2 Samuweli 5
5
Davi gu mwene wa Izarayeli na Juda
1Jagaireyile enne, malogo matene a Izarayeli kohomaruwaga, aliwa za nfwanya mwene Davi Eboroni ule. Kaganfwanyile, kohomuwandelaga keraga: <<Hiyo nili makuva amohive na maningo amohive na nyo.#5:1 Hiyo nili makuva amohive: Ku wonga ira: <<Hiyo nili muzizani mmohive.>> 2Hiya yennove, wanle Sawuli ahanakwe, agali mwene wehu, gu nyenne aasogolrelretcha anyakondo a Izarayeli kadowaga kondoni nari kakumaga kondoni. Eto nyo mohowandeliwa na Yehova Mulugu ira: <Sogolro weyo unoza waakumbuzege atwaga aIzarayeli eto unokala musogolrelri wewa.> >> 3Mwa enne andimuwa atene a aIzarayeli kagamanle wonga mazu anne, mwene Davi agavwile, ohorumelaga. Evale ohosakanyaga yopangana na aliwa vamentoni va Yehova. Noira enne, aliwa muhambiha Davi, liye kala mwene wewa Eboroni ule.
4-5Davi aromaga tonga nlogo na Juda anna yaka 30. Fwanyeya ira agali sidadi ya Eboroni ule, aatongile akuda Juda yaka tanu na mbinli na medi mitanu na mmohi. Eto agadowile Jeruzalemu, amanle yaka 33 aatongaga aIzarayeli na aJuda atene. Gumaniha yaka datene datongile liye, ali yaka 40.
Davi ohogondjiha sidadi ya Jeruzalemu
6Davi agahambihiwe umwene, ohomaruwaga na anyakondo aye, aliwa dowa muJeruzalemu ira kadowe kaagondjihe aJebuzi kakala mwemule. Evale aJebuzi ale kagamuonne mwene Davi vamohi na anyakondo aye, kohoromaga wonga keraga: <<Weyo nne kunaxixa ira unovolowa musidadi mwihu. Eto hiyo kannawana na weyo. So nnauvaheda aliba haona na aliba topinya bahi ira kawane na weyo, kaugondjihe!>> Aliwa umbuwelaga ira: <<Davi kanawanda volowa musidadi muno.>> 7-8Siku neno Davi agavwile zela mazu kawongilege atu, ohotakaleliwaga liye awandela anyakondo aye ira: <<Ira muwande apa aJebuzi ale, anno anaaona miyo nnga aliba haona na aliba topinya anno kaditakaleliwihile, inafwanela muvire munavira mahindje ira muwande apa.>>#5:7-8 Va Davi awongaga zela aliba haona na aliba topinya, unaaruwana aJebuzi atene, hiya wonga zela haona wa ibaribari. Nona iwongiwagave ante peno ira: <<Kalivo maliba haona nne maliba topinya unafuna volowa mmba!>> Noira enne, aliwa kohoromaga wana, aliwa fiyeda agondjiha aJebuzi. Muwari moagondjiha kohotukulaga ilambo ya mmwangoni mwemo mwafwanyeya mamburo apama otawelamo kaitaniwa Siyawu. Evale sidadile roma itaniwaga sidadi ya Davi.#5:7-8 sidadi ya Davi: Ku wonga Jeruzalemu. Fwanyeya ira vagamanle yaka dingasi dingasi, sidadi ya Jeruzalemu yohoulukula fiyeda kwaranya vakala Davi. Evale atu kairaga: <<sidadi ya Davi>>, kawonga zela tatamo akaletcha Davi muwari mwa Jeruzalemu. 9Davi agamanle igondjiha ilambo yafwanyeya nimburo nolimba nofwanela tawelamo naitaniwa Siyawu nne, ohotamaga, liye kalaga wewule. Mwa enne ohovaha sidadile nzina naye, sidadile aliwa itaniwaga sidadi ya Davi. Noira enne, ohowereweriha sidadi yatene yenne muru mulukulu, kuma nimburo naitaniwa Milu ante palasiyoni waye. 10Evale Davi umwene waye woulukulave, na mwasa oira Yehova Mulugu wa Makuru Matene ali na liye.
11Davi agalive mwene, vagamanle malambo a vang'ono, mwene wa sidadi ya Tiru wenno aitaniwa Hirawu, ohomurumihedaga mwene Davi mitengo da seduru na anamasema na aliba manga nyumba eto ohomurumihedaga milanyo eraga: <<Miyo nnourumiheda ira aliwa kaumangele nyumba.>> 12Mwa enne Davi pawandile liye iziwa ira: <<Na ibaribari eni Yehova uhuimeliha pama umwene waga eto uhudivweyiha. Eto umwene waga unave ulukula na mwasa ozivela ulukulu unna Yehova na atwaye aIzarayeli!>>
13Mwene Davi vatamile liye Eboroni adowa akalaga muJeruzalemu, ohakana amwendaye vamohi na ahiyana amohiwa muJeruzalemu emule.#5:13 ohakana ahiyana amohiwa vamohi na amwendaye a muJeruzalemu emule: Mazwala kahi mazu omutetela Davi. Mwasiwa Mulugu ohowonga ira mwene kavende joakana ahiyana pwi pwi. (Detoronomiyo 17:17) Fwanyeya ira Davi kawandile wenda na makalelo ofwanela vamentoni va Mulugu zela ja ahiyana. Nione eto 2 Samuweli 11:2-5,27. Evale Davi ohabalana ahima amohiwa oindjivene, a alombwana vamohi na ahiyana. 14Ahima aabanle liye agali Jeruzalemu maziniwa ba ala: Samuwa, Sobabe, Nata, Salomawu, 15Ibari, Elisuwa, Nefegi, Jafiya, 16Elizama, Eliyada na Elifeleti.
Davi ohagondjiha aFilistewu
17Mwa malambo anne aFilistewu kagavwile ira: <<Eni mulombwana Davi uhambihiwa umwene>>, kohogundeyaga ira kadowe kamuhinde. Davi agavwile, ohovenyaga, liye tawela nimburo nolimba nofwanela tawelamo. 18Evale anyakondo a aFilistewu ale kagazile, kohoromaga mwadeya ndabo na Refayina. 19Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>> 20Evale Davi vamohi na anyakondo aye kohodowaga ilambo imohi eni, aliwa agondjiha aFilistewu ale. Nomala eno Davi ohowongaga eraga: <<Yehova uhabwanyula aFilistewu nnga jinaira mahindje madjindji kabomaga jengo!>> Nona nimburo nenne nadowile Davi agondjiha aFilistewu nzina niwa kaitanaga Bali-Perazimi [ku wonga Nabwiya obwanyula]. 21Eto fwanyeya ira aFilistewu ale katawaga, kohiyaga vikwamutu josema jiwa. Evale Davi na atwaye kohododa, aliwa dowagana.#5:21 kohododa, aliwa dowagana: Nafwanya 1 Koronika 14:12, nnovwa ira Davi oharuma atwaye ira katumeye vikwamutu josema jaawakile atu amwidaniwa nnga Mulugu mwawongele liye. (Detoronomiyo 7:5)
22Jatene eji jagaireyile, vagamanle malambo, aFilistewu kohowelave akoka ira kaze kawane na Davi. Aliwa kohomaruwaga, aliwa dowa gaweya ndabo na Refayina nakoka nenne. 23Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa. 24Wavwa kalaga nnga migugudo da atu dikumelaga muzulu mwa mitengo da amore, udowe wawane mwasiwa miyo Yehova nnadowa sogolro wawo ira daagondjihe anyakondo a aFilistewu!>> 25Noira enne, Davi ohoirana nnga mwemo mwamuwandenle Yehova. Evale ohofiyeda agondjiha aFilistewu, liye atamangihaga kuma Jeba fiyeda Jezeri.
Currently Selected:
2 Samuweli 5: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
2 Samuweli 5
5
Davi gu mwene wa Izarayeli na Juda
1Jagaireyile enne, malogo matene a Izarayeli kohomaruwaga, aliwa za nfwanya mwene Davi Eboroni ule. Kaganfwanyile, kohomuwandelaga keraga: <<Hiyo nili makuva amohive na maningo amohive na nyo.#5:1 Hiyo nili makuva amohive: Ku wonga ira: <<Hiyo nili muzizani mmohive.>> 2Hiya yennove, wanle Sawuli ahanakwe, agali mwene wehu, gu nyenne aasogolrelretcha anyakondo a Izarayeli kadowaga kondoni nari kakumaga kondoni. Eto nyo mohowandeliwa na Yehova Mulugu ira: <Sogolro weyo unoza waakumbuzege atwaga aIzarayeli eto unokala musogolrelri wewa.> >> 3Mwa enne andimuwa atene a aIzarayeli kagamanle wonga mazu anne, mwene Davi agavwile, ohorumelaga. Evale ohosakanyaga yopangana na aliwa vamentoni va Yehova. Noira enne, aliwa muhambiha Davi, liye kala mwene wewa Eboroni ule.
4-5Davi aromaga tonga nlogo na Juda anna yaka 30. Fwanyeya ira agali sidadi ya Eboroni ule, aatongile akuda Juda yaka tanu na mbinli na medi mitanu na mmohi. Eto agadowile Jeruzalemu, amanle yaka 33 aatongaga aIzarayeli na aJuda atene. Gumaniha yaka datene datongile liye, ali yaka 40.
Davi ohogondjiha sidadi ya Jeruzalemu
6Davi agahambihiwe umwene, ohomaruwaga na anyakondo aye, aliwa dowa muJeruzalemu ira kadowe kaagondjihe aJebuzi kakala mwemule. Evale aJebuzi ale kagamuonne mwene Davi vamohi na anyakondo aye, kohoromaga wonga keraga: <<Weyo nne kunaxixa ira unovolowa musidadi mwihu. Eto hiyo kannawana na weyo. So nnauvaheda aliba haona na aliba topinya bahi ira kawane na weyo, kaugondjihe!>> Aliwa umbuwelaga ira: <<Davi kanawanda volowa musidadi muno.>> 7-8Siku neno Davi agavwile zela mazu kawongilege atu, ohotakaleliwaga liye awandela anyakondo aye ira: <<Ira muwande apa aJebuzi ale, anno anaaona miyo nnga aliba haona na aliba topinya anno kaditakaleliwihile, inafwanela muvire munavira mahindje ira muwande apa.>>#5:7-8 Va Davi awongaga zela aliba haona na aliba topinya, unaaruwana aJebuzi atene, hiya wonga zela haona wa ibaribari. Nona iwongiwagave ante peno ira: <<Kalivo maliba haona nne maliba topinya unafuna volowa mmba!>> Noira enne, aliwa kohoromaga wana, aliwa fiyeda agondjiha aJebuzi. Muwari moagondjiha kohotukulaga ilambo ya mmwangoni mwemo mwafwanyeya mamburo apama otawelamo kaitaniwa Siyawu. Evale sidadile roma itaniwaga sidadi ya Davi.#5:7-8 sidadi ya Davi: Ku wonga Jeruzalemu. Fwanyeya ira vagamanle yaka dingasi dingasi, sidadi ya Jeruzalemu yohoulukula fiyeda kwaranya vakala Davi. Evale atu kairaga: <<sidadi ya Davi>>, kawonga zela tatamo akaletcha Davi muwari mwa Jeruzalemu. 9Davi agamanle igondjiha ilambo yafwanyeya nimburo nolimba nofwanela tawelamo naitaniwa Siyawu nne, ohotamaga, liye kalaga wewule. Mwa enne ohovaha sidadile nzina naye, sidadile aliwa itaniwaga sidadi ya Davi. Noira enne, ohowereweriha sidadi yatene yenne muru mulukulu, kuma nimburo naitaniwa Milu ante palasiyoni waye. 10Evale Davi umwene waye woulukulave, na mwasa oira Yehova Mulugu wa Makuru Matene ali na liye.
11Davi agalive mwene, vagamanle malambo a vang'ono, mwene wa sidadi ya Tiru wenno aitaniwa Hirawu, ohomurumihedaga mwene Davi mitengo da seduru na anamasema na aliba manga nyumba eto ohomurumihedaga milanyo eraga: <<Miyo nnourumiheda ira aliwa kaumangele nyumba.>> 12Mwa enne Davi pawandile liye iziwa ira: <<Na ibaribari eni Yehova uhuimeliha pama umwene waga eto uhudivweyiha. Eto umwene waga unave ulukula na mwasa ozivela ulukulu unna Yehova na atwaye aIzarayeli!>>
13Mwene Davi vatamile liye Eboroni adowa akalaga muJeruzalemu, ohakana amwendaye vamohi na ahiyana amohiwa muJeruzalemu emule.#5:13 ohakana ahiyana amohiwa vamohi na amwendaye a muJeruzalemu emule: Mazwala kahi mazu omutetela Davi. Mwasiwa Mulugu ohowonga ira mwene kavende joakana ahiyana pwi pwi. (Detoronomiyo 17:17) Fwanyeya ira Davi kawandile wenda na makalelo ofwanela vamentoni va Mulugu zela ja ahiyana. Nione eto 2 Samuweli 11:2-5,27. Evale Davi ohabalana ahima amohiwa oindjivene, a alombwana vamohi na ahiyana. 14Ahima aabanle liye agali Jeruzalemu maziniwa ba ala: Samuwa, Sobabe, Nata, Salomawu, 15Ibari, Elisuwa, Nefegi, Jafiya, 16Elizama, Eliyada na Elifeleti.
Davi ohagondjiha aFilistewu
17Mwa malambo anne aFilistewu kagavwile ira: <<Eni mulombwana Davi uhambihiwa umwene>>, kohogundeyaga ira kadowe kamuhinde. Davi agavwile, ohovenyaga, liye tawela nimburo nolimba nofwanela tawelamo. 18Evale anyakondo a aFilistewu ale kagazile, kohoromaga mwadeya ndabo na Refayina. 19Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>> 20Evale Davi vamohi na anyakondo aye kohodowaga ilambo imohi eni, aliwa agondjiha aFilistewu ale. Nomala eno Davi ohowongaga eraga: <<Yehova uhabwanyula aFilistewu nnga jinaira mahindje madjindji kabomaga jengo!>> Nona nimburo nenne nadowile Davi agondjiha aFilistewu nzina niwa kaitanaga Bali-Perazimi [ku wonga Nabwiya obwanyula]. 21Eto fwanyeya ira aFilistewu ale katawaga, kohiyaga vikwamutu josema jiwa. Evale Davi na atwaye kohododa, aliwa dowagana.#5:21 kohododa, aliwa dowagana: Nafwanya 1 Koronika 14:12, nnovwa ira Davi oharuma atwaye ira katumeye vikwamutu josema jaawakile atu amwidaniwa nnga Mulugu mwawongele liye. (Detoronomiyo 7:5)
22Jatene eji jagaireyile, vagamanle malambo, aFilistewu kohowelave akoka ira kaze kawane na Davi. Aliwa kohomaruwaga, aliwa dowa gaweya ndabo na Refayina nakoka nenne. 23Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa. 24Wavwa kalaga nnga migugudo da atu dikumelaga muzulu mwa mitengo da amore, udowe wawane mwasiwa miyo Yehova nnadowa sogolro wawo ira daagondjihe anyakondo a aFilistewu!>> 25Noira enne, Davi ohoirana nnga mwemo mwamuwandenle Yehova. Evale ohofiyeda agondjiha aFilistewu, liye atamangihaga kuma Jeba fiyeda Jezeri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral