Ezodu 18
18
Jetero ohodowa gumana na nkamwenaye Mozeji
1Fwanyeya ira mulombwana Jetero, Mozeji moyaye wenno ali namakuta wa ilambo ya Midiyani, ohovwa jatene Mulugu jamuirele liye Mozeji vamohi na atwaye aIzarayeli na makalelo Yehova aakumihile liye aIzarayeli ilambo ya Ijipitu. 2Eto fwanyeya ira malambo a mundulri Mozeji ere muruma muhiyanaye vamohi na ahimaye ambinli ira kadowege wa moyaye Jetero. Evale mulombwana Jetero ohomutukulaga Zipora mwadi Mozeji na ahimaye ambinli ale, 3aliwa venyihana, dowaga wali Mozeji. Mwana mmohi nzina naye ali Jeresoni [ku wonga mutu oza]. Tchoira Mozeji ohowonga ira: <<Miyo dili mutu oza ilambo yenna.>> 4Mwana mmohiwa ule nzina naye ali Eliyezeri [ku wonga Mulugu waga gunadikamiheda]. Tchoira Mozeji ohowonga ira: <<Mulugu wa babaga gudikamihedile, adiwombola mmandani mwa mwene Farawu ira miyo dahakwe.>> 5Evale Mozeji moyayele Jetero, ohovenya na mwanaye Zipora wenno ali mwadi Mozeji na ahima ambinlene a Mozeji, liye avelelaga wewo Mozeji wakungile liye musasa, muisalesaleni wandamelana mwango wa Mulugu.#18:5 mwango wa Mulugu: Ku wonga mwango Sinayi. 6Evale oholanyedaga mazu wa Mozeji ira: <<Miyo vano moyawo Jetero nnaza vamohi na muhiyanawo na ahimawo ambinli.>> 7Mozeji agavwile ejo, ohovenyaga ira adowe agumane na moyaye. Aganfwanyile, ohomukokorelaga eto ohombejari. Noira enne, kohotchelutchanaga mmohi na nfwaye, nomala aliwa volowa mmusasani mwa Mozeji. 8Evale Mozeji ohomuwandelagamo moyaye zela jatene Yehova jamuirele liye Farawu vamohi na aIjipitu na mwasa oazivela aIzarayeli. Ohomuwandelamo eto zela makatamiho kafwanyeyana atu muwari mwa ulrendo wewa eto zela makalelo Yehova aawombonle liye muwari mwa makatamiho ale. 9Jetero agavwile jatene ejile, ohagalala zela upama watene Yehova aairele liye aIzarayeli, aawombolaga mmandani mwa aIjipitu. 10Jetero ohowongaga eraga: <<Yehova atamaleliwe na mwasa ouwombolani mmandani mwa aIjipitu na mmandani mwa Farawu! 11Miyo peno dihikana ibaribari ira Yehova gwa kopolo dilukulu akwaranya amilugu atenene. Tchoira liye uhawombola atwaye mmandani mwa aIjipitu anno kaaireletcha makalelo ovitukulela.>> 12Noira eno, Jetero wenno afwanyeya agali Mozeji moyaye, ohotukulaga mukuto otumeya vamohi na mikuto dimohi diwa, liye velela wa Mulugu. Mulombwana Arawu vamohi na andimuwa a aIzarayeli kohodowa, aliwa dja vamohi na Jetero wenno afwanyeya agali Mozeji moyaye, vamentoni va Mulugu.
13Mmetcheloni muwa, mulombwana Mozeji ohogaratigi ira arome tonga makani kafwanyeyana atu atene. Evale atu atene kohokalaga oimelene vamentoni vaye romela mabebehi ante tchiguwo katongiwaga makani kafwanyeyana atu. 14Mozeji moyaye agaonne makalelo anne, ohonfukaga Mozeji eraga: <<Kodi jeji jinaira we ji nni? Mwasiwa gwa nni atwala kauimelelaga roma mabebehi izima fiyeda ora ya tchiguwo ira weyo weka utonge makani ewa?>> 15Evale Mozeji ohomuwakulaga moyaye Jetero eraga: <<Atwala anazela ira kaiziwe inafuna Mulugu. 16Aliwa kakana makani mutu mmohi na nfwaye, anazana wa miyo ira daatongele eto ira daawandelemo mangano vamohi na malamulo matene a Mulugu.>> 17Evale moyaye Jetero ule ohomuwakulaga Mozeji eraga: <<Jinaira we kahi japama. 18Na makalelo anaira we, munowaheya romela weyo vamohi na atu atene. Mwasiwa mabasa anna kohosimbwa unyemela. Eto weyo weka kunakwakwaniha. 19Inafwanela udivuruwane yenno inafuna miyo uwelruza. Wadivuruwana, Mulugu unoukamiheda. Weyo mabasawo kikale otongaga makani mang'onong'ono nari. Mbwenye mabasawo kakale odowa vamentoni va Mulugu ira wawongege jengo ja atu atene eto uvelelege makani ewa orutcha. 20Weyo eto waafundjihege mangano na malamulo a Yehova eto waaiziwihege ndila nnafuna atu wendana vamohi na makalelo matene anafuna atu iraga. 21Mbwenye zela pandi yotonga makani mang'onong'ono, inafwanela uing'ane muwari mwa aIzarayeli atene, waasakulre alombwana omuova Mulugu, ororomeleya eto oida jokunyariwa. Waahambihe ira kakale anamasogolrelra a mavande 1.000, amohiwa kakale anamasogolrelra a mavande 100, amohiwa a mavande 50, eto amohiwa a mavande 10. 22Aliwa kakale anafuna atongaga atu tempu ili yatene. Atu kazana makani a vang'onove, aliwene banatongege. So mbwenye anauzelegena makani kasimbwa rutcha bure. Era eno mabasa otonga anouvunguwela eto aliwa anerege ukamiheda mabasa unna we. 23Wairana eno eto yakala yofuna ya Mulugu, weyo unerege wanda mabasawo matene, kunawaheyege. Eto atu atene ala kamala tongiwa, anerege wanda dowa mmavande mwewa mwa murendele.>>
24Evale mulombwana Mozeji ohorumela zelru yawongile moyaye Jetero, liye irana nnga mwemo mwawongele liye. 25Muwari mwa aIzarayeli atene, Mozeji ohasakulra alombwana owanda tonga, liye ahambiha ira kakale andimuwa osogolrelra mavande 1.000, amohiwa osogolrelra mavande 100, amohiwa osogolrelra mavande 50 eto alombwana amohiwa osogolrelra mavande 10. 26Alombwana anno kasakulriwe, kohoroma atonga atwale kuma siku nenne dowaga sogolro. Kafwanya makani a vang'onove, aliwa kotonga. Mbwenye makaniwa kasimbwa rutcha, aliwa kotukula, dowana wa Mozeji ira liye amalihe. 27Noira enne, mulombwana Jetero Mozeji moyaye ohomulanyaga, liye dowaga ilambo ya waniwa.
Currently Selected:
Ezodu 18: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 18
18
Jetero ohodowa gumana na nkamwenaye Mozeji
1Fwanyeya ira mulombwana Jetero, Mozeji moyaye wenno ali namakuta wa ilambo ya Midiyani, ohovwa jatene Mulugu jamuirele liye Mozeji vamohi na atwaye aIzarayeli na makalelo Yehova aakumihile liye aIzarayeli ilambo ya Ijipitu. 2Eto fwanyeya ira malambo a mundulri Mozeji ere muruma muhiyanaye vamohi na ahimaye ambinli ira kadowege wa moyaye Jetero. Evale mulombwana Jetero ohomutukulaga Zipora mwadi Mozeji na ahimaye ambinli ale, 3aliwa venyihana, dowaga wali Mozeji. Mwana mmohi nzina naye ali Jeresoni [ku wonga mutu oza]. Tchoira Mozeji ohowonga ira: <<Miyo dili mutu oza ilambo yenna.>> 4Mwana mmohiwa ule nzina naye ali Eliyezeri [ku wonga Mulugu waga gunadikamiheda]. Tchoira Mozeji ohowonga ira: <<Mulugu wa babaga gudikamihedile, adiwombola mmandani mwa mwene Farawu ira miyo dahakwe.>> 5Evale Mozeji moyayele Jetero, ohovenya na mwanaye Zipora wenno ali mwadi Mozeji na ahima ambinlene a Mozeji, liye avelelaga wewo Mozeji wakungile liye musasa, muisalesaleni wandamelana mwango wa Mulugu.#18:5 mwango wa Mulugu: Ku wonga mwango Sinayi. 6Evale oholanyedaga mazu wa Mozeji ira: <<Miyo vano moyawo Jetero nnaza vamohi na muhiyanawo na ahimawo ambinli.>> 7Mozeji agavwile ejo, ohovenyaga ira adowe agumane na moyaye. Aganfwanyile, ohomukokorelaga eto ohombejari. Noira enne, kohotchelutchanaga mmohi na nfwaye, nomala aliwa volowa mmusasani mwa Mozeji. 8Evale Mozeji ohomuwandelagamo moyaye zela jatene Yehova jamuirele liye Farawu vamohi na aIjipitu na mwasa oazivela aIzarayeli. Ohomuwandelamo eto zela makatamiho kafwanyeyana atu muwari mwa ulrendo wewa eto zela makalelo Yehova aawombonle liye muwari mwa makatamiho ale. 9Jetero agavwile jatene ejile, ohagalala zela upama watene Yehova aairele liye aIzarayeli, aawombolaga mmandani mwa aIjipitu. 10Jetero ohowongaga eraga: <<Yehova atamaleliwe na mwasa ouwombolani mmandani mwa aIjipitu na mmandani mwa Farawu! 11Miyo peno dihikana ibaribari ira Yehova gwa kopolo dilukulu akwaranya amilugu atenene. Tchoira liye uhawombola atwaye mmandani mwa aIjipitu anno kaaireletcha makalelo ovitukulela.>> 12Noira eno, Jetero wenno afwanyeya agali Mozeji moyaye, ohotukulaga mukuto otumeya vamohi na mikuto dimohi diwa, liye velela wa Mulugu. Mulombwana Arawu vamohi na andimuwa a aIzarayeli kohodowa, aliwa dja vamohi na Jetero wenno afwanyeya agali Mozeji moyaye, vamentoni va Mulugu.
13Mmetcheloni muwa, mulombwana Mozeji ohogaratigi ira arome tonga makani kafwanyeyana atu atene. Evale atu atene kohokalaga oimelene vamentoni vaye romela mabebehi ante tchiguwo katongiwaga makani kafwanyeyana atu. 14Mozeji moyaye agaonne makalelo anne, ohonfukaga Mozeji eraga: <<Kodi jeji jinaira we ji nni? Mwasiwa gwa nni atwala kauimelelaga roma mabebehi izima fiyeda ora ya tchiguwo ira weyo weka utonge makani ewa?>> 15Evale Mozeji ohomuwakulaga moyaye Jetero eraga: <<Atwala anazela ira kaiziwe inafuna Mulugu. 16Aliwa kakana makani mutu mmohi na nfwaye, anazana wa miyo ira daatongele eto ira daawandelemo mangano vamohi na malamulo matene a Mulugu.>> 17Evale moyaye Jetero ule ohomuwakulaga Mozeji eraga: <<Jinaira we kahi japama. 18Na makalelo anaira we, munowaheya romela weyo vamohi na atu atene. Mwasiwa mabasa anna kohosimbwa unyemela. Eto weyo weka kunakwakwaniha. 19Inafwanela udivuruwane yenno inafuna miyo uwelruza. Wadivuruwana, Mulugu unoukamiheda. Weyo mabasawo kikale otongaga makani mang'onong'ono nari. Mbwenye mabasawo kakale odowa vamentoni va Mulugu ira wawongege jengo ja atu atene eto uvelelege makani ewa orutcha. 20Weyo eto waafundjihege mangano na malamulo a Yehova eto waaiziwihege ndila nnafuna atu wendana vamohi na makalelo matene anafuna atu iraga. 21Mbwenye zela pandi yotonga makani mang'onong'ono, inafwanela uing'ane muwari mwa aIzarayeli atene, waasakulre alombwana omuova Mulugu, ororomeleya eto oida jokunyariwa. Waahambihe ira kakale anamasogolrelra a mavande 1.000, amohiwa kakale anamasogolrelra a mavande 100, amohiwa a mavande 50, eto amohiwa a mavande 10. 22Aliwa kakale anafuna atongaga atu tempu ili yatene. Atu kazana makani a vang'onove, aliwene banatongege. So mbwenye anauzelegena makani kasimbwa rutcha bure. Era eno mabasa otonga anouvunguwela eto aliwa anerege ukamiheda mabasa unna we. 23Wairana eno eto yakala yofuna ya Mulugu, weyo unerege wanda mabasawo matene, kunawaheyege. Eto atu atene ala kamala tongiwa, anerege wanda dowa mmavande mwewa mwa murendele.>>
24Evale mulombwana Mozeji ohorumela zelru yawongile moyaye Jetero, liye irana nnga mwemo mwawongele liye. 25Muwari mwa aIzarayeli atene, Mozeji ohasakulra alombwana owanda tonga, liye ahambiha ira kakale andimuwa osogolrelra mavande 1.000, amohiwa osogolrelra mavande 100, amohiwa osogolrelra mavande 50 eto alombwana amohiwa osogolrelra mavande 10. 26Alombwana anno kasakulriwe, kohoroma atonga atwale kuma siku nenne dowaga sogolro. Kafwanya makani a vang'onove, aliwa kotonga. Mbwenye makaniwa kasimbwa rutcha, aliwa kotukula, dowana wa Mozeji ira liye amalihe. 27Noira enne, mulombwana Jetero Mozeji moyaye ohomulanyaga, liye dowaga ilambo ya waniwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral