Ezodu 8
8
Ntembelrelro nanembinli: Mulugu ohoziha anyapule
1Noira enne Yehova ohomuwandela mulombwana Mozeji, liye ira: <<Udowe wamuwandele mwene Farawu ira: <Yehova unawonga ira: <<Waahiye atwaga ira kaditamalele. 2Mbwenye weyo waakondiha dowa, miyo nnononga ilambo yawo na anyapule. 3Muhindje Nilu unozala anyapule. Anyapule ale anerege kuma mwiko kaze kafiye mmba mwawo, kwartuni wawo unagona we, ante anerege fiya vakamani vawo. Eto anerege dowa mmavande mwa anamalabawo atene, na atwawo atene eto anerege fiya muhofuni munawotcha nyo pawu na mmabasiyani munakandetcha nyo tirigu. 4Anyapule ayo anafuna kauzele weyo na atwawo na anamalabawo atene.>> > >>
5Yehova ohowongagave na Mozeji eraga: <<Umuwandele Arawu, avenyihe muwono waye agahidedile ikumbuzo mmandani mwaye, atonyena mihindje datene, dindimuwa na ding'ining'ini na mahindje a mmatiyani ira anyapule katavuwe, kagaweye mwilamboni mwatene mwa Ijipitu!>> 6Evale Arawu ohovenyiha muwono waye, liye tonya mihindje datene da Ijipitu. Mwa enne anyapule kohotavuwa mmihindjeni mwatene, aliwa zala mwilamboni mwatene mwa Ijipitu.
7Evale ang'anga okwima a Ijipitu kohoirana jimohive jejile muwari mwa masenga ewa. Na aliwene kohaziha anyapule ewa ilambo ya Ijipitu. 8Evale mwene Farawu ohomuitaniha Mozeji na Arawu, liye awandela kwi: <<Munvepe Yehova ira aakumihemo anyapule ala mwa miyo na atwaga. Era eno miyo nnoahiya atwaye ira kadowege kamukutele Yehova mikuto.>> 9Evale Mozeji ohonfukaga mwene Farawu ira: <<Tabo, miyo nnodowa danvepe Yehova ira aakumihemo anyapule ala mwa nyo na anamalabinyu vamohi na atwinyu na mmavande mwenyu, so kahale muhindje Nilu bahi. Nnga nyo mufunne ira dulobeleleni alini?>> 10Evale mwene Farawu ohomuwakulaga mulombwana Mozeji ira: <<Jejo jikale metchelo.>> Mozeji ohomuwandelaga mwene Farawu ira: <<Ikale nnga mwemo muwongele nyo. Jaireya eno, nyo munoiziwa ira kaliwo Mulugu mmohiwa olingana na Yehova Mulugu wehu. 11Anyapule anokumamo mwa nyo na anamalabinyu vamohi na atwinyu atene. So mbwenye anafuna kahale muhindje Nilu bahi.>>
12Noira eno, mulombwana Mozeji na Arawu kohokumagavo vamentoni va mwene Farawu, aliwa dowaga. Kagadowile, mulombwana Mozeji ohonvepaga Yehova ira aakumihemo anyapule ale nnga mwapanganne liye na Farawu. 13Evale Yehova ohoirana nnga mwemo mwavepele Mozeji. Noira enne, anyapule atene kafwanyeya mmamba, vatando na mmindani kohokwa atene. 14Evale kohagudela kamba kamba eto ilambo yatene ya Ijipitu yohoroma nuka nrimba nabure. 15Evale Farawu agaonne ira: <<Ibure ya anyapule ihivira>>, ohoummihave murimaye. Nnga mwemo mwawongele Yehova, Farawu kafunile vwa yowonga ya Mozeji na Arawu.
Ntembelrelro naneraru: Mulugu ohoziha tumbo
16Evale Yehova ohomuwandela Mozeji ira: <<Wamuwandele Arawu wire: <Utukule ikumbuzwawo, ububudena vati ira tumbulru natene na Ijipitu nisanduwe nikale tumbo.> >>#8:16 nisanduwe nikale tumbo. Yengo inawongiwa veva kinaiziweya pama. Podi kala tumbo owu hehi puzuzu, owu hehi vinyilili. 17Evale kohoirana. Arawu ohovenyiha muwono waye, aganna ikumbuzo mmandani mwaye, liye bubudana teya vati. Evale tumbulru natene mwilamboni mwa Ijipitu nohosanduwa kala tumbo. Mwa enne atu vamohi na jifuwo kohoroma kana tumbo. 18Ang'anga okwima ale na aliwene kohoxixa saziha jimohive jejile muwari mwa masenga ewa ira kasakanye tumbo, mbwenye kofiyeda imwanana. Eto tumbo dile dohokalave mwa atu vamohi na jifuwo. 19Mwa enne ang'anga okwima ale vaimwananne atu, komuwandela Farawu ira: <<Yotikiniha yenna inaireya muwari mwa ibuno ya kopolo da Mulugu.>> Mbwenye Farawu murimaye afwanyeyave oummene. Nnga mwemo mwawongele Yehova, Farawu kafunile vwa yowonga ya Mozeji na Arawu.
Ntembelrelro nanennayi: Mulugu ohoziha pondolre
20Yehova ohomuwandela mulombwana Mozeji ira: <<Metchelo na mabebehene uvenye udowe wagumane na mwene Farawu tempu inadowa liye muhindje Nilu. Wamuwandele ira: <Yehova unawonga ira: <<Waahiye atwaga kadowege ira kaditamalele. 21Mbwenye weyo waakondiha atwaga dowa, miyo nnorumiha pondolre dohokala da masika wa weyo vamohi na anamalabawo vamohi na atwawo atene na mmba mwawo, mmba mwa anamalabawo eto na mmba mwa aIjipitu atenene munomala zala pondolre. Eto masiki teya ili yatene vinanyingalege atu vinerege zala pondolre ve. 22Mbwenye siku niwa nafiya, miyo nnogwada ilambo ya Gozeni wewo unakala atwaga ira wahafwanyeye pondolre. Nnoirana eno ira weyo uwande iziwa ira miyo Yehova nnafwanyeya ilambo yenna. 23Miyo nnoahiyanihavo atwaga na atwawo. Ionihedo yenna inoireya metchelo.>> > >>
24Mwa enne Yehova ohoirana na ibaribari. Dohoza pondolre didjindji ilambo ya Ijipitu romana mmba mwa Farawu na mmba mwa anamalabaye vamohi na ilambo yatene ya Ijipitu. Mwa enne atu a ilambo ya Ijipitu kohosanyeya na mwasa wa pondolre dile.#8:24 atu a ilambo ya Ijipitu kohosanyeya na mwasa wa pondolre dile MaBibiliya amohiwa anawonga ira ilambo ya Ijipitu yohomala nongeya. 25Evale Farawu ohomuitaniha Mozeji na Arawu, liye ira: <<Dowani mwamukutele mukuto Mulugu wenyu. Mbwenye muirena mwilamboni muno, kamukumemo!>>
26Mozeji mbwenye ohomuwakulaga mwene Farawu eraga: <<Kavali wandeya ira hiyo nnokuta mikuto dihu ilambo yenna ya Ijipitu. Mwasiwa mikuto nnafuna hiyo nimukutelege Yehova Mulugu wehu nnokala yengo yotakaletchetcha vamentoni va aIjipitu.#8:26 mikuto nnafuna hiyo nimukutelege Yehova Mulugu wehu nnokala yengo yotakaletchetcha vamentoni va aIjipitu. Na ibaribari pa mabila sakanya mukuto, aIjipitu kabalra nnga yotakaletchetcha. Mwasiwa para aIjipitu nibila ali nnga amilugu kaakokoreletcha atu. Teto Mozeji awongaga mazu oira aliwa anagomela nipa na mabwe, erave nama ira Farawu awande ahiya ira kadowege. Mwasiwa aliwa ulrendo wafuna atu dowa ali ira kakumemo muIjipitu mule, kahawele akoka. Mwa eno, hiyo nera nivelele mikuto dedo nnafwanyeya dagali yengo yotakaletchetcha vamentoni vewa, aliwa anagomela nipa na mabwe. 27Mbwenye inafwanela niwende ulrendo wa malambo mararu ira nidowe muisalesaleni, namukutele Yehova Mulugu wehu nnga mufunele liye.>> 28Evale Farawu ohowonga, liye ira: <<Miyo nnouhiyani ira mudowe muisalesaleni, mwavelele mikuto wa Yehova Mulugu wenyu. So mbwenye kamudowe olapela wene. Eto nnavepa ira mudilobelele.>> 29Evale Mozeji ohomuwakulaga ira: <<Miyo dakumaga eva, nnodowa danvepe Yehova ira akumihemo pondolre di. Metchelo pondolre di nnokumamo mwa nyo eto mwa anamalabinyu na mwa atwinyu. So mbwenye malringana mwahawelela ninyenga akoka, mwaakondiha aIzarayeli ira kahadowe kavelele mikuto wa Yehova.>> 30Evale Mozeji ohovenyagavo vamentoni va Farawu vale, liye dowa nvepa Yehova. 31Eto Yehova ohoirana nnga mwemo mwanvepele mulombwana Mozeji. Pondolre dile dohokuma mwa Farawu vamohi na anamalabaye vamohi na atwaye atene. Nne pondolre imohi tchahanlemo. 32Farawu mbwenye ohoummihave murimaye mwakoka mwene nnga verile liye. Kaahiyile aIzarayeli ira kadowege.
Currently Selected:
Ezodu 8: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 8
8
Ntembelrelro nanembinli: Mulugu ohoziha anyapule
1Noira enne Yehova ohomuwandela mulombwana Mozeji, liye ira: <<Udowe wamuwandele mwene Farawu ira: <Yehova unawonga ira: <<Waahiye atwaga ira kaditamalele. 2Mbwenye weyo waakondiha dowa, miyo nnononga ilambo yawo na anyapule. 3Muhindje Nilu unozala anyapule. Anyapule ale anerege kuma mwiko kaze kafiye mmba mwawo, kwartuni wawo unagona we, ante anerege fiya vakamani vawo. Eto anerege dowa mmavande mwa anamalabawo atene, na atwawo atene eto anerege fiya muhofuni munawotcha nyo pawu na mmabasiyani munakandetcha nyo tirigu. 4Anyapule ayo anafuna kauzele weyo na atwawo na anamalabawo atene.>> > >>
5Yehova ohowongagave na Mozeji eraga: <<Umuwandele Arawu, avenyihe muwono waye agahidedile ikumbuzo mmandani mwaye, atonyena mihindje datene, dindimuwa na ding'ining'ini na mahindje a mmatiyani ira anyapule katavuwe, kagaweye mwilamboni mwatene mwa Ijipitu!>> 6Evale Arawu ohovenyiha muwono waye, liye tonya mihindje datene da Ijipitu. Mwa enne anyapule kohotavuwa mmihindjeni mwatene, aliwa zala mwilamboni mwatene mwa Ijipitu.
7Evale ang'anga okwima a Ijipitu kohoirana jimohive jejile muwari mwa masenga ewa. Na aliwene kohaziha anyapule ewa ilambo ya Ijipitu. 8Evale mwene Farawu ohomuitaniha Mozeji na Arawu, liye awandela kwi: <<Munvepe Yehova ira aakumihemo anyapule ala mwa miyo na atwaga. Era eno miyo nnoahiya atwaye ira kadowege kamukutele Yehova mikuto.>> 9Evale Mozeji ohonfukaga mwene Farawu ira: <<Tabo, miyo nnodowa danvepe Yehova ira aakumihemo anyapule ala mwa nyo na anamalabinyu vamohi na atwinyu na mmavande mwenyu, so kahale muhindje Nilu bahi. Nnga nyo mufunne ira dulobeleleni alini?>> 10Evale mwene Farawu ohomuwakulaga mulombwana Mozeji ira: <<Jejo jikale metchelo.>> Mozeji ohomuwandelaga mwene Farawu ira: <<Ikale nnga mwemo muwongele nyo. Jaireya eno, nyo munoiziwa ira kaliwo Mulugu mmohiwa olingana na Yehova Mulugu wehu. 11Anyapule anokumamo mwa nyo na anamalabinyu vamohi na atwinyu atene. So mbwenye anafuna kahale muhindje Nilu bahi.>>
12Noira eno, mulombwana Mozeji na Arawu kohokumagavo vamentoni va mwene Farawu, aliwa dowaga. Kagadowile, mulombwana Mozeji ohonvepaga Yehova ira aakumihemo anyapule ale nnga mwapanganne liye na Farawu. 13Evale Yehova ohoirana nnga mwemo mwavepele Mozeji. Noira enne, anyapule atene kafwanyeya mmamba, vatando na mmindani kohokwa atene. 14Evale kohagudela kamba kamba eto ilambo yatene ya Ijipitu yohoroma nuka nrimba nabure. 15Evale Farawu agaonne ira: <<Ibure ya anyapule ihivira>>, ohoummihave murimaye. Nnga mwemo mwawongele Yehova, Farawu kafunile vwa yowonga ya Mozeji na Arawu.
Ntembelrelro naneraru: Mulugu ohoziha tumbo
16Evale Yehova ohomuwandela Mozeji ira: <<Wamuwandele Arawu wire: <Utukule ikumbuzwawo, ububudena vati ira tumbulru natene na Ijipitu nisanduwe nikale tumbo.> >>#8:16 nisanduwe nikale tumbo. Yengo inawongiwa veva kinaiziweya pama. Podi kala tumbo owu hehi puzuzu, owu hehi vinyilili. 17Evale kohoirana. Arawu ohovenyiha muwono waye, aganna ikumbuzo mmandani mwaye, liye bubudana teya vati. Evale tumbulru natene mwilamboni mwa Ijipitu nohosanduwa kala tumbo. Mwa enne atu vamohi na jifuwo kohoroma kana tumbo. 18Ang'anga okwima ale na aliwene kohoxixa saziha jimohive jejile muwari mwa masenga ewa ira kasakanye tumbo, mbwenye kofiyeda imwanana. Eto tumbo dile dohokalave mwa atu vamohi na jifuwo. 19Mwa enne ang'anga okwima ale vaimwananne atu, komuwandela Farawu ira: <<Yotikiniha yenna inaireya muwari mwa ibuno ya kopolo da Mulugu.>> Mbwenye Farawu murimaye afwanyeyave oummene. Nnga mwemo mwawongele Yehova, Farawu kafunile vwa yowonga ya Mozeji na Arawu.
Ntembelrelro nanennayi: Mulugu ohoziha pondolre
20Yehova ohomuwandela mulombwana Mozeji ira: <<Metchelo na mabebehene uvenye udowe wagumane na mwene Farawu tempu inadowa liye muhindje Nilu. Wamuwandele ira: <Yehova unawonga ira: <<Waahiye atwaga kadowege ira kaditamalele. 21Mbwenye weyo waakondiha atwaga dowa, miyo nnorumiha pondolre dohokala da masika wa weyo vamohi na anamalabawo vamohi na atwawo atene na mmba mwawo, mmba mwa anamalabawo eto na mmba mwa aIjipitu atenene munomala zala pondolre. Eto masiki teya ili yatene vinanyingalege atu vinerege zala pondolre ve. 22Mbwenye siku niwa nafiya, miyo nnogwada ilambo ya Gozeni wewo unakala atwaga ira wahafwanyeye pondolre. Nnoirana eno ira weyo uwande iziwa ira miyo Yehova nnafwanyeya ilambo yenna. 23Miyo nnoahiyanihavo atwaga na atwawo. Ionihedo yenna inoireya metchelo.>> > >>
24Mwa enne Yehova ohoirana na ibaribari. Dohoza pondolre didjindji ilambo ya Ijipitu romana mmba mwa Farawu na mmba mwa anamalabaye vamohi na ilambo yatene ya Ijipitu. Mwa enne atu a ilambo ya Ijipitu kohosanyeya na mwasa wa pondolre dile.#8:24 atu a ilambo ya Ijipitu kohosanyeya na mwasa wa pondolre dile MaBibiliya amohiwa anawonga ira ilambo ya Ijipitu yohomala nongeya. 25Evale Farawu ohomuitaniha Mozeji na Arawu, liye ira: <<Dowani mwamukutele mukuto Mulugu wenyu. Mbwenye muirena mwilamboni muno, kamukumemo!>>
26Mozeji mbwenye ohomuwakulaga mwene Farawu eraga: <<Kavali wandeya ira hiyo nnokuta mikuto dihu ilambo yenna ya Ijipitu. Mwasiwa mikuto nnafuna hiyo nimukutelege Yehova Mulugu wehu nnokala yengo yotakaletchetcha vamentoni va aIjipitu.#8:26 mikuto nnafuna hiyo nimukutelege Yehova Mulugu wehu nnokala yengo yotakaletchetcha vamentoni va aIjipitu. Na ibaribari pa mabila sakanya mukuto, aIjipitu kabalra nnga yotakaletchetcha. Mwasiwa para aIjipitu nibila ali nnga amilugu kaakokoreletcha atu. Teto Mozeji awongaga mazu oira aliwa anagomela nipa na mabwe, erave nama ira Farawu awande ahiya ira kadowege. Mwasiwa aliwa ulrendo wafuna atu dowa ali ira kakumemo muIjipitu mule, kahawele akoka. Mwa eno, hiyo nera nivelele mikuto dedo nnafwanyeya dagali yengo yotakaletchetcha vamentoni vewa, aliwa anagomela nipa na mabwe. 27Mbwenye inafwanela niwende ulrendo wa malambo mararu ira nidowe muisalesaleni, namukutele Yehova Mulugu wehu nnga mufunele liye.>> 28Evale Farawu ohowonga, liye ira: <<Miyo nnouhiyani ira mudowe muisalesaleni, mwavelele mikuto wa Yehova Mulugu wenyu. So mbwenye kamudowe olapela wene. Eto nnavepa ira mudilobelele.>> 29Evale Mozeji ohomuwakulaga ira: <<Miyo dakumaga eva, nnodowa danvepe Yehova ira akumihemo pondolre di. Metchelo pondolre di nnokumamo mwa nyo eto mwa anamalabinyu na mwa atwinyu. So mbwenye malringana mwahawelela ninyenga akoka, mwaakondiha aIzarayeli ira kahadowe kavelele mikuto wa Yehova.>> 30Evale Mozeji ohovenyagavo vamentoni va Farawu vale, liye dowa nvepa Yehova. 31Eto Yehova ohoirana nnga mwemo mwanvepele mulombwana Mozeji. Pondolre dile dohokuma mwa Farawu vamohi na anamalabaye vamohi na atwaye atene. Nne pondolre imohi tchahanlemo. 32Farawu mbwenye ohoummihave murimaye mwakoka mwene nnga verile liye. Kaahiyile aIzarayeli ira kadowege.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral