Ezodu 30
30
Ibuwa yotumeyavo jonukela
1Yehova ohomuwandelagave mulombwana Mozeji ira: <<Utukule matabwa a mukexa, usakanyede ibuwa vevo vinatumeyiwege jonukela. 2Lapa uwa ikale masentimeturu 45 eto rambalala uwa ikale sawasawa masentimeturu 45. Eto regama uwa ikale masentimeturu 90. Komo dannayi dene da ibuweyo, matabwa kali mmwendoni, usememo manyanga. 3Romela zulu wa ibuwele, na mmwendoni mwatene na manyanga, ukunele na oru ohogumanihiwa na yengo imohiwa. Mmilomoni mwa ibuwa, uwerewerihe na oru oindivala. 4Wamala usakanye maaneli menli malukulu a oru, uhele vati va oru oindivala ule, aneli mmohi ikukuru imohi, aneli mmohiwa ikukuru imohiwa ira jimiri jotembana ibuwele jivolotchihiwege muwari mwa maaneli ale. 5Eto jimiri jotembana ibuwele, jikale josakanyiwa na matabwa a mukexa, wamala ukunele jimiri jile na oru.>>
6<<Jengo jiwa utande eni: uhele ibuwele sogolro wa kurtina yogawa Nimburo Notchena na Nimburo Notchenetchetcha. Amala eno, hela wa kurtina ile ukale Kaxa ya Umboni vamohi na Tampiwa Yosembeselrana inafwanyeya vazulu viwa, vevo vinafuna miyo gumanaga na nyo. 7Va kada mabebehi, mulombwana Arawu adowaga sakanyeda panti#30:7 Mabasa anawongiwa va zela sakanyeda panti, ali timiha no wendjeda makura no sakanyeda visala da panti. Panti dile dahindihiwa na mahiyu bahi. (Ezodu 27:20) nnafwanyeya mwemule, unerege tumeya jengo jonukela vaibuwani vale. 8Eto nzuwa naviraga, Arawu adowaga hindiha panti dile, unerege tumeya jonukela vamentoni va Yehova akoka. Mutumeyege jengo jonukela vaibuwani vale malambo matene, romela nyo vamohi na ahiminyu atene anabaliwelegemo musogolro. 9Vaibuwani vale kamuvelelegevo jonukela jimohi jiwa ja vaheno vene, nne mukuto otumeya, nne yovelela yotumeya, nne kamukutulelegevo yovelela ili yatene ya jong'wa. 10Siku nimohi va kada yaka, mulombwana Arawu atukulege sangiri na mukuto okurumuwela jotega, azolihege manyanga a ibuwa ya mukuto ile ira jotakala ja ibuwele jiwande malihiwa. Airegena eno va kada yaka fendo imohi, romela nyo vamohi na ahiminyu atene anabaliwelegemo musogolro. Tchoira ibuwele ti nimburo notchenetchetcha wa Yehova.>>
Yovelela yoviwombolana tempu yolrembelriwa
11Yehova ohomuwandelagave mulombwana Mozeji eraga: 12<<Mwaakontarigi Ana Izarayeli atene muwari moakontari mmohi mmohi, kada mutu unakontariwa avelelege wa Yehova yovelela yoviwombolana, tawiha ira muwari mokontariwa jinaze jufwanyeni jabure jowopiha. 13Kada mutu unakontariwe, avelelege magarama matanu na nimohi a kobiri da parata#30:13 magarama matanu na nimohi a kobiri da parata: MaBibiliya amohiwa anawonga metadi ya sikulu. Sikulu imohi inanyemela garama 12. Nona metadi ya sikulu yali magarama matanu na nimohi. mokwakwanela na mpimo wa vaMusasani va Yehova. Yovelela yenno inafuna ikale yaga dagali Yehova. 14Mutu uli watene unakontariwe, romela atu okana yaka 20 dowaga sogolro, azegena yovelela yenna wa Yehova. 15Mwavelelaga yovelela wa Yehova ira jimalihiwe jotakala ja vingumi denyu, aliba rayela kavelelaga, kikwaranyihege mpimo wenno eto nne atu osimela kivelelege joyeva hiyaga mpimo wenno. 16Weyo unerege tukula kobiri da parata dedo nnavelelege atu domaliha jotakala ja Ana Izarayeli, udowe walabihedena mabasa a vaMusasani Ogumanamo. Yovelela yenno inakala yomaliha jotakala jewa ira miyo Yehova daaumbuwele eto ira vingumi dewa diwomboliwe.>>
Basiya novihuwana
17Yehova ohowonga na Mozeji eraga: 18<<Usakanye eto basiya na mukuwa na ntiwa niwa ira muheliwege mahindje ohuwana manda na manyalo. Basiya nne muhele wu Musasa Ogumanamo, wu ibuwa ya mukuto vari viwa. Eto mbasiyani mule uhelemo mahindje. 19Mulombwana Arawu na ahimaye a alombwana kalabegena mahindje a mbasiyani mule ira kahuwegena mandiwa vamohi na manyalo ewa. 20Aliwa kafunaga volowa mMusasani Ogumanamo nari kadowaga vaibuwani ira kalabe mabasa ovelela jotumeya wa Yehova, kavihuwege na mahindje tawiha anakwe. 21Kahuwege mandiwa vamohi na manyalo ewa tawiha anakwe. Neno ti nlamulo nohomala zela aliwa vamohi na ahimiwa atene anabaliwelegemo musogolro.>>
Makalelo osakanya makura otchenihana jengo
22Yehova ohowongagave na Mozeji eraga: 23<<Utukule jengo jonukela japama ji: kilu tanu na imohi da mira, kilu taru da kanela, kilu taru da kalamu onukela pama, 24na kilu tanu na imohi da kasiya, mokwakwanela na mpimo wa vaMusasani va Yehova. Utukule eto malituru mararu na meya a makura a azeti. 25Jatene eji ugumanihe ira kakale makura otchena anno anafwanyeya kagali makura otchenihana jengo. Ugumanihe na makalelo nnga vinaira aliba sakanya makura onukela ira kakale makura otchena, makura otchenihana jengo.
26<<Utukule makura anafuna we asakanya, uhele jatene jeji ira jikale jotchena: Roma Musasa Ogumanamo, na Kaxa ya Umboni, 27na meza, na fwaramento diwa datene, na yogoromeyavo panti na fwaramento diwa datene, na ibuwa yotumeyavo jonukela, 28na ibuwa ya mukuto otumeya vamohi na fwaramento diwa datene, vamohi na basiya mwemo munakala mahindje na ntiwa niwa nene. 29Utchenihe jatene jejo ira jikale jotchenetchetcha. Eto yengo ili yatene inasakwinye ejo inerege tchenihiwa.#30:29 inerege tchenihiwa: Tchena unawongiwa kahi nnga jowara nari. Ku wonga inerege kala yosakulreya, yohiyaniheya na jimohi jiwa. Na izugu anawonga santo. 30Eto umuhambihena mulombwana Arawu vamohi na ahimaye eto waatchenihe ira kalabege mabasaga a unamakuta.
31<<Eto waawandele Ana Izarayeli, wire: <Ala ba makura otchena, makura otchenihana jengo, para nyo na ahiminyu atene anabaliwelegemo musogolro. 32Makurale kakalevo mutu wa vaheno vene unafuna hambihiwana.#30:32 kakalevo mutu wa vaheno vene unafuna hambihiwana. Ku wonga afuna labana makulra anno ali anamakuta bahi malro otcheniha jalabana atu (Ezodu 40:10-11), owu hehi kafunaga ahambiha anamakuta axa (Ezodu 28:41), owu hehi kafunaga ahambiha amwene. (1 Amwene 1:39) Eto kakalevo mutu wa vaheno vene unafuna sakanya makura okala nnga anno. Makura anno anakala otchena eto na nyenne mwaabalrege nnga makura otchena. 33Nona, mutu wenne unasakanye makura okala nnga anno nari amuhambihana mutu wa vaheno vene, mutu wenno agwadiwemo muwari mwa mulogo waye.> >>
Makalelo osakanya yonukela yotumeya mMusasani mwa Yehova
34Yehova ohowongagave na Mozeji eraga: <<Utukule mpimo mmohive wa jengo jonukela japama ji: estoraki, onika, galabano na yonukela imohiwa yapama inatumeyetcha atu. 35Jatene ejo ugumanihe na makalelo nnga analabetcha aliba sakanya jengo jonukela, usakanyena yonukela yapama, uhelemo mwinnyu vang'ono, jikale japama eto jotchena. 36Wamala eno, ulandemo vang'ono, utchile, ifiyede kala utu, utukule udowe wahele sogolro wa Kaxa ya Umboni muwari mwa Musasa Ogumanamo, vevo vinafuna miyo gumanaga na weyo. Eto jonukela jile mubalrege nnga jotchenetchetcha. 37Eto jonukela jejo jinafuna we sakanya, kakalevo mutu wa vaheno vene unafuna sakanya na makalelo nnga muwongele miyo. Mubalrege nnga jonukela jotchena ja Yehova bahi. 38Mutu wenne unasakanye jonukela jofwalrafwana na jejo ira anukelege, mutu wenno agwadiwemo muwari mwa mulogo waye.>>
Currently Selected:
Ezodu 30: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 30
30
Ibuwa yotumeyavo jonukela
1Yehova ohomuwandelagave mulombwana Mozeji ira: <<Utukule matabwa a mukexa, usakanyede ibuwa vevo vinatumeyiwege jonukela. 2Lapa uwa ikale masentimeturu 45 eto rambalala uwa ikale sawasawa masentimeturu 45. Eto regama uwa ikale masentimeturu 90. Komo dannayi dene da ibuweyo, matabwa kali mmwendoni, usememo manyanga. 3Romela zulu wa ibuwele, na mmwendoni mwatene na manyanga, ukunele na oru ohogumanihiwa na yengo imohiwa. Mmilomoni mwa ibuwa, uwerewerihe na oru oindivala. 4Wamala usakanye maaneli menli malukulu a oru, uhele vati va oru oindivala ule, aneli mmohi ikukuru imohi, aneli mmohiwa ikukuru imohiwa ira jimiri jotembana ibuwele jivolotchihiwege muwari mwa maaneli ale. 5Eto jimiri jotembana ibuwele, jikale josakanyiwa na matabwa a mukexa, wamala ukunele jimiri jile na oru.>>
6<<Jengo jiwa utande eni: uhele ibuwele sogolro wa kurtina yogawa Nimburo Notchena na Nimburo Notchenetchetcha. Amala eno, hela wa kurtina ile ukale Kaxa ya Umboni vamohi na Tampiwa Yosembeselrana inafwanyeya vazulu viwa, vevo vinafuna miyo gumanaga na nyo. 7Va kada mabebehi, mulombwana Arawu adowaga sakanyeda panti#30:7 Mabasa anawongiwa va zela sakanyeda panti, ali timiha no wendjeda makura no sakanyeda visala da panti. Panti dile dahindihiwa na mahiyu bahi. (Ezodu 27:20) nnafwanyeya mwemule, unerege tumeya jengo jonukela vaibuwani vale. 8Eto nzuwa naviraga, Arawu adowaga hindiha panti dile, unerege tumeya jonukela vamentoni va Yehova akoka. Mutumeyege jengo jonukela vaibuwani vale malambo matene, romela nyo vamohi na ahiminyu atene anabaliwelegemo musogolro. 9Vaibuwani vale kamuvelelegevo jonukela jimohi jiwa ja vaheno vene, nne mukuto otumeya, nne yovelela yotumeya, nne kamukutulelegevo yovelela ili yatene ya jong'wa. 10Siku nimohi va kada yaka, mulombwana Arawu atukulege sangiri na mukuto okurumuwela jotega, azolihege manyanga a ibuwa ya mukuto ile ira jotakala ja ibuwele jiwande malihiwa. Airegena eno va kada yaka fendo imohi, romela nyo vamohi na ahiminyu atene anabaliwelegemo musogolro. Tchoira ibuwele ti nimburo notchenetchetcha wa Yehova.>>
Yovelela yoviwombolana tempu yolrembelriwa
11Yehova ohomuwandelagave mulombwana Mozeji eraga: 12<<Mwaakontarigi Ana Izarayeli atene muwari moakontari mmohi mmohi, kada mutu unakontariwa avelelege wa Yehova yovelela yoviwombolana, tawiha ira muwari mokontariwa jinaze jufwanyeni jabure jowopiha. 13Kada mutu unakontariwe, avelelege magarama matanu na nimohi a kobiri da parata#30:13 magarama matanu na nimohi a kobiri da parata: MaBibiliya amohiwa anawonga metadi ya sikulu. Sikulu imohi inanyemela garama 12. Nona metadi ya sikulu yali magarama matanu na nimohi. mokwakwanela na mpimo wa vaMusasani va Yehova. Yovelela yenno inafuna ikale yaga dagali Yehova. 14Mutu uli watene unakontariwe, romela atu okana yaka 20 dowaga sogolro, azegena yovelela yenna wa Yehova. 15Mwavelelaga yovelela wa Yehova ira jimalihiwe jotakala ja vingumi denyu, aliba rayela kavelelaga, kikwaranyihege mpimo wenno eto nne atu osimela kivelelege joyeva hiyaga mpimo wenno. 16Weyo unerege tukula kobiri da parata dedo nnavelelege atu domaliha jotakala ja Ana Izarayeli, udowe walabihedena mabasa a vaMusasani Ogumanamo. Yovelela yenno inakala yomaliha jotakala jewa ira miyo Yehova daaumbuwele eto ira vingumi dewa diwomboliwe.>>
Basiya novihuwana
17Yehova ohowonga na Mozeji eraga: 18<<Usakanye eto basiya na mukuwa na ntiwa niwa ira muheliwege mahindje ohuwana manda na manyalo. Basiya nne muhele wu Musasa Ogumanamo, wu ibuwa ya mukuto vari viwa. Eto mbasiyani mule uhelemo mahindje. 19Mulombwana Arawu na ahimaye a alombwana kalabegena mahindje a mbasiyani mule ira kahuwegena mandiwa vamohi na manyalo ewa. 20Aliwa kafunaga volowa mMusasani Ogumanamo nari kadowaga vaibuwani ira kalabe mabasa ovelela jotumeya wa Yehova, kavihuwege na mahindje tawiha anakwe. 21Kahuwege mandiwa vamohi na manyalo ewa tawiha anakwe. Neno ti nlamulo nohomala zela aliwa vamohi na ahimiwa atene anabaliwelegemo musogolro.>>
Makalelo osakanya makura otchenihana jengo
22Yehova ohowongagave na Mozeji eraga: 23<<Utukule jengo jonukela japama ji: kilu tanu na imohi da mira, kilu taru da kanela, kilu taru da kalamu onukela pama, 24na kilu tanu na imohi da kasiya, mokwakwanela na mpimo wa vaMusasani va Yehova. Utukule eto malituru mararu na meya a makura a azeti. 25Jatene eji ugumanihe ira kakale makura otchena anno anafwanyeya kagali makura otchenihana jengo. Ugumanihe na makalelo nnga vinaira aliba sakanya makura onukela ira kakale makura otchena, makura otchenihana jengo.
26<<Utukule makura anafuna we asakanya, uhele jatene jeji ira jikale jotchena: Roma Musasa Ogumanamo, na Kaxa ya Umboni, 27na meza, na fwaramento diwa datene, na yogoromeyavo panti na fwaramento diwa datene, na ibuwa yotumeyavo jonukela, 28na ibuwa ya mukuto otumeya vamohi na fwaramento diwa datene, vamohi na basiya mwemo munakala mahindje na ntiwa niwa nene. 29Utchenihe jatene jejo ira jikale jotchenetchetcha. Eto yengo ili yatene inasakwinye ejo inerege tchenihiwa.#30:29 inerege tchenihiwa: Tchena unawongiwa kahi nnga jowara nari. Ku wonga inerege kala yosakulreya, yohiyaniheya na jimohi jiwa. Na izugu anawonga santo. 30Eto umuhambihena mulombwana Arawu vamohi na ahimaye eto waatchenihe ira kalabege mabasaga a unamakuta.
31<<Eto waawandele Ana Izarayeli, wire: <Ala ba makura otchena, makura otchenihana jengo, para nyo na ahiminyu atene anabaliwelegemo musogolro. 32Makurale kakalevo mutu wa vaheno vene unafuna hambihiwana.#30:32 kakalevo mutu wa vaheno vene unafuna hambihiwana. Ku wonga afuna labana makulra anno ali anamakuta bahi malro otcheniha jalabana atu (Ezodu 40:10-11), owu hehi kafunaga ahambiha anamakuta axa (Ezodu 28:41), owu hehi kafunaga ahambiha amwene. (1 Amwene 1:39) Eto kakalevo mutu wa vaheno vene unafuna sakanya makura okala nnga anno. Makura anno anakala otchena eto na nyenne mwaabalrege nnga makura otchena. 33Nona, mutu wenne unasakanye makura okala nnga anno nari amuhambihana mutu wa vaheno vene, mutu wenno agwadiwemo muwari mwa mulogo waye.> >>
Makalelo osakanya yonukela yotumeya mMusasani mwa Yehova
34Yehova ohowongagave na Mozeji eraga: <<Utukule mpimo mmohive wa jengo jonukela japama ji: estoraki, onika, galabano na yonukela imohiwa yapama inatumeyetcha atu. 35Jatene ejo ugumanihe na makalelo nnga analabetcha aliba sakanya jengo jonukela, usakanyena yonukela yapama, uhelemo mwinnyu vang'ono, jikale japama eto jotchena. 36Wamala eno, ulandemo vang'ono, utchile, ifiyede kala utu, utukule udowe wahele sogolro wa Kaxa ya Umboni muwari mwa Musasa Ogumanamo, vevo vinafuna miyo gumanaga na weyo. Eto jonukela jile mubalrege nnga jotchenetchetcha. 37Eto jonukela jejo jinafuna we sakanya, kakalevo mutu wa vaheno vene unafuna sakanya na makalelo nnga muwongele miyo. Mubalrege nnga jonukela jotchena ja Yehova bahi. 38Mutu wenne unasakanye jonukela jofwalrafwana na jejo ira anukelege, mutu wenno agwadiwemo muwari mwa mulogo waye.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral