Koloso 2
2
1Miyo eto nnafuna muiziwe ira dihikana zuzuma undimuwa zela wa nyo na atu omuroromela Yesu a sidadi ya Layodiseya vamohi na atu omuroromela Yesu atene dahaagumannena miyo kove na kove 2ira mulimbiheye mmirimani mwenyu mwagali atu oluweya vamohi muwari mozivelana. Ili ira muwande kana rayela wewo ozela kana ibaribari no onelramo mohokayikela zela Kiristu. Fwanyeya ira Kiristu wanle ali nnga yengo yohoiziweya burebure Mulugu aiziwile liye ekave. 3Muwari mwa Kiristu eto punafwanyeya rayela watene ozela zelru no onelramo wa ibaribari.#2:3 Muwari mwa Kiristu eto punafwanyeya rayela watene ozela zelru no onelramo wa ibaribari. Ku wonga wenno unavenda zelru no onelramo na makalelo amohiwa ahali muwari mwa Kiristu unavinyenga eto kanagomela ona inavenda liye.
4Miyo nnouwandelani eji ira mwahawande nyengiwa na atu anno anawonga mazu amohiwa oriyela baruni eto kahali a ibaribari. 5Tchoira masiki maningo aga kakale olapela wene na wewo uli nyo wo, mmirimani mwaga, miyo dili vamohi na nyo. Miyo eto nnohagalala zela makalelo apama munna nyo eto nnohagalala zela nroromelo nolimba munna nyo mmuroromelaga Kiristu.
Unna mabasa gu Yesu Kiristu hiya sanganiko da ilambo ya vati
6Nona sawasawa nnga mwamuwatchenle nyo Yesu Kiristu kala Nabwiya wenyu, inafwanela muwendege na liye nnga Nabwiya wenyu. 7Muwari mowenda na Kiristu, mitchitchi denyu didowegeve vati muwari mwa Kiristu. Eto mumangiwegeve vazulu va aliserisi unafwanyeya agali Kiristu.#2:7 mumangiwegeve vazulu va… Kiristu: Ku wonga inafwanela kalawo wehu, zelru dehu na joumbuwela jehu jikume muwari mwa Yesu Kiristu hiya kuma muwari mwa zelru na joumbuwela ja ilambo ya vati. Mukaleve olimbene na ibaribari inahara hiyo nnga mwemo mwafundjihiwe nyo. Eto inafwanela muiregeve mutamalela Mulugu valukulu vene zela jatene jinaniirela liye.#2:7 muiregeve mutamalela Mulugu valukulu vene zela jatene jinaniirela liye: Inafwanela mutu omuroromela Yesu awande mutamalela Mulugu muwari mwa jatene jinamuireyela mwasiwa liye unaroromela ira Mulugu umala iziwa jinera liye.
8Polre polre tawiha ira munaze mukalihiwe azari na atu owonga zelru da ilambo ya vati na jonyenga jimohi jiwa johokana mabasa. Tchoira jonama ejo kajinakuma mwa Kiristu. Jinakumela muwari mwa sanganiko da atu eto jinakumela mwa minemba dabure#2:8 Va atu omuroromela Yesu anakokomeziwa ira kawande rambela zelru da ilambo ya vati na sanganiko da atu. Tchoira jidjindji jairetcha makolo a wanle jali jengo jokumela mwa minemba dabure. So inafwanela mutu atukule zelru da Kiristu, ahele sogolro, atatile zelru da wanle da atu. Nione Roma 12:2; 1 Peduru 1:13-16. nnafwanyeya mwilamboni ya vati. 9Kamunyengiwe na ejo, mwasiwa makalelo matene a Mulugu anofwanyeyamo muwari mwa maningo maxa Mulugu anvahile liye anvenyihaga mokwani. 10Na nyenne muwari mogumanihiwa na Kiristu, muhumala vahiwa makalelo matene a wenno uli mwinnya wa utongi na undimuwa watene.
11Vamohive vevo muwari mogumanihiwa na Yesu Kiristu, Kiristu ouinelani. Ineliwa wewo kahi ineliwa na manda a atu. Ineliwa na Kiristu ku wonga Kiristu uhumala uwungulani kopolo da jofuna jenyu ja maningo dawara nyo.#2:11 Kiristu uhumala uwungulani kopolo da jofuna jenyu ja maningo: Mazu a Mulugu ananiwandela ira wenno ubaliwe fendo yanembinli umala vahiwa kopolo dixa ira awande irana jofuna ja Mulugu. (2 Peduru 1:3; 1 Juwawu 3:9) Muwari mwa ingumi ixa inavahiwa mutu, kahi ira jinowandeya ira awendegeve na jofuna ja maningo anna liye ahanamuroromele Yesu.
12Hiyo nibatiziwaga, yafwalrafwaniha nnga nikoyiwe vamohi na Yesu. Eto muwari mobatiziwa, fwanyeya hiyo nihivenya vamohi na Kiristu muwari mororomela kopolo dilukulu da Mulugu wenno uwandile nvenyiha Yesu mokwani. 13Nyo wanle mwawenda okwene na jotega jenyu na jofuna jenyu ja maningo jawendana nyo. Mbwenye Mulugu uuvahani ingumi vamohi na Yesu. Liye ohonilevelela jotega jehu jatene. 14Nilevelela uwa, malambo a mundulrimu nohofwanela tongiwa zela mangawa nanna hiyo onimanga mulandu zela hiyo viringaniha ja Mulugu. Mulugu eto uhumala timiha mangawa anno, muwari motukula, liye komela vamuradini.
15Mulugu ohawaka jowanana jiwa andimuwa abure na aliba utongi wabure, aanyaswihaga vatando.#2:15 andimuwa abure na aliba utongi wabure podi kala angelro a Satana. Wanle Satana na afwaye kohokana utongi ozela atu na mwasa wa jotega. Mbwenye Mulugu amugondjihile Satana muwari mwa ukwa wa Yesu Kiristu eto amunyaswihile moira Satana afuna Yesu akale okwene mbwenye Mulugu ohomuvenyiha mokwani. Eto fwanyeya ira muwari mwa ukwa wa Yesu puzile kutchiwa para mutu uli watene omuroromela Yesu. Anyaswiha uwa, Mulugu ohagondjiha muwari mwa Yesu Kiristu.
Kaniholowe na jengo ja vaheno vene
16Na mwasa wenno kakalevo unafuna utongani zela mangano a jodja na jong'wa nari zela harihamo pwando dimohi diwa nari ja pwando da mwedi muxa nari ja sabado. 17Tchoira jatene jejo jinakala nnga nfulri wa jengo jinafuna za. Hiyo nihiiziwa ira nfulri kahi yengo ya ibaribari, mbwenye ya ibaribari unafwanyeya agali Kiristu mwinnyiwene.#2:16-17 jatene jejo jinakala nnga nfulri wa jengo jinafuna za: Malambo a mundulrimu Mulugu ohavaha aIzarayeli mangano pwi ozela jodja na jong'wa nari zela harihamo pwando dimohi diwa nari ja pwando da mwedi muxa nari ja sabado. Mbwenye ejo jalaba nnga nfulri wa Yesu. Pawulo alrembile mazwala muwari moakokomeza afwaye ira kamuhidede mutu wa ibaribari Yesu Kiristu hiyaniha no hideda ja nfulri jiwa. Mazwala anarumelela ira tempu ili hiyo ila kinafuneya mutu awendegeve na malamulo matene Mulugu aavahile liye aIzarayeli wanle. Nione Markuji 7:19; Joira ja Anamarumiwa 15:28-29; 1 Korinto 7:18; Eberewu 7:12, 8:6-10.
18Nyo mbwenye kamwahiye atu ugwadani sogolro wenyu. Tchoira kohokalamo atu anavenda jougwadani sogolro wenyu ira mwahavahiwe yenno Mulugu inafuna liye uvahani. Tchoira anaukanyihedani ira mukayena upama vamentoni va Mulugu muwari motunda jengo ja ilambo ya vati, funaga nnga mwaatamalelege angelro, aliwa wongaga jengo pwi jionne atu morohani.#2:18-19 Kohokalamo atu anavenda jougwadani sogolro wenyu… wongaga jengo pwi jionne atu morohani: Mazu a Mulugu kinawonga upama zela wenno unanyindela joroha jaye. Ku wonga inafwanela nitukule mazu a Mulugu, nihele sogolro hiyaniha no roromela joroha jehu mwasiwa joroha jehu kajinaroromeleya. Nione Judaji 1:8. Aliwa bovitukulela mokana joumbuwela ja maningo agali kinna mwasa ofuna vitukulelana. 19Mwa eno, aliwa komuhiya Kiristu wenno unafwanyeya agali muru wa maningo. Maningo anadjihiwa muwari mwa muru eto maningo analuweya muwari mwa mafarafadju na misepa dinigumanihile hiyo jano vamohive. Muwari modjihiwa na muru, maningo matene anaulukula na makalelo anavaha Mulugu.
20Akala nyo muhumala kwa vamohi na Kiristu zela ja minemba dabure nnafwanyeya mwilamboni ya vati, kodi mwasiwa gwa nni nyo wendaga nnga muli atu a mwilamboni, nyo harihagamo sanganiko da ilambo ya vati doira: 21<<Jeji, kuhinde. Jeji, kudje. Jeji, kumexeri.>>? 22Mwasiwa gwa nni nyo harihagamo sanganiko dedo nnawonga zela jengo ja ilambo ya vati jinalabiwana amala jigomela tolotchiwa? Nyo munawanda avi harihamo sanganiko dedo nnakuma mwa zelru da atu na mafundjihelo a atu?#2:22 sanganiko dedo nnakuma mwa zelru da atu na mafundjihelo a atu: Pawulo ira awonge eno, liye aonne ira kohokalawo atu kalimbela sanganiko dewa kwaranya ejo Mulugu awongile liye. Kavenda upama muwari motunda jengo hiyaniha no venda upama muwari mwa Yesu Kiristu. Nona mutu afunaga wonga zela yengo ili yatene nnga telana nari jodja nari jong'wa, inafwanela aviremo nnga mwawongele Mulugu hiyaniha no wendjeda yaye owu vungula ya Mulugu.
23Mutu aona sanganiko dedo, nnaoneya nnga ti zelru. Mwasiwa sanganiko dedo nnawonga zela makalelo ovilimbiheda irana ja Mulugu, roma vitundihaga jengo, fiyeda onihaga goyi maningo aye. Mbwenye jatene ejo kajinalaba ira mutu awande gondjiha jofuna jabure ja maningo.#2:23 Fwanyeya ira mutu akungaga malamulo aye a vaheno vene kwaranya ejo Mulugu awongile liye, sanganiko dedo, nnaoneya nnga ti zelru. Mbwenye jatene ejo kajinalaba ira mutu awande gondjiha jofuna jabure ja maningo.
Currently Selected:
Koloso 2: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Koloso 2
2
1Miyo eto nnafuna muiziwe ira dihikana zuzuma undimuwa zela wa nyo na atu omuroromela Yesu a sidadi ya Layodiseya vamohi na atu omuroromela Yesu atene dahaagumannena miyo kove na kove 2ira mulimbiheye mmirimani mwenyu mwagali atu oluweya vamohi muwari mozivelana. Ili ira muwande kana rayela wewo ozela kana ibaribari no onelramo mohokayikela zela Kiristu. Fwanyeya ira Kiristu wanle ali nnga yengo yohoiziweya burebure Mulugu aiziwile liye ekave. 3Muwari mwa Kiristu eto punafwanyeya rayela watene ozela zelru no onelramo wa ibaribari.#2:3 Muwari mwa Kiristu eto punafwanyeya rayela watene ozela zelru no onelramo wa ibaribari. Ku wonga wenno unavenda zelru no onelramo na makalelo amohiwa ahali muwari mwa Kiristu unavinyenga eto kanagomela ona inavenda liye.
4Miyo nnouwandelani eji ira mwahawande nyengiwa na atu anno anawonga mazu amohiwa oriyela baruni eto kahali a ibaribari. 5Tchoira masiki maningo aga kakale olapela wene na wewo uli nyo wo, mmirimani mwaga, miyo dili vamohi na nyo. Miyo eto nnohagalala zela makalelo apama munna nyo eto nnohagalala zela nroromelo nolimba munna nyo mmuroromelaga Kiristu.
Unna mabasa gu Yesu Kiristu hiya sanganiko da ilambo ya vati
6Nona sawasawa nnga mwamuwatchenle nyo Yesu Kiristu kala Nabwiya wenyu, inafwanela muwendege na liye nnga Nabwiya wenyu. 7Muwari mowenda na Kiristu, mitchitchi denyu didowegeve vati muwari mwa Kiristu. Eto mumangiwegeve vazulu va aliserisi unafwanyeya agali Kiristu.#2:7 mumangiwegeve vazulu va… Kiristu: Ku wonga inafwanela kalawo wehu, zelru dehu na joumbuwela jehu jikume muwari mwa Yesu Kiristu hiya kuma muwari mwa zelru na joumbuwela ja ilambo ya vati. Mukaleve olimbene na ibaribari inahara hiyo nnga mwemo mwafundjihiwe nyo. Eto inafwanela muiregeve mutamalela Mulugu valukulu vene zela jatene jinaniirela liye.#2:7 muiregeve mutamalela Mulugu valukulu vene zela jatene jinaniirela liye: Inafwanela mutu omuroromela Yesu awande mutamalela Mulugu muwari mwa jatene jinamuireyela mwasiwa liye unaroromela ira Mulugu umala iziwa jinera liye.
8Polre polre tawiha ira munaze mukalihiwe azari na atu owonga zelru da ilambo ya vati na jonyenga jimohi jiwa johokana mabasa. Tchoira jonama ejo kajinakuma mwa Kiristu. Jinakumela muwari mwa sanganiko da atu eto jinakumela mwa minemba dabure#2:8 Va atu omuroromela Yesu anakokomeziwa ira kawande rambela zelru da ilambo ya vati na sanganiko da atu. Tchoira jidjindji jairetcha makolo a wanle jali jengo jokumela mwa minemba dabure. So inafwanela mutu atukule zelru da Kiristu, ahele sogolro, atatile zelru da wanle da atu. Nione Roma 12:2; 1 Peduru 1:13-16. nnafwanyeya mwilamboni ya vati. 9Kamunyengiwe na ejo, mwasiwa makalelo matene a Mulugu anofwanyeyamo muwari mwa maningo maxa Mulugu anvahile liye anvenyihaga mokwani. 10Na nyenne muwari mogumanihiwa na Kiristu, muhumala vahiwa makalelo matene a wenno uli mwinnya wa utongi na undimuwa watene.
11Vamohive vevo muwari mogumanihiwa na Yesu Kiristu, Kiristu ouinelani. Ineliwa wewo kahi ineliwa na manda a atu. Ineliwa na Kiristu ku wonga Kiristu uhumala uwungulani kopolo da jofuna jenyu ja maningo dawara nyo.#2:11 Kiristu uhumala uwungulani kopolo da jofuna jenyu ja maningo: Mazu a Mulugu ananiwandela ira wenno ubaliwe fendo yanembinli umala vahiwa kopolo dixa ira awande irana jofuna ja Mulugu. (2 Peduru 1:3; 1 Juwawu 3:9) Muwari mwa ingumi ixa inavahiwa mutu, kahi ira jinowandeya ira awendegeve na jofuna ja maningo anna liye ahanamuroromele Yesu.
12Hiyo nibatiziwaga, yafwalrafwaniha nnga nikoyiwe vamohi na Yesu. Eto muwari mobatiziwa, fwanyeya hiyo nihivenya vamohi na Kiristu muwari mororomela kopolo dilukulu da Mulugu wenno uwandile nvenyiha Yesu mokwani. 13Nyo wanle mwawenda okwene na jotega jenyu na jofuna jenyu ja maningo jawendana nyo. Mbwenye Mulugu uuvahani ingumi vamohi na Yesu. Liye ohonilevelela jotega jehu jatene. 14Nilevelela uwa, malambo a mundulrimu nohofwanela tongiwa zela mangawa nanna hiyo onimanga mulandu zela hiyo viringaniha ja Mulugu. Mulugu eto uhumala timiha mangawa anno, muwari motukula, liye komela vamuradini.
15Mulugu ohawaka jowanana jiwa andimuwa abure na aliba utongi wabure, aanyaswihaga vatando.#2:15 andimuwa abure na aliba utongi wabure podi kala angelro a Satana. Wanle Satana na afwaye kohokana utongi ozela atu na mwasa wa jotega. Mbwenye Mulugu amugondjihile Satana muwari mwa ukwa wa Yesu Kiristu eto amunyaswihile moira Satana afuna Yesu akale okwene mbwenye Mulugu ohomuvenyiha mokwani. Eto fwanyeya ira muwari mwa ukwa wa Yesu puzile kutchiwa para mutu uli watene omuroromela Yesu. Anyaswiha uwa, Mulugu ohagondjiha muwari mwa Yesu Kiristu.
Kaniholowe na jengo ja vaheno vene
16Na mwasa wenno kakalevo unafuna utongani zela mangano a jodja na jong'wa nari zela harihamo pwando dimohi diwa nari ja pwando da mwedi muxa nari ja sabado. 17Tchoira jatene jejo jinakala nnga nfulri wa jengo jinafuna za. Hiyo nihiiziwa ira nfulri kahi yengo ya ibaribari, mbwenye ya ibaribari unafwanyeya agali Kiristu mwinnyiwene.#2:16-17 jatene jejo jinakala nnga nfulri wa jengo jinafuna za: Malambo a mundulrimu Mulugu ohavaha aIzarayeli mangano pwi ozela jodja na jong'wa nari zela harihamo pwando dimohi diwa nari ja pwando da mwedi muxa nari ja sabado. Mbwenye ejo jalaba nnga nfulri wa Yesu. Pawulo alrembile mazwala muwari moakokomeza afwaye ira kamuhidede mutu wa ibaribari Yesu Kiristu hiyaniha no hideda ja nfulri jiwa. Mazwala anarumelela ira tempu ili hiyo ila kinafuneya mutu awendegeve na malamulo matene Mulugu aavahile liye aIzarayeli wanle. Nione Markuji 7:19; Joira ja Anamarumiwa 15:28-29; 1 Korinto 7:18; Eberewu 7:12, 8:6-10.
18Nyo mbwenye kamwahiye atu ugwadani sogolro wenyu. Tchoira kohokalamo atu anavenda jougwadani sogolro wenyu ira mwahavahiwe yenno Mulugu inafuna liye uvahani. Tchoira anaukanyihedani ira mukayena upama vamentoni va Mulugu muwari motunda jengo ja ilambo ya vati, funaga nnga mwaatamalelege angelro, aliwa wongaga jengo pwi jionne atu morohani.#2:18-19 Kohokalamo atu anavenda jougwadani sogolro wenyu… wongaga jengo pwi jionne atu morohani: Mazu a Mulugu kinawonga upama zela wenno unanyindela joroha jaye. Ku wonga inafwanela nitukule mazu a Mulugu, nihele sogolro hiyaniha no roromela joroha jehu mwasiwa joroha jehu kajinaroromeleya. Nione Judaji 1:8. Aliwa bovitukulela mokana joumbuwela ja maningo agali kinna mwasa ofuna vitukulelana. 19Mwa eno, aliwa komuhiya Kiristu wenno unafwanyeya agali muru wa maningo. Maningo anadjihiwa muwari mwa muru eto maningo analuweya muwari mwa mafarafadju na misepa dinigumanihile hiyo jano vamohive. Muwari modjihiwa na muru, maningo matene anaulukula na makalelo anavaha Mulugu.
20Akala nyo muhumala kwa vamohi na Kiristu zela ja minemba dabure nnafwanyeya mwilamboni ya vati, kodi mwasiwa gwa nni nyo wendaga nnga muli atu a mwilamboni, nyo harihagamo sanganiko da ilambo ya vati doira: 21<<Jeji, kuhinde. Jeji, kudje. Jeji, kumexeri.>>? 22Mwasiwa gwa nni nyo harihagamo sanganiko dedo nnawonga zela jengo ja ilambo ya vati jinalabiwana amala jigomela tolotchiwa? Nyo munawanda avi harihamo sanganiko dedo nnakuma mwa zelru da atu na mafundjihelo a atu?#2:22 sanganiko dedo nnakuma mwa zelru da atu na mafundjihelo a atu: Pawulo ira awonge eno, liye aonne ira kohokalawo atu kalimbela sanganiko dewa kwaranya ejo Mulugu awongile liye. Kavenda upama muwari motunda jengo hiyaniha no venda upama muwari mwa Yesu Kiristu. Nona mutu afunaga wonga zela yengo ili yatene nnga telana nari jodja nari jong'wa, inafwanela aviremo nnga mwawongele Mulugu hiyaniha no wendjeda yaye owu vungula ya Mulugu.
23Mutu aona sanganiko dedo, nnaoneya nnga ti zelru. Mwasiwa sanganiko dedo nnawonga zela makalelo ovilimbiheda irana ja Mulugu, roma vitundihaga jengo, fiyeda onihaga goyi maningo aye. Mbwenye jatene ejo kajinalaba ira mutu awande gondjiha jofuna jabure ja maningo.#2:23 Fwanyeya ira mutu akungaga malamulo aye a vaheno vene kwaranya ejo Mulugu awongile liye, sanganiko dedo, nnaoneya nnga ti zelru. Mbwenye jatene ejo kajinalaba ira mutu awande gondjiha jofuna jabure ja maningo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral