Ezodu 14
14
Ana Izarayeli kalambuwaga Bara Yofila
1Yehova ohowonga na Mozeji ira: 2<<Waawandele Ana Izarayeli ira kawelele mundulri vang'onove. Karome kunga misasa diwa sogolro wa ilambo ya Piharote, vari va ilambo ya Migidoli na bara. Kakunge misasa diwa wandamelana mutcherelani mwa bara, kaing'anaga ilambo ya Balizefoni. 3Era eno Farawu avwa, unaumbuwelege ira: <Ana Izarayeli kohomala pupuruwa, kohomala fungeleya muisalesaleni.> 4Eto miyo nnoummiha murima wa Farawu ira arome uharani. Era eno, undimuwa waga unovweyihiwa muwari momugondjiha liye vamohi na anyakondo aye atene. Eto aIjipitu anoza kaiziwe ira miyo dili Yehova.>> Mwa enne Ana Izarayeli kohoirana nnga mwemo mwawongele Yehova.
5Farawu mwene wa Ijipitu agavwile ira: <<AIzarayeli kohotawa>>, liye na anamalabaye kohotchindja murima. Aliwa kwi: <<Niirele nni naahiyaga aIzarayeli ira kadowege, kahiyaga mabasa kanilabela atu?>> 6Evale Farawu ohosakanyeda aterelado waye wa kondoni vamohi na anyakondo aye. 7Eto ohagumanihaga aaterelado a kondoni osakulrelreya okwakwana 600, vamohi na aaterelado a kondo atene a Ijipitu vamohi na andimuwa a anyakondo kasogolrelra aaterelado ale. 8Tchoira Yehova ohoummiha murima wa Farawu mwene wa Ijipitu ira aahare Ana Izarayeli. Mbwenye eto Ana Izarayeli kawenda olimbene kopolo. 9Anyakondo a Ijipitu kaaharaga aIzarayeli na kavalo dewa, na aaterelado ewa a kondo, na aliba wendiha kavalo, vamohi na nikuru natene na anyakondo, kohafwanya aIzarayeli kagakungile misasa diwa tcherela ya bara, wandamelana ilambo ya Piharote, vasogolro va Balizefoni.
10Farawu na aIjipitu afwaye kagaakwivenle Ana Izarayeli, Ana Izarayeli kagarungunutchile meso, kagaonne ira: <<Anyakondo a aIjipitu ananihara>>, kohorendjeya kaaovaga aIjipitu, aliwa roma nla wa Yehova. 11Eto kohowongaga na Mozeji keraga: <<Kodi muIjipitu mule mwere hakala masiye oira hiyo nikwelemo, nikoyiwe emule? Mwasiwa ali wa nni unikumihaga muIjipitu, unizagana uno? Kodi ali ira nikwe, nikoyiwe muisalesaleni muno? 12Nagali muIjipitu hiyo kanawongile vale na weyo ira: <Unihiye mwemuno, naalabege aIjipitu.>? Tchoira yali yapama naalabege aIjipitu hiyaniha no za kwela muisalesaleni muno.>>
13Mozeji agavwile mazu anne, ohowonga na aIzarayeli eraga: <<Nyo kamuove eto kamutawe. Munafuna muone vulusa unafuna Yehova uirelani peno. AIjipitu anno anaaona nyo, peno ti siku nogomiheda. Kamunaaonegeve. 14Ineriha unafuna wana gu Yehova, kahi nyo. Nyo so mukale pee bahi.>>
AIzarayeli kaviraga vari va Bara Yofila
15Evale Yehova ohowonga na Mozeji eraga: <<Mwasiwa gwa nni we nlaga wa miyo? Waarume Ana Izarayeli ira karome wenda. 16Eto weyo utukule ikumbuzo yawo, uwongole muwono wawo, utonye vazulu va bara. Waira eno unoona mahindje anoimela wu na wu ira Ana Izarayeli kavirege vari va bara, vateyani youmma. 17Miyo eto nnoummiha mirima da anyakondo a aIjipitu, karome uharani, fiyeda kavolowe mbara mule. Era eno undimuwa waga unovweyihiwa muwari momugondjiha Farawu na anyakondo aye, na aaterelado aye a kondo vamohi na aliba wendiha kavalo daye. 18Eto davweyiha undimuwa waga muwari momugondjiha Farawu na aaterelado aye vamohi na aliba wendiha kavalo daye, era eno, aIjipitu atene anoiziwa ira miyo dili Yehova.>>
19Mahiyu anne, mungelro wa Mulugu wenno aasogolrelra aIzarayeli, ohokumagawo sogolro wewa, liye vira kala mundulri. Mwa enne murambo oimela nnga nimbozo ule, ohovira imela mundulri mwewa, 20dowa kala wu aIzarayeli, wu aIjipitu, vari viwa. Mwa enne wewule wafwanyeya aIjipitu, waligi isi yohowanda mutu wendana. Mbwenye aIzarayeli kohokana moneya. Evale umahiyu watene, aIjipitu kohoimwanana afwanya aIzarayeli.
21Yagaireyile eno, Mozeji ohovenyiha ndanda naye, liye tonya vazulu va bara. Agatonyile mahindjale, umahiyu watene Yehova ohowombiha nipevo nokumela makumelo wa nzuwa fiyeda mahindje a bara aliwa mwadeya, aliwa imela wu na wu, fiyeda teya umma vari viwa. 22Ana Izarayeli kohovolowa mbara kaviraga vateyani voumma, mahindje kagaimenle wu na wu nnga ntchihi.
23AIjipitu na kavalo datene da Farawu na aaterelado aye, na aliba wendiha aaterelado ale, kohovolowaga mbara mule, kaatamangelaga aIzarayeli, fiyeda vari va bara. 24Unde ufunaga tcha, Yehova mwali liye muwari mwa murambo vamohi na munlo oimela nnga nimbozo mule, agaonne ira aIjipitu kohofiya vari, ohoroma arendjetcha, 25liye adoriha aaterelado ewa. Evale tchawanda wenda pama. AIjipitu vaonne atu enne, kohoromaga wonga keraga: <<Yehova gunaakamiheda, liye wanaga na hiyo. Kambeni niweleni, naataweni aIzarayeli!>>
Tolowa wa aIjipitu vari va Bara Yofila
26Evale Yehova ohomurumaga Mozeji eraga: <<Kavenyiha ndanda nawo, utonye vazulu va bara ira mahindje kagumanele nnga mwakalele atu, kawande amida aIjipitu na aaterelado ewa na aliba wendiha kavalo dewa.>> 27Mwa enne Mozeji ohovenyihaga ndanda naye, liye tonyana vazulu va bara ile. Tempu yenno ali nzuwa nikumaga wene. Mwa enne mahindjale kohogomowaga, aliwa gumanela nnga mwakalele atu. Mahindjale kagumanelaga, aIjipitu kohofuna jotawa. Mbwenye Yehova ohavokeda aIjipitu vari va bara ile. 28Mahindjale kagumanelaga, kohavuhelela anyakondo atene a Farawu, na aaterelado ewa, na aliba wendiha kavalo. Atene kavolowile mbara mule, kalivo nne mmohi akumilemo. 29Mbwenye Ana Izarayeli kaviraga, ejo kajaireyile. Aliwa kohovira mbara vateyani voumma, mahindjale kagalive oimelene wu na wu nnga ntchihi.
30Ayo ali makalelo Yehova aavulumutchile liye aIzarayeli siku nenne, aawombolaga mmandani mwa aIjipitu. AIzarayeli funa ing'ana, kohoonaga mitembo da aIjipitu dagali mutcherelani.
31AIzarayeli kagaonne kopolo dindimuwa da Yehova dalabilena liye moagondjiha aIjipitu, kohoroma muova Yehova, aliwa roma muroromela Yehova vamohi na namalaba waye Mozeji.
Currently Selected:
Ezodu 14: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
Ezodu 14
14
Ana Izarayeli kalambuwaga Bara Yofila
1Yehova ohowonga na Mozeji ira: 2<<Waawandele Ana Izarayeli ira kawelele mundulri vang'onove. Karome kunga misasa diwa sogolro wa ilambo ya Piharote, vari va ilambo ya Migidoli na bara. Kakunge misasa diwa wandamelana mutcherelani mwa bara, kaing'anaga ilambo ya Balizefoni. 3Era eno Farawu avwa, unaumbuwelege ira: <Ana Izarayeli kohomala pupuruwa, kohomala fungeleya muisalesaleni.> 4Eto miyo nnoummiha murima wa Farawu ira arome uharani. Era eno, undimuwa waga unovweyihiwa muwari momugondjiha liye vamohi na anyakondo aye atene. Eto aIjipitu anoza kaiziwe ira miyo dili Yehova.>> Mwa enne Ana Izarayeli kohoirana nnga mwemo mwawongele Yehova.
5Farawu mwene wa Ijipitu agavwile ira: <<AIzarayeli kohotawa>>, liye na anamalabaye kohotchindja murima. Aliwa kwi: <<Niirele nni naahiyaga aIzarayeli ira kadowege, kahiyaga mabasa kanilabela atu?>> 6Evale Farawu ohosakanyeda aterelado waye wa kondoni vamohi na anyakondo aye. 7Eto ohagumanihaga aaterelado a kondoni osakulrelreya okwakwana 600, vamohi na aaterelado a kondo atene a Ijipitu vamohi na andimuwa a anyakondo kasogolrelra aaterelado ale. 8Tchoira Yehova ohoummiha murima wa Farawu mwene wa Ijipitu ira aahare Ana Izarayeli. Mbwenye eto Ana Izarayeli kawenda olimbene kopolo. 9Anyakondo a Ijipitu kaaharaga aIzarayeli na kavalo dewa, na aaterelado ewa a kondo, na aliba wendiha kavalo, vamohi na nikuru natene na anyakondo, kohafwanya aIzarayeli kagakungile misasa diwa tcherela ya bara, wandamelana ilambo ya Piharote, vasogolro va Balizefoni.
10Farawu na aIjipitu afwaye kagaakwivenle Ana Izarayeli, Ana Izarayeli kagarungunutchile meso, kagaonne ira: <<Anyakondo a aIjipitu ananihara>>, kohorendjeya kaaovaga aIjipitu, aliwa roma nla wa Yehova. 11Eto kohowongaga na Mozeji keraga: <<Kodi muIjipitu mule mwere hakala masiye oira hiyo nikwelemo, nikoyiwe emule? Mwasiwa ali wa nni unikumihaga muIjipitu, unizagana uno? Kodi ali ira nikwe, nikoyiwe muisalesaleni muno? 12Nagali muIjipitu hiyo kanawongile vale na weyo ira: <Unihiye mwemuno, naalabege aIjipitu.>? Tchoira yali yapama naalabege aIjipitu hiyaniha no za kwela muisalesaleni muno.>>
13Mozeji agavwile mazu anne, ohowonga na aIzarayeli eraga: <<Nyo kamuove eto kamutawe. Munafuna muone vulusa unafuna Yehova uirelani peno. AIjipitu anno anaaona nyo, peno ti siku nogomiheda. Kamunaaonegeve. 14Ineriha unafuna wana gu Yehova, kahi nyo. Nyo so mukale pee bahi.>>
AIzarayeli kaviraga vari va Bara Yofila
15Evale Yehova ohowonga na Mozeji eraga: <<Mwasiwa gwa nni we nlaga wa miyo? Waarume Ana Izarayeli ira karome wenda. 16Eto weyo utukule ikumbuzo yawo, uwongole muwono wawo, utonye vazulu va bara. Waira eno unoona mahindje anoimela wu na wu ira Ana Izarayeli kavirege vari va bara, vateyani youmma. 17Miyo eto nnoummiha mirima da anyakondo a aIjipitu, karome uharani, fiyeda kavolowe mbara mule. Era eno undimuwa waga unovweyihiwa muwari momugondjiha Farawu na anyakondo aye, na aaterelado aye a kondo vamohi na aliba wendiha kavalo daye. 18Eto davweyiha undimuwa waga muwari momugondjiha Farawu na aaterelado aye vamohi na aliba wendiha kavalo daye, era eno, aIjipitu atene anoiziwa ira miyo dili Yehova.>>
19Mahiyu anne, mungelro wa Mulugu wenno aasogolrelra aIzarayeli, ohokumagawo sogolro wewa, liye vira kala mundulri. Mwa enne murambo oimela nnga nimbozo ule, ohovira imela mundulri mwewa, 20dowa kala wu aIzarayeli, wu aIjipitu, vari viwa. Mwa enne wewule wafwanyeya aIjipitu, waligi isi yohowanda mutu wendana. Mbwenye aIzarayeli kohokana moneya. Evale umahiyu watene, aIjipitu kohoimwanana afwanya aIzarayeli.
21Yagaireyile eno, Mozeji ohovenyiha ndanda naye, liye tonya vazulu va bara. Agatonyile mahindjale, umahiyu watene Yehova ohowombiha nipevo nokumela makumelo wa nzuwa fiyeda mahindje a bara aliwa mwadeya, aliwa imela wu na wu, fiyeda teya umma vari viwa. 22Ana Izarayeli kohovolowa mbara kaviraga vateyani voumma, mahindje kagaimenle wu na wu nnga ntchihi.
23AIjipitu na kavalo datene da Farawu na aaterelado aye, na aliba wendiha aaterelado ale, kohovolowaga mbara mule, kaatamangelaga aIzarayeli, fiyeda vari va bara. 24Unde ufunaga tcha, Yehova mwali liye muwari mwa murambo vamohi na munlo oimela nnga nimbozo mule, agaonne ira aIjipitu kohofiya vari, ohoroma arendjetcha, 25liye adoriha aaterelado ewa. Evale tchawanda wenda pama. AIjipitu vaonne atu enne, kohoromaga wonga keraga: <<Yehova gunaakamiheda, liye wanaga na hiyo. Kambeni niweleni, naataweni aIzarayeli!>>
Tolowa wa aIjipitu vari va Bara Yofila
26Evale Yehova ohomurumaga Mozeji eraga: <<Kavenyiha ndanda nawo, utonye vazulu va bara ira mahindje kagumanele nnga mwakalele atu, kawande amida aIjipitu na aaterelado ewa na aliba wendiha kavalo dewa.>> 27Mwa enne Mozeji ohovenyihaga ndanda naye, liye tonyana vazulu va bara ile. Tempu yenno ali nzuwa nikumaga wene. Mwa enne mahindjale kohogomowaga, aliwa gumanela nnga mwakalele atu. Mahindjale kagumanelaga, aIjipitu kohofuna jotawa. Mbwenye Yehova ohavokeda aIjipitu vari va bara ile. 28Mahindjale kagumanelaga, kohavuhelela anyakondo atene a Farawu, na aaterelado ewa, na aliba wendiha kavalo. Atene kavolowile mbara mule, kalivo nne mmohi akumilemo. 29Mbwenye Ana Izarayeli kaviraga, ejo kajaireyile. Aliwa kohovira mbara vateyani voumma, mahindjale kagalive oimelene wu na wu nnga ntchihi.
30Ayo ali makalelo Yehova aavulumutchile liye aIzarayeli siku nenne, aawombolaga mmandani mwa aIjipitu. AIzarayeli funa ing'ana, kohoonaga mitembo da aIjipitu dagali mutcherelani.
31AIzarayeli kagaonne kopolo dindimuwa da Yehova dalabilena liye moagondjiha aIjipitu, kohoroma muova Yehova, aliwa roma muroromela Yehova vamohi na namalaba waye Mozeji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral