Joira ja Anamarumiwa 26
26
Sumeliwa wa Pawulo vamentoni va Agiripa
1Evale Agiripa ohowonga na Pawulo eraga: <<Katiye we, kawonga vili we.>> Noira eno, Pawulo ohovenyiha ndanda naye, liye roma wonga mbalume yaye eraga: 2<<So mwene Agiripa miyo dihiziveliwa ira peno nnowanda wonga mbalume yaga vamentoni venyu zela jodinukeda jatene ja aJudewu. 3Tchoira nyo muhuiziwa sanganiko datene da aJudewu na makalelo anarunihana aJudewu oka oka zela joumbuwela jewa.#26:3 Makalelo anarunihana aJudewu oka oka: Nione Joira ja Anamarumiwa 23:9-10. Mazu anno anawonga ira aFarizewu na aSadusewu koorunihana na mazu madjindjene zela nkani ovenya mokwani. Muwari morunihana mule, mundimuwa wa anyakondo esaga: <<AJudewu anafuna kampe mulombwana Pawulo>>, agali karunihana zela venya mokwani. Ku wonga aJudewu kafwanyeya kagali atu orunihana. Nona, nnouvepani ira nyo muvuruwane mopwaseya.>>
4<<Makalelo matene danna miyo roma uzombwe waga, roma malambo dakala miyo ilambo ibaliwe miyo, vamohi na malambo dakala miyo ilambo ya Jeruzalemu, aJudewu kohomala iziwa. 5Miyo vano dohowenda na makalelo a aFarizewu, anno anafwanyeya kagali nikuru nnaharihamo sanganiko datene dehu na makalelo ohokala a masika. Mwaafuka aJudewu, kafuna anowanda rumelela eji, aliwa kohomala iziwa jeji romana wanle.>>
6<<Ira dikayena mulandu osumeliwa uno, tchoira miyo yodediha yaga dihanlena nipangano napanganne Mulugu na makolwihu a wanle.#26:6 yodediha yaga dihanlena nipangano napanganne Mulugu na makolwihu a wanle: Wanle Mulugu ohawandela aIzarayeli zela Namatikeliwa afuna za na umwene uxa afuna kunga Namatikeliwa. Kangana wa aJudewu na Pawulo wazenle moira Pawulo ohowonga ira Mulugu umala muruma Namatikeliwa amuwonga liye eto umala muvenyiha mokwani. Jatene ejo aJudewu kohoruniha. 7Masiki peno va, malogo kumi na menli a hiyo aIzarayeli anadediha ira kaone nipangano nimohive neno. Annanave mutamalela Mulugu na mmirimani mwewa mwatene ntana na mahiyu. Eto miyo, so mwene Agiripa, nnasumeliwa na aJudewu na mwasa wa yodediha yenno. 8Nnga mwasiwa gwa nni nyo hawandaga roromela ira Mulugu unomuvenyiha mutu mokwani?>>
9<<Na miyene wanle daumbuwela ira ili pama dilabe jatene jinawanda miyo laba ira nzina na Yesu wa Nazareti nahavweyege. 10Muwari mwa enne, dagali Jeruzalemu, andimuwa a anamakuta kagamanle dirumeliha, dohahinda atu otchenihiwa oindjiva, daahelihaga mukadeya. Eto kasumeliwaga ira kapiwe, dohorumelela ira kapiwe. 11Dowendawendetcha divolowaga munyumbani dofundjamo mazu datene, daaonihaga goyi atu omuroromela Yesu kafwanyeya emo, miyo funaga nnga kamululuvihe Yesu. Muwari mojamo na uwali wanna miyo zela atu omuroromela Yesu, dofiyeda mwezo odowa sidadi dimohi diwa da unde, daaharaharaga aliwa.>>
12<<Muwari mwa mabasa oatolotcha atu atene omuroromela Yesu, andimuwa a anamakuta badirumelihile, kadirumaga dowa Damaxiku ira didowe daaonihe anamamuhara Yesu goyi. Mwa enne didowaga wewule, 13nzuwa nagali vari na vari, miyo so mwene, diwendaga mundila, dohozeliwaga moneya wokumela zulu wokwaranya nzuwa. Dohoonaga moneya undimuwa umoneyaga vali miyo na afwaga kafwanyeya na miyo. 14Miyo na afwagene, hiyo atene nohogwa vati. Evale dohovwa nizu nawongaga na iwongelo ya iEberewu ira: <Sawulo, Sawulo, kodi unadiharaharela nni? Ng'ombe yavaha silipa imiri ya namakumbuza, inaporeya tchi ng'ombe.> 15Miyo dohonfukaga ira: <Nabwiya, nyo muli ani?> Nabwiya ohowongaga ira: <Miyo dili Yesu wenno unamuharahara we. 16Kavenya, uimele na manyalo awo. Miyo dizele wa weyo mwasiwa miyo peno duhuhambiha ira weyo ukale namalaba eto ukale mboni olaleya jionne we zela miyo vamohi na jinafuna miyo uwandela. 17Miyo nnerege ukoya mmandani mwa ale anafuna uharahara masiki aJudewu afwawo, masiki atu ohokala aJudewu. Tchoira miyo nnouruma ira udowe wa aJudewu vamohi na ohokala aJudewu 18ira waagudubulre atu meso, waakumihe atu muisini ira waahele mmoneyani, waakumihege mmandani mwa Satana, kadowege muUmweneni mwa Mulugu ira atu kaleveleliwe jotega eto kakayena yotambilra yewa vamohi na atu atene anatchenihiwa modiroromela miyo.> >>
19<<Nona so mwene Agiripa, jengo ja zulu Yesu jidiwandenle liye mmuruni mwaga, jengo ejile kadiwandile luluviha. 20Mbwenye dohoroma alaleya atu roma ale kafwanyeya Damaxiku, dowaga ale kafwanyeya Jeruzalemu, dowaga ale kafwanyeya ilambo ya Judeya, fiyeda atu ohokala aJudewu. Dalaleyetcha ira: <Mutwaruwe, mmuhare Mulugu. Mwatwaruwa, muiregena jengo jolingana no twaruwa wenyu.> 21Laleya waga wewo gu mulandu uhindiwena miyo na aJudewu dagali Nyumba ya Yehova kafunaga jodipa. 22Ira difiyede siku na peno va, unadikamiheda gu Mulugu. Mwa kopolo da Mulugu miyo nnouwandelani ibaribari nyo mwatene, andimuwa ahali andimuwa muli eva. Kannalaleya yengo yahali yenno imohive yawongetcha Mozeji na anamafiyiheda a wanle. 23Aliwa kalaleyetcha ira Namatikeliwa aza, unoonihiwa goyi eto unoza akale murandji venya mokwani ira awande amoneya aJudewu vamohi na atu ohokala aJudewu.>>
24Pawulo agalive muwari mowonga mbalume yaye, Governadore Festo ohowonga na mazu olimbiha ira: <<Pawulo we ukana mihala. Mihala diwa toira we usimbwa fundja.>> 25Mbwenye Pawulo kwi: <<So mundimuwa Festo, miyo kadinna mihala. Jinawonga miyo ji, nnawonga ja ibaribari, hiya ja mihala. 26Teto jinawonga miyo ji, mwene Agiripa umala iziwa. Miyo nnomuwandela mohoova tchoira miyo dihiiziwa ira liye kahi roma wene vwa jeji, tchoira jaireyile vatando vene.>> 27Evale Pawulo ohowonga na mwene Agiripa ira: <<Nyo so mwene Agiripa, kamunaroromela jawongetcha anamafiyiheda wanle? Miyo dihiiziwa ira nyo munororomela.>> 28Evale Agiripa ohomuwakula Pawulo ira: <<Kodi unafuna nnga ora imohive wagadigondjihile ira dikale muKiristawu?>> 29Pawulo kwi: <<Akala ora imohive nari vari va malambo madjindjene, miyo nnonvepa Mulugu ira nyo na afwinyu atene anadivwa peno, nyo mwatene muze mukale aKiristawu nnga miyo, so hiya mangiwa umangiwe miyo na makurenti ala.>>
30Vevale mwene Agiripa ohovenyavo. Ora imohive, Governadore Festo na Berenise na andimuwa afwiwa kagaratile evale na aliwene kovenyagavo. 31Kagadowile vewa vene, kohotapanya oka oka, aliwa ira: <<Hiyo nnoonavo ira mutula kanna mulandu ofuna kala mukadeya, nne kanna mulandu ofuna ira apiwe, nari.>> 32Evale mwene Agiripa ohowonga na nfwaye Festo eraga: <<Mutula ahawonga ira: <Miyo nnafuna didowe, datongiwe na Sezare>, ogokutchiwa.>>
Currently Selected:
Joira ja Anamarumiwa 26: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Joira ja Anamarumiwa 26
26
Sumeliwa wa Pawulo vamentoni va Agiripa
1Evale Agiripa ohowonga na Pawulo eraga: <<Katiye we, kawonga vili we.>> Noira eno, Pawulo ohovenyiha ndanda naye, liye roma wonga mbalume yaye eraga: 2<<So mwene Agiripa miyo dihiziveliwa ira peno nnowanda wonga mbalume yaga vamentoni venyu zela jodinukeda jatene ja aJudewu. 3Tchoira nyo muhuiziwa sanganiko datene da aJudewu na makalelo anarunihana aJudewu oka oka zela joumbuwela jewa.#26:3 Makalelo anarunihana aJudewu oka oka: Nione Joira ja Anamarumiwa 23:9-10. Mazu anno anawonga ira aFarizewu na aSadusewu koorunihana na mazu madjindjene zela nkani ovenya mokwani. Muwari morunihana mule, mundimuwa wa anyakondo esaga: <<AJudewu anafuna kampe mulombwana Pawulo>>, agali karunihana zela venya mokwani. Ku wonga aJudewu kafwanyeya kagali atu orunihana. Nona, nnouvepani ira nyo muvuruwane mopwaseya.>>
4<<Makalelo matene danna miyo roma uzombwe waga, roma malambo dakala miyo ilambo ibaliwe miyo, vamohi na malambo dakala miyo ilambo ya Jeruzalemu, aJudewu kohomala iziwa. 5Miyo vano dohowenda na makalelo a aFarizewu, anno anafwanyeya kagali nikuru nnaharihamo sanganiko datene dehu na makalelo ohokala a masika. Mwaafuka aJudewu, kafuna anowanda rumelela eji, aliwa kohomala iziwa jeji romana wanle.>>
6<<Ira dikayena mulandu osumeliwa uno, tchoira miyo yodediha yaga dihanlena nipangano napanganne Mulugu na makolwihu a wanle.#26:6 yodediha yaga dihanlena nipangano napanganne Mulugu na makolwihu a wanle: Wanle Mulugu ohawandela aIzarayeli zela Namatikeliwa afuna za na umwene uxa afuna kunga Namatikeliwa. Kangana wa aJudewu na Pawulo wazenle moira Pawulo ohowonga ira Mulugu umala muruma Namatikeliwa amuwonga liye eto umala muvenyiha mokwani. Jatene ejo aJudewu kohoruniha. 7Masiki peno va, malogo kumi na menli a hiyo aIzarayeli anadediha ira kaone nipangano nimohive neno. Annanave mutamalela Mulugu na mmirimani mwewa mwatene ntana na mahiyu. Eto miyo, so mwene Agiripa, nnasumeliwa na aJudewu na mwasa wa yodediha yenno. 8Nnga mwasiwa gwa nni nyo hawandaga roromela ira Mulugu unomuvenyiha mutu mokwani?>>
9<<Na miyene wanle daumbuwela ira ili pama dilabe jatene jinawanda miyo laba ira nzina na Yesu wa Nazareti nahavweyege. 10Muwari mwa enne, dagali Jeruzalemu, andimuwa a anamakuta kagamanle dirumeliha, dohahinda atu otchenihiwa oindjiva, daahelihaga mukadeya. Eto kasumeliwaga ira kapiwe, dohorumelela ira kapiwe. 11Dowendawendetcha divolowaga munyumbani dofundjamo mazu datene, daaonihaga goyi atu omuroromela Yesu kafwanyeya emo, miyo funaga nnga kamululuvihe Yesu. Muwari mojamo na uwali wanna miyo zela atu omuroromela Yesu, dofiyeda mwezo odowa sidadi dimohi diwa da unde, daaharaharaga aliwa.>>
12<<Muwari mwa mabasa oatolotcha atu atene omuroromela Yesu, andimuwa a anamakuta badirumelihile, kadirumaga dowa Damaxiku ira didowe daaonihe anamamuhara Yesu goyi. Mwa enne didowaga wewule, 13nzuwa nagali vari na vari, miyo so mwene, diwendaga mundila, dohozeliwaga moneya wokumela zulu wokwaranya nzuwa. Dohoonaga moneya undimuwa umoneyaga vali miyo na afwaga kafwanyeya na miyo. 14Miyo na afwagene, hiyo atene nohogwa vati. Evale dohovwa nizu nawongaga na iwongelo ya iEberewu ira: <Sawulo, Sawulo, kodi unadiharaharela nni? Ng'ombe yavaha silipa imiri ya namakumbuza, inaporeya tchi ng'ombe.> 15Miyo dohonfukaga ira: <Nabwiya, nyo muli ani?> Nabwiya ohowongaga ira: <Miyo dili Yesu wenno unamuharahara we. 16Kavenya, uimele na manyalo awo. Miyo dizele wa weyo mwasiwa miyo peno duhuhambiha ira weyo ukale namalaba eto ukale mboni olaleya jionne we zela miyo vamohi na jinafuna miyo uwandela. 17Miyo nnerege ukoya mmandani mwa ale anafuna uharahara masiki aJudewu afwawo, masiki atu ohokala aJudewu. Tchoira miyo nnouruma ira udowe wa aJudewu vamohi na ohokala aJudewu 18ira waagudubulre atu meso, waakumihe atu muisini ira waahele mmoneyani, waakumihege mmandani mwa Satana, kadowege muUmweneni mwa Mulugu ira atu kaleveleliwe jotega eto kakayena yotambilra yewa vamohi na atu atene anatchenihiwa modiroromela miyo.> >>
19<<Nona so mwene Agiripa, jengo ja zulu Yesu jidiwandenle liye mmuruni mwaga, jengo ejile kadiwandile luluviha. 20Mbwenye dohoroma alaleya atu roma ale kafwanyeya Damaxiku, dowaga ale kafwanyeya Jeruzalemu, dowaga ale kafwanyeya ilambo ya Judeya, fiyeda atu ohokala aJudewu. Dalaleyetcha ira: <Mutwaruwe, mmuhare Mulugu. Mwatwaruwa, muiregena jengo jolingana no twaruwa wenyu.> 21Laleya waga wewo gu mulandu uhindiwena miyo na aJudewu dagali Nyumba ya Yehova kafunaga jodipa. 22Ira difiyede siku na peno va, unadikamiheda gu Mulugu. Mwa kopolo da Mulugu miyo nnouwandelani ibaribari nyo mwatene, andimuwa ahali andimuwa muli eva. Kannalaleya yengo yahali yenno imohive yawongetcha Mozeji na anamafiyiheda a wanle. 23Aliwa kalaleyetcha ira Namatikeliwa aza, unoonihiwa goyi eto unoza akale murandji venya mokwani ira awande amoneya aJudewu vamohi na atu ohokala aJudewu.>>
24Pawulo agalive muwari mowonga mbalume yaye, Governadore Festo ohowonga na mazu olimbiha ira: <<Pawulo we ukana mihala. Mihala diwa toira we usimbwa fundja.>> 25Mbwenye Pawulo kwi: <<So mundimuwa Festo, miyo kadinna mihala. Jinawonga miyo ji, nnawonga ja ibaribari, hiya ja mihala. 26Teto jinawonga miyo ji, mwene Agiripa umala iziwa. Miyo nnomuwandela mohoova tchoira miyo dihiiziwa ira liye kahi roma wene vwa jeji, tchoira jaireyile vatando vene.>> 27Evale Pawulo ohowonga na mwene Agiripa ira: <<Nyo so mwene Agiripa, kamunaroromela jawongetcha anamafiyiheda wanle? Miyo dihiiziwa ira nyo munororomela.>> 28Evale Agiripa ohomuwakula Pawulo ira: <<Kodi unafuna nnga ora imohive wagadigondjihile ira dikale muKiristawu?>> 29Pawulo kwi: <<Akala ora imohive nari vari va malambo madjindjene, miyo nnonvepa Mulugu ira nyo na afwinyu atene anadivwa peno, nyo mwatene muze mukale aKiristawu nnga miyo, so hiya mangiwa umangiwe miyo na makurenti ala.>>
30Vevale mwene Agiripa ohovenyavo. Ora imohive, Governadore Festo na Berenise na andimuwa afwiwa kagaratile evale na aliwene kovenyagavo. 31Kagadowile vewa vene, kohotapanya oka oka, aliwa ira: <<Hiyo nnoonavo ira mutula kanna mulandu ofuna kala mukadeya, nne kanna mulandu ofuna ira apiwe, nari.>> 32Evale mwene Agiripa ohowonga na nfwaye Festo eraga: <<Mutula ahawonga ira: <Miyo nnafuna didowe, datongiwe na Sezare>, ogokutchiwa.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral