Efezo 2
2
Mulugu univulusa ora yawenda hiyo okwene ira niwande irana jengo japama jinafuna liye
1Nyo wanle mwali okwene muwari mwa joviringaniha na jotega 2ejo jawendana nyo, muwendaga ndila ya ilambwela ya vati. Mwamuhara musogolrelri wenno unasogolrelra minemba dabure#2:2 Owu hehi kopolo da mwelra. Ku wonga kopolo da Diyabo, owu kopolo da minemba dotakala. wenno unaasogolrelra atu ohonvwelela Mulugu. 3Wanle hiyo atene nawenda na atu anno. Nairanave jengo jaziveliwa hiyo, jofuna ja maningo, hiyo iragana jengo jaumbuwela hiyo oka. Zela baliwa wehu, hiyo nalive ahima ofuna tongiwa na uwali wa Mulugu vamohi na atu atene.
4Mbwenye Mulugu muwari mwa tangaranga dilukulu dinna liye eto muwari moniziveliwa valukulu, 5tempu yawenda hiyo okwene niiragana joviringaniha jehu, liye uwanda nivaha ingumi. Mulugu uhunivaha ingumi ixa anigumanihaga vamohi na Kiristu. Mwa sayi daye muhuvulusiwa.
6Mulugu univenyiha vamohi na Kiristu, nigaratiha vamohi na Kiristu mamburo a zulu-zulu, anigumanihaga vamohi na Yesu Kiristu. 7Mulugu unigumanihile vamohi na Yesu Kiristu ira vasogolro matempu anafuna za, awande nioniha upama waye na sayi daye dohowanda pimeya.
8Tchoira na nyenne muhuvulusiwa muwari mwa sayi da Mulugu eto muwari mwa nroromelo.#2:8 muhuvulusiwa: Vulusiwa ukana ndila mbinli, vulusiwa wa tchineneva no vulusiwa wa sogolro. Atu omuroromela Yesu oroma kohowonga ira: <<Hiyo nihivulusiwa.>> Nione Roma 8:24; Efezo 2:5; Titu 3:4-5. Ku wonga aliwa kohorumela ira: <<Hiyo nabaliwe nagali muumweneni mwa Satana. Mbwenye varomile hiyo muroromela Yesu, tchi tempu ivulusiwe hiyo. Peno hiyo nnafwanyeya muUmweneni mwa Mulugu.>> Vulusiwa unawongiwa ku wonga leveleliwa jotega, wandana na Mulugu tempu ili hiyo ila. Eto zela vulusiwa wa sogolro, atu omuroromela Yesu oroma kohowonga ira: <<Hiyo nnoza nivulusiwe.>> Nione Roma 5:9, 13:11; 1 Tesalonika 5:9-10; 1 Peduru 1:5,9. Ku wonga aliwa kohorumela ira: <<Vasogolro Yesu azaga aatongaga atu atene a ilambo ya vati, hiyo kannaona uwali wa Mulugu. Hiyo mbwenye nnadowa nakale na liye kala no kala.>> Nona mutu avwa zela vulusiwa mBibiliyani, inafwanela apwasede pama ira aone akala vulusiwa unawongiwa ku vulusiwa wa tchineneva owu ku vulusiwa wa sogolro. Muwari movulusiwa mule, kilivo iirile nyo ira Mulugu auvuluseni. Vulusiwa tchi yengo yovahiwa na Mulugu. 9Kunazela joira jehu. Nona kalivo unawanda vitukulela. 10Tchoira hiyo nili yengo isasannye liye, nipandutchiwe akoka muwari mwa Yesu Kiristu ira niiregena joira japama jejo Mulugu asakannye liye wanle ira hiyo niiregena.
AJudewu na atu ohokala aJudewu ba amohive muwari mwa Kiristu
11Nona nyo atu ohobaliwa mwa aJudewu, umbuwelani makalelo mwanna nyo wanle. Mwasiwa nyo wanle mwaitaniwa aluku na atu anne kaineliwe na makalelo a maningo mmandani mwa afwiwa.#2:11 Owu hehi atu oineliwa na manda a afwiwa. 12Muumbuwele, mwasiwa nyo wanle kamwali vamohi na Kiristu. Mwali eto unde wa mpingo wa Izarayeli. Zela jopangana ja Mulugu na mapangano aye, nyo kamwalimo. Kamwanna yaing'anela nyo. Mwawendave mwilamboni ya vati mwahanna wandana na Mulugu. 13Agali nyo wanle mwali olapela wene na Mulugu, peno mbwenye, muwari mwa sangiri na Kiristu, muwari mogumanihiwa na Yesu Kiristu, Mulugu uwanda uzanani kala na liye.
14Tchoira Yesu Mwinnya guwandile niwandaniha hiyo aJudewu na atu ohokala aJudewu, liye gudjulavo ntchihi nali vari ira awande nigumaniha, nikale mpingo mmohive.#2:14 liye gudjulavo ntchihi nali vari: Wanle vohokala idana mwa aJudewu na atu ohokala aJudewu. Idana wewo ali nnga ntchihi noagawa atu. AJudewu ikukuru yewene, atu ohokala aJudewu ikukuru yewene. Mbwenye muwari mwa atu omuroromela Yesu jejo jihimala. Peno atu omuroromela Yesu a malogo matene anowanda onana nnga atu a muibalini mmohive. 15Liye ohogudjulavo ntchihi nali vari muwari mogomiha sanganiko na mangano anne kafwanyeya mmalamuloni. Ali ira awande atukula atu ambinli, aagumanihe na liye mwinnya ira ampandutche mutu muxa. Yesu ohosakanyeda murendele ira 16hiyo ambinli niwandane na Mulugu vamohi,#2:15-16 atukula atu ambinli, aagumanihe na liye mwinnya ira ampandutche mutu muxa: Ira ampandutche mutu muxa, Yesu guwandile atukula atu a ikukuru ya wu, atukula atu a ikukuru ya wu vigumaniha vamohi na liye ira atene anne kaoneyege nnga mutu muxa, atene kawandane, kawendege vamohi. Atu ohiyana-hiyana anafwanyeya kagali jano ja maningo, Kiristu eto gu muruwa. Nione Koloso 2:18-19. nikale nningo nixa nimohive monikwela vamuradini, amalihaga idana wanna atu.
17Yesu ohoza alaleya atene makalelo owandana na Mulugu nyo atu mwafwanyeya olapela wene na liye vamohi na atu a vakwikwi na liye.#2:17 olapela wene na liye ku wonga atu ohokala aJudewu. Eto atu a vakwikwi na liye ku wonga aJudewu. 18Tchoira mwa Yesu, muwari mwa Munemba mmohive, hiyo aJudewu na nyo atu ohokala aJudewu, atene nnowanda fiya ora ili yatene vamentoni va Baba.#2:18 fiya ora ili yatene vamentoni va Baba: Fiya wa Mulugu unawongiwa va, ku wonga mutu agamuroromenle Yesu, unowanda fiya vamentoni va Mulugu muwari molobela. Akala we uli muJudewu, akala kuli muJudewu, muwari momuroromela Yesu, we unowanda fiya wa Mulugu.
19Nona nyo atu ohokala aJudewu kamulive alendo, kamuli amarala. Muli atu a nikuru na Mulugu vamohi na atu atene otchenihiwa eto muli anamurala vande va Mulugu. 20Inakala nnga manga nyumba ya mabwe. Nibwe nindimuwa na vamwendoni gu Yesu Kiristu. Aliserisi ba anamarumiwa na anamafiyiheda. Nyo atu ohokala aJudewu muli mabwe anamangiwana vazulu va aliserisi. 21Nyumba yatene inalimbihiwa na Yesu. Nyumbiwa innana mangiwave, kalaga Nyumba Yotchenihiwa ya Nabwiya. 22Nyo atu ohokala aJudewu muwari mogumanihiwa na Yesu munnave mangiwana vamohi na hiyo aJudewu omuroromela Yesu ira nikale nyumba imohive mwemo munakala Mulugu muwari mwa Munemba waye.
Currently Selected:
Efezo 2: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Efezo 2
2
Mulugu univulusa ora yawenda hiyo okwene ira niwande irana jengo japama jinafuna liye
1Nyo wanle mwali okwene muwari mwa joviringaniha na jotega 2ejo jawendana nyo, muwendaga ndila ya ilambwela ya vati. Mwamuhara musogolrelri wenno unasogolrelra minemba dabure#2:2 Owu hehi kopolo da mwelra. Ku wonga kopolo da Diyabo, owu kopolo da minemba dotakala. wenno unaasogolrelra atu ohonvwelela Mulugu. 3Wanle hiyo atene nawenda na atu anno. Nairanave jengo jaziveliwa hiyo, jofuna ja maningo, hiyo iragana jengo jaumbuwela hiyo oka. Zela baliwa wehu, hiyo nalive ahima ofuna tongiwa na uwali wa Mulugu vamohi na atu atene.
4Mbwenye Mulugu muwari mwa tangaranga dilukulu dinna liye eto muwari moniziveliwa valukulu, 5tempu yawenda hiyo okwene niiragana joviringaniha jehu, liye uwanda nivaha ingumi. Mulugu uhunivaha ingumi ixa anigumanihaga vamohi na Kiristu. Mwa sayi daye muhuvulusiwa.
6Mulugu univenyiha vamohi na Kiristu, nigaratiha vamohi na Kiristu mamburo a zulu-zulu, anigumanihaga vamohi na Yesu Kiristu. 7Mulugu unigumanihile vamohi na Yesu Kiristu ira vasogolro matempu anafuna za, awande nioniha upama waye na sayi daye dohowanda pimeya.
8Tchoira na nyenne muhuvulusiwa muwari mwa sayi da Mulugu eto muwari mwa nroromelo.#2:8 muhuvulusiwa: Vulusiwa ukana ndila mbinli, vulusiwa wa tchineneva no vulusiwa wa sogolro. Atu omuroromela Yesu oroma kohowonga ira: <<Hiyo nihivulusiwa.>> Nione Roma 8:24; Efezo 2:5; Titu 3:4-5. Ku wonga aliwa kohorumela ira: <<Hiyo nabaliwe nagali muumweneni mwa Satana. Mbwenye varomile hiyo muroromela Yesu, tchi tempu ivulusiwe hiyo. Peno hiyo nnafwanyeya muUmweneni mwa Mulugu.>> Vulusiwa unawongiwa ku wonga leveleliwa jotega, wandana na Mulugu tempu ili hiyo ila. Eto zela vulusiwa wa sogolro, atu omuroromela Yesu oroma kohowonga ira: <<Hiyo nnoza nivulusiwe.>> Nione Roma 5:9, 13:11; 1 Tesalonika 5:9-10; 1 Peduru 1:5,9. Ku wonga aliwa kohorumela ira: <<Vasogolro Yesu azaga aatongaga atu atene a ilambo ya vati, hiyo kannaona uwali wa Mulugu. Hiyo mbwenye nnadowa nakale na liye kala no kala.>> Nona mutu avwa zela vulusiwa mBibiliyani, inafwanela apwasede pama ira aone akala vulusiwa unawongiwa ku vulusiwa wa tchineneva owu ku vulusiwa wa sogolro. Muwari movulusiwa mule, kilivo iirile nyo ira Mulugu auvuluseni. Vulusiwa tchi yengo yovahiwa na Mulugu. 9Kunazela joira jehu. Nona kalivo unawanda vitukulela. 10Tchoira hiyo nili yengo isasannye liye, nipandutchiwe akoka muwari mwa Yesu Kiristu ira niiregena joira japama jejo Mulugu asakannye liye wanle ira hiyo niiregena.
AJudewu na atu ohokala aJudewu ba amohive muwari mwa Kiristu
11Nona nyo atu ohobaliwa mwa aJudewu, umbuwelani makalelo mwanna nyo wanle. Mwasiwa nyo wanle mwaitaniwa aluku na atu anne kaineliwe na makalelo a maningo mmandani mwa afwiwa.#2:11 Owu hehi atu oineliwa na manda a afwiwa. 12Muumbuwele, mwasiwa nyo wanle kamwali vamohi na Kiristu. Mwali eto unde wa mpingo wa Izarayeli. Zela jopangana ja Mulugu na mapangano aye, nyo kamwalimo. Kamwanna yaing'anela nyo. Mwawendave mwilamboni ya vati mwahanna wandana na Mulugu. 13Agali nyo wanle mwali olapela wene na Mulugu, peno mbwenye, muwari mwa sangiri na Kiristu, muwari mogumanihiwa na Yesu Kiristu, Mulugu uwanda uzanani kala na liye.
14Tchoira Yesu Mwinnya guwandile niwandaniha hiyo aJudewu na atu ohokala aJudewu, liye gudjulavo ntchihi nali vari ira awande nigumaniha, nikale mpingo mmohive.#2:14 liye gudjulavo ntchihi nali vari: Wanle vohokala idana mwa aJudewu na atu ohokala aJudewu. Idana wewo ali nnga ntchihi noagawa atu. AJudewu ikukuru yewene, atu ohokala aJudewu ikukuru yewene. Mbwenye muwari mwa atu omuroromela Yesu jejo jihimala. Peno atu omuroromela Yesu a malogo matene anowanda onana nnga atu a muibalini mmohive. 15Liye ohogudjulavo ntchihi nali vari muwari mogomiha sanganiko na mangano anne kafwanyeya mmalamuloni. Ali ira awande atukula atu ambinli, aagumanihe na liye mwinnya ira ampandutche mutu muxa. Yesu ohosakanyeda murendele ira 16hiyo ambinli niwandane na Mulugu vamohi,#2:15-16 atukula atu ambinli, aagumanihe na liye mwinnya ira ampandutche mutu muxa: Ira ampandutche mutu muxa, Yesu guwandile atukula atu a ikukuru ya wu, atukula atu a ikukuru ya wu vigumaniha vamohi na liye ira atene anne kaoneyege nnga mutu muxa, atene kawandane, kawendege vamohi. Atu ohiyana-hiyana anafwanyeya kagali jano ja maningo, Kiristu eto gu muruwa. Nione Koloso 2:18-19. nikale nningo nixa nimohive monikwela vamuradini, amalihaga idana wanna atu.
17Yesu ohoza alaleya atene makalelo owandana na Mulugu nyo atu mwafwanyeya olapela wene na liye vamohi na atu a vakwikwi na liye.#2:17 olapela wene na liye ku wonga atu ohokala aJudewu. Eto atu a vakwikwi na liye ku wonga aJudewu. 18Tchoira mwa Yesu, muwari mwa Munemba mmohive, hiyo aJudewu na nyo atu ohokala aJudewu, atene nnowanda fiya ora ili yatene vamentoni va Baba.#2:18 fiya ora ili yatene vamentoni va Baba: Fiya wa Mulugu unawongiwa va, ku wonga mutu agamuroromenle Yesu, unowanda fiya vamentoni va Mulugu muwari molobela. Akala we uli muJudewu, akala kuli muJudewu, muwari momuroromela Yesu, we unowanda fiya wa Mulugu.
19Nona nyo atu ohokala aJudewu kamulive alendo, kamuli amarala. Muli atu a nikuru na Mulugu vamohi na atu atene otchenihiwa eto muli anamurala vande va Mulugu. 20Inakala nnga manga nyumba ya mabwe. Nibwe nindimuwa na vamwendoni gu Yesu Kiristu. Aliserisi ba anamarumiwa na anamafiyiheda. Nyo atu ohokala aJudewu muli mabwe anamangiwana vazulu va aliserisi. 21Nyumba yatene inalimbihiwa na Yesu. Nyumbiwa innana mangiwave, kalaga Nyumba Yotchenihiwa ya Nabwiya. 22Nyo atu ohokala aJudewu muwari mogumanihiwa na Yesu munnave mangiwana vamohi na hiyo aJudewu omuroromela Yesu ira nikale nyumba imohive mwemo munakala Mulugu muwari mwa Munemba waye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral