto liye unoromola nzina naga. Liye unomala anyingalela aliba tonga nnga mutu atchakatchaga teya eto nnga namaomba yombwe anyingalelaga ulongo. 26Bani aromile wonga jatene eji ira hiyo niiziwe? Bani aromile niwandela eji jahanaireye ira hiyo niwande wonga ira: <He, liye uhuwanda wonga ja sogolro.>? Kalivo nne mmohi awongile. Kalivo nne mmohi aromile niwandela ja sogolro. Eto kalivo avwile mazu a nyo amilugu. 27Miyo dali murandji wonga na akuda Siyawu ira: <Kaing'anani, daawonga miyo kahi ayo anazayo?> Gu miyo vano umurumile mutu ira adowe awonge muselu wapama Jeruzalemu. 28Mbwenye daing'ana nne kilivo amilugu amohiwa nne mmohi. Kalivo unawanda diwelruza. Nne kalivo unawanda wakula yofuka yaga. 29Kaing'anani, amilugu atene anno kinna mabasa. Joira jiwa jatene kahi yengo. Jofwalrafwaniha jewa ja momba kajinna mabasa.>>
Currently Selected:
Izaiya 41: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Izaiya 41
41
Mazu a Mulugu oagwiha atu na mulandu ohara vikwamutu josema
1Mulugu unawonga ira: <<Nyo vilambo nnakala tcherela ya bara mukale pee ira mudivuruwane. Atu a malogo matene kavilimbihede oka. Kadisusede ira kawonge. Ndoweni nikaleni vamohi ira nione mutu guvi unna razawu.
2<<Kodi bani umuvenyihile mutu makumelo wa nzuwa wenno unagondjiha mwatene munavira liye? Bani unamukamiheda ira aagondjihe atu a malogo amohiwa? Bani unamukamiheda ira awandege anyingalela amwene ewa na manyalo aye? Supada naye nnoasandutcha atu ira kakale nnga tumbulru. Nifumo naye nnoabalaletcha atu nnga makata kavavaga na nipevo. 3Liye unoahara awendaga mwapama mwene ndila dedo manyalo aye kaharomile atu vira. 4Bani airilena eji afiyeda mariha? Gwenno aromihile malogo matene a atu voroma vene. Gu miyo Yehova, miyo dili oroma eto gu miyene unafuna kala vamohi na atu ogomiheda. Gu miyene.#41:1-4 nione mutu guvi unna razawu: Mazwala anakala nnga Mulugu unaagwihana mulandu atu a malogo ohiyana-hiyana mwasiwa aliwa kiiziwile mabasa Mulugu alaba liye. Tchoira Mulugu gwamukamiheda mwene mmohi eriwa Siru (Izaiya 45:1) ira aagondjihe atu a malogo amohiwa.
5<<Atu anakala tcherela ya bara kohoona jejo jairile miyo eto kohorendjeya. Atu anakala magomo wa ilambo ya vati kohongurumela. Anakwivela vakwikwive eto anaza. 6Kada mutu unomukamiheda nfwaye eto unowonga na mbalaye ira: <Kalimbiha murima.> 7Aliba sakanya vikwamutu josema anolimbihana oka oka. Namasema unomulimbiha namanyungulrutcha oru. Maliba martelu unamulimbiha maliba soldari awongaga zela josoldari ira: <Jihikala pama.> Analimbiha ikwamutu yosema na peregu ira yahatikinyeye.>>
Mulugu ohalimbiha aIzarayeli
8<<Mbwenye weyo Izarayeli, namalaba waga eto weyo Jako wenno dusakunlre miyo, weyo uli mutu wa nlogo na xamwalraga Abarahamu.#41:8 weyo Izarayeli, namalaba waga: Jengo jidjindji jawongiwa zela namalaba wa Mulugu jamugwela Yesu. Liye ali muIzarayeli wenno uwandile laba jatene mokwakwanela vaimwananne aIzarayeli. Tchoira aIzarayeli muwari mokala anamalaba a Mulugu, tchawandile laba ja Mulugu mokwakwanela. (Izaiya 42:19-20) 9Miyo dautukunle kumela magomelo wa ilambo ya vati, dohouitana kumela pandi dolapela diiraga: <Weyo uli namalaba waga. Duhusakulra eto kadutatinle.> 10Weyo kuove mwasiwa miyo dili na weyo. Kukumbanye yengo mwasiwa miyo dili Mulugu wawo. Miyo nnoulimbiha eto nnoukamiheda. Miyo nnouhideda na ndanda naga nodjana na ibaribari.
11<<Kaing'anani, atene anajamo na we anoza kanyaswihiwe eto kakale tchulriya. Anno anauharahara kiza kakala yengo eto anoza katolowe. 12Waasaka anno anakanganetcha na weyo, kuza wafwanya. Anno anawana kondo na weyo anagomela hakalave yengo. 13Tchoira miyo Yehova Mulugu wawo nnahideda ndanda nawo na muwono odjana. Gu miyene eto nnawonga na weyo ira: <Kuove yengo. Miyo gunafuna ukamiheda.>
14<<Kuove weyo Jako uvutile nnga mwanamungu. Nyo atu a vang'ono a Izarayeli kamuove. Mwasiwa miyo nnoukamihedani. Unawonga gu Yehova. Namawombola wenyu gu miyo Mulugu Otchena wa Izarayeli. 15Kaing'anani, nnousandutchani ira mukale nnga yobubudana tirigu ixa yokana meno oirwa. Munoza mububude eto munyenye mwango datene eto munoza mutchile mikuma fiyeda dikale nnga sambale. 16Munoza mwaavete amwidani eto aliwa anoza kavave na nipevo, kamwadeye na nipevo nlukulu. Nyo munoza muhagalale muwari mwa miyo Yehova eto munoza mufwanye undimuwa muwari mwa miyo Mulugu Otchena wa Izarayeli.
17<<Atu osimela na atu osanyeya kasaka mahindje eto kahafwanye, vevo vanafuna atu umma vammelo na ntona, miyo Yehova nnoza divwe lobela wewa. Miyo Mulugu wa Izarayeli kadiza daahiya. 18Nnoza ditwe mihindje vari va mikuma doumma. Eto nnoza dizihe visime da mihindje va ipedipedini. Eto nnoza disandutche kokola ira ikale tanki ya mahindje eto ilambo youmma inokana visime da mahindje owenda. 19Nnoza dimelihe mukokolani mitengo da seduru na mitengo da mukexa na mitengo da murta na mitengo da azeti. Eto vili ilambo youmma, nnoza dizalevo mitengo nnaitaniwa faya, olimero na buxo. 20Nnoirana eno ira atu kaone eto kaiziwe eto kaumbuwele eto kaonelremo ira Yehova guirilena jatene ejo eto Mulugu Otchena wa Izarayeli guwandile sakanya eji.>>
Mazu a Yehova oapeta amilugu
21Yehova unawonga na amilugu ira: <<Kazani muwongemo milandu dinna nyo.>> Yehova mwene wa Jako unawonga ira: <<Kawonganimo umboni unna nyo. 22Muze uno ira muniwandele jinafuna ireya sogolro. Muze muniwandelemo jengo jiireyile malambo a mundulrimu ira niwande jiumbuwela eto ira niiziwe jotapulela jiwa. Owu hehi muniwandele ja sogolro. 23Muniwandele jinafuna za ireya sogolro ira niiziwe ira na ibaribari nyo muli amilugu. Kairanani japama owu kairanani jabure ira munitikinihe owu munirendjetche. 24Kaing'anani nyo kamuli yengo. Eto joira jenyu kajinna mabasa. Wenno unalobela wa nyo gu mutu otakaletchetcha.
25<<Dihimuvenyiha mutu okumela pandi ya norti ira aze eto umala za. Unokumela makumelo wa nzuwa eto liye unoromola nzina naga. Liye unomala anyingalela aliba tonga nnga mutu atchakatchaga teya eto nnga namaomba yombwe anyingalelaga ulongo. 26Bani aromile wonga jatene eji ira hiyo niiziwe? Bani aromile niwandela eji jahanaireye ira hiyo niwande wonga ira: <He, liye uhuwanda wonga ja sogolro.>? Kalivo nne mmohi awongile. Kalivo nne mmohi aromile niwandela ja sogolro. Eto kalivo avwile mazu a nyo amilugu. 27Miyo dali murandji wonga na akuda Siyawu ira: <Kaing'anani, daawonga miyo kahi ayo anazayo?> Gu miyo vano umurumile mutu ira adowe awonge muselu wapama Jeruzalemu. 28Mbwenye daing'ana nne kilivo amilugu amohiwa nne mmohi. Kalivo unawanda diwelruza. Nne kalivo unawanda wakula yofuka yaga. 29Kaing'anani, amilugu atene anno kinna mabasa. Joira jiwa jatene kahi yengo. Jofwalrafwaniha jewa ja momba kajinna mabasa.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral