Galasiya 4
4
Atu anakala ana Mulugu muwari momuroromela Yesu hiya moharihamo malamulo
1Inawonga miyo inakala nnga mwana uvahiwe jorayela ja marafula babaye. Masiki agalive mwinnya wa jatene, mbwenye akala mwana, liye kanahiyana na muzari. 2So liye unatongiwa na andimuwa na asogolrelri anne babaye aahiyile liye ira katonge jatene ante mwanole afiyede idadi yawongile babaye. 3Sawasawa na hiyene nagali ahima, nali azari mmandani mwa mangano owonga zela ja ilambo ya vati. 4Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo 5ira awande awombola atu anno kawendetcha na malamulo ira aliwa kawande behediwa kagali ahima a Mulugu.#4:5 kawande behediwa kagali ahima a Mulugu: Beheda unawongiwa va unatapulela ira mutu ahanavulusiwe, uli muibalini mwa Satana. (Juwawu 8:44) Mbwenye ora inavulusiwa mutu, Mulugu unomukumihamo muibalini mwa Satana, liye muhela muibalini mwaye. (Juwawu 1:12; Koloso 1:13)
6Eto voira na nyenne muli ahima a Mulugu, Mulugu amurumile Munemba wa Mwanaye mmirimani mwehu. Muwari mwa Munemba mule, hiyo nnomuitana Mulugu: <<Aba! Baba!>>#4:6 Aba! Baba! Ku wonga Papa! Baba! 7Nona peno mbwenye kamuli azari. Muli ana Mulugu. Akala muli ana Mulugu, vasogolro Mulugu unoza augaweleni rayela unna liye.
Pawulo ohakokomeza aGalasiya ira kahaharege jengo ja mundulri
8Wanle mwali nyo mwahanamuiziwe Mulugu, nyo mwali azari mmandani mwa amilugu amohiwene ahali a ibaribari. 9Mbwenye peno nyo mufiyeda mwezo omuiziwa Mulugu, nari dire mufiyeda mwezo oiziweya na Mulugu. Kodi nyo eni munafuna murungunuwe muiregenave jengo mweretchana nyo mwahanamuiziwe Mulugu? Munawanda avi welela mundulri muuzarini mwali nyo, haraga jengo johokana kopolo, mangano ohokana mabasa owonga zela ja ilambo ya vati? 10Muwari mowelela mundulri mule, muhuroma riheda ja malambo, ja mwedi, ja matempu na ja yaka. 11Miyo nnokukumuwa ira afwase mabasa matene dilabile miyo muwari mwa nyo, dilabele vasayi.
12Miyo abalaga nnafuna dukokomezeni ira mudisazihe miyo sawasawa nnga dawandile miyo usazihani dagali na nyo. Dagali na nyo, kamudiirilena yotakala.#4:12 mudisazihe miyo sawasawa nnga dawandile miyo usazihani: Ku wonga Pawulo awendaga na aGalasiya, liye ohowanda hakukumuwana mangano a aJudewu. So liye awenda pama na aGalasiya muwari mohokana nsakulro. Yokokomeza inna Pawulo eva, liye unaakokomeza afwaye ira kahakukumuwena mangano a aJudewu sawasawa nnga liye kakukumuwile zela mangano a aJudewu agali vamohi na aliwa. 13Nyo muhumala iziwa ira miyo vano para ulaleyani mazu, dulaleyileni Muselu Wapama mwasiwa dali murenda.#4:13 dulaleyileni Muselu Wapama mwasiwa dali murenda: Naileri Galasiya 4:13-15 inaoneya ira Pawulo awandile dowa Galasiya na mwasa wa urenda wanna liye zela meso aye. Mwa enne liye agali wewule, voira mabasaye ali laleya, kawandile miyala. Ohoroma alaleya wewule agalive murenda enne, fiyeda oneya atu omuroromela Yesu. Mwa enne, atu anne kamuroromenle Yesu kohokana mukumbanya Pawulo vamohi no mukukumuwela, fiyeda oneyaga ira kahawande, kogodula meso ewa ira kanvahe Pawulo ira avulumuwe. 14Nyo mozuzuma na mwasa wa makalelo danna miyo. Masiki eno, kamwadipetile, kamwadilramwisile, nari. Mbwenye mohodiwatchela pama nnga dali mungelro wa Mulugu eto mohodiwatchela nnga dali mwinnyiwene Yesu Kiristu. 15Miyo nnohidedela umboni ira muwari modiziveliwa wenyu, yahawandeye mogodula meswinyu, mudivaha miyo vano ira diwande vulumuwa. Kodi diziveliwa mwanna nyo peno va ugomenle uvi? 16Kodi peno miyo dili mwidaninyu mwasiwa nnouwandelani ibaribari?
17Eni kohokalawo atu anaukukumuwelani nyo, mbwenye ukukumuwelani wewa kahi wapama. Aliwa anafuna ira nyo mudihiye miyo, mudowe mwakale na aliwa, mwaatetelege aliwa. 18Ili pama mulimbihedegeve jengo japama ora datene hiya so ora inakala miyo vamohi na nyo bahi.
19Anaga ang'onong'ono miyo dinnanave ukukumuwelani nyo nnga muhiyana afunaga bala ante mufiyede kana makalelo a Kiristu.
20Yali pama dikale na nyo ira dahasimbwe usimelihani muwari molremba mazwala. Tchoira kannawanda ona pama viimenle nyo.
Malamulo anazana uzari eto nipangano na Mulugu nnozana kutchiwa
21Miyo nnafuna nnga mudiwandelemo pama nyo munafuna wenda na malamulo. Kodi nyo ja malamulo ji muhuiziwa pama? 22Tchoira mMazuni muhulrembiwa ira Abarahamu ohabala ahimaye ambinli. Mwana mmohi ali wa muzari eto mwana mmohiwa ali wa muhiyanaye ahali muzari. 23Mwana ambanle muzari ule abaliwe muwari mwa kopolo da maningo. Mbwenye mwana ambanle muhiyana ahali muzari ule abaliwe mwa nipangano apanganne Mulugu.
24Ahiyana ambinli ala anatapulela jopangana mbinli japanganne Mulugu. Muhiyana mmohi Agari unatapulela yopangana yapanganne Mulugu mwango Sinayi. Atu atene kakumile muwari mwa yopangana yenno ba azari. 25Mwana muhiyana Agari unatapulela mwango Sinayi ilambo ya Arabiya. Sawasawa nnga Agari ali muzari, tempu ili hiyo ila Jeruzalemu na ahimayene anafwanyeya kagali azari.#4:25 Jeruzalemu na ahimayene anafwanyeya kagali azari: Fwanyeya ira ora yenno Jeruzalemu ali vabazini va aJudewu oriheda malamulo. Pawulo alrembaga mazwala, aJudewu oindjiva kali Jeruzalemu kalive atu ororomela malamulo. Aliwa kalive azari mwasiwa aliwa karoromela malamulo.
26Mbwenye Jeruzalemu unafwanyeya ilambo ya zulu kahi muzari. Hiyo mmihu gu Jeruzalemu wenno.#4:26 Jeruzalemu unafwanyeya ilambo ya zulu kahi muzari: Ku wonga atene kahanle na ja aJudewu na joira jiwa kafwanyeya kagali ana muzari. Pawulo awongaga ira Hiyo mmihu gu Jeruzalemu wenno… unafwanyeya ilambo ya zulu, unawonga zela tamihiwa wa diresawu. Tchoira wanle diresawu ya aJudewu ali Jeruzalemu wa ilambo ya vati. Tchoira Mulugu ohawandela aIzarayeli atene ira kagumane ilambo ya Jeruzalemu fendo taru va yaka ira kamutamalele. (Ezodu 23:14,17; Detoronomiyo 12:5; 1 Amwene 9:3) Masiki Yesu agali mwilamboni ya vati, odowetcha dja Pwando ya Mavirelo Jeruzalemu. (Lukaji 2:41; Juwawu 2:23, 6:4, 11:55) Mbwenye nnga mwawongele liye na mwana muhiyana wa Samariya, jodowa Jeruzalemu jafuna mala eto eni jihimala. (Juwawu 4:20-24) 27Kalaga nnga ilrembiwe mMazuni ira:
<<Kahagalala, we ngomwa wahanabala. Uziveliwe, ukuwe mohagalala weyo wahanabala mwana! Mwasiwa weyo ulanyiwe vasogolro unoza ukayena ahima oindjiva hiyaniha na ule ahalanyiwe na mamunaye.>>#4:27 Kahagalala, we ngomwa… unoza ukayena ahima oindjiva hiyaniha na ule ahalanyiwe: Mazwala kakumile Izaiya 54:1. Tapulela nnga Sara na Agari. Tchoira Sara ohodibeliwa ahanabale. Kalaga nnga muhiyana okana mabasa ali Agari. Mbwenye agomenle kana mabasa ali Sara. Tapulela eto ira Jeruzalemu wa zulu unokana mabasa kwaranya Jeruzalemu wa ilambo ya vati. Atu atene a Jeruzalemu wa ilambo ya vati, ku wonga atu ororomela malamulo anagomela hakana mabasa. So anafuna kana mabasa ba atu omuroromela Yesu. Atu omuroromela Yesu banafuna gomela volowa Jeruzalemu wa ilambo ya zulu.
28Nyo abalaga muli ahima a nipangano nnga Izaki. 29Eto fwanyeya ira wanle mwana abaliwe na kopolo da maningo omuharahara nfwaye abaliwe muwari mwa kopolo da Munemba. Tcheniyo imohive inaireya malambwala. 30Kodi wanlevo, mwana wa maningo amuharaharaga mwana wa Munemba, yaireyile yali nni? Mazu anawonga ira:
<<Kamutamangiheni muzari ule vamohi na mwanayene. Mwasiwa babiwa agakwile, kavali wandeya ira mwana wa muzari unovahiwa pandi ya jorayela ja babaye vamohi na mwana wa muhiyana ahali muzari.>> #
Jenesesi 21:10
31Nona abalaga, inafwanela niiziwe ira hiyo kanili ahima a muzari. Nili ahima a muhiyana ahali muzari.
Currently Selected:
Galasiya 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Galasiya 4
4
Atu anakala ana Mulugu muwari momuroromela Yesu hiya moharihamo malamulo
1Inawonga miyo inakala nnga mwana uvahiwe jorayela ja marafula babaye. Masiki agalive mwinnya wa jatene, mbwenye akala mwana, liye kanahiyana na muzari. 2So liye unatongiwa na andimuwa na asogolrelri anne babaye aahiyile liye ira katonge jatene ante mwanole afiyede idadi yawongile babaye. 3Sawasawa na hiyene nagali ahima, nali azari mmandani mwa mangano owonga zela ja ilambo ya vati. 4Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo 5ira awande awombola atu anno kawendetcha na malamulo ira aliwa kawande behediwa kagali ahima a Mulugu.#4:5 kawande behediwa kagali ahima a Mulugu: Beheda unawongiwa va unatapulela ira mutu ahanavulusiwe, uli muibalini mwa Satana. (Juwawu 8:44) Mbwenye ora inavulusiwa mutu, Mulugu unomukumihamo muibalini mwa Satana, liye muhela muibalini mwaye. (Juwawu 1:12; Koloso 1:13)
6Eto voira na nyenne muli ahima a Mulugu, Mulugu amurumile Munemba wa Mwanaye mmirimani mwehu. Muwari mwa Munemba mule, hiyo nnomuitana Mulugu: <<Aba! Baba!>>#4:6 Aba! Baba! Ku wonga Papa! Baba! 7Nona peno mbwenye kamuli azari. Muli ana Mulugu. Akala muli ana Mulugu, vasogolro Mulugu unoza augaweleni rayela unna liye.
Pawulo ohakokomeza aGalasiya ira kahaharege jengo ja mundulri
8Wanle mwali nyo mwahanamuiziwe Mulugu, nyo mwali azari mmandani mwa amilugu amohiwene ahali a ibaribari. 9Mbwenye peno nyo mufiyeda mwezo omuiziwa Mulugu, nari dire mufiyeda mwezo oiziweya na Mulugu. Kodi nyo eni munafuna murungunuwe muiregenave jengo mweretchana nyo mwahanamuiziwe Mulugu? Munawanda avi welela mundulri muuzarini mwali nyo, haraga jengo johokana kopolo, mangano ohokana mabasa owonga zela ja ilambo ya vati? 10Muwari mowelela mundulri mule, muhuroma riheda ja malambo, ja mwedi, ja matempu na ja yaka. 11Miyo nnokukumuwa ira afwase mabasa matene dilabile miyo muwari mwa nyo, dilabele vasayi.
12Miyo abalaga nnafuna dukokomezeni ira mudisazihe miyo sawasawa nnga dawandile miyo usazihani dagali na nyo. Dagali na nyo, kamudiirilena yotakala.#4:12 mudisazihe miyo sawasawa nnga dawandile miyo usazihani: Ku wonga Pawulo awendaga na aGalasiya, liye ohowanda hakukumuwana mangano a aJudewu. So liye awenda pama na aGalasiya muwari mohokana nsakulro. Yokokomeza inna Pawulo eva, liye unaakokomeza afwaye ira kahakukumuwena mangano a aJudewu sawasawa nnga liye kakukumuwile zela mangano a aJudewu agali vamohi na aliwa. 13Nyo muhumala iziwa ira miyo vano para ulaleyani mazu, dulaleyileni Muselu Wapama mwasiwa dali murenda.#4:13 dulaleyileni Muselu Wapama mwasiwa dali murenda: Naileri Galasiya 4:13-15 inaoneya ira Pawulo awandile dowa Galasiya na mwasa wa urenda wanna liye zela meso aye. Mwa enne liye agali wewule, voira mabasaye ali laleya, kawandile miyala. Ohoroma alaleya wewule agalive murenda enne, fiyeda oneya atu omuroromela Yesu. Mwa enne, atu anne kamuroromenle Yesu kohokana mukumbanya Pawulo vamohi no mukukumuwela, fiyeda oneyaga ira kahawande, kogodula meso ewa ira kanvahe Pawulo ira avulumuwe. 14Nyo mozuzuma na mwasa wa makalelo danna miyo. Masiki eno, kamwadipetile, kamwadilramwisile, nari. Mbwenye mohodiwatchela pama nnga dali mungelro wa Mulugu eto mohodiwatchela nnga dali mwinnyiwene Yesu Kiristu. 15Miyo nnohidedela umboni ira muwari modiziveliwa wenyu, yahawandeye mogodula meswinyu, mudivaha miyo vano ira diwande vulumuwa. Kodi diziveliwa mwanna nyo peno va ugomenle uvi? 16Kodi peno miyo dili mwidaninyu mwasiwa nnouwandelani ibaribari?
17Eni kohokalawo atu anaukukumuwelani nyo, mbwenye ukukumuwelani wewa kahi wapama. Aliwa anafuna ira nyo mudihiye miyo, mudowe mwakale na aliwa, mwaatetelege aliwa. 18Ili pama mulimbihedegeve jengo japama ora datene hiya so ora inakala miyo vamohi na nyo bahi.
19Anaga ang'onong'ono miyo dinnanave ukukumuwelani nyo nnga muhiyana afunaga bala ante mufiyede kana makalelo a Kiristu.
20Yali pama dikale na nyo ira dahasimbwe usimelihani muwari molremba mazwala. Tchoira kannawanda ona pama viimenle nyo.
Malamulo anazana uzari eto nipangano na Mulugu nnozana kutchiwa
21Miyo nnafuna nnga mudiwandelemo pama nyo munafuna wenda na malamulo. Kodi nyo ja malamulo ji muhuiziwa pama? 22Tchoira mMazuni muhulrembiwa ira Abarahamu ohabala ahimaye ambinli. Mwana mmohi ali wa muzari eto mwana mmohiwa ali wa muhiyanaye ahali muzari. 23Mwana ambanle muzari ule abaliwe muwari mwa kopolo da maningo. Mbwenye mwana ambanle muhiyana ahali muzari ule abaliwe mwa nipangano apanganne Mulugu.
24Ahiyana ambinli ala anatapulela jopangana mbinli japanganne Mulugu. Muhiyana mmohi Agari unatapulela yopangana yapanganne Mulugu mwango Sinayi. Atu atene kakumile muwari mwa yopangana yenno ba azari. 25Mwana muhiyana Agari unatapulela mwango Sinayi ilambo ya Arabiya. Sawasawa nnga Agari ali muzari, tempu ili hiyo ila Jeruzalemu na ahimayene anafwanyeya kagali azari.#4:25 Jeruzalemu na ahimayene anafwanyeya kagali azari: Fwanyeya ira ora yenno Jeruzalemu ali vabazini va aJudewu oriheda malamulo. Pawulo alrembaga mazwala, aJudewu oindjiva kali Jeruzalemu kalive atu ororomela malamulo. Aliwa kalive azari mwasiwa aliwa karoromela malamulo.
26Mbwenye Jeruzalemu unafwanyeya ilambo ya zulu kahi muzari. Hiyo mmihu gu Jeruzalemu wenno.#4:26 Jeruzalemu unafwanyeya ilambo ya zulu kahi muzari: Ku wonga atene kahanle na ja aJudewu na joira jiwa kafwanyeya kagali ana muzari. Pawulo awongaga ira Hiyo mmihu gu Jeruzalemu wenno… unafwanyeya ilambo ya zulu, unawonga zela tamihiwa wa diresawu. Tchoira wanle diresawu ya aJudewu ali Jeruzalemu wa ilambo ya vati. Tchoira Mulugu ohawandela aIzarayeli atene ira kagumane ilambo ya Jeruzalemu fendo taru va yaka ira kamutamalele. (Ezodu 23:14,17; Detoronomiyo 12:5; 1 Amwene 9:3) Masiki Yesu agali mwilamboni ya vati, odowetcha dja Pwando ya Mavirelo Jeruzalemu. (Lukaji 2:41; Juwawu 2:23, 6:4, 11:55) Mbwenye nnga mwawongele liye na mwana muhiyana wa Samariya, jodowa Jeruzalemu jafuna mala eto eni jihimala. (Juwawu 4:20-24) 27Kalaga nnga ilrembiwe mMazuni ira:
<<Kahagalala, we ngomwa wahanabala. Uziveliwe, ukuwe mohagalala weyo wahanabala mwana! Mwasiwa weyo ulanyiwe vasogolro unoza ukayena ahima oindjiva hiyaniha na ule ahalanyiwe na mamunaye.>>#4:27 Kahagalala, we ngomwa… unoza ukayena ahima oindjiva hiyaniha na ule ahalanyiwe: Mazwala kakumile Izaiya 54:1. Tapulela nnga Sara na Agari. Tchoira Sara ohodibeliwa ahanabale. Kalaga nnga muhiyana okana mabasa ali Agari. Mbwenye agomenle kana mabasa ali Sara. Tapulela eto ira Jeruzalemu wa zulu unokana mabasa kwaranya Jeruzalemu wa ilambo ya vati. Atu atene a Jeruzalemu wa ilambo ya vati, ku wonga atu ororomela malamulo anagomela hakana mabasa. So anafuna kana mabasa ba atu omuroromela Yesu. Atu omuroromela Yesu banafuna gomela volowa Jeruzalemu wa ilambo ya zulu.
28Nyo abalaga muli ahima a nipangano nnga Izaki. 29Eto fwanyeya ira wanle mwana abaliwe na kopolo da maningo omuharahara nfwaye abaliwe muwari mwa kopolo da Munemba. Tcheniyo imohive inaireya malambwala. 30Kodi wanlevo, mwana wa maningo amuharaharaga mwana wa Munemba, yaireyile yali nni? Mazu anawonga ira:
<<Kamutamangiheni muzari ule vamohi na mwanayene. Mwasiwa babiwa agakwile, kavali wandeya ira mwana wa muzari unovahiwa pandi ya jorayela ja babaye vamohi na mwana wa muhiyana ahali muzari.>> #
Jenesesi 21:10
31Nona abalaga, inafwanela niiziwe ira hiyo kanili ahima a muzari. Nili ahima a muhiyana ahali muzari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral