Joira ja Anamarumiwa 12
12
Harahariwa owelela wa atu omuroromela Yesu
1Malambo anne, mwene Erodi ohoroma ahinda atu kafwanyeya munikuruni mwa atu omuroromela Yesu, liye aonihaga goyi. 2Ohompiha na supada mulombwana Tiyagu wenno ali Juwawu mbalaye. 3Evale Erodi agaonne ira: <<AJudewu kohoziveliwa ukwa wa Tiyagu>>, ohomuhindiha mulombwana Peduru. Tempu yahindiwe Peduru yalinganne na tempu ya Pwando ya Pawu Dohosakanyiwana Leverina.#12:3-4 Pwando ya Pawu Dohosakanyiwana Leverina: Nione rodape unafwanyeya Matewuji 26:17. 4Agamuhindihile, ohomuheliha kadeya, liye avaheda makuru mannayi a anyakondo ira kamuing'anelege. Kada nikuru nafwanyeyana anyakondo annayi. Erodi afunne ira Pwando ya Mavirelo yavira, ankumihemo mulombwana Peduru mukadeya mule ira amutonge vamentoni va aJudewu ira apiwe. 5Mulombwana Peduru agalive mukadeya mule, nikuru na atu omuroromela Yesu afwaye kafwanyeya kalobelaga mohogoma, kanvepaga Mulugu na mwasa wa mulombwana Peduru.
Mungelro ohonkumiha Peduru mukadeya
6Umahiyu wa siku nenne Erodi afuna liye nkumihamo Peduru, mulombwana Peduru afwanyeya agonaga, agali omangiwene na makurenti menli eto aing'aneliwaga na anyakondo ambinli, munyakondo mmohi wu, mmohiwa wu, liye vari. Kohokalawo eto agwarda kafwanyeya va mulango, kaing'anelaga kadeya ile. 7Peduru agonaga, morurumutcha ohozaga mungelro wa Nabwiya. Mwa enne mmba mule mohokala moneya. Mungelrole ohomusakwinyaga Peduru nikukuru, liye mururumutcha eraga: <<Kavenya mobaranya.>> Agairile eno, makurenti kaligi mmiwononi mwa mulombwana Peduru kohomoragamo. 8Evale mungelrole ohomuwandelaga Peduru ira: <<Katukula jowara jawo na sapato dawo, uware.>> Evale Peduru ohowaraga. Eto mungelrole ohomuwandelagave eraga: <<Kawara kapa yawo. Wamala, udiharege.>> 9Nomala eno, mungelrole ohosogolraga, Peduru liye muharaga. Mbwenye Peduru kaiziwile ira mungelrole ali wa ibaribari. Liye esaga tchi yengo Mulugu amuoniha liye mmuruni mwaye bahi. 10Aliwa kohafwanya agwarda oroma, akwaranya. Dowa afwanya agwarda owelela, akwaranya. Kagafiyile mulango wa momba wenno ali mulango okumela unde, mulangole ohofuguwaga ekave, aliwa kumela unde. Kagakumile, kohowendaga vang'onove kadowaga ndila imohi eni. Evale morurumutcha, mungelrole ohomudimela mulombwana Peduru.
11Vevale Peduru paromile liye onelramo ira: <<Va mbwenye dihikana ibaribari, miyo eni kannaroha. Nabwiya gumurumile mungelro waye ira adivunele mmandani mwa Erodi ira jadediha aJudewu jahaireye.>> 12Evale Peduru ohovenya liye dowaga vande va Mariya, mmaye Juwawu, Juwawu wenno anna nzina nimohi niwa na Markuji, vande vevo vagumanilege atu adjindji, kalobelaga. 13Peduru agafiyile mulango wa vatando, ohoroma gogoda musuwo. Evale namwali mmohi alaba vande vale eriwa Rode ohovenyaga ira amuone mutu guvi azile. 14Agavwile nizu na Peduru, ohovenyaga mohagalala, ahanahuleve musuwole, liye tamangela waligi atwale roma awandela ira: <<Peduru uhuza! Uli unde wu va mulango!>> 15Atwale kagavwile, kohoiraga: <<Weyo unawonga ja mihala.>> Mbwenye Rode ohokalela ntindi awongaga eraga: <<Nari, gu liyene Peduru.>> Atwale kohowongagave keraga: <<Afwase wenno gu mungelro waye bahi. Kahi Peduru.>>#12:15 wenno gu mungelro waye bahi: Atwale kawonga eno muwari mohowanda roromela ibaribari zela kutchiwa wa Peduru. Inakala nnga aliwa kabalra ira Peduru ohokana mungelro amuing'anela. 16Mbwenye jairaga atu enne, Peduru afwanyeyaga agogodagave. Evale aliwa kagahunle musuwo, na ibaribari kohomuona ira ali Peduru. Kagamuonne, kohotikiniheya valukulu. 17Evale Peduru ohovaha ionihedo na ndanda naye ira atwale kamiyale, liye roma wonga makalelo airile Nabwiya amukumihagamo mukadeya, liye ira: <<Mudowe mwamuwandele Tiyagu#12:17 Tiyagu unawongiwa gu mmohiwa hiya wenno Erodi ampihile liye. Tchoira aTiyagu kohoindjiva. Nione Joira ja Anamarumiwa 15:13, 21:16. na abalihu amohiwa jatene jidiireyele.>> Noira eno, ohokumaga evale, liye dowaga nimburo nimohi niwa.
18Mmetcheloni muwa, unde wagatchile, voira Peduru mukadeya mule kafwanyeyamo, anyakondo kamuing'anela Peduru ale kohokagana madugudugu ohokala a masika keraga: <<Kodi imuireyele Peduru nni?>> 19Eto Erodi funa ira ankumihemo Peduru, kanfwanyilemo. Vevale ohafuka agwarda ale zela jejo jaireyile, liye atonga ira kapiwe. Noira eno, Erodi ohovenyaga ilambo ya Judeya ile, liye dowa sidadi ya Sezariya, liye malawo malambo mangasi mangasi.
Mulugu ohompa Erodi na mwasa ovitukulela
20Atu a sidadi ya Tiru na sidadi ya Sidoni kaguletcha udja mwilamboni mwatonga mwene Erodi. Mwa enne tempu imohi Erodi ohatakaleliwa akuda Tiru na akuda Sidoni ale. Evale aliwa kohogumana, aliwa dowa wonga na mulombwana Balastu, mundimuwa alaba mabasa a palasiyo ya Erodi, aliwa pangana siku niwa ira kaze katongane, kaone akala kogowelela wandana akoka, na mwasa oira aliwa kaguletcha jodja mwilamboni mwaye. 21Siku napanganne atu nagakwakwanne, mwene Erodi ohowaraga jowara jaye ja umwene, liye garatela mpando mulukulu wa umwene, liye roma wonga na atwale. 22Agaromile wonga, aliwa kohoromaga wonga mokuwa keraga: <<Wenna unawonga kahi mutu, gu mulugu mmohi!>> 23Aliwa kakuwaga enne, tempu imohive yenne Nabwiya ohomuruma mungelro waye za mporotcha Erodi mwasiwa liye kamutitimihile Mulugu.#12:23 Erodi… kamutitimihile Mulugu: Erodi akwele na mwasa oira atu kamutetelaga nnga Mulugu, liye karunihile mazwale. Ere garati jaye, liye ziveliwaga jakuwa atu jile. Evale mbani mwaye mohofiyeda djiwa anamingu, liye mariheya.
24Mwa tempu yenne Mazu a Mulugu kodowave sogolro fiyeda balaleya muwari mwa atu oindjiva. 25Eto Barnabe na Sawulo kagatukunle kobiri yasokile atu omuroromela Yesu a Antiyokiya, kagadowilena Jeruzalemu, kagavelenle kobiri dile, kohovenyihana kawelelaga ilambo ya Antiyokiya. Kadowaga, kohomutukula mulombwana Juwawu wenno airiwa Markuji.
Currently Selected:
Joira ja Anamarumiwa 12: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Joira ja Anamarumiwa 12
12
Harahariwa owelela wa atu omuroromela Yesu
1Malambo anne, mwene Erodi ohoroma ahinda atu kafwanyeya munikuruni mwa atu omuroromela Yesu, liye aonihaga goyi. 2Ohompiha na supada mulombwana Tiyagu wenno ali Juwawu mbalaye. 3Evale Erodi agaonne ira: <<AJudewu kohoziveliwa ukwa wa Tiyagu>>, ohomuhindiha mulombwana Peduru. Tempu yahindiwe Peduru yalinganne na tempu ya Pwando ya Pawu Dohosakanyiwana Leverina.#12:3-4 Pwando ya Pawu Dohosakanyiwana Leverina: Nione rodape unafwanyeya Matewuji 26:17. 4Agamuhindihile, ohomuheliha kadeya, liye avaheda makuru mannayi a anyakondo ira kamuing'anelege. Kada nikuru nafwanyeyana anyakondo annayi. Erodi afunne ira Pwando ya Mavirelo yavira, ankumihemo mulombwana Peduru mukadeya mule ira amutonge vamentoni va aJudewu ira apiwe. 5Mulombwana Peduru agalive mukadeya mule, nikuru na atu omuroromela Yesu afwaye kafwanyeya kalobelaga mohogoma, kanvepaga Mulugu na mwasa wa mulombwana Peduru.
Mungelro ohonkumiha Peduru mukadeya
6Umahiyu wa siku nenne Erodi afuna liye nkumihamo Peduru, mulombwana Peduru afwanyeya agonaga, agali omangiwene na makurenti menli eto aing'aneliwaga na anyakondo ambinli, munyakondo mmohi wu, mmohiwa wu, liye vari. Kohokalawo eto agwarda kafwanyeya va mulango, kaing'anelaga kadeya ile. 7Peduru agonaga, morurumutcha ohozaga mungelro wa Nabwiya. Mwa enne mmba mule mohokala moneya. Mungelrole ohomusakwinyaga Peduru nikukuru, liye mururumutcha eraga: <<Kavenya mobaranya.>> Agairile eno, makurenti kaligi mmiwononi mwa mulombwana Peduru kohomoragamo. 8Evale mungelrole ohomuwandelaga Peduru ira: <<Katukula jowara jawo na sapato dawo, uware.>> Evale Peduru ohowaraga. Eto mungelrole ohomuwandelagave eraga: <<Kawara kapa yawo. Wamala, udiharege.>> 9Nomala eno, mungelrole ohosogolraga, Peduru liye muharaga. Mbwenye Peduru kaiziwile ira mungelrole ali wa ibaribari. Liye esaga tchi yengo Mulugu amuoniha liye mmuruni mwaye bahi. 10Aliwa kohafwanya agwarda oroma, akwaranya. Dowa afwanya agwarda owelela, akwaranya. Kagafiyile mulango wa momba wenno ali mulango okumela unde, mulangole ohofuguwaga ekave, aliwa kumela unde. Kagakumile, kohowendaga vang'onove kadowaga ndila imohi eni. Evale morurumutcha, mungelrole ohomudimela mulombwana Peduru.
11Vevale Peduru paromile liye onelramo ira: <<Va mbwenye dihikana ibaribari, miyo eni kannaroha. Nabwiya gumurumile mungelro waye ira adivunele mmandani mwa Erodi ira jadediha aJudewu jahaireye.>> 12Evale Peduru ohovenya liye dowaga vande va Mariya, mmaye Juwawu, Juwawu wenno anna nzina nimohi niwa na Markuji, vande vevo vagumanilege atu adjindji, kalobelaga. 13Peduru agafiyile mulango wa vatando, ohoroma gogoda musuwo. Evale namwali mmohi alaba vande vale eriwa Rode ohovenyaga ira amuone mutu guvi azile. 14Agavwile nizu na Peduru, ohovenyaga mohagalala, ahanahuleve musuwole, liye tamangela waligi atwale roma awandela ira: <<Peduru uhuza! Uli unde wu va mulango!>> 15Atwale kagavwile, kohoiraga: <<Weyo unawonga ja mihala.>> Mbwenye Rode ohokalela ntindi awongaga eraga: <<Nari, gu liyene Peduru.>> Atwale kohowongagave keraga: <<Afwase wenno gu mungelro waye bahi. Kahi Peduru.>>#12:15 wenno gu mungelro waye bahi: Atwale kawonga eno muwari mohowanda roromela ibaribari zela kutchiwa wa Peduru. Inakala nnga aliwa kabalra ira Peduru ohokana mungelro amuing'anela. 16Mbwenye jairaga atu enne, Peduru afwanyeyaga agogodagave. Evale aliwa kagahunle musuwo, na ibaribari kohomuona ira ali Peduru. Kagamuonne, kohotikiniheya valukulu. 17Evale Peduru ohovaha ionihedo na ndanda naye ira atwale kamiyale, liye roma wonga makalelo airile Nabwiya amukumihagamo mukadeya, liye ira: <<Mudowe mwamuwandele Tiyagu#12:17 Tiyagu unawongiwa gu mmohiwa hiya wenno Erodi ampihile liye. Tchoira aTiyagu kohoindjiva. Nione Joira ja Anamarumiwa 15:13, 21:16. na abalihu amohiwa jatene jidiireyele.>> Noira eno, ohokumaga evale, liye dowaga nimburo nimohi niwa.
18Mmetcheloni muwa, unde wagatchile, voira Peduru mukadeya mule kafwanyeyamo, anyakondo kamuing'anela Peduru ale kohokagana madugudugu ohokala a masika keraga: <<Kodi imuireyele Peduru nni?>> 19Eto Erodi funa ira ankumihemo Peduru, kanfwanyilemo. Vevale ohafuka agwarda ale zela jejo jaireyile, liye atonga ira kapiwe. Noira eno, Erodi ohovenyaga ilambo ya Judeya ile, liye dowa sidadi ya Sezariya, liye malawo malambo mangasi mangasi.
Mulugu ohompa Erodi na mwasa ovitukulela
20Atu a sidadi ya Tiru na sidadi ya Sidoni kaguletcha udja mwilamboni mwatonga mwene Erodi. Mwa enne tempu imohi Erodi ohatakaleliwa akuda Tiru na akuda Sidoni ale. Evale aliwa kohogumana, aliwa dowa wonga na mulombwana Balastu, mundimuwa alaba mabasa a palasiyo ya Erodi, aliwa pangana siku niwa ira kaze katongane, kaone akala kogowelela wandana akoka, na mwasa oira aliwa kaguletcha jodja mwilamboni mwaye. 21Siku napanganne atu nagakwakwanne, mwene Erodi ohowaraga jowara jaye ja umwene, liye garatela mpando mulukulu wa umwene, liye roma wonga na atwale. 22Agaromile wonga, aliwa kohoromaga wonga mokuwa keraga: <<Wenna unawonga kahi mutu, gu mulugu mmohi!>> 23Aliwa kakuwaga enne, tempu imohive yenne Nabwiya ohomuruma mungelro waye za mporotcha Erodi mwasiwa liye kamutitimihile Mulugu.#12:23 Erodi… kamutitimihile Mulugu: Erodi akwele na mwasa oira atu kamutetelaga nnga Mulugu, liye karunihile mazwale. Ere garati jaye, liye ziveliwaga jakuwa atu jile. Evale mbani mwaye mohofiyeda djiwa anamingu, liye mariheya.
24Mwa tempu yenne Mazu a Mulugu kodowave sogolro fiyeda balaleya muwari mwa atu oindjiva. 25Eto Barnabe na Sawulo kagatukunle kobiri yasokile atu omuroromela Yesu a Antiyokiya, kagadowilena Jeruzalemu, kagavelenle kobiri dile, kohovenyihana kawelelaga ilambo ya Antiyokiya. Kadowaga, kohomutukula mulombwana Juwawu wenno airiwa Markuji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral