Izaiya 36
36
Senakeribe mwene wa Asiriya ohomututcha Ezekiya
1Ezekiya mwene wa Juda agamanle yaka kumi na nnayi atongaga, mulombwana Senakeribe mwene wa Asiriya ohovenyaga, liye dowa wana na sidadi datene dolimba dowerewerihiwa na muru dafwanyeya Juda, liye digondjiha. Halaga Jeruzalemu bahi. 2Evale mwene wa Asiriya ule ohomurumaga mundimuwa mmohi owonga ja mwene ira amaruwe vamohi na anyakondo ohokala a masika, kadowe Jeruzalemu ira kawane na mwene Ezekiya. Evale aliwa kohoza Jeruzalemu. Kagazile, mundimuwa owonga ja mwene ule ohoimelaga magomelo wa movira mwa mahindje okumela ntiya nnafwanyeya muzulu wandamelana ndila yodowa munda wa namafulra nguwo. 3Mwa enne Eliyakimu, mwana Hilikiya, wenno ali musogolrelri wa vande va mwene, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza kohodowa ira kawonge na mundimuwa owonga ja mwene ule.
4Aliwa kagazile, mundimuwa owonga ja mwene ule ohawandelaga eraga: <<Mudowe mwamuwandele mwene Ezekiya. Mwene mundimuwa, mwene wa Asiriya unawonga ira: Kodi weyo wagarati unanyindela nni? 5Weyo unawonga ira: <Nihikana toto na kopolo ira niwane>, mbwenye anno ba mazu a vamulomonive bahi. Kodi weyo unamunyindela ani para weyo kondaga tongiwa na miyo? 6Weyo unaanyindela akuda Ijipitu anno anakala nnga nkogozo wa murere oparuwa. Tempu ini we uvilimbihedena wawendaga, murere ule unokotowa, upovola ndanda nawo. Farawu mwene wa Ijipitu unaairana eno atene anamunyindela. 7Eto masiki mudiwandele ira: <Nnamunyindela Yehova Mulugu wehu>, liye kanaukamihedani. Tchoira tchineneva Ezekiya ohobwanyula mamburo otama omutamalelamo vamohi na vibuwa daye, nomala awandelaga atu a Juda na a Jeruzalemu ira: <Ndoweni nimutamalelegeni va ibuwa yenna bahi.> >>#36:7 Mwene wa Asiriya alanyedaga mazu oira: tchineneva Ezekiya ohobwanyula mamburo otama omutamalelamo vamohi na vibuwa daye, ku wonga mwenole kaiziwile ira Ezekiya abwanyulaga vibuwa dotamalelamo amilugu, ohoirana yengo yapama vamentoni va Mulugu. Eto Ezekiya awongaga ira: Ndoweni nimutamalelegeni va ibuwa yenna bahi, oirana yengo yapama mwasiwa Mulugu gwawongile ira atu kamutamalelege va ibuwa yenno yafwanyeya Jeruzalemu. (2 Amwene 21:7) 8Mundimuwa owonga ja mwene ule ohokalelave wonga eraga: <<Miyo nnafuna musakanye mapoka na mbwiyaga mwene wa Asiriya. Miyo nnafuna duvaheni kavalo 2.000 na nzina na mbwiyaga, malringana uwande akwakwaniha aliba wendiha para kavalo datene bahi. 9Weyo unaanyindela akuda Ijipitu ira anourumiheda aaterelado a kondoni vamohi na aliba wendiha. Voira aIjipitu kahi yengo, masiki kaze kaukamihedeni, kunawanda mugondjiha nne musogolrelri mmohi mung'onong'ono wa anyakondo a mbwiyaga. 10Kodi weyo unaumbuwela ira divenyile mwa zelru daga meka daharumiwe na Yehova ira dize digudjule sidadila? Yehova gudirumile ira: <Kadowa ilambo yenne ira waigudjule.> >>
11Mwa enne Eliyakimu na Sebina na Jowa anna karumiwe na mwene kohomuwakulaga mundimuwa owonga ja mwene ule keraga: <<Nnouvepani ira muwongege na hiyo anamalabinyu na iwongelo ya iAramayiku mwasiwa nnovwa pama. Mbwenye kamuwongege na iEberewu, tchoira atu anafwanyeya vazulu va muru vale anavuruwana.>> 12Mbwenye mundimuwa owonga ja mwene ohawakulaga eraga: <<Miyo mbwiyaga adirumaga, kadirumile ira dize diwonge na nyo vamohi na mbwiyinyu bahi. Liye eto adirumile ira dize diwonge eto na alombwana anafwanyeya vazulu va muru vale anno anafuna kadje mambi ewa no ng'wa miwozo diwa vamohi na nyo.>>
13Evale mundimuwa owonga ja mwene ule agamanle wonga mazu anne, ohovenyaga, liye imela. Noira enne, ohokuwa na mazu ovweya na iwongelo ya iEberewu ira atu atene kavwege eraga: <<Kavuruwanani mazu a mwene mundimuwa, mwene wa Asiriya. 14Mwene unawonga ira: Nyo kamunyengiwe na mulombwana Ezekiya. Tchoira liye kanawanda uvunelani. 15Eto nne Ezekiya kaunyengegeni ira mmunyindelege Yehova awongaga ira: <Na ibaribari Yehova unonivunela hiyo eto liye kanahiya ira sidadila ivahediwe mmandani mwa mwene wa Asiriya.> >> 16Mundimuwa owonga ja mwene ohowongagave eraga: <<Nyo kamunvwe mulombwana Ezekiya. Tchoira mwene wa Asiriya unawonga ira: Musakanye nipangano nowandana na miyo eto muvivelele mmandani mwaga. Era eno nnouhiyani. Kada mutu unerege dja uva okumela mmundani mwaye eto kada mutu unerege dja jovaha ja mutengo wa mufigera waye eto unerege ng'wa mahindje a vaisimeni vaye, 17ante miyo difiyede udowanani ilambo yapama nnga ilambo yenyu, ilambo yenno munafwanyeya tirigu na vinyu, ilambo ya pawu na minda da uva. 18Munanyengiwe na mulombwana Ezekiya wenno unaukukumulani na mazu mamohive eraga: <Yehova unonivunela.> Kodi amilugu bavi kawandile avunela atu ira ilambo yewa yahagondjihiwe mmandani mwa mwene wa Asiriya? 19Kodi amilugu a Hamate na Aripade peno ali uvi? Nnga amilugu a Sefarivayimi peno ali uvi? Kodi kohokalawo amilugu kawandile iwombola ilambo ya Samariya mmandani mwaga? 20Kodi muwari mwa amilugu atene, mulugu guvi ababihilege wombola mmandani mwaga ilambo ya atu kamuhara? Akala aliwa kiwandile, nnga Yehova unawande avi iwombola ilambo ya Jeruzalemu mmandani mwaga?>>
21Mbwenye mwa mazu matene awongaga mundimuwa owonga ja mwene ule, kalivo nne mutu mmohi awakunlege yengo. Atene kohomiyalaga. Tchoira mwene gwakumihile nlamulo noira: <<Kakalevo unafuna wakula yengo.>> 22Mwa enne mulombwana Eliyakimu mwana Hilikiya wenno ali musogolrelri wa vande va mwene ule, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza, kohokawulaga jowara jiwa, aliwa dowaga wa mwene Ezekiya, aliwa muwandelamo jatene jawongile mundimuwa owonga ja mwene.
Currently Selected:
Izaiya 36: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Izaiya 36
36
Senakeribe mwene wa Asiriya ohomututcha Ezekiya
1Ezekiya mwene wa Juda agamanle yaka kumi na nnayi atongaga, mulombwana Senakeribe mwene wa Asiriya ohovenyaga, liye dowa wana na sidadi datene dolimba dowerewerihiwa na muru dafwanyeya Juda, liye digondjiha. Halaga Jeruzalemu bahi. 2Evale mwene wa Asiriya ule ohomurumaga mundimuwa mmohi owonga ja mwene ira amaruwe vamohi na anyakondo ohokala a masika, kadowe Jeruzalemu ira kawane na mwene Ezekiya. Evale aliwa kohoza Jeruzalemu. Kagazile, mundimuwa owonga ja mwene ule ohoimelaga magomelo wa movira mwa mahindje okumela ntiya nnafwanyeya muzulu wandamelana ndila yodowa munda wa namafulra nguwo. 3Mwa enne Eliyakimu, mwana Hilikiya, wenno ali musogolrelri wa vande va mwene, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza kohodowa ira kawonge na mundimuwa owonga ja mwene ule.
4Aliwa kagazile, mundimuwa owonga ja mwene ule ohawandelaga eraga: <<Mudowe mwamuwandele mwene Ezekiya. Mwene mundimuwa, mwene wa Asiriya unawonga ira: Kodi weyo wagarati unanyindela nni? 5Weyo unawonga ira: <Nihikana toto na kopolo ira niwane>, mbwenye anno ba mazu a vamulomonive bahi. Kodi weyo unamunyindela ani para weyo kondaga tongiwa na miyo? 6Weyo unaanyindela akuda Ijipitu anno anakala nnga nkogozo wa murere oparuwa. Tempu ini we uvilimbihedena wawendaga, murere ule unokotowa, upovola ndanda nawo. Farawu mwene wa Ijipitu unaairana eno atene anamunyindela. 7Eto masiki mudiwandele ira: <Nnamunyindela Yehova Mulugu wehu>, liye kanaukamihedani. Tchoira tchineneva Ezekiya ohobwanyula mamburo otama omutamalelamo vamohi na vibuwa daye, nomala awandelaga atu a Juda na a Jeruzalemu ira: <Ndoweni nimutamalelegeni va ibuwa yenna bahi.> >>#36:7 Mwene wa Asiriya alanyedaga mazu oira: tchineneva Ezekiya ohobwanyula mamburo otama omutamalelamo vamohi na vibuwa daye, ku wonga mwenole kaiziwile ira Ezekiya abwanyulaga vibuwa dotamalelamo amilugu, ohoirana yengo yapama vamentoni va Mulugu. Eto Ezekiya awongaga ira: Ndoweni nimutamalelegeni va ibuwa yenna bahi, oirana yengo yapama mwasiwa Mulugu gwawongile ira atu kamutamalelege va ibuwa yenno yafwanyeya Jeruzalemu. (2 Amwene 21:7) 8Mundimuwa owonga ja mwene ule ohokalelave wonga eraga: <<Miyo nnafuna musakanye mapoka na mbwiyaga mwene wa Asiriya. Miyo nnafuna duvaheni kavalo 2.000 na nzina na mbwiyaga, malringana uwande akwakwaniha aliba wendiha para kavalo datene bahi. 9Weyo unaanyindela akuda Ijipitu ira anourumiheda aaterelado a kondoni vamohi na aliba wendiha. Voira aIjipitu kahi yengo, masiki kaze kaukamihedeni, kunawanda mugondjiha nne musogolrelri mmohi mung'onong'ono wa anyakondo a mbwiyaga. 10Kodi weyo unaumbuwela ira divenyile mwa zelru daga meka daharumiwe na Yehova ira dize digudjule sidadila? Yehova gudirumile ira: <Kadowa ilambo yenne ira waigudjule.> >>
11Mwa enne Eliyakimu na Sebina na Jowa anna karumiwe na mwene kohomuwakulaga mundimuwa owonga ja mwene ule keraga: <<Nnouvepani ira muwongege na hiyo anamalabinyu na iwongelo ya iAramayiku mwasiwa nnovwa pama. Mbwenye kamuwongege na iEberewu, tchoira atu anafwanyeya vazulu va muru vale anavuruwana.>> 12Mbwenye mundimuwa owonga ja mwene ohawakulaga eraga: <<Miyo mbwiyaga adirumaga, kadirumile ira dize diwonge na nyo vamohi na mbwiyinyu bahi. Liye eto adirumile ira dize diwonge eto na alombwana anafwanyeya vazulu va muru vale anno anafuna kadje mambi ewa no ng'wa miwozo diwa vamohi na nyo.>>
13Evale mundimuwa owonga ja mwene ule agamanle wonga mazu anne, ohovenyaga, liye imela. Noira enne, ohokuwa na mazu ovweya na iwongelo ya iEberewu ira atu atene kavwege eraga: <<Kavuruwanani mazu a mwene mundimuwa, mwene wa Asiriya. 14Mwene unawonga ira: Nyo kamunyengiwe na mulombwana Ezekiya. Tchoira liye kanawanda uvunelani. 15Eto nne Ezekiya kaunyengegeni ira mmunyindelege Yehova awongaga ira: <Na ibaribari Yehova unonivunela hiyo eto liye kanahiya ira sidadila ivahediwe mmandani mwa mwene wa Asiriya.> >> 16Mundimuwa owonga ja mwene ohowongagave eraga: <<Nyo kamunvwe mulombwana Ezekiya. Tchoira mwene wa Asiriya unawonga ira: Musakanye nipangano nowandana na miyo eto muvivelele mmandani mwaga. Era eno nnouhiyani. Kada mutu unerege dja uva okumela mmundani mwaye eto kada mutu unerege dja jovaha ja mutengo wa mufigera waye eto unerege ng'wa mahindje a vaisimeni vaye, 17ante miyo difiyede udowanani ilambo yapama nnga ilambo yenyu, ilambo yenno munafwanyeya tirigu na vinyu, ilambo ya pawu na minda da uva. 18Munanyengiwe na mulombwana Ezekiya wenno unaukukumulani na mazu mamohive eraga: <Yehova unonivunela.> Kodi amilugu bavi kawandile avunela atu ira ilambo yewa yahagondjihiwe mmandani mwa mwene wa Asiriya? 19Kodi amilugu a Hamate na Aripade peno ali uvi? Nnga amilugu a Sefarivayimi peno ali uvi? Kodi kohokalawo amilugu kawandile iwombola ilambo ya Samariya mmandani mwaga? 20Kodi muwari mwa amilugu atene, mulugu guvi ababihilege wombola mmandani mwaga ilambo ya atu kamuhara? Akala aliwa kiwandile, nnga Yehova unawande avi iwombola ilambo ya Jeruzalemu mmandani mwaga?>>
21Mbwenye mwa mazu matene awongaga mundimuwa owonga ja mwene ule, kalivo nne mutu mmohi awakunlege yengo. Atene kohomiyalaga. Tchoira mwene gwakumihile nlamulo noira: <<Kakalevo unafuna wakula yengo.>> 22Mwa enne mulombwana Eliyakimu mwana Hilikiya wenno ali musogolrelri wa vande va mwene ule, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza, kohokawulaga jowara jiwa, aliwa dowaga wa mwene Ezekiya, aliwa muwandelamo jatene jawongile mundimuwa owonga ja mwene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral