Ezodu 32
32
AIzarayeli kohosakanya ng'ombe ira ikale mulugu wewa
1Mozeji agali mwangoni ule, atwale vahanle atu, kagaonne Mozeji adibeliwaga tita mwangoni ule, kohogumanela atene, aliwa dowa muwongana mulombwana Arawu, keraga: <<Kavenya unisakanyele amilugu ira kanisogolrelrege. Mwasiwa hiyo kaniiziwile imuireyele mulombwana Mozeji wenno unikumihile ilambo ya Ijipitu.>> 2Evale Arawu agavwile mazu anne, ohawandelaga eraga: <<Mudowe wa ahiyaninyu na ahiminyu a alombwana vamohi na a ahiyana, mwakumihegemo mmabaruni mwewa birinku da oru diwarile atu, muzena wa miyo.>> 3Evale atu atene kohokumihagamo mmabaruni mwewa birinku da oru dedo dawarile atu, aliwa dowana wa Arawu. 4Arawu ohowatchela birinku dile, nyungulrutcha, liye sakanyana mwana ng'ombe ya oru muwari molabana foruma. Agasakanyile mwana ng'ombe ya oru ile, aliwa kohowongaga keraga: <<Kavuruwanani nyo aIzarayeli. Ala ba amilugu ehu anno kanikumihile ilambo ya Ijipitu.>> 5Evale mulombwana Arawu agaonne ira atu atene kohoziveliwa zela jejile, ohosakanyaga ibuwa sogolro wa mwana ng'ombe ile, liye awandela aIzarayeli atene, kwi: <<Metchelo unokala pwando yomutamalela Yehova!>>
6Mmetcheloni muwa na mabebehene, atwale kohovelela mikuto dotumeya eto kohozagana jovelela ja murendele. Evale kohogaratigi, aliwa roma sakanya pwando yewa, aliwa djaga jakutenle atu ikwamutu yosema ile eto aliwa ng'waga. Eto kohovenyaga ira kawalredege.
7Mwa enne Yehova ohomuwandelaga mulombwana Mozeji mwangoni ule eraga: <<Katita mobaranya, mwasiwa atwawo anno waakumihile we mwilamboni mwa Ijipitu kohomala viringana. 8Vohosusa vene kohiya ndila yenno yaawandenle miyo ira kaharege, kohovisakanyela mwana ng'ombe ya oru onyungulrutchiwa, aliwa roma ikokorelaga eto kovelela mukuto, aliwa wongaga ira: <Kavuruwanani nyo aIzarayeli. Ala ba amilugu ehu kanikumihile ilambo ya Ijipitu.> >>
9Yehova ohomuwandelagave Mozeji eraga: <<Miyo dihimala aona atwala ira aliwa ba atu ohofuna vwa. 10Mwa eno, udihiye dihindihe uwali waga zela aliwa, dimale atolotcha atene. Damala eno miyo nnafuna disakanye mulogo mundimuwa mwa weyo.>>
Mozeji ohalobelela aIzarayeli
11Mbwenye mulombwana Mozeji ohonvepa Yehova Mulugu waye ira: <<Yehova! Kodi mutakaleliwele nni na makalelo ohokala a masika zela mulogo wenyu wa Ana Izarayeli anno mwaakumihile nyo ilambo ya Ijipitu na kopolo dinyu dindimuwa eto na ndanda nenyu na kopolo? 12Kodi munafunela nni joahiya ira akuda Ijipitu kaze kawongege ira: <Mulugu wewa aakumihele muIjipitu muno ira aairele ubure, aape mmwangoni, amale adimeliha atene ira kahafwanyeye mwilamboni yatene ya vati!>? Yehova nnouvepani ira muhiye takaleliwa wenyu, muhiye yabure yenno inafuna nyo airela atwinyu! 13Mwaaumbuwele anamalaba enyu Abarahamu, Izaki na Izarayeli, anno mwalumbenle nyo funa wenyu wa aliwa, mwaawongagana ira: <Miyo nnoaindjiviha ahiminyu nnga nyenyedi da zulu eto nnoavaha ilambo yatene yenna ipanganne miyo uvahani. Eto daavaha, inoza ikale yewa kala no kala!> >> 14Evale Yehova ohovwa yovepa yaye, kairilena ubure watene wafuna liye airela atwaye. 15Noira eno, mulombwana Mozeji ohorungunuwa, atitaga mwangoni ule aganna mabwe menli osemiwa a Umboni mmandani mwaye, mabwe amenlene olrembiwa pandi dambinli dene, wu na wu. 16Mabwale asemile ali Mulugu mwinnya, eto Mulugu mwinnya gwadindile jolremba jafwanyeya vamabweni vale.
17Evale Mozeji na Jozuwe kakumaga mwangoni ule kazaga,#32:17 Zela muselu oira Mozeji ohogwela mwangoni vamohi na Jozuwe, nione Ezodu 24:13. Jozuwe agavwile kuwa wa atwale, ohowongaga na Mozeji, liye ira: <<Miyo nnovwa kuwa vamisasani vale kalaga nnga anawana kondo.>> 18Evale mulombwana Mozeji ohowakulaga, liye kwi: <<Na miyene nnovwa kuwa. Mbwenye kuwa unavwa miyo, kahi kuwa wa aliba gondjiha, nne kahi kuwa wa aliba gondjihiwa, nari. Miyo nnavwa nnga kuwa wa atu kaimbaga.>>
Mozeji ohatonga aIzarayeli
19Evale mulombwana Mozeji awandamelaga vamisasani vale, ohoonaga mwana ng'ombe ya oru vamohi na atwale kainaga. Mwa enne ohotakaleliwaga na makalelo ohokala a masika, liye tatilela vati mabwe ale, liye atwela mutchindo mwa mwangole. 20Eto ohodowaga tukula mwana ng'ombe ya oru yenno yasakannye atu ile, liye dowa tumeya na munlo, liye mala itchila fiyeda kala utu. Noira enne, ohotukulaga utule, liye dowa kutulela mmahindjeni, liye ang'wiha Ana Izarayeli. 21Noira eno, Mozeji ohonfukaga mulombwana Arawu eraga: <<Kodi atwala kauirele yengo nni fiyeda weyo ategiha na yotega ilukulu yokala nnga ha yenna?>> 22Arawu ohowakulaga eraga: <<Nyo mbwiyeni kamutakaleliwe na makalelo ohokala a masika. Nyo muhuiziwa ira atwala tempu ili yatene anofuna josakanya ibure. 23Aliwa kere diwongana ira: <Nnafuna unisakanyele amilugu ehu ira kanisogolrelrege. Mwasiwa hiyo kaniiziwile imuireyele mulombwana Mozeji wenno unikumihile ilambo ya Ijipitu!> 24Noira eno, miyo dohawandela ira: <Ule unna yengo yosakanyiwa na oru, awungule, adivahe.> Evale aliwa kohodivaha, miyo tatilela vamunloni, mwa eno nnaona ikumaga mwana ng'ombe ya oru ile okave mmunloni mule.>>#32:24 nnaona ikumaga mwana ng'ombe ya oru ile okave mmunloni mule. Yenna yali yonama ya Arawu muwari mofuna vivunela. Mwasiwa mwana ng'ombe ile tchakumile okave, nari. Tchoira naing'ana vs 4, nnavwa ira liye ere tukula eskopulu, roma sakanya mwana ng'ombe ile.
25Mwa enne Mozeji ohoona ira atwale kohomala viringana, mwasiwa Arawu ohahiya aliwa ira kaviringane fiyeda ira kateyiwege na amwidaniwa. 26Evale Mozeji ohodowa imela pandi yodowa misasani wa aIzarayeli ule, liye ira: <<Mutu wenno uli pandi ya Yehova, aze uno.>> Mwa enne atu atene a nlogo na Levi kohodowaga wewule waligi Mozeji. 27Evale liye ohawandelaga aLevi ale, liye ira: <<Yehova, Mulugu wa mulogo wa aIzarayeli, unawonga ira: <Kada mutu adowe atukule supada naye, adowe mmisasani mule, avolowege kada mulango, aapege adibiliye na afwaye na amwandamanaye.> >>
28ALevi ale kohoirana nnga mwemo mwawongele Mozeji. Siku nimohive nenne kohapaga alombwana 3.000. 29Mwa enne Mozeji ohawandelaga ira: <<Voira peno kada mutu kamuhiyile mwanaye nari mbalaye ira akalewo, peno Yehova uhambihani ira mukale atu olaba mabasaye!>>
Mozeji ohalobelela aIzarayeli akoka
30Mmetcheloni muwa Mozeji ohowongaga na mulogo watene eraga: <<Nyo muhusakanya yotega ilukulu. Eni miyo nnafuna digwele mwangoni wakoka wene ira dawonge na Yehova, jakala jowandeya, damalihe jotega jenyu.>>
31Noira enne, mulombwana Mozeji ohowelelaga wa Yehova wakoka wene, liye nvepa eraga: <<Yehova atwala kohosakanya yotega ilukulu, aliwa visakanyelaga amilugu a oru. 32Mwa eno, Yehova nnauvepani ira mwaakurumuwele yotega yewa. Mbwenye mwahafune akurumuwela, ili pama mutimihe nzina naga mulivuruni mwenyu, mwemo mulrembile nyo mazina a atwinyu.>> 33Mbwenye Yehova ohomuwandela Mozeji eraga: <<Miyo mulivuruni mwaga nnatimiha nzina na mutu uditegenle. 34Weyo utite tchineneva, udowe watukule mulogo watene waadowena wewo uuwandenle miyo. Mungelro waga unakala sogolro wawo. Mbwenye nafiya siku naga ira dize daatonge, nnoza daatonge atu na mwasa wa yotega yewa.>> 35Mwa enne Yehova ohatonga Ana Izarayeli, liye avaha urenda na mwasa omuwongana mulombwana Arawu ira asakanye mwana ng'ombe ile.
Currently Selected:
Ezodu 32: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 32
32
AIzarayeli kohosakanya ng'ombe ira ikale mulugu wewa
1Mozeji agali mwangoni ule, atwale vahanle atu, kagaonne Mozeji adibeliwaga tita mwangoni ule, kohogumanela atene, aliwa dowa muwongana mulombwana Arawu, keraga: <<Kavenya unisakanyele amilugu ira kanisogolrelrege. Mwasiwa hiyo kaniiziwile imuireyele mulombwana Mozeji wenno unikumihile ilambo ya Ijipitu.>> 2Evale Arawu agavwile mazu anne, ohawandelaga eraga: <<Mudowe wa ahiyaninyu na ahiminyu a alombwana vamohi na a ahiyana, mwakumihegemo mmabaruni mwewa birinku da oru diwarile atu, muzena wa miyo.>> 3Evale atu atene kohokumihagamo mmabaruni mwewa birinku da oru dedo dawarile atu, aliwa dowana wa Arawu. 4Arawu ohowatchela birinku dile, nyungulrutcha, liye sakanyana mwana ng'ombe ya oru muwari molabana foruma. Agasakanyile mwana ng'ombe ya oru ile, aliwa kohowongaga keraga: <<Kavuruwanani nyo aIzarayeli. Ala ba amilugu ehu anno kanikumihile ilambo ya Ijipitu.>> 5Evale mulombwana Arawu agaonne ira atu atene kohoziveliwa zela jejile, ohosakanyaga ibuwa sogolro wa mwana ng'ombe ile, liye awandela aIzarayeli atene, kwi: <<Metchelo unokala pwando yomutamalela Yehova!>>
6Mmetcheloni muwa na mabebehene, atwale kohovelela mikuto dotumeya eto kohozagana jovelela ja murendele. Evale kohogaratigi, aliwa roma sakanya pwando yewa, aliwa djaga jakutenle atu ikwamutu yosema ile eto aliwa ng'waga. Eto kohovenyaga ira kawalredege.
7Mwa enne Yehova ohomuwandelaga mulombwana Mozeji mwangoni ule eraga: <<Katita mobaranya, mwasiwa atwawo anno waakumihile we mwilamboni mwa Ijipitu kohomala viringana. 8Vohosusa vene kohiya ndila yenno yaawandenle miyo ira kaharege, kohovisakanyela mwana ng'ombe ya oru onyungulrutchiwa, aliwa roma ikokorelaga eto kovelela mukuto, aliwa wongaga ira: <Kavuruwanani nyo aIzarayeli. Ala ba amilugu ehu kanikumihile ilambo ya Ijipitu.> >>
9Yehova ohomuwandelagave Mozeji eraga: <<Miyo dihimala aona atwala ira aliwa ba atu ohofuna vwa. 10Mwa eno, udihiye dihindihe uwali waga zela aliwa, dimale atolotcha atene. Damala eno miyo nnafuna disakanye mulogo mundimuwa mwa weyo.>>
Mozeji ohalobelela aIzarayeli
11Mbwenye mulombwana Mozeji ohonvepa Yehova Mulugu waye ira: <<Yehova! Kodi mutakaleliwele nni na makalelo ohokala a masika zela mulogo wenyu wa Ana Izarayeli anno mwaakumihile nyo ilambo ya Ijipitu na kopolo dinyu dindimuwa eto na ndanda nenyu na kopolo? 12Kodi munafunela nni joahiya ira akuda Ijipitu kaze kawongege ira: <Mulugu wewa aakumihele muIjipitu muno ira aairele ubure, aape mmwangoni, amale adimeliha atene ira kahafwanyeye mwilamboni yatene ya vati!>? Yehova nnouvepani ira muhiye takaleliwa wenyu, muhiye yabure yenno inafuna nyo airela atwinyu! 13Mwaaumbuwele anamalaba enyu Abarahamu, Izaki na Izarayeli, anno mwalumbenle nyo funa wenyu wa aliwa, mwaawongagana ira: <Miyo nnoaindjiviha ahiminyu nnga nyenyedi da zulu eto nnoavaha ilambo yatene yenna ipanganne miyo uvahani. Eto daavaha, inoza ikale yewa kala no kala!> >> 14Evale Yehova ohovwa yovepa yaye, kairilena ubure watene wafuna liye airela atwaye. 15Noira eno, mulombwana Mozeji ohorungunuwa, atitaga mwangoni ule aganna mabwe menli osemiwa a Umboni mmandani mwaye, mabwe amenlene olrembiwa pandi dambinli dene, wu na wu. 16Mabwale asemile ali Mulugu mwinnya, eto Mulugu mwinnya gwadindile jolremba jafwanyeya vamabweni vale.
17Evale Mozeji na Jozuwe kakumaga mwangoni ule kazaga,#32:17 Zela muselu oira Mozeji ohogwela mwangoni vamohi na Jozuwe, nione Ezodu 24:13. Jozuwe agavwile kuwa wa atwale, ohowongaga na Mozeji, liye ira: <<Miyo nnovwa kuwa vamisasani vale kalaga nnga anawana kondo.>> 18Evale mulombwana Mozeji ohowakulaga, liye kwi: <<Na miyene nnovwa kuwa. Mbwenye kuwa unavwa miyo, kahi kuwa wa aliba gondjiha, nne kahi kuwa wa aliba gondjihiwa, nari. Miyo nnavwa nnga kuwa wa atu kaimbaga.>>
Mozeji ohatonga aIzarayeli
19Evale mulombwana Mozeji awandamelaga vamisasani vale, ohoonaga mwana ng'ombe ya oru vamohi na atwale kainaga. Mwa enne ohotakaleliwaga na makalelo ohokala a masika, liye tatilela vati mabwe ale, liye atwela mutchindo mwa mwangole. 20Eto ohodowaga tukula mwana ng'ombe ya oru yenno yasakannye atu ile, liye dowa tumeya na munlo, liye mala itchila fiyeda kala utu. Noira enne, ohotukulaga utule, liye dowa kutulela mmahindjeni, liye ang'wiha Ana Izarayeli. 21Noira eno, Mozeji ohonfukaga mulombwana Arawu eraga: <<Kodi atwala kauirele yengo nni fiyeda weyo ategiha na yotega ilukulu yokala nnga ha yenna?>> 22Arawu ohowakulaga eraga: <<Nyo mbwiyeni kamutakaleliwe na makalelo ohokala a masika. Nyo muhuiziwa ira atwala tempu ili yatene anofuna josakanya ibure. 23Aliwa kere diwongana ira: <Nnafuna unisakanyele amilugu ehu ira kanisogolrelrege. Mwasiwa hiyo kaniiziwile imuireyele mulombwana Mozeji wenno unikumihile ilambo ya Ijipitu!> 24Noira eno, miyo dohawandela ira: <Ule unna yengo yosakanyiwa na oru, awungule, adivahe.> Evale aliwa kohodivaha, miyo tatilela vamunloni, mwa eno nnaona ikumaga mwana ng'ombe ya oru ile okave mmunloni mule.>>#32:24 nnaona ikumaga mwana ng'ombe ya oru ile okave mmunloni mule. Yenna yali yonama ya Arawu muwari mofuna vivunela. Mwasiwa mwana ng'ombe ile tchakumile okave, nari. Tchoira naing'ana vs 4, nnavwa ira liye ere tukula eskopulu, roma sakanya mwana ng'ombe ile.
25Mwa enne Mozeji ohoona ira atwale kohomala viringana, mwasiwa Arawu ohahiya aliwa ira kaviringane fiyeda ira kateyiwege na amwidaniwa. 26Evale Mozeji ohodowa imela pandi yodowa misasani wa aIzarayeli ule, liye ira: <<Mutu wenno uli pandi ya Yehova, aze uno.>> Mwa enne atu atene a nlogo na Levi kohodowaga wewule waligi Mozeji. 27Evale liye ohawandelaga aLevi ale, liye ira: <<Yehova, Mulugu wa mulogo wa aIzarayeli, unawonga ira: <Kada mutu adowe atukule supada naye, adowe mmisasani mule, avolowege kada mulango, aapege adibiliye na afwaye na amwandamanaye.> >>
28ALevi ale kohoirana nnga mwemo mwawongele Mozeji. Siku nimohive nenne kohapaga alombwana 3.000. 29Mwa enne Mozeji ohawandelaga ira: <<Voira peno kada mutu kamuhiyile mwanaye nari mbalaye ira akalewo, peno Yehova uhambihani ira mukale atu olaba mabasaye!>>
Mozeji ohalobelela aIzarayeli akoka
30Mmetcheloni muwa Mozeji ohowongaga na mulogo watene eraga: <<Nyo muhusakanya yotega ilukulu. Eni miyo nnafuna digwele mwangoni wakoka wene ira dawonge na Yehova, jakala jowandeya, damalihe jotega jenyu.>>
31Noira enne, mulombwana Mozeji ohowelelaga wa Yehova wakoka wene, liye nvepa eraga: <<Yehova atwala kohosakanya yotega ilukulu, aliwa visakanyelaga amilugu a oru. 32Mwa eno, Yehova nnauvepani ira mwaakurumuwele yotega yewa. Mbwenye mwahafune akurumuwela, ili pama mutimihe nzina naga mulivuruni mwenyu, mwemo mulrembile nyo mazina a atwinyu.>> 33Mbwenye Yehova ohomuwandela Mozeji eraga: <<Miyo mulivuruni mwaga nnatimiha nzina na mutu uditegenle. 34Weyo utite tchineneva, udowe watukule mulogo watene waadowena wewo uuwandenle miyo. Mungelro waga unakala sogolro wawo. Mbwenye nafiya siku naga ira dize daatonge, nnoza daatonge atu na mwasa wa yotega yewa.>> 35Mwa enne Yehova ohatonga Ana Izarayeli, liye avaha urenda na mwasa omuwongana mulombwana Arawu ira asakanye mwana ng'ombe ile.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral